ಹೊರಗೆ ಪ್ರವಾಸಕ್ಕೆ ಹೋದಾಗ ಶೌಚಾಲಯಕ್ಕೆ(Washroom) ಹೋಗುವ ಸಂದರ್ಭ ಬಂದೇ ಬರುತ್ತದೆ, ಆಗ ಅನಿವಾರ್ಯವಾಗಿ ಸಾರ್ವಜನಿಕ ಶೌಚಾಲಯಗಳನ್ನು ಅವಲಂಬಿಸಬೇಕಾಗುತ್ತದೆ.
ಆದ್ರೆ, ಹೆಚ್ಚಿನ ಸಾರ್ವಜನಿಕ ಶೌಚಾಲಯಗಳನ್ನು ಬಳಸುವುದು ಬಿಡಿ, ಒಳಗೆ ಕಾಲಿಡಲೂ ಸಹ ಅಸಹ್ಯವಾಗುವಂತೆ ಇರುತ್ತವೆ.
ಇದಕ್ಕೆ ಕಾರಣ, ನಮ್ಮ ದೇಶದಲ್ಲಿ ಅನೇಕ ಕಡೆಗಳಲ್ಲಿ ಸಾರ್ವಜನಿಕ ಶೌಚಾಲಯಗಳ(Transparent public toilet in japan) ನಿರ್ವಹಣೆಗೆ ಸೂಕ್ತ ಸಿಬ್ಬಂದಿಯೇ ಇಲ್ಲ. ಅಲ್ಲದೇ ಅದನ್ನು ಬಳಸುವ ಜನರು ಕೂಡಾ ಅದನ್ನು ಸ್ವಚ್ಛವಾಗಿಡುವುದು ತಮ್ಮ ಜವಾಬ್ದಾರಿ ಎಂದು ಆಲೋಚನೆ ಮಾಡುವುದಿಲ್ಲ.
ಹೇಗೋ ತಮ್ಮ ಉಪಯೋಗಕ್ಕೆ ಬಂದರೆ ಸಾಕೆಂದು, ಬಳಸಿದ ನಂತರ ಅದನ್ನು ಹೇಗೆಂದರೆ ಹಾಗೆ ಬಿಟ್ಟು ಹೋಗುತ್ತಾರೆ. ಸಾರ್ವಜನಿಕ ಶೌಚಾಲಯ (Transparent public toilet in japan)ಎಂದ ಕೂಡಲೇ ಮೂಗಿಗೆ ಬಡಿಯುವ ದುರ್ನಾತ, ನೆಲದ ಮೇಲೆಲ್ಲ ನೀರು ಹರಿದು ಆಗಿರುವ ತೇವ ಇದೇ ನೆನಪಿಗೆ ಬಂದು ಅನೇಕರು ಸಾರ್ವಜನಿಕ ಶೌಚಾಲಯಗಳನ್ನು ಬಳಸಲು ಹಿಂದೇಟು ಕೂಡಾ ಹಾಕುವುದನ್ನು ನಾವು ಗಮನಿಸಿದ್ದೇವೆ. https://vijayatimes.com/cover-story/#google_vignette
ಇದಕ್ಕೆ ಪರಿಹಾರವೇನು ಎಂದೂ ಕೂಡ ನಾವು ಯೋಚಿಸಿರುತ್ತೇವೆ. ಈಗ ಜಪಾನ್ ದೇಶದಲ್ಲಿ ಇಂತಹ ಸಮಸ್ಯೆಗೆ ಒಂದು ಪರಿಹಾರವನ್ನು ಕಂಡುಕೊಳ್ಳಲಾಗಿದೆ. ಇಲ್ಲಿ ಶೌಚಾಲಯವನ್ನು ಪ್ರವೇಶ ಮಾಡುವ ಮೊದಲೇ ಹೊರಗಿನಿಂದ ನೋಡಿ,
ಒಳಗಿನ ಶೌಚಾಲಯವು ಶುದ್ಧವಾಗಿದೆಯೋ ಇಲ್ಲವೋ ಎಂಬುದನ್ನು ತಿಳಿದುಕೊಳ್ಳಬಹುದು. ಅರೆರೆ ಇದು ಹೇಗೆ ಸಾಧ್ಯ ಎಂದು ಯೋಚಿಸುತ್ತಿದ್ದೀರಾ? ಜಪಾನ್ ನಲ್ಲಿ(Japan) ನಿರ್ಮಾಣ ಮಾಡಿರುವ ಈ ಹೊಸ ಪಬ್ಲಿಕ್ ಟಾಯ್ಲೆಟ್ ಪಾರದರ್ಶಕ ಗೋಡೆಗಳನ್ನು ಹೊಂದಿದೆ, ಆದ್ದರಿಂದ ಹೊರಗಿನಿಂದಲೇ ಟಾಯ್ಲೆಟ್ ಒಳಗೆ ಸ್ವಚ್ಛವಾಗಿದೆಯೋ ಇಲ್ಲವೋ ಎಂಬುದನ್ನು ಪರೀಕ್ಷಿಸಲು ಸಾಧ್ಯವಾಗುತ್ತದೆ.https://vijayatimes.com/cover-story/#google_vignette
ಪಾರದರ್ಶಕ ಶೌಚಾಲಯ ಎಂದ ತಕ್ಷಣ ಸಹಜವಾಗಿಯೇ ಎದುರಾಗುವ ಇನ್ನೊಂದು ಪ್ರಶ್ನೆ ಎಂದರೆ, ಇಂತಹ ಪಾರದರ್ಶಕ ಗೋಡೆಗಳುಳ್ಳ ಶೌಚಾಲಯವನ್ನು ಬಳಸುವುದಾದರೂ ಹೇಗೆ?
ಸುತ್ತಲೂ ಪಾರದರ್ಶಕ ಗೋಡೆಗಳೇ ಇರುವ ಶೌಚಾಲಯವನ್ನು ಬಳಸುವಾಗ ಹೊರಗಿನವರಿಗೆ ಕಾಣುವುದಿಲ್ಲವೇ? ಎನ್ನುವ ಗೊಂದಲ ಮೂಡುವುದು ಸಾಮಾನ್ಯ. ಆದರೆ, ಇದಕ್ಕೂ ಕೂಡಾ ಉತ್ತರವಿದೆ. ಹೊರಗಿನಿಂದ ನೀವು ಟಾಯ್ಲೆಟ್ ಸ್ವಚ್ಚವಾಗಿದೆ ಎಂದು ಖಾತರಿ ಪಡಿಸಿಕೊಂಡ ನಂತರ, ಬಾಗಿಲನ್ನು ತೆರೆದು ಒಳಗೆ ಹೋಗಿ ಅಲ್ಲಿ ಅಳವಡಿಸಲಾಗಿರುವ ಒಂದು ಬಟನ್ ಒತ್ತಿದ ಕೂಡಲೇ ಇಡೀ ಟಾಯ್ಲೆಟ್ ಅಪಾರದರ್ಶಕವಾಗಿ ಬಿಡುತ್ತದೆ! ಟಾಯ್ಲೆಟ್ ನಲ್ಲಿ ಅಳವಡಿಸಲಾಗಿರುವ ಸ್ಮಾರ್ಟ್ ಗ್ಲಾಸ್ ತಂತ್ರಜ್ಞಾನದ ಸಹಾಯದಿಂದ ಒಳಗೆ ಇರುವವರು ಹೊರಗೆ ಕಾಣಿಸುವುದಿಲ್ಲ. ಇದೊಂದು ನಿಜಕ್ಕೂ ಅದ್ಭುತವಾದ ತಂತ್ರಜ್ಞಾನವುಳ್ಳ ಶೌಚಾಲಯವೇ ಸರಿ.
ನಮ್ಮ ದೇಶದಲ್ಲಿಯೂ ಈ ಸೌಲಭ್ಯವಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು ಅಲ್ಲವೇ? ಆದರೆ ಭಾರತದಂತಹ ಅಭಿವೃದ್ಧಿ ಶೀಲ ರಾಷ್ಟ್ರದಲ್ಲಿ ಇಂತಹ ಸೌಲಭ್ಯ ನೀಡಬಹುದಾದರೂ, ಅದನ್ನು ನಿರ್ವಹಣೆ ಮಾಡುವುದು ಬಹಳ ಕಠಿಣ.
- ಪವಿತ್ರ
