ಸಾಮಾಜಿಕ ಜಾಲತಾಣಗಳಿಗೆ ಹೊಸ (restrictions on AI content deepfake) ಐಟಿ ನಿಯಮ: AI ಕಂಟೆಂಟ್‌ ಮೇಲೆ ಕೇಂದ್ರದ ಬಿಗಿ ಹಿಡಿತ

ಡೀಪ್‌ಫೇಕ್‌, ತಪ್ಪು ಮಾಹಿತಿ ಮತ್ತು ಹಾನಿಕಾರಕ AI ವಿಷಯ ತಡೆಯಲು MeitY ಹೊಸ ಕರಡು ನಿಯಮ ಪ್ರಕಟಿಸಿದೆ

AI-ರಚಿತ ನಕಲಿ ವಿಡಿಯೋ, ಆಡಿಯೋ ಮತ್ತು ಚಿತ್ರಗಳಿಗೆ ಲೇಬಲ್ ಕಡ್ಡಾಯ; ಸಾಮಾಜಿಕ ಜಾಲತಾಣಗಳಿಗೆ ಹೊಸ ಕರಡು ಮಾರ್ಗಸೂಚಿ

ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನ ವೇಗವಾಗಿ ಬೆಳೆಯುತ್ತಿರುವ (restrictions on AI content deepfake) ಹಿನ್ನೆಲೆಯಲ್ಲಿ, ಅದರ ದುರುಪಯೋಗವನ್ನು ತಡೆಯಲು ಕೇಂದ್ರ ಸರ್ಕಾರ ಮಹತ್ವದ ಹೆಜ್ಜೆ ಇಟ್ಟಿದೆ.

ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (MeitY) ಮಾಹಿತಿ ತಂತ್ರಜ್ಞಾನ (ಐಟಿ) ನಿಯಮಗಳಿಗೆ ತಿದ್ದುಪಡಿ ತರಲು ಕರಡು ನಿಯಮಗಳನ್ನು ಸಾರ್ವಜನಿಕ ಸಮಾಲೋಚನೆಗಾಗಿ ಪ್ರಕಟಿಸಿದೆ.

ಈ ಹೊಸ ಪ್ರಸ್ತಾವನೆಗಳ ಉದ್ದೇಶ ಡೀಪ್‌ಫೇಕ್‌, AI ಮೂಲಕ ಸೃಷ್ಟಿಸಲಾದ ತಪ್ಪು ಮಾಹಿತಿ, ನಕಲಿ ವಿಡಿಯೋ, ಆಡಿಯೋ ಹಾಗೂ ಚಿತ್ರಗಳ ಹರಡುವಿಕೆಯನ್ನು

ನಿಯಂತ್ರಿಸುವುದಾಗಿದೆ. ಜೊತೆಗೆ, ಸಾಮಾಜಿಕ ಜಾಲತಾಣಗಳನ್ನು ಇನ್ನಷ್ಟು ಸುರಕ್ಷಿತ ಮತ್ತು ಜವಾಬ್ದಾರಿಯುತ ಡಿಜಿಟಲ್ ವೇದಿಕೆಗಳನ್ನಾಗಿ ರೂಪಿಸುವತ್ತ ಸರ್ಕಾರ ಒತ್ತು ನೀಡಿದೆ.

ಕರಡು ನಿಯಮಗಳ ಪ್ರಕಾರ, ಸರ್ಕಾರ ಅಥವಾ ನ್ಯಾಯಾಲಯದಿಂದ (restrictions on AI content deepfake) ಆದೇಶ ಬಂದರೆ, ಸಾಮಾಜಿಕ ಮಾಧ್ಯಮ ವೇದಿಕೆಗಳು ಕಾನೂನುಬಾಹಿರ AI-ರಚಿತ ವಿಷಯವನ್ನು ಕೇವಲ ಮೂರು ಗಂಟೆಗಳೊಳಗೆ ತೆಗೆದುಹಾಕಬೇಕು.

ಇದುವರೆಗೆ ಜಾರಿಯಲ್ಲಿದ್ದ 36 ಗಂಟೆಗಳ ಗಡುವನ್ನು ಸರ್ಕಾರ ಗಣನೀಯವಾಗಿ ಕಡಿತಗೊಳಿಸಲು ಮುಂದಾಗಿದೆ. ಜೊತೆಗೆ, AI ಬಳಸಿ ಸೃಷ್ಟಿಸಲಾದ ಚಿತ್ರಗಳು, ವಿಡಿಯೋಗಳು, ಆಡಿಯೋ ಮತ್ತು ಇತರ ಸಿಂಥೆಟಿಕ್ ಕಂಟೆಂಟ್‌ಗಳಿಗೆ ಸ್ಪಷ್ಟ ಗುರುತು (ಲೇಬಲ್) ನೀಡುವುದು ಕಡ್ಡಾಯವಾಗಲಿದೆ.

ಬಳಕೆದಾರರು ನಿಜವಾದ ಮತ್ತು AI-ರಚಿತ ವಿಷಯಗಳ ನಡುವಿನ ವ್ಯತ್ಯಾಸವನ್ನು ಸುಲಭವಾಗಿ ಗುರುತಿಸಲು ಮೆಟಾಡೇಟಾ ವ್ಯವಸ್ಥೆಯನ್ನೂ ಅಳವಡಿಸುವಂತೆ ಪ್ರಸ್ತಾವಿಸಲಾಗಿದೆ.

ಹೊಸ ಕರಡು ನಿಯಮಗಳು ಡೀಪ್‌ಫೇಕ್‌ (Deepfake) , AI ಆಧಾರಿತ ಅನುಕರಣೆ, ತಿರುಚಿದ ಧ್ವನಿ ಹಾಗೂ ದೃಶ್ಯಗಳು, ತಪ್ಪು ಮಾಹಿತಿ ಹರಡುವ ವಿಷಯಗಳ ಜೊತೆಗೆ ಮಕ್ಕಳ ಲೈಂಗಿಕ ಶೋಷಣೆಗೆ ಸಂಬಂಧಿಸಿದ ಕಂಟೆಂಟ್‌ಗಳ ಮೇಲೂ ಕಠಿಣ ಕ್ರಮಕ್ಕೆ ಅವಕಾಶ ಕಲ್ಪಿಸುತ್ತವೆ.

ಇಂತಹ ವಿಷಯಗಳನ್ನು ತ್ವರಿತವಾಗಿ ಪತ್ತೆಹಚ್ಚಿ ತೆಗೆದುಹಾಕಲು ಸಾಮಾಜಿಕ ಜಾಲತಾಣಗಳು ಸ್ವಯಂಚಾಲಿತ ತಾಂತ್ರಿಕ ಸಾಧನಗಳನ್ನು ಬಳಸಬೇಕಾಗುತ್ತದೆ. ಹಾನಿಕಾರಕ

ವಿಷಯದ ಸೃಷ್ಟಿ ಮತ್ತು ಪ್ರಸರಣವನ್ನು ನಿಯಂತ್ರಿಸಲು ತಾಂತ್ರಿಕ ಸುರಕ್ಷತಾ ವ್ಯವಸ್ಥೆಗಳನ್ನು ಬಲಪಡಿಸುವುದೂ ಈ ಕರಡು ನಿಯಮಗಳ ಪ್ರಮುಖ ಉದ್ದೇಶವಾಗಿದೆ.

ಬಳಕೆದಾರರ ದೂರುಗಳ ಪರಿಹಾರ ಪ್ರಕ್ರಿಯೆಯಲ್ಲಿಯೂ ಸರ್ಕಾರ ಬದಲಾವಣೆಗಳನ್ನು ಸೂಚಿಸಿದೆ. ಸಾಮಾನ್ಯ ದೂರುಗಳನ್ನು 72 ಗಂಟೆಗಳ ಬದಲು 36 ಗಂಟೆಗಳೊಳಗೆ ಪರಿಹರಿಸುವಂತೆ ಪ್ರಸ್ತಾಪಿಸಲಾಗಿದೆ.

ನಗ್ನತೆ, ವೇಷಧಾರಣೆ, ಗುರುತು ಕಳವು ಅಥವಾ ವ್ಯಕ್ತಿತ್ವ ದುರುಪಯೋಗದಂತಹ ಸೂಕ್ಷ್ಮ ಪ್ರಕರಣಗಳಲ್ಲಿ ಎರಡು ಗಂಟೆಗಳೊಳಗೆ ಕ್ರಮ ಕೈಗೊಳ್ಳಬೇಕೆಂಬ ನಿಯಮವನ್ನು

ಸೇರಿಸಲಾಗಿದೆ. ಇದರ ಜೊತೆಗೆ, ದೊಡ್ಡ ಸಾಮಾಜಿಕ ಜಾಲತಾಣಗಳು ಕಾನೂನುಬಾಹಿರ AI-ರಚಿತ ವಿಷಯವನ್ನು ರಚಿಸುವುದು ಅಥವಾ ಹಂಚಿಕೊಳ್ಳುವುದರಿಂದ

ಎದುರಾಗಬಹುದಾದ ಕಾನೂನು ಪರಿಣಾಮಗಳ ಕುರಿತು ಬಳಕೆದಾರರಿಗೆ ಮಾಹಿತಿ ನೀಡುವ ವ್ಯವಸ್ಥೆಯನ್ನೂ ಜಾರಿಗೆ ತರಬೇಕಾಗುತ್ತದೆ.

ಪ್ರಸ್ತುತ ಈ ಕರಡು ನಿಯಮಗಳು ಸಾರ್ವಜನಿಕ ಸಮಾಲೋಚನೆಗೆ ಮುಕ್ತವಾಗಿದ್ದು, ನಾಗರಿಕರು ಹಾಗೂ ವಿವಿಧ ವಲಯಗಳ ತಜ್ಞರಿಂದ ಅಭಿಪ್ರಾಯಗಳನ್ನು ಆಹ್ವಾನಿಸಲಾಗಿದೆ. ಲಭಿಸುವ ಸಲಹೆಗಳನ್ನು ಪರಿಶೀಲಿಸಿದ ಬಳಿಕವೇ ಅಂತಿಮ ನಿಯಮಗಳನ್ನು ಕೇಂದ್ರ ಸರ್ಕಾರ ಪ್ರಕಟಿಸಲಿದೆ.

AI ತಂತ್ರಜ್ಞಾನದ ಬಳಕೆ ಹೆಚ್ಚುತ್ತಿರುವ ಈ ಸಂದರ್ಭದಲ್ಲಿ, ಡಿಜಿಟಲ್ ಸುರಕ್ಷತೆ, ಬಳಕೆದಾರರ ವಿಶ್ವಾಸ ಮತ್ತು ಜವಾಬ್ದಾರಿಯುತ ಸಾಮಾಜಿಕ ಮಾಧ್ಯಮ ಬಳಕೆಯನ್ನು ಉತ್ತೇಜಿಸುವ ದಿಸೆಯಲ್ಲಿ ಈ ಕ್ರಮ ಮಹತ್ವದ ಮೈಲಿಗಲ್ಲಾಗುವ ನಿರೀಕ್ಷೆ ವ್ಯಕ್ತವಾಗಿದೆ.

ಇದನ್ನು ಓದಿ : https://vijayatimes.com/fine-for-collecting-school-donation/