ಕ್ಯಾಬ್ ಮಾತ್ರವಲ್ಲ, ಇನ್ಮುಂದೆ ಉಬರ್‌ನಲ್ಲಿ (Train ticket booking in Uber) ರೈಲು ಟಿಕೆಟ್ ಕೂಡ ಬುಕ್ ಮಾಡಿ

ರೈಲು ಪ್ರಯಾಣಿಕರಿಗೆ ಗುಡ್‌ನ್ಯೂಸ್: ಉಬರ್‌ನಲ್ಲೇ ರೈಲು ಟಿಕೆಟ್ ಬುಕ್ಕಿಂಗ್ ಮನೆಯಿಂದ ಸ್ಟೇಷನ್‌ಗೆ, ರೈಲು ಟಿಕೆಟ್‌ನಿಂದ ಗಮ್ಯಸ್ಥಾನದವರೆಗೆ ಒಂದೇ ಆ್ಯಪ್‌ನಲ್ಲಿ ಸಂಪೂರ್ಣ ಸೇವೆ

Bus & Train ಆಯ್ಕೆಯ ಮೂಲಕ ಸುಲಭವಾಗಿ ಟಿಕೆಟ್ ಕಾಯ್ದಿರಿಸಿ, ಪ್ರಯಾಣವನ್ನೂ ಒಂದೇ ಆ್ಯಪ್‌ನಲ್ಲಿ ಪ್ಲ್ಯಾನ್ ಮಾಡಬಹುದು

ದೂರದ ಊರುಗಳಿಗೆ ಪ್ರಯಾಣಿಸುವಾಗ ರೈಲು ಬಹುತೇಕ ಭಾರತೀಯರ (Train ticket booking in Uber) ಮೊದಲ ಆಯ್ಕೆಯಾಗಿದೆ.

ಕಡಿಮೆ ವೆಚ್ಚ, ಆರಾಮದಾಯಕ ಪ್ರಯಾಣ ಹಾಗೂ ಕುಟುಂಬದೊಂದಿಗೆ ಸುಲಭವಾಗಿ ಸಂಚರಿಸಬಹುದಾದ ಕಾರಣ ರೈಲು ಪ್ರಯಾಣಕ್ಕೆ ಸದಾ ಬೇಡಿಕೆ ಇದೆ.

ಆದರೆ ರೈಲು ಟಿಕೆಟ್ ಕಾಯ್ದಿರಿಸುವುದು ಮಾತ್ರ ಕೆಲವೊಮ್ಮೆ ಸವಾಲಿನ ಕೆಲಸವಾಗುತ್ತದೆ. ಇದೀಗ ರೈಲು ಪ್ರಯಾಣಿಕರಿಗೆ ಈ ಪ್ರಕ್ರಿಯೆಯನ್ನು ಮತ್ತಷ್ಟು ಸುಲಭಗೊಳಿಸುವ ನಿಟ್ಟಿನಲ್ಲಿ ಉಬರ್ ಹೊಸ ಸೇವೆಯನ್ನು ಆರಂಭಿಸಿದೆ.

ಇನ್ನು ಮುಂದೆ ರೈಲು ಟಿಕೆಟ್ ಬುಕ್ ಮಾಡುವುದರ ಜೊತೆಗೆ ರೈಲು ನಿಲ್ದಾಣಕ್ಕೆ ತೆರಳಲು (Train ticket booking in Uber) ಅಥವಾ ಅಲ್ಲಿಂದ ಮನೆಗೆ ಮರಳಲು ಅಗತ್ಯವಿರುವ ರೈಡ್‌ನ್ನೂ ಒಂದೇ ಆ್ಯಪ್ ಮೂಲಕ ಬುಕ್ ಮಾಡಬಹುದಾಗಿದೆ.

ಉಬರ್ ತನ್ನ ಆ್ಯಪ್‌ನಲ್ಲಿ ರೈಲು ಟಿಕೆಟ್ ಬುಕಿಂಗ್ ಸೌಲಭ್ಯವನ್ನು ಪರಿಚಯಿಸಿದ್ದು, ಆನ್‌ಲೈನ್ ಟ್ರಾವೆಲ್ ಪ್ಲಾಟ್‌ಫಾರ್ಮ್ ಇಕ್ಸಿಗೋ ಜೊತೆ ಪಾಲುದಾರಿಕೆ ಮಾಡಿಕೊಂಡಿದೆ.

ಈ ಹೊಸ ಸೌಲಭ್ಯದಿಂದ ಪ್ರಯಾಣಿಕರು ರೈಲು ಟಿಕೆಟ್‌ಗಾಗಿ ಪ್ರತ್ಯೇಕ ಆ್ಯಪ್‌ಗಳನ್ನು ಬಳಸುವ ಅಗತ್ಯ ಕಡಿಮೆಯಾಗಲಿದೆ. ಉಬರ್ ಆ್ಯಪ್‌ನಲ್ಲಿಯೇ ಪ್ರಯಾಣದ ಸ್ಥಳ, ದಿನಾಂಕ ಹಾಗೂ ಲಭ್ಯವಿರುವ ರೈಲುಗಳ ಮಾಹಿತಿಯನ್ನು ಪರಿಶೀಲಿಸಿ ಟಿಕೆಟ್ (Ticket) ಕಾಯ್ದಿರಿಸಬಹುದು.

ಟಿಕೆಟ್ ಬುಕ್ ಮಾಡಿದ ನಂತರ ಅದರ ವಿವರಗಳು ಮತ್ತು ಪಿಎನ್‌ಆರ್ ಸ್ಥಿತಿಯನ್ನು ಸಹ ಆ್ಯಪ್‌ನಲ್ಲಿಯೇ ಪರಿಶೀಲಿಸಲು ಅವಕಾಶವಿದೆ. ವಿಶೇಷವಾಗಿ ಕುಟುಂಬದೊಂದಿಗೆ

ದೂರದ ಪ್ರಯಾಣ ಕೈಗೊಳ್ಳುವವರು, ಹಿರಿಯ ನಾಗರಿಕರು ಹಾಗೂ ಮಕ್ಕಳೊಂದಿಗೆ ಪ್ರಯಾಣಿಸುವವರಿಗೆ ಈ ವ್ಯವಸ್ಥೆ ಹೆಚ್ಚು ಅನುಕೂಲಕರವಾಗಬಹುದು.

ಪ್ರಯಾಣದ ಆರಂಭದಿಂದ ಕೊನೆಯ ಗಮ್ಯಸ್ಥಾನದವರೆಗೆ ಅಗತ್ಯವಿರುವ ಹಲವು ಸಾರಿಗೆ ಆಯ್ಕೆಗಳನ್ನು ಒಂದೇ ವೇದಿಕೆಯಲ್ಲಿ ನಿರ್ವಹಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ.

ಉಬರ್ ಆ್ಯಪ್‌ನಲ್ಲಿ ರೈಲು ಟಿಕೆಟ್ ಬುಕ್ ಮಾಡುವ ಪ್ರಕ್ರಿಯೆಯೂ ಸರಳವಾಗಿದೆ. ಮೊದಲಿಗೆ ಮೊಬೈಲ್‌ನಲ್ಲಿ ಉಬರ್ ಆ್ಯಪ್ ತೆರೆಯಬೇಕು. ಬಳಿಕ ಹೋಮ್‌ಪೇಜ್‌ನಲ್ಲಿರುವ

‘Bus & Train’ ಆಯ್ಕೆಯನ್ನು ಆರಿಸಬೇಕು. ನಂತರ ‘Train Tickets’ ಮೇಲೆ ಕ್ಲಿಕ್ ಮಾಡಿ, ಪ್ರಯಾಣ ಆರಂಭಿಸುವ ಸ್ಥಳ ಹಾಗೂ ತಲುಪಬೇಕಾದ ಸ್ಥಳವನ್ನು ನಮೂದಿಸಬೇಕು.

ಪ್ರಯಾಣದ ದಿನಾಂಕವನ್ನು ಆಯ್ಕೆ ಮಾಡಿದ ಬಳಿಕ ಆ ದಿನ ಲಭ್ಯವಿರುವ ರೈಲುಗಳ ಪಟ್ಟಿಯನ್ನು ಪರಿಶೀಲಿಸಬಹುದು.

ಅಗತ್ಯವಿರುವ ರೈಲನ್ನು ಆಯ್ಕೆ ಮಾಡಿಕೊಂಡು, ಲಭ್ಯವಿರುವ ಆಯ್ಕೆಗಳ ಆಧಾರದ ಮೇಲೆ ಮುಂದುವರಿದು ಪಾವತಿ ಪೂರ್ಣಗೊಳಿಸಿದರೆ ಟಿಕೆಟ್ ಬುಕ್ಕಿಂಗ್ ಪ್ರಕ್ರಿಯೆ ಮುಗಿಯುತ್ತದೆ. ಬುಕ್ಕಿಂಗ್ ಆದ ಬಳಿಕ ಟಿಕೆಟ್‌ನ ವಿವರಗಳನ್ನು ಆ್ಯಪ್‌ನಲ್ಲಿಯೇ ನೋಡಬಹುದು.

ರೈಲು ಟಿಕೆಟ್ ಸೇವೆಯೊಂದಿಗೆ ಉಬರ್ ಈಗ ಕೇವಲ ಕ್ಯಾಬ್ ಬುಕ್ಕಿಂಗ್ (Cab Booking) ಆ್ಯಪ್ ಆಗಿ ಉಳಿಯದೆ, ವಿವಿಧ ಸಾರಿಗೆ ವ್ಯವಸ್ಥೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ ಮಲ್ಟಿಮೋಡಲ್ ಮೊಬಿಲಿಟಿ (Multimodal Mobility) ಪ್ಲಾಟ್‌ಫಾರ್ಮ್ ಆಗಿ ರೂಪುಗೊಳ್ಳುತ್ತಿದೆ.

ಈಗಾಗಲೇ ಉಬರ್‌ನಲ್ಲಿ ಬೈಕ್, ಆಟೋ, ಕ್ಯಾಬ್, ಮೆಟ್ರೋ, ಇಂಟರ್‌ಸಿಟಿ ಕಾರು ಮತ್ತು ಇಂಟರ್‌ಸಿಟಿ ಬಸ್ ಸೇರಿದಂತೆ ಹಲವು ಸೇವೆಗಳು ಲಭ್ಯವಿವೆ. ರೈಲು ಟಿಕೆಟ್ ಬುಕಿಂಗ್

ಸೇರ್ಪಡೆಯಿಂದ ಪ್ರಯಾಣಿಕರು ತಮ್ಮ ಸಂಪೂರ್ಣ ಪ್ರಯಾಣವನ್ನು ಒಂದೇ ಆ್ಯಪ್‌ನಲ್ಲಿ ಯೋಜಿಸಲು ಸಾಧ್ಯವಾಗಲಿದೆ. ಉದಾಹರಣೆಗೆ, ಮನೆಯಿಂದ ರೈಲು ನಿಲ್ದಾಣಕ್ಕೆ ಹೋಗಲು

ಮೊದಲೇ ಉಬರ್ ರೈಡ್ ಬುಕ್ ಮಾಡಬಹುದು. ರೈಲಿನಿಂದ ಇಳಿದ ಬಳಿಕವೂ ನಿಲ್ದಾಣದಿಂದ ಗಮ್ಯಸ್ಥಾನಕ್ಕೆ ತೆರಳಲು ಅದೇ ಆ್ಯಪ್ ಮೂಲಕ ರೈಡ್ ಆಯ್ಕೆ ಮಾಡಬಹುದು.

ಈ ಸೇವೆಯ ಮತ್ತೊಂದು ಪ್ರಮುಖ ಅನುಕೂಲವೆಂದರೆ ರೈಲು ಪ್ರಯಾಣದ ಜೊತೆಗೆ ‘ಫಸ್ಟ್ ಮೈಲ್’ ಮತ್ತು ‘ಲಾಸ್ಟ್ ಮೈಲ್’ ಸಂಪರ್ಕಕ್ಕೂ ಹೆಚ್ಚಿನ ಒತ್ತು ನೀಡಿರುವುದು.

ದೇಶದ ಪ್ರಮುಖ ರೈಲು ನಿಲ್ದಾಣಗಳಲ್ಲಿ ಉಬರ್ ಈಗಾಗಲೇ ಪಿಕಪ್ ಮತ್ತು ಡ್ರಾಪ್‌ಆಫ್ (Drop-Off) ವಲಯಗಳನ್ನು ಹೊಂದಿದ್ದು, ಪ್ರಯಾಣಿಕರು ನಿಲ್ದಾಣ ತಲುಪಿದ ಬಳಿಕ ಅಥವಾ ರೈಲಿನಿಂದ ಇಳಿದ ನಂತರ ತಮ್ಮ ರೈಡ್ ಪಡೆಯುವುದು ಸುಲಭವಾಗಲಿದೆ.

ಒಟ್ಟಿನಲ್ಲಿ ರೈಲು ಟಿಕೆಟ್ ಬುಕಿಂಗ್, ಪಿಎನ್‌ಆರ್ ಪರಿಶೀಲನೆ ಹಾಗೂ ನಿಲ್ದಾಣಕ್ಕೆ ಹೋಗಿ-ಬರುವ ಸಾರಿಗೆ ವ್ಯವಸ್ಥೆಯನ್ನು ಒಂದೇ ಅಪ್ಲಿಕೇಶನ್‌ನಲ್ಲಿ ಒದಗಿಸುವ ಮೂಲಕ ಪ್ರಯಾಣದ ಅನುಭವವನ್ನು ಸರಳಗೊಳಿಸುವ ಪ್ರಯತ್ನ ಇದಾಗಿದೆ.

ರೈಲು ಪ್ರಯಾಣಿಕರಿಗೆ ಸಮಯ ಉಳಿಸುವುದರ ಜೊತೆಗೆ ಪ್ರಯಾಣದ ಸಂಪೂರ್ಣ ಯೋಜನೆಯನ್ನು ಒಂದೇ ಸ್ಥಳದಲ್ಲಿ ನಿರ್ವಹಿಸುವ ಅವಕಾಶ ಈ ಹೊಸ ಸೇವೆಯಿಂದ ದೊರೆಯಲಿದೆ.

ಇದನ್ನು ಓದಿ : https://vijayatimes.com/priyank-kharge-alleges-misuse-of-pm-cares-fund/