Jidda: ಮರಳುಗಾಡು ಸೌದಿ ಅರೇಬಿಯಾದ (Saudi Arabia) ಮಕ್ಕಾದಲ್ಲಿ (Makkah) ಭಾರೀ ಮಳೆಯಿಂದಾಗಿ ಪ್ರವಾಹದ ಪರಿಸ್ಥಿತಿ ನಿರ್ಮಾಣವಾಗಿದೆ. ಜಿದ್ದಾ ನಗರ (Jeddah city) ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳು ಜಲಾವೃತಗೊಂಡಿವೆ ಎಂದು ಸೌದಿ ಪ್ರೆಸ್ ಏಜೆನ್ಸಿ (Saudi Press Agency) ವರದಿ ಮಾಡಿದೆ. ಹಲವಾರು ವಾಹನಗಳು ಪ್ರವಾಹದಲ್ಲಿ ಕೊಚ್ಚಿಹೋಗಿವೆ. ಮದೀನಾದಲ್ಲೂ (Medina) ಇದೇ ರೀತಿಯ ಭಾರೀ ಮಳೆಯಾಗಿದೆ. ಪ್ರವಾಹದಲ್ಲಿ ಕಾರುಗಳಿಂದ ಹಿಡಿದು ಬಸ್‌ಗಳವರೆಗೆ ಸಿಲುಕಿಕೊಂಡಿವೆ. ವಿಪತ್ತು ಪೀಡಿತ ಪ್ರದೇಶದಲ್ಲಿ (Disaster prone area) ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ.

ಮಕ್ಕಾದ ಆಗ್ನೇಯದಲ್ಲಿರುವ ಅಲ್-ಅವಾಲಿ (Al-Awali) ಪ್ರದೇಶದಲ್ಲಿ ಹಲವಾರು ಮಕ್ಕಳು ಸಿಕ್ಕಿಹಾಕಿಕೊಂಡಿದ್ದಾರೆ ಎಂದು ವರದಿಯಾಗಿದೆ. ಮಾನವ ಸರಪಳಿ ನಿರ್ಮಿಸಿ ರಕ್ಷಣಾ ಕಾರ್ಯ (Defense work) ನಡೆಸಲಾಗುತ್ತಿದೆ. ಈ ಮಧ್ಯೆ, ಮಕ್ಕಾದಲ್ಲಿ ಒಬ್ಬ ಡೆಲಿವರಿ ಹುಡುಗ ತನ್ನ ಬೈಕ್‌ನಿಂದ ನೀರಿಗೆ ಬೀಳುವ ಹಲವಾರು ವೀಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ (Social media) ಹರಿದಾಡುತ್ತಿವೆ. ದೊಡ್ಡ ದೊಡ್ಡ ಮರಗಳು ಮತ್ತು ಇತರ ವಸ್ತುಗಳು ನೀರಿನಲ್ಲಿ ತೇಲಿ ಹೋಗುವುದನ್ನೂ ಕಾಣಬಹುದು. ಮಕ್ಕಾ (Makkah), ಮದೀನಾ (Medina) ಮತ್ತು ಬಂದರು ನಗರವಾದ ಜಿದ್ದಾದಲ್ಲಿ (Jeddah) ಸೌದಿ ಅರೇಬಿಯಾದ ಹವಾಮಾನ ಇಲಾಖೆ (Meteorological Department of Saudi Arabia) ರೆಡ್ ಅಲರ್ಟ್ (Red Alert) ಘೋಷಿಸಿದೆ.

ಇಳಿಜಾರು ಪ್ರದೇಶದಲ್ಲಿ ನಿಲ್ಲಿಸಿದ್ದ ಕಾರುಗಳು ರಭಸವಾಗಿ ಹರಿದು ಬಂದ ಮಳೆ ನೀರಿನಲ್ಲಿ ಕೊಚ್ಚಿ ಹೋದ ದೃಶ್ಯಗಳು ಬೆಚ್ಚಿ ಬೀಳಿಸುವಂತಿದೆ. ಇನ್ನೂ ಪಾರ್ಕಿಂಗ್​ನಲ್ಲಿ ನಿಲ್ಲಿಸಿದ್ದ ಕಾರುಗಳು ಕೂಡ ಜಲಾವೃತವಾಗಿದ್ದು, ಬಿಲ್ಡಿಂಗ್​ಗಳ ಬೇಸ್​ಮೆಂಟ್​ನಲ್ಲಿ ಸುಮಾರು ಮೂರರಿಂದ 4 ಅಡಿಗಳಷ್ಟು ನೀರು ನಿಂತಿದೆ.ಭಾರೀ ಮಳೆ ಹಿನ್ನೆಲೆ ಸೌದಿಯ ಪೂರ್ವ ಪ್ರಾಂತ್ಯ (Eastern Province of Saudi Arabia) ಮತ್ತು ರಿಯಾದ್‌ನಲ್ಲಿ (Riyadh) ಶಾಲೆಗಳನ್ನ ಆನ್‌ಲೈನ್‌ ಮೂಲಕ ನಡೆಸಲಾಗುತ್ತಿದೆ. ಕೆಲ ವಿಮಾನಯಾನಗಳೂ ರದ್ದಾಗಿವೆ. ಸಿರಾಜ್ ಅಲ್-ಖುರಾಶಿಯಿಂದ (Siraj al-Qurashi) ಮೆಕ್ಕಾದ ಪಶ್ಚಿಮದಲ್ಲಿರುವ ಅಲ್-ಶಮ್ಸಿ ಸೇತುವೆ (Al-Shamsi Bridge west of Mecca) ಮಹಾ ಪ್ರವಾಹದಲ್ಲಿ ಮುಳುಗಿದೆ. ಸೌದಿ ಅರೇಬಿಯಾದಲ್ಲಿ (Saudi Arabia) ಅಬ್ಬರದ ಮಳೆಯಾಗ್ತಿದೆ. ಸದ್ಯ ಸಾರ್ವಜನಿಕರು ಮನೆಗಳಿಂದ ಹೊರಬಾರದಂತೆ ಸ್ಥಳೀಯ ಅಧಿಕಾರಿಗಳು (Local authorities) ಎಚ್ಚರಿಕೆ ನೀಡಿದ್ದಾರೆ.