- ಶಾಲೆಗಳ ಸುತ್ತ ಬೀದಿ ನಾಯಿ ಹಾವಳಿ: ಶಿಕ್ಷಣ ಇಲಾಖೆಯ (Stray dog menace around schools) ಹೊಸ ಗೈಡ್ಲೈನ್ಗಳು ಬಿಡುಗಡೆ
- ಸುಪ್ರೀಂ ಕೋರ್ಟ್ ಒತ್ತಾಯದ ಬಳಿಕ ಇಲಾಖೆಗಳ ತುರ್ತು ಕ್ರಮಗಳು
- ಪಾಲಿಕೆ–ಶಾಲೆಗಳ ಸಂಯುಕ್ತ ಕಾರ್ಯಕ್ರಮಕ್ಕೆ ಶಿಕ್ಷಣ ಇಲಾಖೆಯ ಆದೇಶ
Bengaluru: ಕರ್ನಾಟಕದಲ್ಲಿ ಬೀದಿ ನಾಯಿಗಳ (Street Dogs) ದಾಳಿ ಪ್ರಕರಣಗಳು ದಿನೇದಿನೇ ಹೆಚ್ಚುತ್ತಿರುವ ಸಂದರ್ಭದಲ್ಲಿ, ವಿಶೇಷವಾಗಿ ಮಕ್ಕಳ ಮೇಲೆ ಸಂಭವಿಸುತ್ತಿರುವ ದಾಳಿಗಳು ಪೋಷಕರಲ್ಲಿ ಭಾರೀ ಆತಂಕ ಸೃಷ್ಟಿಸಿವೆ.
ರಸ್ತೆಯಲ್ಲಿ ನಡೆದುಕೊಂಡು ಹೋಗುವವರು, ಜಾಗಿಂಗ್ ಮಾಡುವವರು, ಶಾಲಾ ಮಕ್ಕಳವರೆಗೂ ನಾಯಿ ದಾಳಿಗೆ ಒಳಗಾಗುತ್ತಿರುವ ಘಟನೆಗಳು ಹೆಚ್ಚಾಗಿವೆ. ಒಂದಲ್ಲ ಒಂದು ಜಿಲ್ಲೆಯಲ್ಲಿ ಮಕ್ಕಳಿಗೆ ಗಂಭೀರ
ಗಾಯವಾಗುವುದು, ಕೆಲವೊಮ್ಮೆ ಸಾವಿನೂ ಸಂಭವಿಸಿರುವುದು ರಾಜ್ಯಕ್ಕೆ ದೊಡ್ಡ ಚಿಂತೆಯಾಗಿದೆ. ಇಂತಹ ಹಿನ್ನೆಲೆಯಲ್ಲಿ ಸುಪ್ರೀಂ ಕೋರ್ಟ್ (Supreme Court) ರಾಜ್ಯಕ್ಕೆ ನೇರವಾಗಿ ಎಚ್ಚರಿಕೆ ನೀಡಿದ ನಂತರ,
ಸರ್ಕಾರದ ಇಲಾಖೆಗಳು ಚುರುಕಾಗಿವೆ. ಅದರ ಭಾಗವಾಗಿ, ಶಾಲೆಗಳ ಸುತ್ತಮುತ್ತ ಬೀದಿ ನಾಯಿ ಹಾವಳಿಯನ್ನು ನಿಯಂತ್ರಿಸಲು ಶಿಕ್ಷಣ ಇಲಾಖೆ ಹೊಸ ಮಾರ್ಗಸೂಚಿಗಳನ್ನು
ಹೊರಡಿಸಿದೆ. ಈ ಮಾರ್ಗಸೂಚಿಗಳು ರಾಜ್ಯದ ಸರ್ಕಾರಿ, ಖಾಸಗಿ ಹಾಗೂ ಅನುದಾನಿತ ಎಲ್ಲ ಶಿಕ್ಷಣ ಸಂಸ್ಥೆಗಳು ಕಡ್ಡಾಯವಾಗಿ ಅನುಸರಿಸಬೇಕಾದವು. ವಿದ್ಯಾರ್ಥಿಗಳ ಸುರಕ್ಷತೆಗಾಗಿ ಶಾಲಾ ಆವರಣದಲ್ಲಿರುವ
ನಾಯಿಗಳ ಮಾಹಿತಿ ಸಂಗ್ರಹಿಸುವುದರಿಂದ ಹಿಡಿದು, ಅವುಗಳ ಸ್ಥಳಾಂತರಕ್ಕೆ ಸ್ಥಳೀಯ ಸಂಸ್ಥೆಗಳೊಡನೆ ಸಹಕಾರ ನೀಡುವವರೆಗೂ ಅನೇಕ ಕ್ರಮಗಳನ್ನು ಒಳಗೊಂಡಿವೆ. ಮಕ್ಕಳಿಗೆ ಸುರಕ್ಷಿತ ವಾತಾವರಣ
ಕಲ್ಪಿಸುವುದು ಶಾಲೆಗಳ ಮೊದಲ ಆದ್ಯತೆಯಾಗಬೇಕು ಎಂಬ ಸ್ಪಷ್ಟ ಸಂದೇಶ ಈ ಮಾರ್ಗಸೂಚಿಗಳಲ್ಲಿದೆ. ಹೊಸ ಮಾರ್ಗಸೂಚಿಗಳ ಪ್ರಕಾರ, ಶಾಲೆಗಳು ತಮ್ಮ ಆವರಣದಲ್ಲಿ ಅಥವಾ ಸುತ್ತಮುತ್ತ ಅಲೆದಾಡುತ್ತಿರುವ
ನಾಯಿಗಳ ಸಂಖ್ಯೆಯನ್ನು ನಗರ ಮತ್ತು ಗ್ರಾಮೀಣ ಸ್ಥಳೀಯ ಸಂಸ್ಥೆಗಳಿಗೆ ರಿಪೋರ್ಟ್ (Report) ಮಾಡಬೇಕು. ಈ ಸಂಖ್ಯೆ ಆಧರಿಸಿ ಗ್ರಾಮದ ಪಂಚಾಯಿತಿ/ನಗರ ಪಾಲಿಕೆಗಳು ನಾಯಿಗಳನ್ನು ಹಿಡಿದು ಶೆಲ್ಟರ್ಗೆ
(shelter)ಸ್ಥಳಾಂತರಿಸಲು ಕ್ರಮ ಕೈಗೊಳ್ಳುತ್ತವೆ. ನಾಯಿಗಳನ್ನು ಒಂದು ಬಾರಿ ಸ್ಥಳಾಂತರಿಸಿದ ಬಳಿಕ ಮತ್ತೆ ಅವು ಶಾಲಾ ಆವರಣಕ್ಕೆ ಪ್ರವೇಶಿಸದಂತೆ (Stray dog menace around schools) ಕಾಂಪೌಂಡ್
ಬಲಪಡಿಸಬೇಕು ಎಂದು ಸೂಚಿಸಲಾಗಿದೆ. ಜೊತೆಗೆ, ಪ್ರತಿಯೊಂದು ಶಿಕ್ಷಣ ಸಂಸ್ಥೆಯೂ ನೊಡಲ್ (Nodal) ಅಧಿಕಾರಿಯನ್ನು ನೇಮಿಸಿ, ಬೀದಿ ನಾಯಿಗಳ ಸ್ಥಳಾಂತರ ಪ್ರಕ್ರಿಯೆ, ಸ್ಥಳೀಯ ಸಂಸ್ಥೆಗಳೊಂದಿಗೆ ಸಮನ್ವಯ
ಹಾಗೂ ನಂತರದ ಮೇಲ್ವಿಚಾರಣೆ ಕಾರ್ಯಗಳನ್ನು ನಿರ್ವಹಿಸಲು ಜವಾಬ್ದಾರಿ ನೀಡಬೇಕು. ಶಾಲೆಗಳು ತಮ್ಮ ಪರಿಸರದಲ್ಲಿ ಸುರಕ್ಷಿತ ವಲಯ (Safe Zone) ಸೃಷ್ಟಿಸುವುದು ಮುಖ್ಯ. ವಿದ್ಯಾರ್ಥಿಗಳು ಮಧ್ಯಾಹ್ನದ ಲಂಚ್
ಬ್ರೇಕ್ (Lunch break) ಅಥವಾ ಆಟದ ಸಮಯದಲ್ಲಿ ಹೊರಾಂಗಣದಲ್ಲಿ ಇರುವಾಗ ಯಾವುದೇ ಅಪಾಯ ಉಂಟಾಗದಂತೆ ನೋಡಿಕೊಳ್ಳುವುದೇ ಈ ಸೂಚನೆಗಳ ಉದ್ದೇಶ. ಇದರೊಂದಿಗೆ, ಮಕ್ಕಳಿಗೆ ಬೀದಿ
ನಾಯಿಗಳ ನಡವಳಿಕೆ ಕುರಿತು ಜಾಗೃತಿ ಮೂಡಿಸುವ ಕಾರ್ಯವನ್ನು ಕೂಡ ಶಾಲೆಗಳು ಕೈಗೆತ್ತಿಕೊಳ್ಳಲು ಪ್ರೋತ್ಸಾಹಿಸಲಾಗಿದೆ. ಸರ್ಕಾರದ ಈ ಕ್ರಮ ಕೇವಲ ಶಿಕ್ಷಣ ಇಲಾಖೆಯ ಮಟ್ಟದಲ್ಲೇ ಸಿಮಿತವಾಗದೆ, ಆರೋಗ್ಯ
ಇಲಾಖೆ ಕೂಡ ತುರ್ತು ಕ್ರಮಗಳಿಗೆ ಮುಂದಾಗಿದೆ. ಕರ್ನಾಟಕದಲ್ಲಿ ಪ್ರತಿಮಾಸವೂ ಸುಮಾರು 40 ಸಾವಿರ ನಾಯಿ ಕಚ್ಚುವ ಪ್ರಕರಣಗಳು ದಾಖಲಾಗುತ್ತಿವೆ ಎಂಬ ಆತಂಕಕಾರಿ ಅಂಕಿಅಂಶಗಳು ಹೊರಬಿದ್ದಿವೆ. ಈ
ಹಿನ್ನೆಲೆಯಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ನಾಯಿ ಕಡಿತಕ್ಕೆ ಅಗತ್ಯವಿರುವ ವ್ಯಾಕ್ಸಿನ್ ಮತ್ತು ಔಷಧಗಳನ್ನು ಸದಾ ಲಭ್ಯವಾಗುವಂತೆ ಮಾಡುವುದಕ್ಕೆ ಸೂಚನೆ ನೀಡಿದ್ದಾರೆ. ವೈದ್ಯಕೀಯ ಸಿಬ್ಬಂದಿಗೆ ತ್ವರಿತ ಚಿಕಿತ್ಸಾ
ವಿಧಾನಗಳ ಬಗ್ಗೆ ಮಾರ್ಗದರ್ಶನ ನೀಡಲಾಗಿದ್ದು, ಚಿಕಿತ್ಸೆ ಉಚಿತವಾಗಿರಬೇಕು ಎಂದೂ ಆದೇಶಿಸಲಾಗಿದೆ. ಅಲ್ಲದೆ, ನಾಯಿಗಳ ಸಂಖ್ಯೆಯನ್ನು ನಿಯಂತ್ರಿಸಲು ನಸಿಗೊಳಿಸುವ ಯೋಜನೆಗಳನ್ನು ವೇಗ ಮಾಡಲು, ಪ್ರಾಣಿ
ಪ್ರಿಯರು ಮತ್ತು ಸ್ಥಳೀಯ ಸಂಸ್ಥೆಗಳೊಂದಿಗೆ ಸಹಕರಿಸುವಂತೆ ಆರೋಗ್ಯ ಇಲಾಖೆ ಆದೇಶಿಸಿದೆ. ಸಾರ್ವಜನಿಕರು ನಾಯಿ ದಾಳಿಗೆ ಒಳಗಾದರೆ ಕ್ರಮ ಕೈಗೊಳ್ಳಬೇಕಾದ ವಿಧಾನ, ಯಾವಾಗ ವೈದ್ಯರನ್ನು ಭೇಟಿ
ಮಾಡಬೇಕು, ರೇಬೀಸ್ ವ್ಯಾಕ್ಸಿನ್ಗಳ ಪ್ರಾಮುಖ್ಯತೆ ಮುಂತಾದ ವಿಚಾರಗಳ ಬಗ್ಗೆ ಜಾಗೃತಿ ಕಾರ್ಯಕ್ರಮಗಳನ್ನು ಆರಂಭಿಸಲಾಗುತ್ತಿದೆ. ಸುಪ್ರೀಂ ಕೋರ್ಟ್ (Supreme Court) ಕಿಡಿಗೇಡಿತನದ ನಂತರ ರಾಜ್ಯ
ಸರ್ಕಾರವು ಕೈಗೊಂಡಿರುವ ಈ ಕ್ರಮಗಳು, ಶಾಲಾ ಮಕ್ಕಳ ಸುರಕ್ಷತೆಯನ್ನು ಗಂಭೀರವಾಗಿ ಪರಿಗಣಿಸುತ್ತಿರುವುದನ್ನು ತೋರಿಸುತ್ತದೆ. ಪೋಷಕರು ತಮ್ಮ ಮಕ್ಕಳನ್ನು ಶಾಲೆಗೆ ಕಳಿಸುವಲ್ಲಿ ಭಯಪಡದಂತೆ ಸುರಕ್ಷಿತ
ಪರಿಸರವನ್ನು ನಿರ್ಮಿಸುವುದು ಸರ್ಕಾರ ಮತ್ತು ಶಾಲೆಗಳ ಜವಾಬ್ದಾರಿಯಾಗಿದೆ. ಬೀದಿ ನಾಯಿಗಳ ನಿಯಂತ್ರಣ ಕೇವಲ ಒಂದು ಇಲಾಖೆಯ ಜವಾಬ್ದಾರಿಯಲ್ಲ ಅದು ಶಾಲೆ, ಸ್ಥಳೀಯ ಸಂಸ್ಥೆ, ಆರೋಗ್ಯ ಇಲಾಖೆ ಮತ್ತು
ಸಾರ್ವಜನಿಕರ ಒಟ್ಟೂ ಜವಾಬ್ದಾರಿಯಾಗಿದೆ. ಮಕ್ಕಳ ಸುರಕ್ಷತೆ, ನಾಯಿಗಳ ಕಲ್ಯಾಣ ಮತ್ತು ಸಾರ್ವಜನಿಕ ಆರೋಗ್ಯ ಮೂರು ವಿಷಯಗಳನ್ನೂ ಸಮರ್ಪಕ ಮತ್ತು ವಿವೇಕ ಪೂರ್ಣ ಕ್ರಮಗಳಿಂದ
ಸಮತೋಲನದಲ್ಲಿರಿಸಬೇಕು. ಹೊಸ ಮಾರ್ಗಸೂಚಿಗಳು ಈ ಸಮತೋಲನ ಸಾಧಿಸುವ ದಾರಿಗೆ ಮುನ್ನಡೆಸುತ್ತವೆ. ಮುಂದಿನ ದಿನಗಳಲ್ಲಿ ಇದರ ಅನುಷ್ಠಾನ ಹೇಗೆ ನಡೆಯುತ್ತದೆ ಎಂಬುದೇ ರಾಜ್ಯದ ಮಕ್ಕಳ ಸುರಕ್ಷತೆಯ
ಭವಿಷ್ಯವನ್ನು ನಿರ್ಧರಿಸಲಿದೆ.
ಇದನ್ನು ಓದಿ : ದಿತ್ವಾ ಚಂಡಮಾರುತ:ತಮಿಳುನಾಡು,ಪುದುಚೇರಿ,ಆಂಧ್ರ ಕರಾವಳಿಗೆ ಭಾರೀ ಮಳೆಯ ಎಚ್ಚರಿಕೆ ನೀಡಿದ ಐಎಂಡಿ
