ಮುಂಬೈ ಜ 22 : ಬಾಲಿವುಡ್ ಅಂಗಳದಲ್ಲಿ ತಮ್ಮ ನಟನೆ ಹಾಗೂ ವಿಭಿನ್ನ ಕಥೆಯಾಧಾರಿತ ಸಿನಿಮಾಗಳಲ್ಲಿ ಅಭಿನಯಿಸುವ ಮೂಲಕ ಬಾಲಿವುಡ್ ಮಾತ್ರವಲ್ಲದೇ, ಅಪಾರ ಅಭಿಮಾನಿಗಳನ್ನು ತಮ್ಮತ್ತ ಸೆಳೆದಿರುವ ಪ್ರಮುಖ ನಟಿಯರಲ್ಲಿ ಪ್ರಿಯಾಂಕ ಛೋಪ್ರಾ ಮೊದಲಿಗರು. ಬಾಲಿವುಡ್ ಮಂದಿ ಪ್ರೀತಿಯಿಂದ ಪ್ರಿಯಾಂಕ ಛೋಪ್ರಾ ಅವರನ್ನು ಪಿಂಕಿ ಎಂದೇ ಇಂದಿಗೂ ಕರೆಯುತ್ತಾರೆ. 2018 ರಲ್ಲಿ ಪತಿ ನಿಕ್ ಜೋನ್ಸ್ ಅವರನ್ನು ಪ್ರೀತಿಸಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಮದುವೆಯಾದ ಬಳಿಕ ಪ್ರಿಯಾಂಕ ಛೋಪ್ರಾ ಯಾವುದೇ ಸಿನಿಮಾಗಳಲ್ಲೂ ಅಷ್ಟಾಗಿ ಅಭಿನಯಿಸಲಿಲ್ಲ.!  ಅಭಿಮಾನಿಗಳು ಪ್ರಿಯಾಂಕ ದಂಪತಿಗಳನ್ನು ಬಹಳ ದಿನದಿಂದ ಕೇಳುತ್ತಿದ್ದ ಪ್ರಶ್ನೆಗೆ ಈಗ ಉತ್ತರ ಸಿಕ್ಕಿದೆ. ಸದ್ಯ ಈಗ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿಯನ್ನು ನೀಡುವಲ್ಲಿ ನಿಕ್ ಛೋಪ್ರಾ ದಂಪತಿಗಳು ಯಶಸ್ವಿಯಾಗಿದ್ದಾರೆ. ಹೌದು, ಪ್ರಿಯಾಂಕಾ ಚೋಪ್ರಾ ಬಾಡಿಗೆ ತಾಯ್ತನದ ಮೂಲಕ ತಮ್ಮ ಮಗುವಿಗೆ ಜನ್ಮ ನೀಡಿರುವುದಾಗಿ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಚಾರ ಕುರಿತು ಅವರ ಅಭಿಮಾನಿಗಳು ಅಭಿನಂದನೆಗಳ ಸುರಿಮಳೆಯನ್ನೇ ಹರಿಸುತ್ತಿದ್ದಾರೆ. ಬಾಲಿವುಡ್ ಮಂದಿ ಚೋಪ್ರಾ-ನಿಕ್ ದಂಪತಿಗಳಿಗೆ ಶುಭ ಹಾರೈಸುತ್ತಿದ್ದು, ಈ ರೀತಿಯೇ ಬಾಡಿಗೆ ತಾಯ್ತನವನ್ನು ಕಂಡಿರುವ ಬಾಲಿವುಡ್ ತಾರೆಯರು ಮತ್ಯಾರು ಎಂದು ನೋಡುವುದಾದರೆ ಇಲ್ಲಿದೆ ನೋಡಿ ಅವರ ಮಾಹಿತಿ.

1. ನಟಿ ಶಿಲ್ಪಾ ಶೆಟ್ಟಿ(Shilpa Shetty) ಅವರು 2020 ರಲ್ಲಿ ಬಾಡಿಗೆ ತಾಯ್ತನವನ್ನು ತಮ್ಮ ಎರಡನೇ ಮಗುವಾದ ಸಮೀಶಾ(Samisha) ಎಂಬ ಹೆಣ್ಣು ಮಗುವಿಗೆ ಜನ್ಮ ನೀಡುವ ಮೂಲಕ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.

2. ನವೆಂಬರ್ 2021 ರಲ್ಲಿ ಪ್ರೀತಿ ಜಿಂಟಾ( Preethi Zintha) ಮತ್ತು ಪತಿ ಜೀನ್ ಗುಡೆನೆಫ್( Jeen gudenef) ಅವರು ತಮ್ಮ ಕುಟುಂಬಕ್ಕೆ ಜೈ ಮತ್ತು ಗಿಯಾ ಮಕ್ಕಳನ್ನು ಬಾಡಿಗೆ ತಾಯ್ತನದ ಮೂಲಕ ಸ್ವಾಗತಿಸಿಕೊಂಡರು.

3. ಮಾರ್ಚ್ 2017ರಲ್ಲಿ ಬಾಲಿವುಡ್ ನಿರ್ದೇಶಕ(Director), ನಿರ್ಮಾಪಕರಾದ( Producer) ಕರಣ್ ಜೋಹರ್( Karan Johar) ತಾವು ಅವಳಿ-ಜವಳಿ ಮಕ್ಕಳಿಗೆ ತಂದೆಯಾಗಿರುವ ಮಾಹಿತಿ ಹಂಚಿಕೊಂಡರು.

4. ಬಾಲಿವುಡ್ ಬಾದ್‍ಷಾ ಶಾರೂಖ್ ಖಾನ್(Shah Rukh Khan)2013 ರಲ್ಲಿ ಜನಿಸಿದ ಮಗ ಅಬ್ರಹಂ( Abraham) ಹುಟ್ಟಿದ್ದು ಈ ಪ್ರಕ್ರಿಯೇ ಮೂಲಕವೇ ಎಂದು ಬಹಿರಂಗಪಡಿಸಿದ್ದರು.

5. ಮಾಜಿ ದಂಪತಿಗಳಾದ ಕಿರಣ್ ರಾವ್(Kiran Rao) ಮತ್ತು ಅಮೀರ್ ಖಾನ್( Amir Khan) 2011 ರಲ್ಲಿ ಜನಿಸಿದ ತಮ್ಮ ಮಗ ಆಜಾದ್ ರಾವ್ ಖಾನ್( Azad Khan Rao) ಬಗ್ಗೆ ಮಾಹಿತಿಯನ್ನು ಹಂಚಿಕೊಂಡಿದ್ದರು.