ಮಹಾರಾಷ್ಟ್ರದಲ್ಲಿ(Maharashtra) ಗಂಭೀರ ರಾಜಕೀಯ(Political) ಬಿಕ್ಕಟ್ಟನ್ನು ಹುಟ್ಟುಹಾಕಿರುವ ಮಹಾರಾಷ್ಟ್ರದ ಬಂಡಾಯ ನಾಯಕ ಏಕನಾಥ್ ಶಿಂಧೆ(Eknath Shinde) ಅವರ ಕ್ರಮಗಳಿಂದ ಕೆರಳಿದ ಹಲವಾರು ಶಿವಸೇನೆ ಕಾರ್ಯಕರ್ತರು(Shivasena Workers) ತಮ್ಮ ಆಕ್ರೋಶವನ್ನು ವ್ಯಕ್ತಪಡಿಸಲು ಬೀದಿಗಿಳಿದು ಪ್ರತಿಭಟಿಸುತ್ತಿದ್ದಾರೆ.
ಶಿಂಧೆ ವಿರುದ್ಧದ ಇತ್ತೀಚಿನ ಪ್ರತಿಭಟನೆಯಲ್ಲಿ, ಶುಕ್ರವಾರ ಹಲವಾರು ಶಿವಸೇನೆಯವರು ನಾಸಿಕ್‌ನಲ್ಲಿ ಅವರ ಪೋಸ್ಟರ್ಗೆ ಶಾಯಿ(Black Ink) ಮತ್ತು ಮೊಟ್ಟೆಗಳನ್ನು(Egg) ಎಸೆದಿದ್ದಾರೆ. ವೀಡಿಯೋದಲ್ಲಿ ಶಿವಸೇನೆ ಬೆಂಬಲಿಗರು ಬಂಡಾಯ ನಾಯಕನ ವಿರುದ್ಧ ಘೋಷಣೆಗಳನ್ನು ಕೂಗುತ್ತಿರುವುದು ವೀಡಿಯೊದಲ್ಲಿ ಕಾಣಬಹುದು. ಮಹಾರಾಷ್ಟ್ರದಲ್ಲಿ ಇಂತಹ ಘಟನೆ ನಡೆಯುತ್ತಿರುವುದು ಇದೇ ಮೊದಲಲ್ಲ. ಗುರುವಾರ, ಬಂಡಾಯ ಪಕ್ಷದ ನಾಯಕ ಏಕನಾಥ್ ಶಿಂಧೆ ಅವರೊಂದಿಗೆ ಗುವಾಹಟಿಯಲ್ಲಿ ಬೀಡುಬಿಟ್ಟಿದ್ದ ಬಂಡಾಯ ಶಾಸಕ ಸದಾ ಸರ್ವಾಂಕರ್ ಅವರ ಪೋಸ್ಟರ್ಗೆ ಮಸಿ ಬಳಿದು ‘ದೇಶದ್ರೋಹಿ’ ಎಂದು ಬರೆದಿದ್ದಾರೆ.
ಅವರ ಸ್ವಂತ ಕ್ಷೇತ್ರವಾದ ಮಾಹಿಮ್‌ನಲ್ಲಿ ಈ ಘಟನೆ ನಡೆದಿದೆ. ಇದಕ್ಕೂ ಮುನ್ನ, ಶಿವಸೇನೆಯ ಮಹಿಳಾ ಬೆಂಬಲಿಗರ ಗುಂಪು ಬುಧವಾರ ಔರಂಗಾಬಾದ್‌ನ ಬೀದಿಗಿಳಿದು, ಬಂಡಾಯ ಪಾಳೆಯದ ಶಾಸಕರನ್ನು “ಮತದಾರರ ನಂಬಿಕೆಯನ್ನು ಮಾರಿದ ದೇಶದ್ರೋಹಿಗಳು” ಎಂದು ಕರೆದು ತಮ್ಮ ಆಕ್ರೋಶ ಹೊರಹಾಕಿದ್ದಾರೆ. ವಿರೋಧಗಳ ಪೋಸ್ಟರ್ ನಡುವೆ ಏಕನಾಥ್ ಶಿಂಧೆ ಅವರನ್ನು ಬೆಂಬಲಿಸುವ ಕೆಲ ಪೋಸ್ಟರ್‌ಗಳು ಸಹ ಕಾಣಿಸಿಕೊಂಡಿವೆ. ಗುರುವಾರ, ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ(Uddhav Thackrey) ಭಾವನಾತ್ಮಕ ಭಾಷಣ ಮಾಡಿದ ಒಂದು ದಿನದ ನಂತರ,
ಬಂಡಾಯ ಸೇನಾ ಶಾಸಕ ಏಕನಾಥ್ ಶಿಂಧೆ ಅವರನ್ನು ಬೆಂಬಲಿಸಿ ಪಾಲ್ಘರ್, ದಹಾನು, ತಲಸರಿ ಮತ್ತು ಥಾಣೆಯಲ್ಲಿ ಹಲವಾರು ಪೋಸ್ಟರ್‌ಗಳನ್ನು ಹಾಕಲಾಯಿತು. ಪಕ್ಷದ ಶಾಸಕರು ಏಕನಾಥ್ ಶಿಂಧೆ ನೇತೃತ್ವದ ಬಂಡಾಯಕ್ಕೆ ಸೇರಿದ ನಂತರ ಮಹಾರಾಷ್ಟ್ರದ ಮಹಾರಾಷ್ಟ್ರ ವಿಕಾಸ್ ಅಘಾಡಿ (ಎಂವಿಎ) ಸರ್ಕಾರದಲ್ಲಿ ರಾಜಕೀಯ ಬಿಕ್ಕಟ್ಟು ಭುಗಿಲೆದ್ದಿತು. ಶಿಂಧೆ ಪಾಳಯಕ್ಕೆ ಈಗ ಕೆಲವು ಸ್ವತಂತ್ರ ಶಾಸಕರು ಸೇರಿದಂತೆ 50 ಶಾಸಕರ ಬೆಂಬಲವಿದೆ ಎಂದು ಹೇಳಲಾಗಿದೆ. “ಪ್ರಜಾಪ್ರಭುತ್ವದಲ್ಲಿ ಸಂಖ್ಯೆಗಳು ಮುಖ್ಯ. ನಮಗೆ ಐವತ್ತು ಪ್ಲಸ್ (ಶಾಸಕರು) ಬೆಂಬಲವಿದೆ” ಎಂದು ಶಿಂಧೆ ಗಟುಧ್ವನಿಯಲ್ಲಿ ಹೇಳಿದ್ದಾರೆ.
