- ಬೆಂಗಳೂರಿನ ವಾಯುಮಾಲಿನ್ಯಕ್ಕೆ ವಾಹನಗಳಿಗಿಂತ ರಸ್ತೆಗುಂಡಿಗಳೇ ಮೂಲ ಕಾರಣ
- ನಗರದ ವಾಯುಗುಣಮಟ್ಟ ಕುಸಿತದಿಂದ ಆಯುಷ್ಯ 2 ವರ್ಷ ಕಡಿಮೆಯಾಗುವ ಆತಂಕ
- ಬೆಂಗಳೂರಿನ ರಸ್ತೆಗಳ ಅವ್ಯವಸ್ಥೆ ಮಾಲಿನ್ಯ ಹೆಚ್ಚಿಸುತ್ತಿದ್ದು ಕೂಡಲೇ ಸೂಕಿ ಕ್ರಮ ಕೈಗೊಳ್ಳಲು ಸೂಚನೆ
Bengaluru: ಇತ್ತೀಚಿನ ದಿನಗಳಲ್ಲಿ ಬೆಂಗಳೂರಿನ (Bengaluru) ವಾಯುಮಾಲಿನ್ಯ ಆತಂಕಕಾರಿ ಮಟ್ಟಕ್ಕೆ ಏರಿದೆ. (Pollution Control Board shocking statement)
ದಿನದಿಂದ ದಿನಕ್ಕೆ ಕಲುಷಿತಗೊಳ್ಳುತ್ತಿರುವ ರಾಜಧಾನಿಯ ಗಾಳಿ, ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿದೆ.
ಸಾಮಾನ್ಯವಾಗಿ ವಾಹನಗಳ ಹೊಗೆ, ನಿರ್ಮಾಣ ಕಾಮಗಾರಿಗಳ ಧೂಳು ಇವೇ ಮಾಲಿನ್ಯಕ್ಕೆ ಕಾರಣ ಎಂದು ಎಲ್ಲರೂ ಭಾವಿಸುತ್ತಿದ್ದರು.
ಆದರೆ, ಈಗ ಮಾಲಿನ್ಯ ನಿಯಂತ್ರಣ ಮಂಡಳಿ (KSPCB) ಬಿಚ್ಚಿಟ್ಟಿರುವ ಮಾಹಿತಿ ಎಲ್ಲರಿಗೂ ಅಚ್ಚರಿ ತಂದಿದೆ. (Pollution Control Board shocking statement)
ಹೌದು ಬೆಂಗಳೂರಿನ ರಸ್ತೆಯ ಗುಂಡಿಗಳು ಹಾಗೂ ಅಸಮರ್ಪಕ ರಸ್ತೆ ನಿರ್ವಹಣೆಯೇ ಬೆಂಗಳೂರಿನ ವಾಯುಮಾಲಿನ್ಯ ಹೆಚ್ಚಳಕ್ಕೆ ಪ್ರಮುಖ ಕಾರಣಗಳಲ್ಲೊಂದು ಎನ್ನಲಾಗಿದೆ.
ಬೆಂಗಳೂರಿನ ಹಲವು ಮುಖ್ಯ ರಸ್ತೆಗಳಲ್ಲಿನ ಗುಂಡಿಗಳು ದಿನೇ ದಿನೇ ಹೆಚ್ಚುತ್ತಿದ್ದು, ವಾಹನ ಸಂಚಾರದ ವೇಳೆ ಈ ಗುಂಡಿಗಳಿಂದ ಎದ್ದೇಳುವ ಧೂಳಿನ ಕಣಗಳು ನೇರವಾಗಿ ವಾತಾವರಣ ಸೇರಿ ಮಾಲಿನ್ಯ ಹೆಚ್ಚಿಸುತ್ತಿವೆ.
ಈ ಧೂಳಿನ ಕಣಗಳು ಪಾರ್ಟಿಕ್ಯುಲೇಟ್ ಮ್ಯಾಟರ್ (Particulate matter) (PM 2.5 ಮತ್ತು PM 10)ರೂಪದಲ್ಲಿ ಗಾಳಿಯಲ್ಲಿ ಬೆರೆತು, ಉಸಿರಾಟ ಸಮಸ್ಯೆ, ಆಸ್ತಮಾ ಹಾಗೂ ಹೃದಯ ಸಂಬಂಧಿ ಕಾಯಿಲೆಗಳಿಗೆ ಕಾರಣವಾಗುತ್ತಿವೆ ಎಂದು ತಜ್ಞರು ಹೇಳಿದ್ದಾರೆ.
ಮಾಲಿನ್ಯ ನಿಯಂತ್ರಣ ಮಂಡಳಿಯ ಅಧಿಕಾರಿಗಳ ಪ್ರಕಾರ, ಬೆಂಗಳೂರಿನ ರಸ್ತೆಗುಂಡಿಗಳನ್ನು ಮುಚ್ಚುವ ಕೆಲಸ ನಿರಂತರ ವಿಳಂಬವಾಗುತ್ತಿರುವುದು ಮಾಲಿನ್ಯ ನಿಯಂತ್ರಣದ ದೊಡ್ಡ ಅಡಚಣೆ. ಅನೇಕ ಪ್ರದೇಶಗಳಲ್ಲಿ ಕಾಮಗಾರಿಗಳು ಮಧ್ಯದಲ್ಲೇ ನಿಂತು ಹೋಗಿರುವುದರಿಂದ ಧೂಳು ವಾತಾವರಣದಲ್ಲಿ ತೇಲುತ್ತಿದೆ.
ಇನ್ನು ವಾಹನ ಸಂಚಾರದ ಪ್ರಮಾಣ ಈಗಾಗಲೇ ಮಿತಿಮೀರಿದೆ. ಸರಾಸರಿ ಅಂದಾಜು ಪ್ರಕಾರ, ಪ್ರತಿದಿನವೂ 1 ಕೋಟಿಗೂ ಹೆಚ್ಚು ವಾಹನಗಳು ಬೆಂಗಳೂರಿನ ರಸ್ತೆಗಳ ಮೇಲೆ ಸಂಚಾರ ನಡೆಸುತ್ತಿವೆ.
ಇದಕ್ಕೆ ಸೇರ್ಪಡೆಗೊಂಡಿರುವ ಹೊಸ ಲೇಔಟ್ (Layout) ನಿರ್ಮಾಣ, ಮರಗಳ ಕಡಿತ, ನಿರ್ಮಾಣ ಕಾಮಗಾರಿಗಳ ವೇಳೆ ಧೂಳಿನ ಕಣಗಳು ಇವೆಲ್ಲವೂ ಸೇರಿ ವಾತಾವರಣದ ಶುದ್ಧತೆಗೆ ಹಾನಿ ಉಂಟುಮಾಡುತ್ತಿವೆ.
ಇನ್ನು ರಸ್ತೆ ಅಗಲೀಕರಣ ಹಾಗೂ ನಿರ್ಮಾಣ ಕಾಮಗಾರಿಗಳ ವೇಳೆ ಸೂಕ್ತ ಧೂಳಿನ ನಿಯಂತ್ರಣ ಕ್ರಮ ಕೈಗೊಳ್ಳದಿರುವುದು ಸಮಸ್ಯೆಯನ್ನು ಮತ್ತಷ್ಟು ಗಂಭೀರಗೊಳಿಸಿದೆ.
ಧೂಳಿನ ಕಣಗಳನ್ನು ನಿಯಂತ್ರಿಸಲು ನೀರಿನ ಸಿಂಪಡಣೆ ಅಥವಾ ಪ್ಲಾಸ್ಟಿಕ್ ಶೀಟ್ (Plastic Sheet) ಕವಚಗಳನ್ನು ಬಳಸುವ ನಿಯಮಗಳು ಇದ್ದರೂ, ಅನೇಕರಲ್ಲಿ ಅವು ಪಾಲನೆಯಾಗುತ್ತಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
2024ರ ಸ್ವಚ್ಚ ಸರ್ವೇಕ್ಷಣಾ ಪಟ್ಟಿಯಲ್ಲಿ ಬೆಂಗಳೂರು 28ನೇ ಸ್ಥಾನದಲ್ಲಿದ್ದರೆ, 2025ರಲ್ಲಿ 36ನೇ ಸ್ಥಾನಕ್ಕೆ ಕುಸಿದಿದೆ.
ಈ ಕುಸಿತ ನಗರ ಮಾಲಿನ್ಯದ ಗಂಭೀರತೆಗೆ ಸಾಕ್ಷಿಯಾಗಿದೆ. ಕೇಂದ್ರ ಸರ್ಕಾರದ ಅಂಕಿಅಂಶಗಳ ಪ್ರಕಾರ, ಬೆಂಗಳೂರಿನ ವಾಯುಗುಣಮಟ್ಟ ನಿರಂತರ ಕುಸಿಯುತ್ತಿದ್ದು, ಜನರ ಸರಾಸರಿ ಆಯುಷ್ಯವು 2 ವರ್ಷಗಳಷ್ಟು ಕಡಿಮೆಯಾಗುವ ಸಾಧ್ಯತೆ ಉಂಟಾಗಿದೆ.
ವಾಯುಗುಣಮಟ್ಟ ಸೂಚ್ಯಂಕ (AQI) 200 ಮೀರಿದಾಗ ಅದು ಅನಾರೋಗ್ಯಕರ ಮಟ್ಟವೆಂದು ಪರಿಗಣಿಸಲಾಗುತ್ತದೆ. ಇತ್ತೀಚಿನ ವಾರಗಳಲ್ಲಿ ನಗರದ ಅನೇಕ ಪ್ರದೇಶಗಳಲ್ಲಿ AQI 250-300 ನಡುವಣ ಮಟ್ಟದಲ್ಲಿ ದಾಖಲಾಗಿದ್ದು ಇದು ಎಚ್ಚರಿಕೆಯ ಸೂಚನೆಯಾಗಿದೆ.
