ಮೂಳೆಗಳ ಆರೋಗ್ಯಕ್ಕೆ ಕ್ಯಾಲ್ಸಿಯಂ ಅತ್ಯಗತ್ಯವಾಗಿದೆ. ಈ ಕ್ಯಾಲ್ಸಿಯಂ ಹಾಲಿನಲ್ಲಿ ಸಮೃದ್ಧವಾಗಿದೆ. ಆದರೆ ಹಾಲು ಇಷ್ಟಪಡದ ಅನೇಕ ಜನರಿದ್ದಾರೆ. ಈ ಕಾರಣದಿಂದಾಗಿ, ಅವರು ಹಾಲಿನಿಂದ ದೂರವಿರುತ್ತಾರೆ, ಆದರೆ ವಯಸ್ಸಾದಂತೆ ಅದರ ಪರಿಣಾಮ ಎದುರಿಸಬೇಕಾಗಬಹುದು. ಇದರಿಂದ ನಿಮ್ಮ ಮೂಳೆ ಹಾಗೂ ಕೀಲುಗಳಲ್ಲಿ ನೋವು ಕಾಣಿಸಿಕೊಳ್ಳಲು ಪ್ರಾರಂಭವಾಗುತ್ತದೆ. ಆದ್ದರಿಂದ ನೀವು ಕ್ಯಾಲ್ಸಿಯಂ ಪೂರೈಕೆಗೆ ಹಾಲಿನ ಪರ್ಯಾಯವಾಗಿ ಅನೇಕ ಆಹಾರಗಳನ್ನು ಸೇವಿಸಬೇಕಾಗುತ್ತದೆ. ಈ ಆಹಾರಗಳ ಬಗ್ಗೆ ಈ ಲೇಖನದಲ್ಲಿ ಮಾಹಿತಿ ನೀಡಲಾಗಿದೆ.

ಕ್ಯಾಲ್ಸಿಯಂ ಪೂರೈಕೆಗೆ ಹಾಲಿನ ಪರ್ಯಾಯವಾಗಿ ಸೇವಿಸಬೇಕಾದ ಅಹಾರ ಪದಾರ್ಥಗಳು ಇಲ್ಲಿವೆ:

ಓಟ್ ಮೀಲ್:
ಓಟ್ ಮೀಲ್ ನಲ್ಲಿ ಕ್ಯಾಲ್ಸಿಯಂ ಹೆಚ್ಚಿಲ್ಲ, ಆದರೆ ಇದನ್ನು ಇತರ ಆಹಾರಗಳೊಂದಿಗೆ ಬೆರೆಸುವ ಮೂಲಕ ಹೆಚ್ಚಿಸಬಹುದು.ಆದರೆ, ನೀವು ಹಾಲು ಕುಡಿಯದಿದ್ದರೆ ಈ ಆಯ್ಕೆಯು ಉತ್ತಮವಾಗಿರುತ್ತದೆ.

ಬಾದಾಮಿ ಹಾಲು :
ನಿಮಗೆ ಹಾಲಿನ ವಾಸನೆ ಇಷ್ಟವಾಗದಿದ್ದರೆ, ನೀವು ಬಾದಾಮಿ ಹಾಲನ್ನು ಸಹ ಕುಡಿಯಬಹುದು, ಇದರಿಂದ ಕ್ಯಾಲ್ಸಿಯಂ, ಜೊತೆಗೆ ವಿಟಮಿನ್-ಇ, ಪ್ರೋಟೀನ್ ಮತ್ತು ಫೈಬರ್ ಕೂಡ ಲಭ್ಯವಿದೆ.

ಬೀನ್ಸ್:
ಬೀನ್ಸ್ ಕ್ಯಾಲ್ಸಿಯಂ ಮಾತ್ರವಲ್ಲದೆ ಹೆಚ್ಚಿನ ಪ್ರಮಾಣದ ಪ್ರೋಟೀನ್ ಅನ್ನು ಹೊಂದಿರುತ್ತದೆ. ಬೀನ್ಸ್ ತಿನ್ನಲು ಉತ್ತಮ ಆಯ್ಕೆಯೆಂದರೆ ನೀವು ಅದನ್ನು ಹಬೆಯ ಮೂಲಕ ಬೇಯಿಸಿ ಸಲಾಡ್ ಆಗಿ ಸೇವಿಸಬಹುದು.

ಕಿತ್ತಳೆ :
ಕಿತ್ತಳೆ ಹಣ್ಣನ್ನು ಅತ್ಯುತ್ತಮ ವಿಟಮಿನ್-ಸಿ ಆಯ್ಕೆಯೆಂದು ಪರಿಗಣಿಸಲಾಗುತ್ತದೆ. ಕಿತ್ತಳೆಯಲ್ಲಿ ವಿಟಮಿನ್ ಸಿ ಮಾತ್ರವಲ್ಲ, ಇತರ ಹಣ್ಣುಗಳಿಗೆ ಹೋಲಿಸಿದರೆ ಕ್ಯಾಲ್ಸಿಯಂ ಅಂಶವೂ ತುಂಬಾ ಹೆಚ್ಚಾಗಿರುತ್ತದೆ.

ಬಿಳಿ ಎಳ್ಳು :
ಬಿಳಿ ಎಳ್ಳು ರುಚಿಯಲ್ಲಿ ಮಾತ್ರವಲ್ಲ, ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ನೀವು ಪ್ರತಿದಿನ ಎರಡು ಎಳ್ಳಿನ ಲಾಡುಗಳನ್ನು ತಿನ್ನುತ್ತಿದ್ದರೆ, ನಿಮ್ಮ ದೇಹ ಸಾಕಷ್ಟು ಕ್ಯಾಲ್ಸಿಯಂ ಪಡೆಯುತ್ತದೆ.

ಸೋಯಾ ಹಾಲು:
ಸೋಯಾ ಹಾಲಿನಲ್ಲಿ ಹಸು ಅಥವಾ ಎಮ್ಮೆ ಹಾಲಿಗಿಂತ ಹೆಚ್ಚಿನ ಕ್ಯಾಲ್ಸಿಯಂ ಇದೆ, ಆದ್ದರಿಂದ ನೀವು ಎಮ್ಮೆ ಅಥವಾ ಹಸುವಿನ ಹಾಲಿಗೆ ಅಲರ್ಜಿಯನ್ನು ಹೊಂದಿದ್ದರೆ, ನೀವು ಮೊಸರು, ಲಸ್ಸಿ ತಯಾರಿಸುವುದರ ಜೊತೆಗೆ ಸೋಯಾ ಹಾಲನ್ನು ಬಳಸಬಹುದು.

ಹಸಿರು ಸೊಪ್ಪು ತರಕಾರಿಗಳು:
ಹಸಿರು ಎಲೆಗಳ ತರಕಾರಿಗಳನ್ನು ಆರೋಗ್ಯದಲ್ಲಿ ಉತ್ತಮವೆಂದು ಪರಿಗಣಿಸಲಾಗುತ್ತದೆ. ನೀವು ಹಸಿರು ಎಲೆಗಳ ತರಕಾರಿಗಳನ್ನು ಇಷ್ಟಪಡದಿದ್ದರೆ, ಮಸಾಲೆ ಅಥವಾ ಚೀಸ್ ಬಳಸಿ ಗರಿಷ್ಠ ಪ್ರಮಾಣದಲ್ಲಿ ಅವುಗಳನ್ನು ತಿನ್ನಲು ಪ್ರಯತ್ನಿಸಿ.