Visit Channel

ಸಾಯಿಕುಮಾರ್ ಗೆ ಶುಭ ಕೋರಿದ ಪವರ್ ಸ್ಟಾರ್

WhatsApp Image 2021-01-29 at 4.50.05 PM

ಅಂದಹಾಗೆ ಇದು ಯಾವುದೋ ಸಿನಿಮಾ ಮುಹೂರ್ತದಲ್ಲಿ ಶುಭ ಕೋರಿರುವ ಸುದ್ದಿಯಲ್ಲ. ಡೈಲಾಗ್ ಕಿಂಗ್ ಸಾಯಿಕುಮಾರ್ ಅವರ ಪುತ್ರಿಯ ಫುಡ್ ಪ್ರಾಡಕ್ಟ್ ಸಂಸ್ಥೆಗೆ ಪುನೀತ್ ರಾಜ್ ಕುಮಾರ್ ಶುಭ ಹಾರೈಸಿದ್ದಾರೆ. ವೃತ್ತಿಯಲ್ಲಿ ವೈದ್ಯೆಯಾಗಿರುವ ಜ್ಯೋತಿರ್ಮಯಿ ಅವರು ತಮ್ಮ ಪತಿ ಕೃಷ್ಣ ಪಲ್ಗುಣ ಅವರೊಂದಿಗೆ ಸೇರಿಕೊಂಡು ಆರಂಭಿಸಿರುವ ಮಕ್ಕಳ ಆಹಾರದ ಸಂಸ್ಥೆ `ಫುಡ್ ಸ್ಟೆಪ್‌’ನ ಉದ್ಘಾಟನಾ ಸಮಾರಂಭಕ್ಕೆ ವಿಶೇಷ ಅತಿಥಿಯಾಗಿ ಆಗಮಿಸಿದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರು ಸಂಸ್ಥೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

“ಇಂಥ ಮಕ್ಕಳ ಫುಡ್ ಪ್ರಾಡಕ್ಟ್‌ಗಳನ್ನು ನಾವು ವಿದೇಶಗಳಲ್ಲಿ ಮಾತ್ರ ನೋಡುತ್ತಿದ್ದೆವು. ಈಗ ನಮ್ಮಲ್ಲಿಗೂ ಬಂದಿರುವುದು ಖುಷಿಯ ವಿಚಾರ. ಇದು ನಮ್ಮ ಎಲ್ಲ ತಾಯಂದಿರಿಗೂ ಸಹಾಯವಾಗುತ್ತದೆ. ಜ್ಯೋತಿರ್ಮಯಿ ಅವರ ಸಂಸ್ಥೆ ಉತ್ತಮವಾಗಿ ಬೆಳೆಯಲಿ” ಎಂದು ಪುನೀತ್ ರಾಜ್ ಕುಮಾರ್ ಅವರು ಶುಭ ಕೋರಿದರು. ಡಾ. ಜ್ಯೋತಿರ್ಮಯಿ ಅವರು ಮಕ್ಕಳ ಪಿಡಿಯಾಟ್ರಿಶನ್ ಆಗಿ ಹೆಸರು ಮಾಡಿದವರು. ಇದೀಗ ಮಕ್ಕಳಿಗೆ ರುಚಿಸುವಂಥ ಪೌಷ್ಠಿಕಾಂಶ ಭರಿತ ಆಹಾರದ ತಯಾರಿ ಮಾಡಿದ್ದಾರೆ. `ಫುಡ್ ಸ್ಟೆಪ್ಸ್’ ಪ್ರಾಡಕ್ಟ್‌ನ ಬಿಡುಗಡೆಯ ಸಂದರ್ಭದಲ್ಲೇ ಅಧಿಕೃತ ಜಾಹೀರಾತು ಕೂಡ ಬಿಡುಗಡೆಗೊಳಿಸಲಾಯಿತು. ಆ ಜಾಹೀರಾತನ್ನು ಸಾಯಿಕುಮಾರ್ ಅವರ ಸಹೋದರ ರವಿಶಂಕರ್ ಅವರ ಪುತ್ರ ಅದ್ವಯ್ ನಿರ್ದೇಶಿಸಿದ್ದಾರೆ. ಆ ಜಾಹೀರಾತಿನ ಬಗ್ಗೆಯೂ ಪುನೀತ್ ಮೆಚ್ಚುಗೆ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಮೊದಲ ಪ್ರಾಡಕ್ಟ್ ಪಡೆಯುವ ಸೆಲೆಬ್ರಿಟಿ ಗ್ರಾಹಕಿಯಾಗಿ ಶ್ವೇತಾ ಶ್ರೀವಾತ್ಸವ ತಮ್ಮ ಪುಟ್ಟ ಮಗುವಿನ ಜೊತೆಗೆ ಆಗಮಿಸಿದ್ದರು. ಸಾಯಿಕುಮಾರ್ ಸಹೋದರರು ಮತ್ತು ಜನಪ್ರಿಯ ಕಲಾವಿದರಾದ ರವಿಶಂಕರ್, ಅಯ್ಯಪ್ಪ ಶರ್ಮ ಸೇರಿದಂತೆ ಪೂರ್ತಿ ಕುಟುಂಬ ಈ ಸಂದರ್ಭದಲ್ಲಿ ಉಪಸ್ಥಿತಿಯಿತ್ತು.

Latest News

Pingali
ಮಾಹಿತಿ

ನಮ್ಮ ರಾಷ್ಟ್ರಧ್ವಜವನ್ನು ನಿರ್ಮಿಸಿದ ಪಿಂಗಳಿ ವೆಂಕಯ್ಯ, ಮೊದಲು ಬ್ರಿಟಿಷ್ ಸೈನ್ಯದಲ್ಲಿದ್ದರು ; ಇಲ್ಲಿದೆ ಓದಿ ಅಚ್ಚರಿಯ ಮಾಹಿತಿ

ದೇಶಕ್ಕೊಂದು ಧ್ವಜಕೊಟ್ಟು 100 ವರ್ಷ ಕಳೆದರೂ ಪಿಂಗಳಿ ಅವರ ನೆನಪು ಅಜರಾಮರವಾಗಿದೆ. ಪಿಂಗಳಿ ವೆಂಕಯ್ಯ ಅವರ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯನ್ನು ತಿಳಿದುಕೊಳ್ಳೋಣ ಮುಂದೆ ಓದಿ.

JK
ದೇಶ-ವಿದೇಶ

ಜಮ್ಮು-ಕಾಶ್ಮೀರದಲ್ಲಿ ಕಾಶ್ಮೀರಿ ಪಂಡಿತರನ್ನು ಹತ್ಯೆಗೈದ ಭಯೋತ್ಪಾದಕರು!

ಕಾಶ್ಮೀರಿ ಪಂಡಿತರೊಬ್ಬರನ್ನು(Kashmiri Pandits) ಗುಂಡಿಕ್ಕಿ ಕೊಂದು ಆತನ ಸಹೋದರನನ್ನು ಗಾಯಗೊಳಿಸಿದ್ದಾರೆ. ಸಂತ್ರಸ್ತ ಸಹೋದರನನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿದೆ.

Assam
ದೇಶ-ವಿದೇಶ

ತನ್ನ ಪ್ರೀತಿಯನ್ನು ನಿರೂಪಿಸಲು, ಏಡ್ಸ್ ರೋಗವಿರುವ ಪ್ರಿಯಕರನ ರಕ್ತವನ್ನು ತನ್ನ ದೇಹಕ್ಕೆ ಚುಚ್ಚಿಕೊಂಡ 15 ವರ್ಷದ ಹುಡುಗಿ!

ಏಡ್ಸ್ ರೋಗವಿರುವ ತನ್ನ ಹುಡುಗನ ರಕ್ತವನ್ನು ಸೂಜಿಯ ಮೂಲಕ ತನ್ನ ದೇಹಕ್ಕೆ ಚುಚ್ಚಿಕೊಂಡಿದ್ದಾಳಂತೆ! ಇನ್ನೊಂದು ಅಚ್ಚರಿಯ ವಿಷಯ ಎಂದರೆ, ಈಕೆಯ ವಯಸ್ಸು ಕೇವಲ 15 ವರ್ಷ!