• 504 ಕೋಟಿ ಮಹಿಳಾ ಪ್ರಯಾಣ – ಶಕ್ತಿ ಯೋಜನೆ ವಿಶ್ವ ದಾಖಲೆ
• ಸಂತಸ ವ್ಯಕ್ತಪಡಿಸಿದ ಸಿಎಂ ಸಿದ್ದರಾಮಯ್ಯ, ಸಚಿವ ರಾಮಲಿಂಗಾರೆಡ್ಡಿ (Shakti Yojana enters Golden Book of World Records)
• ಉದ್ಯೋಗ, ಶಿಕ್ಷಣ, ಆರೋಗ್ಯ ಕ್ಷೇತ್ರದಲ್ಲಿ ಮಹಿಳೆಯರ ಪಾಲ್ಗೊಳ್ಳುವಿಕೆ ಹೆಚ್ಚಳ

Bengaluru: ಕರ್ನಾಟಕ ಸರ್ಕಾರದ ಮಹತ್ವಾಕಾಂಕ್ಷೆಯ ಶಕ್ತಿ ಯೋಜನೆ(Shakti Scheme) ಇದೀಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ(Internationally) ಗೌರವ ಪಡೆದಿದೆ.

ಮಹಿಳೆಯರ ಸ್ವಾವಲಂಬನೆ ಉತ್ತೇಜಿಸುವ ನಿಟ್ಟಿನಲ್ಲಿ ಉಚಿತ ಬಸ್ ಪ್ರಯಾಣ(Free bus) ನೀಡುವ ಈ ಯೋಜನೆ ಇದೀಗ Golden Book of World Records ನಲ್ಲಿ ದಾಖಲಾಗಿದ್ದು,

ಅದು ರಾಜ್ಯ ಸರ್ಕಾರ(State Govt) ಹಾಗೂ ಸಾರಿಗೆ ಇಲಾಖೆಗೆ(Department of Transport) ಹೆಮ್ಮೆಯ ಕ್ಷಣವನ್ನು ತಂದುಕೊಟ್ಟಿದೆ.

ಮುಖ್ಯಮಂತ್ರಿ ಸಿದ್ದರಾಮಯ್ಯ(CM Siddaramaiah) ತಮ್ಮ ಎಕ್ಸ್ ಖಾತೆಯಲ್ಲಿ(X account) ಸಂತಸ ಹಂಚಿಕೊಂಡಿದ್ದು, “ಇದು ಇಡೀ ನಾಡು ಹೆಮ್ಮೆಪಡುವ ಸಾಧನೆ.

ಶಕ್ತಿ ಯೋಜನೆಯು ವಿಶ್ವ ದಾಖಲೆಯಲ್ಲಿ ಸ್ಥಾನ ಪಡೆದಿರುವುದು ಇತಿಹಾಸ ನಿರ್ಮಿಸಿರುವುದಕ್ಕಿಂತ ಕಡಿಮೆಯಲ್ಲ” ಎಂದು ಹೇಳಿದ್ದಾರೆ.

ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ(Ramalingareddy) ಕೂಡ ಸಂತೋಷ ವ್ಯಕ್ತಪಡಿಸಿದ್ದು, “500 ಕೋಟಿಗಿಂತ ಹೆಚ್ಚು ಮಹಿಳೆಯರು ಉಚಿತ ಬಸ್ ಸೇವೆ ಉಪಯೋಗಿಸಿರುವುದು ವಿಶ್ವ ದಾಖಲೆ ಪುಸ್ತಕದಲ್ಲಿ(world record book) ಸ್ಥಾನ ಪಡೆದಿದೆ. ಇದು ಕರ್ನಾಟಕಕ್ಕೆ ಹೆಮ್ಮೆ ತಂದುಕೊಟ್ಟಿದೆ” ಎಂದು ತಿಳಿಸಿದ್ದಾರೆ.

2023ರ ಜೂನ್ 11ರಂದು ಯೋಜನೆ ಜಾರಿಯಾಗಿದ್ದು, 2025ರ ಜುಲೈ 25ರವರೆಗೆ 504 ಕೋಟಿ 90 ಲಕ್ಷಕ್ಕಿಂತ ಹೆಚ್ಚು ಮಹಿಳಾ ಪ್ರಯಾಣಗಳು ನಡೆದಿವೆ.

ಕೆಲಸ, ಶಿಕ್ಷಣ, ವೈದ್ಯಕೀಯ ಹಾಗೂ ಬೇರೆ ಬೇರೆ ಅಗತ್ಯಗಳಿಗೆ ಮಹಿಳೆಯರು ಶಕ್ತಿ ಯೋಜನೆ ಬಳಸಿಕೊಂಡಿದ್ದಾರೆ.ಶಕ್ತಿ ಯೋಜನೆಯ ಪ್ರಧಾನ ಉದ್ದೇಶ ಮಹಿಳೆಯರಿಗೆ ಆರ್ಥಿಕ,

ಶೈಕ್ಷಣಿಕ ಹಾಗೂ ಸಾಮಾಜಿಕವಾಗಿ ಸಮಾನ ಅವಕಾಶ ಕಲ್ಪಿಸುವುದು. ಉಚಿತ ಪ್ರಯಾಣದ(Free travel) ಸೌಲಭ್ಯದಿಂದ ಮಹಿಳೆಯರು ಸ್ವಾವಲಂಬಿ ಬದುಕಿನತ್ತ ಸಾಗಲು ಸಾಧ್ಯವಾಗುತ್ತಿದೆ.

ಮನೆಮಠ, ಉದ್ಯೋಗ, ಶಿಕ್ಷಣ, ಆರೋಗ್ಯ ಮುಂತಾದ ಎಲ್ಲ ಕ್ಷೇತ್ರಗಳಲ್ಲಿಯೂ ಈ ಯೋಜನೆಯ ಪರಿಣಾಮ ಗೋಚರಿಸಿದೆ.ಈ ಸಾಧನೆಯ ಹಿನ್ನೆಲೆಯಲ್ಲಿರುವ ಸಾರಿಗೆ ಇಲಾಖೆಯ ಅಧಿಕಾರಿಗಳು, ಸಿಬ್ಬಂದಿ, ಕಾರ್ಮಿಕ ಮುಖಂಡರು, ಮಾಧ್ಯಮ ಮತ್ತು ಎಲ್ಲರ ಸಹಕಾರಕ್ಕೆ ಸಚಿವರು ಹಾಗೂ ಸಿಎಂ ಕೃತಜ್ಞತೆ ಸಲ್ಲಿಸಿದ್ದಾರೆ.

ಯೋಜನೆ ಜಾರಿಗೊಳಿಸಿದ ಸಮಯದಲ್ಲಿ ಸಾರಿಗೆ ಸಂಸ್ಥೆಗಳು ಸಾಲದ ಒತ್ತಡದಲ್ಲಿ ಸಿಲುಕಿದ್ದವು. ಆದರೂ, ಕಳೆದ ಎರಡು ವರ್ಷಗಳಲ್ಲಿ 5800 ಹೊಸ ಬಸ್ಸುಗಳು, 10,000 ಹೊಸ ನೇಮಕಾತಿಗಳು,

2000 ಕೋಟಿ ಸಾಲ ಪಾವತಿಗೆ ಸರ್ಕಾರದ ನೆರವು ದೊರಕಿದ್ದು ಸಾರಿಗೆ ಸಂಸ್ಥೆಗಳಲ್ಲಿ ನವ ಚೇತನ ತಂದಿದೆ.ಅಧ್ಯಯನಗಳ ಪ್ರಕಾರ,

ಶಕ್ತಿ ಯೋಜನೆಯಿಂದ ಬೆಂಗಳೂರು ನಗರದಲ್ಲಿ 23% ಹಾಗೂ ಹುಬ್ಬಳ್ಳಿ-ಧಾರವಾಡದಲ್ಲಿ(Hubli-Dharwad) 21% ಮಹಿಳೆಯರ ಉದ್ಯೋಗ ಪಾಲ್ಗೊಳ್ಳುವಿಕೆ ಹೆಚ್ಚಾಗಿದೆ.

ಇದನ್ನು ಓದಿ :  ಶಕ್ತಿ ಯೋಜನೆಯ ಯಶಸ್ಸಿನ ಸಂಭ್ರಮಾಚರಣೆ: ಮಹಿಳಾ ಪ್ರಯಾಣಿಕರಿಗೆ ಇಂದು 500ನೇ ಕೋಟಿ ಟಿಕೆಟ್ ವಿತರಣೆ ಮಾಡಿದ ಸಿಎಂ

ಇದರಿಂದ ರಾಜ್ಯದ ತಲಾ ಆದಾಯಕ್ಕೂ ಏರಿಕೆ ಕಂಡಿದೆ.ಶಕ್ತಿ ಯೋಜನೆಯ ಯಶಸ್ಸಿನಿಂದ ಪ್ರೇರಿತವಾಗಿ ದೇಶದ ಹಲವು ರಾಜ್ಯಗಳಲ್ಲಿ ಇದೇ ರೀತಿಯ ಯೋಜನೆಗಳನ್ನು ಅಳವಡಿಸಲಾಗುತ್ತಿದೆ. ಮಹಿಳಾ ಸಬಲೀಕರಣದತ್ತ ಕರ್ನಾಟಕ ಸರ್ಕಾರ(Government of Karnataka) ಕೈಗೊಂಡಿರುವ ಈ ಹೆಜ್ಜೆ ಇಡೀ ದೇಶಕ್ಕೆ ಮಾದರಿಯಾಗಿದೆ. (Shakti Yojana enters Golden Book of World Records)