- ನಂದಿನಿ ಉತ್ಪನ್ನಗಳ ಬೆಲೆ ಇಳಿಕೆ ಗ್ರಾಹಕರಿಗೆ ಹಬ್ಬದ ಉಡುಗೊರೆ
- ಜಿಎಸ್ಟಿ ಇಳಿಕೆ ಬೆನ್ನಲ್ಲೇ ದರ ಕಡಿತ
- ಕರ್ನಾಟಕದ ಜನತೆಗೆ ಆರ್ಥಿಕ ನೆರವು (Prices of Nandini products to be reduced from September 22)
Bengaluru: ಕರ್ನಾಟಕದ ಜನತೆಗೆ ಕರ್ನಾಟಕ ಮಿಲ್ಕ್ ಫೆಡರೇಶನ್ (KMF) ದೊಡ್ಡ ಮಟ್ಟದ ಖುಷಿಯ ಸುದ್ದಿಯನ್ನು ನೀಡಿದೆ.
ನಂದಿನಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳ ದರದಲ್ಲಿ ಶೀಘ್ರದಲ್ಲೇ ಇಳಿಕೆ ಆಗಲಿದ್ದು, ಇದರಿಂದ ಗ್ರಾಹಕರು ನೇರವಾಗಿ ಪ್ರಯೋಜನ ಪಡೆಯಲಿದ್ದಾರೆ.
ಸೆಪ್ಟೆಂಬರ್ 22ರಿಂದಲೇ ಹೊಸ ದರ ಜಾರಿಯಾಗುವ ಸಾಧ್ಯತೆ ಇದೆ.ಕೇಂದ್ರ ಸರ್ಕಾರವು ಇತ್ತೀಚೆಗೆ ಹಾಲಿನ ಉತ್ಪನ್ನಗಳ ಮೇಲಿನ ಸರಕು ಮತ್ತು ಸೇವಾ ತೆರಿಗೆ (GST) ದರವನ್ನು
ಶೇ.12ರಿಂದ ಶೇ.5ಕ್ಕೆ ಇಳಿಕೆ ಮಾಡಿದೆ. ಈ ನಿರ್ಧಾರದಿಂದ ಸಾಮಾನ್ಯ ಗ್ರಾಹಕರು ಖರ್ಚು ಕಡಿಮೆ ಮಾಡಿಕೊಳ್ಳುವ ಅವಕಾಶ ಸಿಕ್ಕಂತಾಗಿದೆ.
ಕೇಂದ್ರದ ಈ ಕ್ರಮದ ಬೆನ್ನಲ್ಲೇ ಕೆಎಂಎಫ್ ತನ್ನ ಜನಪ್ರಿಯ ಬ್ರ್ಯಾಂಡ್ ನಂದಿನಿ ಉತ್ಪನ್ನಗಳ ಬೆಲೆ ಇಳಿಸುವ ಬಗ್ಗೆ ಚರ್ಚೆ ನಡೆಸಿ ಅಂತಿಮ ತೀರ್ಮಾನಕ್ಕೆ ಬಂದಿದೆ.
ಕೆಎಂಎಫ್ ಅಧಿಕಾರಿಗಳ ಸಭೆಯಲ್ಲಿ ಮೊಸರು, ತುಪ್ಪ, ಬೆಣ್ಣೆ, ಲಸ್ಸಿ ಸೇರಿದಂತೆ ಹಲವು ಉತ್ಪನ್ನಗಳ ದರ ಕಡಿತಕ್ಕೆ ನಿರ್ಧಾರ ಕೈಗೊಂಡಿದ್ದಾರೆ.
ವಿಶೇಷವಾಗಿ ಮೊಸರಿನ ಬೆಲೆ ಪ್ರತಿ ಲೀಟರ್ಗೆ ಸುಮಾರು 4 ರೂ. ಇಳಿಕೆ ಆಗುವ ನಿರೀಕ್ಷೆ ಇದೆ. ತುಪ್ಪ, ಬೆಣ್ಣೆ ಮತ್ತು ಲಸ್ಸಿಯ ಬೆಲೆಯಲ್ಲಿಯೂ ಸಹ ತಗ್ಗುವ ಸಾಧ್ಯತೆ ಇದೆ.
ಈ ಮೂಲಕ ನಂದಿನಿ ಉತ್ಪನ್ನಗಳನ್ನು ಖರೀದಿಸುವ ಕುಟುಂಬಗಳಿಗೆ ಸ್ವಲ್ಪಮಟ್ಟಿಗೆ ಆರ್ಥಿಕ ಹಿತ ಒದಗಲಿದೆ.2017ರಲ್ಲಿ ಹಾಲಿನ ಉತ್ಪನ್ನಗಳ ಮೇಲೆ ಮೊದಲ ಬಾರಿಗೆ ಜಿಎಸ್ಟಿ ವಿಧಿಸಲಾಗಿತ್ತು.
ನಂತರ 2022ರಲ್ಲಿ ಇದನ್ನು ಶೇ.22ಕ್ಕೆ ಹೆಚ್ಚಿಸಲಾಯಿತು. ಆದರೆ ಇತ್ತೀಚಿನ ಕೇಂದ್ರ ಸರ್ಕಾರದ ನಿರ್ಧಾರವು ಉತ್ಪನ್ನಗಳ ಬೆಲೆಯಲ್ಲಿ ತಗ್ಗುವಂತೆ ಮಾಡಿದೆ.
ಹಾಗಾಗಿ ಜನರು ದಿನನಿತ್ಯ ಬಳಸುವ ಹಾಲು, ಮೊಸರು, ಬೆಣ್ಣೆ, ತುಪ್ಪ ಹೀಗೆ ಹಲವು ಉತ್ಪನ್ನಗಳ ಬೆಲೆ ಕಡಿಮೆ ಆಗುತ್ತಿದೆ.
ಕೆಲವು ತಿಂಗಳ ಹಿಂದೆ ನಂದಿನಿ ಹಾಲಿನ ಪ್ಯಾಕೆಟ್ ದರವನ್ನು ಪ್ರತಿ ಲೀಟರ್ಗೆ 4 ರೂ. ಹೆಚ್ಚಿಸಲಾಗಿತ್ತು. ಇದೇ ರೀತಿ ಮೊಸರಿನ ಬೆಲೆಯಲ್ಲಿಯೂ 4 ರೂ. ಏರಿಕೆ ಮಾಡಲಾಗಿತ್ತು.
ಈ ಏರಿಕೆ ಜನರಲ್ಲಿ ಸ್ವಲ್ಪ ಅಸಮಾಧಾನ ಮೂಡಿಸಿತ್ತು. ಆದರೆ ಈಗ ಆ ಹೆಚ್ಚುವರಿ 4 ರೂ. ಅನ್ನು ಕೆಎಂಎಫ್ ಕಡಿತಗೊಳಿಸಲು ನಿರ್ಧರಿಸಿದ್ದು, ಇದು ಗ್ರಾಹಕರಿಗೆ ನೀಡಿದ ನಿಜವಾದ ಉಡುಗೊರೆಯಾಗಿದೆ.
ನಂದಿನಿ ಬ್ರ್ಯಾಂಡ್ ಕೇವಲ ಕರ್ನಾಟಕದಲ್ಲೇ ಅಲ್ಲ, ದೇಶದ ವಿವಿಧ ರಾಜ್ಯಗಳಲ್ಲಿ ಮತ್ತು ವಿದೇಶಗಳಲ್ಲಿಯೂ ಭಾರೀ ಬೇಡಿಕೆ ಹೊಂದಿದೆ.
ಇದನ್ನು ಓದಿ : ಖಾರ ಮಿಕ್ಚರ್ನಲ್ಲೂ ಕೃತಕ ಬಣ್ಣ ಬಳಕೆ, ಸಿಹಿ ತಿಂಡಿ ಜೊತೆ ಖಾರ ಮಿಕ್ಚರ್ ಕೂಡ ಅಸುರಕ್ಷಿತ.
ಗುಣಮಟ್ಟ, ರುಚಿ ಮತ್ತು ವಿಶ್ವಾಸಾರ್ಹತೆಗೆ ನಂದಿನಿ ಹೆಸರು ಮಾಡಿದೆ. ಈ ಕಾರಣದಿಂದಲೇ ಬೆಲೆ ಇಳಿಕೆ ಘೋಷಣೆ ರಾಷ್ಟ್ರಮಟ್ಟದಲ್ಲಿಯೂ ಗಮನ ಸೆಳೆದಿದೆ. (Prices of Nandini products to be reduced from September 22)
