• 65 ಕಿಲೋಮೀಟರ್ ಪ್ರಯಾಣಕ್ಕೆ 12 ಗಂಟೆಗಳ ಕಾಲ ಟ್ರಾಫಿಕ್ ದಟ್ಟಣೆ
• ಪ್ರಯಾಣಿಕರು ಏಕೆ ಟೋಲ್ ಶುಲ್ಕ ಪಾವತಿಸಬೇಕು?- ಸುಪ್ರೀಂ ಕೋರ್ಟ್
• ಹೆದ್ದಾರಿ ಮಾರ್ಗದಲ್ಲಿ ವಾರಂತ್ಯದಲ್ಲಿ 12 ಗಂಟೆಗಳ ಕಾಲ ಟ್ರಾಫಿಕ್ ದಟ್ಟಣೆ

ನವದೆಹಲಿ: ಕೇರಳದ ತ್ರಿಶೂರ್‌ನಲ್ಲಿ(Thrissur, Kerala) 65 ಕಿಲೋಮೀಟರ್ ಹೆದ್ದಾರಿಯ ಪ್ರಯಾಣ(Highway travel) ಕ್ರಮಿಸಲು 12 ಗಂಟೆಗಳು ಬೇಕಾಗಿದ್ದರೆ,

ಪ್ರಯಾಣಿಕರು 150 ರೂ. ಟೋಲ್ ಏಕೆ ಪಾವತಿಸಬೇಕು ಎಂದು ಸುಪ್ರೀಂ ಕೋರ್ಟ್(Supreme Court) ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವನ್ನು(NHAI) ಪ್ರಶ್ನಿಸಿದೆ.

ಕೇರಳದ ತ್ರಿಶೂರ್‌ನ ಪಲಿಯೆಕ್ಕರ ಟೋಲ್ ಪ್ಲಾಜಾದಲ್ಲಿ(Paliyekkara Toll Plaza) ಟೋಲ್ ಸಂಗ್ರಹವನ್ನು ಸ್ಥಗಿತಗೊಳಿಸಿದ ಕೇರಳ ಹೈಕೋರ್ಟ್‌ನ(Kerala High Court) ಆದೇಶವನ್ನು ಪ್ರಶ್ನಿಸಿ

ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್‌ಎಚ್‌ಎಐ) ಮತ್ತು ರಿಯಾಯಿತಿ ಸಂಸ್ಥೆ ಗುರುವಾಯೂರ್ ಮೂಲಸೌಕರ್ಯ ಸಂಸ್ಥೆ(Guruvayur Infrastructure Corporation) ಸುಪ್ರೀಂ ಕೋರ್ಟ್ ಮೊರೆ ಹೋಗಿದ್ದವು

ಸುಪ್ರೀಂ ಕೋರ್ಟ್ ಅಲ್ಲಿ ಸಲ್ಲಿಸಿದ್ದ ಅರ್ಜಿಗಳ ಮೇಲಿನ ತೀರ್ಪನ್ನು ಕಾಯ್ದಿರಿಸುವಾಗ ಮುಖ್ಯ ನ್ಯಾಯಮೂರ್ತಿ ಬಿ.ಆರ್. ಗವಾಯಿ(B.R. Gawai) ಮತ್ತು ನ್ಯಾಯಮೂರ್ತಿಗಳಾದ

ಕೆ. ವಿನೋದ್ ಚಂದ್ರನ್(K. Vinod Chandran) ಮತ್ತು ಎನ್‌ವಿ. ಅಂಜಾರಿಯಾ(NV Anjaria) ಅವರನ್ನೊಳಗೊಂಡ ನ್ಯಾಯಪೀಠವು ವಿಚಾರಣೆ ನಡೆಸುತ್ತಿದ್ದು, ಈ ಪ್ರಶ್ನೆ ಕೇಳಿದೆ.

ವಿಚಾರಣೆ ವೇಳೆ ಹೆದ್ದಾರಿ ಮಾರ್ಗದಲ್ಲಿ ವಾರಂತ್ಯದಲ್ಲಿ 12 ಗಂಟೆಗಳಗಾಲ ಟ್ರಾಫಿಕ್‌ ದಟ್ಟಣೆಯ(Traffic congestion) ಸಮಸ್ಯ ಇರುತ್ತದೆ ಎನ್ನುವುದನ್ನು ನ್ಯಾಯಪೀಠದ ಗಮನಕ್ಕೆ ತರಲಾಗಿದೆ,

ಇದನ್ನು ಓದಿ : ಟ್ರಾಫಿಕ್‌ ಸಮಸ್ಯೆಗೆ ಕೊನೆಗೂ ಮುಕ್ತಿ; ಹೆಬ್ಬಾಳ ಫ್ಲೈಓವರ್ ಉದ್ಘಾಟಿಸಿದ ಸಿಎಂ ಹಾಗೂ ಡಿಸಿಎಂ

ಒಬ್ಬ ವ್ಯಕ್ತಿ 65 ಕಿಲೋಮೀಟರ್ ಪ್ರಯಾಣದಲ್ಲಿ 12 ಗಂಟೆಗಳ ಕಾಲ ಟ್ರಾಫಿಕ್ ದಟ್ಟಣೆಯಲ್ಲಿ ಹೆಣಗಾಡ ಬೇಕಾದರೆ 150 ರೂ. ಏಕೆ ಪಾವತಿಸಬೇಕು? ಒಂದು ಗಂಟೆ ಪ್ರಯಾಣವಿರುವ ಮಾರ್ಗಕ್ಕೆ ಅಧಕ 11 ಗಂಟೆ ಪ್ರಯಾಣ ಮಾಡಿದರೆ ಅವರು ಟೋಲ್ ಯಾಕೆ ಪಾವತಿಸಬೇಕು ಎಂದು ಸಿಜೆಐ ಹೇಳಿದರು.