ಅಮೆರಿಕಾ ಫಸ್ಟ್’ ಅಡಿಯಲ್ಲಿ ಹೊಸ ಸುಂಕ ನೀತಿ ಜಾರಿ:ಆಮದು ಔಷಧಗಳ ಮೇಲೆ 100% ಸುಂಕ, ಭಾರತೀಯ ಕಂಪನಿಗಳಲ್ಲಿ ಆತಂಕ

ಟ್ರಂಪ್ ಹೊಸ ಸುಂಕ ನೀತಿ ಜಾರಿ: ಆಮದು (Trump implement new tariff on medicine) ಔಷಧಗಳಿಗೆ ಭಾರಿ ತೆರಿಗೆ

ಭಾರತೀಯ ಔಷಧ ಕಂಪನಿಗಳಿಗೆ ಆತಂಕ: ಟ್ರಂಪ್ 100% ಸುಂಕ ಘೋಷಣೆ

ಬ್ರ್ಯಾಂಡೆಡ್ ಔಷಧಗಳ ಮೇಲೆ ತೆರಿಗೆ – ಜೆನೆರಿಕ್ ಔಷಧಗಳಿಗೆ ತಾತ್ಕಾಲಿಕ ವಿನಾಯಿತಿ

ಅಮೆರಿಕಾದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ‘ಅಮೆರಿಕಾ ಫಸ್ಟ್’ ನೀತಿ ಮತ್ತೆ (Trump implement new tariff on medicine) ಜಾಗತಿಕ ವ್ಯಾಪಾರ ವಲಯದಲ್ಲಿ ಸಂಚಲನ ಮೂಡಿಸಿದೆ.

ವಿದೇಶಿ ಆಮದುಗಳ ಮೇಲೆ ಭಾರಿ ಸುಂಕ ವಿಧಿಸುವ ಮೂಲಕ ಅಮೆರಿಕಾದಲ್ಲಿ ಉತ್ಪಾದನೆ ಹೆಚ್ಚಿಸಲು ಹಾಗೂ ದೇಶೀಯ ಕೈಗಾರಿಕೆಗಳಿಗೆ ಉತ್ತೇಜನ ನೀಡಲು ಟ್ರಂಪ್ ಹೊಸ

ನಿರ್ಧಾರಗಳನ್ನು ಘೋಷಿಸಿದ್ದಾರೆ. ಇದರ ಭಾಗವಾಗಿ ಆಯ್ದ ಔಷಧಗಳ ಮೇಲೆ ಶೇ.100 ರಷ್ಟು ಸುಂಕ ವಿಧಿಸಲಾಗಿದ್ದು, ಇದು ಅಕ್ಟೋಬರ್ 1 ರಿಂದ ಜಾರಿಗೆ ಬರಲಿದೆ.

ಈ ಕ್ರಮವು ಜಾಗತಿಕ ಔಷಧ ಕಂಪನಿಗಳ ಜೊತೆಗೆ ಭಾರತೀಯ ಔಷಧ ಕಂಪನಿಗಳ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ.

ಟ್ರಂಪ್ ಘೋಷಿಸಿರುವ ಹೊಸ ಸುಂಕ ನಿಯಮಗಳು ಕೇವಲ (Trump implement new tariff on medicine) ಔಷಧ ಕ್ಷೇತ್ರಕ್ಕೆ ಮಾತ್ರ ಸೀಮಿತವಾಗಿಲ್ಲ.

ಕಿಚನ್ ಕ್ಯಾಬಿನೆಟ್‌ಗಳ (Kitchen cabinet) ಮೇಲೆ ಶೇ.50, ಅಪ್‌ಹೋಲ್ಟರ್ಡ್ ಪೀಠೋಪಕರಣಗಳ ಮೇಲೆ ಶೇ.30 ಹಾಗೂ ಭಾರಿ ಟ್ರಕ್‌ಗಳ ಮೇಲೆ ಶೇ.25 ರಷ್ಟು ಸುಂಕ ವಿಧಿಸಲಾಗಿದೆ.

ಅಮೆರಿಕದ ಮಾರುಕಟ್ಟೆಗೆ ವಿದೇಶಿ ಉತ್ಪನ್ನಗಳ ಪ್ರವಾಹ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ದೇಶೀಯ ಉತ್ಪಾದಕರನ್ನು ರಕ್ಷಿಸುವ ಉದ್ದೇಶದಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ

ಎಂದು ಟ್ರಂಪ್ ತಿಳಿಸಿದ್ದಾರೆ. ರಾಷ್ಟ್ರೀಯ ಭದ್ರತೆ ಮತ್ತು ಆರ್ಥಿಕ ಹಿತಾಸಕ್ತಿಯನ್ನು ಗಮನದಲ್ಲಿಟ್ಟುಕೊಂಡು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.

ಈ ಹೊಸ ನಿಯಮಗಳ ಪ್ರಕಾರ, ಅಮೆರಿಕಾದಲ್ಲಿ ಉತ್ಪಾದನಾ ಘಟಕ ಹೊಂದಿರದ ಕಂಪನಿಗಳು ಈ ಭಾರಿ ಸುಂಕವನ್ನು ಪಾವತಿಸಬೇಕಾಗುತ್ತದೆ.

ಆದರೆ ಅಮೆರಿಕಾದಲ್ಲೇ ಕಾರ್ಖಾನೆಗಳನ್ನು ಸ್ಥಾಪಿಸಿರುವ ಅಥವಾ ಸ್ಥಾಪಿಸಲು ಮುಂದಾಗಿರುವ ಕಂಪನಿಗಳಿಗೆ ಮಾತ್ರ ಈ ಸುಂಕದಿಂದ ವಿನಾಯಿತಿ ನೀಡಲಾಗುತ್ತದೆ.

ಇದರಿಂದ ಅನೇಕ ಜಾಗತಿಕ ಕಂಪನಿಗಳು ಅಮೆರಿಕಾದಲ್ಲೇ ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು ಮುಂದಾಗುವ ಸಾಧ್ಯತೆ ಇದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಭಾರತದ ಮೇಲೆ ಈ ನಿರ್ಧಾರವು ಮಿಶ್ರ ಪರಿಣಾಮ ಬೀರುವ ಸಾಧ್ಯತೆ ಇದೆ. ಭಾರತವು ಅಮೆರಿಕಕ್ಕೆ ಔಷಧಗಳನ್ನು ರಫ್ತು ಮಾಡುವ ಪ್ರಮುಖ ದೇಶಗಳಲ್ಲಿ ಒಂದಾಗಿದ್ದು, ಭಾರತದ ಒಟ್ಟು ಔಷಧ ರಫ್ತಿನಲ್ಲಿ ದೊಡ್ಡ ಪ್ರಮಾಣ ಅಮೆರಿಕಕ್ಕೆ ಹೋಗುತ್ತದೆ.

ಆದರೆ ಈ ಸುಂಕವು ಸದ್ಯಕ್ಕೆ ಬ್ರ್ಯಾಂಡೆಡ್ (Branded) ಮತ್ತು ಪೇಟೆಂಟ್ ಔಷಧಗಳ ಮೇಲೆ ಮಾತ್ರ ವಿಧಿಸಿರುವುದರಿಂದ, ಭಾರತದ ಪ್ರಮುಖ ರಫ್ತು ಆಗಿರುವ ಜೆನೆರಿಕ್ ಔಷಧಗಳಿಗೆ ತಕ್ಷಣದ ಪರಿಣಾಮ ಇರುವುದಿಲ್ಲ ಎಂದು ತಜ್ಞರು ಹೇಳಿದ್ದಾರೆ.

ಆದರೂ ಭವಿಷ್ಯದಲ್ಲಿ ಈ ನಿಯಮಗಳು ಜೆನೆರಿಕ್ ಔಷಧಗಳಿಗೂ ವಿಸ್ತರಣೆಯಾಗಬಹುದೆಂಬ ಆತಂಕ ಉದ್ಯಮ ವಲಯದಲ್ಲಿ ಮೂಡಿದೆ.

ಈ ಸುಂಕಗಳ ಪರಿಣಾಮ ಅಮೆರಿಕದ ಗ್ರಾಹಕರ ಮೇಲೂ ಬೀಳುವ ಸಾಧ್ಯತೆ ಇದೆ. ಔಷಧಗಳ ಬೆಲೆ ಹೆಚ್ಚಾಗುವ ಮೂಲಕ ಅಲ್ಲಿನ ಜನರಿಗೆ ಆರೋಗ್ಯ ವೆಚ್ಚ ಹೆಚ್ಚಾಗಬಹುದು ಎಂದು ವಿಶ್ಲೇಷಕರು ಎಚ್ಚರಿಸಿದ್ದಾರೆ.

ಒಟ್ಟಾರೆ ಟ್ರಂಪ್ ಅವರ ಈ ಹೊಸ ಸುಂಕ ನೀತಿ ಜಾಗತಿಕ ವ್ಯಾಪಾರದಲ್ಲಿ ಹೊಸ ಬದಲಾವಣೆಗಳಿಗೆ ಕಾರಣವಾಗುವ ಸಾಧ್ಯತೆ ಇದ್ದು, ಮುಂದಿನ ದಿನಗಳಲ್ಲಿ ಇದರ ಪರಿಣಾಮ ಜಾಗತಿಕ ಮಾರುಕಟ್ಟೆಯಲ್ಲಿ ಸ್ಪಷ್ಟವಾಗಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಇದನ್ನು ಓದಿ : https://vijayatimes.com/macron-criticism-about-trump-statement/