ಲೆಜೆಂಡರಿ ಫುಟ್ಬಾಲ್(Football) ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊ(Cristiano Ronaldo) ಸೋಮವಾರ ಮತ್ತು ತಮ್ಮ ಪತ್ನಿ ಜಾರ್ಜಿನಾ ರೋಡ್ರಿಗಸ್ ಅವಳಿ-ಜವಳಿ ಗಂಡು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಆದ್ರೆ, ಒಂದು ಮಗು ಆರೋಗ್ಯವಾಗಿದ್ದರೆ, ಮತ್ತೊಂದು ಮಗು ಮರಣ ಹೊಂದಿದೆ.

ಅವಳಿ-ಜವಳಿಯಲ್ಲಿ ಒಂದು ಮಗುವನ್ನು ಕಳೆದುಕೊಂಡಿದ್ದಾರೆ ರೊನಾಲ್ಡೊ ದಂಪತಿ. ಈ ಕುರಿತು ರೊನಾಲ್ಡೊ ಅವರು ಸಾಮಾಜಿಕ ಜಾಲತಾಣದಲ್ಲಿ ನನ್ನ ಮಗು ಸಾವನ್ನಪ್ಪಿದೆ. ಹೀಗಾಗಿ ನನಗೆ ಸ್ವಲ್ಪ ಸಮಯ ಬೇಕಿದೆ ಎಂದು ಬರೆದು ಪೋಸ್ಟ್‌ ಮಾಡಿದ್ದಾರೆ. ಈ ಪೋಸ್ಟ್‌ ಓದಿದ ಅಭಿಮಾನಿಗಳು ರೊನಾಲ್ಡೊ ಅವರ ಭಾವನಾತ್ಮಕ ಪೋಸ್ಟ್‌ಗೆ ಕಣ್ಣಿರಿಟ್ಟಿದ್ದಾರೆ. ಗಂಡು ಮಗುವಿನ ಸಾವಿನ ವಿಷಯ ತೀವ್ರ ದುಖಃ ತಂದಿದ್ದು, ಈ ನೋವಿನಿಂದ ಹೊರಬರಲು ನನಗೆ ವೈಯುಕ್ತಿಕ ಸಮಯ ಬೇಕಿದೆ ಎಂದು ಹೇಳಿಕೊಂಡಿದ್ದಾರೆ.

ರೊನಾಲ್ಡೊ ಮತ್ತು ಜಾರ್ಜಿನಾ ಅವರು ಅವಳಿ ಶಿಶುಗಳಿಗೆ ಪೋಷಕರಾಗಲಿದ್ದಾರೆ ಎಂದು ಖಚಿತಪಡಿಸಲು ಈ ಹಿಂದೆ ಸಾಮಾಜಿಕ ಮಾಧ್ಯಮದಲ್ಲಿ ಘೋಷಣೆ ಮಾಡಿದ್ದರು.ಇತರ ನಾಲ್ಕು ಮಕ್ಕಳ ತಂದೆಯಾಗಿರುವ ರೊನಾಲ್ಡೊ ಅವರಿಗೆ ಕ್ರಿಸ್ಟಿಯಾನೋ ಜೂನಿಯರ್, ಮಾಟಿಯೊ ಮತ್ತು ಹೆಣ್ಣುಮಕ್ಕಳಾದ ಇವಾ ಮತ್ತು ಅಲಾನಾ ಎಂಬ ಮಕ್ಕಳಿದ್ದಾರೆ. “ಬಹಳ ದುಃಖದಿಂದ ನಮ್ಮ ಗಂಡು ಮಗು ತೀರಿಕೊಂಡಿದೆ ಎಂದು ಹೇಳಬೇಕಾಗಿದೆ. ಇದು ಯಾವುದೇ ಪೋಷಕರು ಅನುಭವಿಸಲಾಗದಂತ ದೊಡ್ಡ ನೋವು” ಎಂದು ರೊನಾಲ್ಡೊ ಬರೆದು ಪೋಸ್ಟ್‌ ಮಾಡಿದ್ದಾರೆ.