• ಆಸ್ತಿ, ಚಿನ್ನ, ಕಾರು ಖರೀದಿ ಹಾಗೂ ಸಾಲ ವ್ಯವಹಾರಗಳವರೆಗೆ (RBI and income tax rules) ನಗದು ಬಳಕೆಯ ನಿಯಮಗಳು
• RBI ಮತ್ತು ಆದಾಯ ತೆರಿಗೆ ನಿಯಮಗಳ ಪ್ರಕಾರ ಯಾವ ವಹಿವಾಟಿಗೆ ಎಷ್ಟು ನಗದು ಬಳಸಬಹುದು ಎಂಬ ಸಂಪೂರ್ಣ ಮಾಹಿತಿ
• IT ಇಲಾಖೆ ಟ್ರ್ಯಾಕಿಂಗ್, AIS ವರದಿ ಮತ್ತು ನಗದು ವಹಿವಾಟಿನ ಕಾನೂನು ಅಂಶಗಳು

ನಮ್ಮ ದಿನನಿತ್ಯದ ಜೀವನದಲ್ಲಿ ನಗದು ವಹಿವಾಟು (RBI and income tax rules) ಇನ್ನೂ ಪ್ರಮುಖ ಪಾತ್ರ ವಹಿಸುತ್ತಿದೆ.

ದಿನಸಿ ಸಾಮಾನು, ಆಹಾರ ಪದಾರ್ಥಗಳು, ಸ್ಥಳೀಯ ಪ್ರಯಾಣ ಅಥವಾ ಸಣ್ಣ ಸೇವೆಗಳಿಗಾಗಿ ಜನರು ಸಾಮಾನ್ಯವಾಗಿ ನಗದು ಬಳಸುತ್ತಾರೆ.

ಇಂತಹ ಸಣ್ಣ ಮೊತ್ತದ ವಹಿವಾಟುಗಳನ್ನು ಆದಾಯ ತೆರಿಗೆ ಇಲಾಖೆ ಸಾಮಾನ್ಯವಾಗಿ ಗಮನಿಸುವುದಿಲ್ಲ. ಆದರೆ ನಗದು ಮೊತ್ತ ದೊಡ್ಡದಾದಂತೆ, ಅದರ ಮೇಲೆ ಕಾನೂನು ನಿಯಂತ್ರಣಗಳು ಪ್ರಾರಂಭವಾಗುತ್ತವೆ.

ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮತ್ತು ಆದಾಯ ತೆರಿಗೆ ಕಾಯ್ದೆಯಡಿ ನಗದು ವಹಿವಾಟಿಗೆ ಸ್ಪಷ್ಟ ಮಿತಿಗಳನ್ನು ನಿಗದಿಪಡಿಸಲಾಗಿದೆ.

ಈ ನಿಯಮಗಳನ್ನು ಉಲ್ಲಂಘಿಸಿದರೆ ಭಾರಿ ದಂಡ, ನೋಟಿಸ್ (Notice) ಹಾಗೂ ತನಿಖೆ ಎದುರಿಸಬೇಕಾದ ಪರಿಸ್ಥಿತಿ ಎದುರಾಗಬಹುದು.

ಆದ್ದರಿಂದ, ನಗದು ಬಳಕೆಯ ನಿಯಮಗಳನ್ನು ತಿಳಿದುಕೊಳ್ಳುವುದು (RBI and income tax rules) ಪ್ರತಿಯೊಬ್ಬ ನಾಗರಿಕನಿಗೂ ಅತ್ಯಗತ್ಯವಾಗಿದೆ.

ಆಸ್ತಿ, ಮನೆ ಅಥವಾ ಯಾವುದೇ ದೊಡ್ಡ ಮೌಲ್ಯದ ವಹಿವಾಟುಗಳಲ್ಲಿ ನಗದು ಬಳಕೆ ಅತ್ಯಂತ ಕಟ್ಟುನಿಟ್ಟಾಗಿ ನಿಯಂತ್ರಿತವಾಗಿದೆ.

ತೆರಿಗೆ ತಜ್ಞರ ಪ್ರಕಾರ, ಒಬ್ಬ ವ್ಯಕ್ತಿ ಅಥವಾ ಸಂಸ್ಥೆ ಒಂದೇ ದಿನದಲ್ಲಿ ₹2 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚು ನಗದು ಪಾವತಿಸುವುದು ಕಾನೂನಿಗೆ ವಿರುದ್ಧವಾಗಿದೆ.

ವಿಶೇಷವಾಗಿ ಆಸ್ತಿ ಅಥವಾ ಮನೆ ಖರೀದಿಸುವಾಗ ನಗದು ಪಾವತಿ ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ₹2 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತವನ್ನು ನಗದು ರೂಪದಲ್ಲಿ ನೀಡಿದರೆ ಅಥವಾ ಪಡೆದರೆ, ಅದೇ ಮೊತ್ತದಷ್ಟು ದಂಡ ವಿಧಿಸುವ ಅವಕಾಶವಿದೆ.

ಇದಲ್ಲದೆ, ₹30 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯದ ಸ್ಥಿರ ಆಸ್ತಿ ವ್ಯವಹಾರಗಳನ್ನು ಸಬ್-ರಿಜಿಸ್ಟ್ರಾರ್ ಕಚೇರಿಗಳು ಆದಾಯ ತೆರಿಗೆ ಇಲಾಖೆಗೆ ವರದಿ ಮಾಡುತ್ತವೆ.

ನಂತರ ಇಲಾಖೆಯು ಖರೀದಿದಾರ ಮತ್ತು ಮಾರಾಟದಾರರ ಆದಾಯ ತೆರಿಗೆ ರಿಟರ್ನ್‌ಗಳೊಂದಿಗೆ ಈ ಮಾಹಿತಿಯನ್ನು ಹೋಲಿಕೆ ಮಾಡಿ ನಿಧಿಯ ಮೂಲವನ್ನು ಪರಿಶೀಲಿಸುತ್ತದೆ.

ದೈನಂದಿನ ಅಗತ್ಯಗಳಿಗೆ ಸಂಬಂಧಿಸಿದಂತೆ ಜನರಲ್ಲಿ ಗೊಂದಲ ಇರುವ ಮತ್ತೊಂದು ಪ್ರಶ್ನೆ ಎಂದರೆ – ದಿನಸಿ ಅಂಗಡಿಗಳಿಗೆ ನಗದು ಮಿತಿ ಇದೆಯೇ? ತಜ್ಞರ ಪ್ರಕಾರ, ದಿನಸಿ, ಆಹಾರ, ಬಟ್ಟೆ, ಸ್ಥಳೀಯ ಪ್ರಯಾಣ ಅಥವಾ ಇತರ ಸಣ್ಣ ಖರೀದಿಗಳಂತಹ ದಿನನಿತ್ಯದ ವೆಚ್ಚಗಳಿಗೆ ನಗದು ಪಾವತಿಯನ್ನು ಅನುಮತಿಸಲಾಗಿದೆ.

ಇವು ಸಾಮಾನ್ಯ ಜೀವನದ ಅವಿಭಾಜ್ಯ ಭಾಗವಾಗಿರುವುದರಿಂದ, ಇಂತಹ ವಹಿವಾಟುಗಳಿಗೆ ಪ್ರತ್ಯೇಕ ನಗದು ಮಿತಿ ನಿಗದಿಪಡಿಸಲಾಗಿಲ್ಲ.

ಆದರೆ, ಒಂದೇ ವ್ಯಕ್ತಿಗೆ ಅಥವಾ ಒಂದೇ ವ್ಯವಹಾರಕ್ಕೆ ಸಂಬಂಧಿಸಿ ₹2 ಲಕ್ಷ ಮೀರಿದರೆ, ಅದು ಸಮಸ್ಯೆಗೆ ಕಾರಣವಾಗಬಹುದು.

ಹೀಗಾಗಿ, ಸಣ್ಣ ವಹಿವಾಟುಗಳಿಗೆ ನಗದು ಸರಿ, ಆದರೆ ದೊಡ್ಡ ಮೊತ್ತಗಳಿಗೆ ಡಿಜಿಟಲ್ ಅಥವಾ ಬ್ಯಾಂಕಿಂಗ್ (Banking) ಮಾರ್ಗಗಳನ್ನು ಬಳಸುವುದು ಸುರಕ್ಷಿತ.

ಕಾರು, ಚಿನ್ನ, ಎಲೆಕ್ಟ್ರಾನಿಕ್ಸ್ (Electronics) ಸೇರಿದಂತೆ ಹೆಚ್ಚಿನ ಮೌಲ್ಯದ ವಸ್ತುಗಳನ್ನು ಖರೀದಿಸುವಾಗ ವಿಶೇಷ ಎಚ್ಚರಿಕೆ ಅಗತ್ಯ.

ಒಂದು ದಿನದಲ್ಲಿ ₹2 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚು ಹಣವನ್ನು ನಗದು ರೂಪದಲ್ಲಿ ಪಾವತಿಸಲು ಅವಕಾಶವಿಲ್ಲ. ಕೆಲವರು ಬಿಲ್ ಅನ್ನು ವಿಭಜಿಸಿ ನಗದು ಪಾವತಿಸಲು ಪ್ರಯತ್ನಿಸುತ್ತಾರೆ. ಆದರೆ ಕಾನೂನು ಪ್ರಕಾರ, ವ್ಯವಹಾರ ಒಂದೇ ಆಗಿದ್ದರೆ ಬಿಲ್ ವಿಭಜನೆಯೂ ಮಾನ್ಯವಾಗುವುದಿಲ್ಲ.

ಇಂತಹ ಎಲ್ಲಾ ಪಾವತಿಗಳನ್ನು ಯುಪಿಐ, ಬ್ಯಾಂಕ್ ವರ್ಗಾವಣೆ, ಚೆಕ್ ಅಥವಾ ಕಾರ್ಡ್ ಮೂಲಕವೇ ಮಾಡಬೇಕು. ಸಾಲ ವ್ಯವಹಾರಗಳಲ್ಲಿ ನಿಯಮಗಳು ಇನ್ನೂ ಕಠಿಣವಾಗಿವೆ.

₹20,000 ಅಥವಾ ಅದಕ್ಕಿಂತ ಹೆಚ್ಚಿನ ಸಾಲವನ್ನು ನಗದು ರೂಪದಲ್ಲಿ ನೀಡುವುದಕ್ಕೂ, ಪಡೆಯುವುದಕ್ಕೂ ಅವಕಾಶವಿಲ್ಲ.

ಸಾಲ ಮರುಪಾವತಿಗೂ ಇದೇ ನಿಯಮ ಅನ್ವಯಿಸುತ್ತದೆ. ಈ ನಿಯಮ ಉಲ್ಲಂಘಿಸಿದರೆ ದಂಡದ ಜೊತೆಗೆ ತೆರಿಗೆ ತನಿಖೆಯ ಸಾಧ್ಯತೆಯೂ ಇರುತ್ತದೆ.

ಇನ್ನು ATM ನಗದು ಹಿಂಪಡೆಯುವ ಮಿತಿಯ ಕುರಿತು ಮಾತನಾಡುವುದಾದರೆ, ಇದು RBI ನಿಯಮಕ್ಕಿಂತ ಬ್ಯಾಂಕ್ ನೀತಿಯ ಮೇಲೆ ಅವಲಂಬಿತವಾಗಿರುತ್ತದೆ.

ಸಾಮಾನ್ಯ ಡೆಬಿಟ್ ಕಾರ್ಡ್‌ಗಳಲ್ಲಿ ದಿನಕ್ಕೆ ₹10,000 ರಿಂದ ₹50,000 ವರೆಗೆ ಹಿಂಪಡೆಯಲು ಅವಕಾಶವಿರುತ್ತದೆ. ಪ್ರೀಮಿಯಂ ಕಾರ್ಡ್‌ಗಳಲ್ಲಿ ಈ ಮಿತಿ ₹1 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಾಗಿರಬಹುದು.

ಬ್ಯಾಂಕ್ ಶಾಖೆಯಿಂದ ಹೆಚ್ಚಿನ ಮೊತ್ತ ಹಿಂಪಡೆಯಲು ಅವಕಾಶವಿದ್ದು, ಅದಕ್ಕೂ ಬ್ಯಾಂಕ್‌ನ ಆಂತರಿಕ ನಿಯಮಗಳು ಅನ್ವಯಿಸುತ್ತವೆ.

ಮನೆಯಲ್ಲಿ ನಗದು ಇಟ್ಟುಕೊಳ್ಳಲು ಕಾನೂನಿನ ಪ್ರಕಾರ ಯಾವುದೇ ನಿಶ್ಚಿತ ಮಿತಿ ಇಲ್ಲ. ಆದರೆ ಅದರ ಮೂಲವನ್ನು ವಿವರಿಸಲು ಸಾಧ್ಯವಾಗದಿದ್ದರೆ, ಆದಾಯ ತೆರಿಗೆ ಇಲಾಖೆ ದಂಡ ಅಥವಾ ತೆರಿಗೆ ವಿಧಿಸಬಹುದು.

ವರ್ಷಕ್ಕೆ ಉಳಿತಾಯ ಖಾತೆಯಲ್ಲಿ ₹10 ಲಕ್ಷಕ್ಕಿಂತ ಹೆಚ್ಚು ನಗದು ಠೇವಣಿ ಮಾಡಿದರೆ ಅದು ಇಲಾಖೆಗೆ ವರದಿ ಆಗುತ್ತದೆ.

ಹೀಗಾಗಿ, ಹೆಚ್ಚಿನ ವ್ಯವಹಾರಗಳಿಗೆ ಡಿಜಿಟಲ್ ಪಾವತಿ ಮಾರ್ಗಗಳನ್ನು ಬಳಸುವುದು ಇಂದು ಅತ್ಯಂತ ಸುರಕ್ಷಿತ ಮತ್ತು ಸಮಸ್ಯೆರಹಿತ ಮಾರ್ಗವಾಗಿದೆ.

ಇದನ್ನು ಓದಿ : https://vijayatimes.com/lic-payment-from-epf-money/