Hair loss : ಇತ್ತೀಚಿನ ದಿನಗಳಲ್ಲಿ ಕೂದಲು ಉದುರುವಿಕೆ ಸಮಸ್ಯೆ ತೀವ್ರ ಸಾಮಾನ್ಯ ಸಮಸ್ಯೆಯಾಗಿದೆ. ಚಿಕ್ಕ ವಯಸ್ಸಿನ ಮಕ್ಕಳಿನಿಂದ ಹಿಡಿದು ವಯಸ್ಸಾದ ವೃದ್ಧರಲ್ಲೂ ಕೂದಲು (tips for hair loss) ಉದುರುವಿಕೆ ಸಮಸ್ಯೆ ತೀವ್ರವಾಗಿದೆ.
ಕೂದಲು ಉದುರುವಿಕೆಯನ್ನು ಹೇಗೆ ತಡೆಗಟ್ಟಬಹುದು? ಇದಕ್ಕೆ ಶಾಶ್ವತ ಪರಿಹಾರವಿದೆಯಾ? ಅಥವಾ ಸರಳ ಮನೆಮದ್ದು ಉಪಯುಕ್ತವಾಗಿದೆಯಾ?
ಎಂಬ ಹತ್ತು ಹಲವು ಪ್ರಶ್ನೆಗಳಿಗೆ ಇಲ್ಲಿದೆ ಒಂದಿಷ್ಟು ಸರಳ ಸಲಹೆಗಳು ಪಾಲಿಸಿ ನೋಡಿ. ಕೂದಲು ಉದುರುವಿಕೆಯನ್ನು ಕಡಿಮೆ ಮಾಡಲು ಮತ್ತು ಬಲವಾದ ಆರೋಗ್ಯಕರ ಕೂದಲನ್ನು ಪಡೆಯಲು ಇಲ್ಲಿವೆ 4 ಸಲಹೆಗಳು.
ಪ್ರೋಟೀನ್ ಭರಿತ ಆಹಾರವನ್ನು ಸೇವಿಸಿ : ನಿಮ್ಮ ಆಹಾರದಲ್ಲಿನ ಪ್ರೋಟೀನ್ ಪ್ರಮಾಣವು ನಿಮ್ಮ ಕೂದಲಿನ ಬೆಳವಣಿಗೆ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ! ಆಹಾರದಲ್ಲಿನ ವ್ಯತ್ಯಾಸಗಳು ಕೂಡ ಕೂದಲಿನ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು.
ಹೀಗಾಗಿ ನಿಮ್ಮ ಆಹಾರದಲ್ಲಿ ಬೀನ್ಸ್, ದ್ವಿದಳ ಧಾನ್ಯಗಳು, ಮೊಟ್ಟೆಗಳು ಮತ್ತು ಇತರ ಪ್ರೋಟೀನ್-ಭರಿತ ಆಹಾರಗಳನ್ನು ಸೇರಿಸಿಕೊಳ್ಳುವ ಅಭ್ಯಾಸವಿರಲಿ.
ಇದು ನಿಮ್ಮ ಕೂದಲಿನ ಆರೋಗ್ಯವನ್ನು ಬಲಿಷ್ಠಗೊಳಿಸುವಲ್ಲಿ ಸಹಾಯ ಮಾಡುತ್ತದೆ.
ವಿಟಮಿನ್ ಕೊರತೆ : ಕೂದಲಿನ ಆರೋಗ್ಯಕ್ಕೆ ವಿಟಮಿನ್ ಅಂಶ ಹೆಚ್ಚು ಅಗತ್ಯವಿದೆ. ವಿಟಮಿನ್ ಎ, ಬಿ, ಸಿ, ಡಿ, ಮತ್ತು ಇ, ಕಬ್ಬಿಣ ಮತ್ತು ಖನಿಜಗಳ ಕೊರತೆಯಿಂದ ನಿಮ್ಮ ಕೂದಲಿನ ಬೆಳವಣಿಗೆಯು ಹಾಳಾಗಿರುತ್ತದೆ.
ಹೀಗಾಗಿ ವಿಟಮಿನ್ ಅಂಶ ಒಳಗೊಂಡ ಹಣ್ಣು-ತರಕಾರಿ ಸೇರಿದಂತೆ ಅಗತ್ಯ ಆಹಾರ ಕ್ರಮವನ್ನು ಅನುಸರಿಸಿ.
ಪ್ರತಿದಿನ ತಲೆ ಸ್ನಾನ ಮಾಡುವುದನ್ನು ನಿಲ್ಲಿಸಿ : ಹಲವರು ಈ ಒಂದು ತಪ್ಪನ್ನು ಮಾಡುತ್ತಾರೆ. ಪ್ರತಿದಿನ ಸ್ನಾನ ಮಾಡುವಾಗ ಕೂದಲನ್ನು ಶ್ಯಾಂಪೂ ಅಥವಾ ಸಾಬೂನು ಬಳಸಿ ಸ್ನಾನ ಮಾಡುತ್ತಾರೆ!
ಅದು ತಪ್ಪು. ನಿಯಮಿತವಾಗಿ ಕೂದಲನ್ನು ತೊಳೆಯುವುದು ನಿಮ್ಮ ನೈಸರ್ಗಿಕ ಕೂದಲಿನ ರಚನೆ ಮತ್ತು ಹೊಳಪಿನ ಮೇಲೆ ಪರಿಣಾಮ ಬೀರುತ್ತದೆ. ಪ್ರತಿದಿನ ನಿಮ್ಮ ಕೂದಲನ್ನು ತೊಳೆಯುವ ಅಗತ್ಯವಿಲ್ಲ.
ಇದು ಒಣ ಮತ್ತು ಸುಕ್ಕುಗಟ್ಟಿದ ಕೂದಲನ್ನು ಉಂಟುಮಾಡಬಹುದು, ಕೂದಲನ್ನು ಹೆಚ್ಚು ಹಾನಿ ಮಾಡಬಹುದು.
ಇದಲ್ಲದೆ, ಇದು ನಿಮ್ಮ ಕೂದಲಿನ ಗಂಟುಗಳನ್ನು ಬಿಚ್ಚಲು ಸವಾಲಾಗಬಹುದು ಮತ್ತು ನಂತರ ನಿಮ್ಮ ಕೂದಲನ್ನು ಬಾಚಿದಾಗ ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ಆದ್ದರಿಂದ ಪ್ರತಿನಿತ್ಯ ತಲೆ ಸ್ನಾನ ಮಾಡುವುದನ್ನು ನಿಲ್ಲಿಸಿ.
ತಲೆ ಮಸಾಜ್ : ನಿಯಮಿತ ತಲೆ ಮಸಾಜ್ ಮಾಡುವುದರಿಂದ ರಕ್ತ ಪರಿಚಲನೆ ಹೆಚ್ಚಾಗುತ್ತದೆ. ಇದು ಕೂದಲು ಉದುರುವಿಕೆಯನ್ನು ನಿಲ್ಲಿಸುವ ಅತ್ಯುತ್ತಮ ಮಾರ್ಗಗಳಲ್ಲಿ ಒಂದಾಗಿದೆ.
ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುವುದರ ಜೊತೆಗೆ, ಇದು ನಿಮ್ಮ ಕೂದಲನ್ನು ಆರೋಗ್ಯಕರವಾಗಿರಿಸುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡಲು ಹೆಚ್ಚು ಸಹಾಯ ಮಾಡುತ್ತದೆ.
ನಿಮ್ಮ ನೆತ್ತಿಯನ್ನು ಮಸಾಜ್ ಮಾಡಲು ಬೆಚ್ಚಗಿನ ಎಣ್ಣೆಯನ್ನು ಬಳಸಿ, ಏಕೆಂದರೆ ಬೆಚ್ಚಗಿನ ಎಣ್ಣೆಯು ಕೂದಲಿನ ಹೊರಪೊರೆಯನ್ನು ಮುಚ್ಚುತ್ತದೆ, ಕೂದಲನ್ನು ಬಲಪಡಿಸುತ್ತದೆ ಮತ್ತು ಬೇರುಗಳಿಂದ ರಕ್ಷಿಸುತ್ತದೆ.
ವಿಶೇಷ ಸೂಚನೆ : ಈ ಮಾಹಿತಿ ಅನ್ನು ಮೂಲಗಳಿಂದ ಕಲೆಹಾಕಿ ನಿಮಗೆ ತಿಳಿಸಿದ್ದೇವೆ. ಇನ್ನು ಹೆಚ್ಚಿನ ಮಾಹಿತಿಗೆ ಒಮ್ಮೆ ವೈದ್ಯರನ್ನು ಸಂಪರ್ಕಿಸಿ ಸಲಹೆ ಪಡೆಯುವುದು ಉತ್ತಮ.
-Mohan
