• ಅಮೆರಿಕ ಪ್ರವಾಸ ನಿಷೇಧ ವಿಸ್ತರಣೆ: 30ಕ್ಕೂ ಹೆಚ್ಚು(Trump’s new travel rules) ದೇಶಗಳ ಪ್ರವಾಸಿಗರಿಗೆ ನಿರ್ಬಂಧ ಹೇರಿದ ಟ್ರಂಪ್
• ಪ್ಯಾಲೆಸ್ಟೀನಿಯನ್ನರೂ ಸೇರಿ ಹೊಸ ದೇಶಗಳಿಗೆ ಅಮೆರಿಕ ಪ್ರವೇಶ ತಡೆ
• ಭದ್ರತಾ ಆತಂಕ, ಅಪರಾಧ ದಾಖಲೆಗಳು ಮತ್ತು ವಲಸೆ ನಿಯಂತ್ರಣದ ನೆಪದಲ್ಲಿ ಅಮೆರಿಕ ಪ್ರವಾಸ ನಿಷೇಧ ಪಟ್ಟಿಯನ್ನು ವಿಸ್ತರಿಸಿದ ಟ್ರಂಪ್ ಸರ್ಕಾರ

Washington: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಅವರು ವಲಸೆ ನಿಯಂತ್ರಣ ಮತ್ತು ರಾಷ್ಟ್ರೀಯ ಭದ್ರತೆಯನ್ನು (Trump’s new travel rules) ಬಲಪಡಿಸುವ ಉದ್ದೇಶದಿಂದ ಅಮೆರಿಕ ಪ್ರವಾಸ ನಿಷೇಧ ಪಟ್ಟಿಯನ್ನು ಮತ್ತೊಮ್ಮೆ ವಿಸ್ತರಿಸಿದ್ದಾರೆ.

ಈಗಾಗಲೇ ಜಾರಿಯಲ್ಲಿದ್ದ 12 ಹೈ-ರಿಸ್ಕ್ (High-Risk) ದೇಶಗಳ ಪಟ್ಟಿಗೆ ಹೊಸದಾಗಿ ಹಲವು ದೇಶಗಳನ್ನು ಸೇರಿಸಿ, ಒಟ್ಟಾರೆ 30ಕ್ಕೂ ಹೆಚ್ಚು ದೇಶಗಳ ನಾಗರಿಕರಿಗೆ ಅಮೆರಿಕ ಪ್ರವೇಶದ ಮೇಲೆ ಸಂಪೂರ್ಣ ಅಥವಾ ಭಾಗಶಃ ನಿರ್ಬಂಧಗಳನ್ನು ವಿಧಿಸಲಾಗಿದೆ.

ಈ ನಿರ್ಧಾರವು ಜನವರಿ 1ರಿಂದ ಜಾರಿಗೆ ಬರಲಿದ್ದು, ಅಮೆರಿಕದ ವಲಸೆ ನೀತಿಯಲ್ಲಿ ಮಹತ್ವದ ತಿರುವು ಎಂದು ಪರಿಗಣಿಸಲಾಗಿದೆ.

ಈ ನಿರ್ಧಾರದ ಹಿಂದಿನ ಪ್ರಮುಖ ಕಾರಣವಾಗಿ, ನ್ಯಾಷನಲ್ ಗಾರ್ಡ್ ಟ್ರೂಪ್‌ನ (National Guard Troop) ಇಬ್ಬರು ಯೋಧರನ್ನು

ಹತ್ಯೆ ಮಾಡಿದ ಪ್ರಕರಣದಲ್ಲಿ ಅಫ್ಘಾನ್ ಪ್ರಜೆಯನ್ನು (Trump’s new travel rules) ಬಂಧಿಸಿರುವ ಘಟನೆ ಉಲ್ಲೇಖಿಸಲಾಗಿದೆ.

ಈ ಪ್ರಕರಣದ ಹಿನ್ನೆಲೆಯಲ್ಲಿ ಅಮೆರಿಕದ ಒಳನಾಡು ಭದ್ರತೆ ಮತ್ತು ವಲಸೆ ವ್ಯವಸ್ಥೆಯಲ್ಲಿನ ದುರ್ಬಲತೆಗಳ ಬಗ್ಗೆ ಟ್ರಂಪ್ ಸರ್ಕಾರ

ತೀವ್ರ ಆತಂಕ ವ್ಯಕ್ತಪಡಿಸಿದೆ.

ಅಪರಾಧ ಹಿನ್ನೆಲೆ ಹೊಂದಿರುವ ವ್ಯಕ್ತಿಗಳು, ನಕಲಿ ದಾಖಲೆಗಳ ಮೂಲಕ ದೇಶ ಪ್ರವೇಶಿಸುವ ಸಾಧ್ಯತೆ ಹಾಗೂ ಕೆಲವು ರಾಷ್ಟ್ರಗಳು

ತಮ್ಮ ಪ್ರಜೆಗಳನ್ನು ಹಿಂತಿರುಗಿಸಿಕೊಳ್ಳಲು ನಿರಾಕರಿಸುತ್ತಿರುವುದು ಈ ನಿರ್ಬಂಧಗಳ ಪ್ರಮುಖ ಕಾರಣಗಳೆಂದು ಆಡಳಿತ ಸ್ಪಷ್ಟಪಡಿಸಿದೆ.

ಹೊಸ ಆದೇಶದ ಪ್ರಕಾರ, ಅಫ್ಘಾನಿಸ್ತಾನ, ಬರ್ಮಾ, ಚಾಡ್, ಕಾಂಗೋ ಗಣರಾಜ್ಯ, ಈಕ್ವಟೋರಿಯಲ್ ಗಿನಿಯಾ (Equatorial Guinea) , ಎರಿಟ್ರಿಯಾ,

ಹೈಟಿ, ಇರಾನ್, ಲಿಬಿಯಾ, ಸೊಮಾಲಿಯಾ, ಸುಡಾನ್ ಮತ್ತು ಯೆಮೆನ್ ಸೇರಿದಂತೆ ಮೂಲ 12 ಹೈ-ರಿಸ್ಕ್ ದೇಶಗಳ ನಾಗರಿಕರಿಗೆ ಸಂಪೂರ್ಣ ಪ್ರವಾಸ

ನಿಷೇಧ ಮುಂದುವರಿಸಲಾಗಿದೆ. ಇದರ ಜೊತೆಗೆ ಬುರ್ಕಿನಾ ಫಾಸೊ (Burkina Faso) , ಮಾಲಿ, ನೈಜರ್, ದಕ್ಷಿಣ ಸುಡಾನ್ ಮತ್ತು ಸಿರಿಯಾ ಎಂಬ ಐದು

ಹೊಸ ದೇಶಗಳನ್ನು ಸಂಪೂರ್ಣ ನಿರ್ಬಂಧ ಪಟ್ಟಿಗೆ ಸೇರಿಸಲಾಗಿದೆ. ಅಲ್ಲದೆ ಪ್ಯಾಲೆಸ್ಟೀನಿಯನ್ (Palestinian) ಪ್ರಾಧಿಕಾರ ನೀಡಿದ ಪ್ರಯಾಣ

ದಾಖಲೆಗಳನ್ನು ಹೊಂದಿರುವ ವ್ಯಕ್ತಿಗಳಿಗೂ ಅಮೆರಿಕ ಪ್ರವೇಶದ ಮೇಲೆ ಕಠಿಣ ನಿರ್ಬಂಧ ವಿಧಿಸಲಾಗಿದೆ.

ಇದಕ್ಕೂ ಮುನ್ನ ಭಾಗಶಃ ನಿರ್ಬಂಧಗಳಲ್ಲಿದ್ದ ಲಾವೋಸ್ ಮತ್ತು ಸಿಯೆರಾ ಲಿಯೋನ್ (Sierra Leone) ದೇಶಗಳ ಮೇಲೆ ಈಗ ಸಂಪೂರ್ಣ ಪ್ರವೇಶ ಮಿತಿಗಳನ್ನು ಜಾರಿಗೊಳಿಸಲಾಗಿದೆ.

ಅದೇ ವೇಳೆ ಬುರುಂಡಿ, ಕ್ಯೂಬಾ, ಟೋಗೊ ಮತ್ತು ವೆನೆಜುವೆಲಾ ದೇಶಗಳ ನಾಗರಿಕರಿಗೆ ಭಾಗಶಃ ನಿರ್ಬಂಧಗಳು ಮುಂದುವರಿದಿವೆ.

ರಾಜತಾಂತ್ರಿಕ ಸಂಬಂಧಗಳಲ್ಲಿ ಸುಧಾರಣೆ ಕಂಡಿರುವ ತುರ್ಕಮೆನಿಸ್ತಾನ್ (Turkmenistan) ದೇಶದ ಮೇಲೆ ಇದ್ದ ವಲಸೆ ರಹಿತ ವೀಸಾ ನಿಷೇಧವನ್ನು ಮಾತ್ರ ಹೊಸ ಘೋಷಣೆಯಲ್ಲಿ ತೆಗೆದುಹಾಕಲಾಗಿದೆ.

ಇದಲ್ಲದೆ ಅಂಗೋಲಾ, ನೈಜೀರಿಯಾ, ಸೆನೆಗಲ್, ಟಾಂಜಾನಿಯಾ (Tanzania) , ಜಾಂಬಿಯಾ, ಜಿಂಬಾಬ್ವೆ ಸೇರಿದಂತೆ ಒಟ್ಟು 15 ದೇಶಗಳ ಮೇಲೆ ಹೊಸದಾಗಿ ಭಾಗಶಃ ನಿರ್ಬಂಧಗಳನ್ನು ವಿಧಿಸಲಾಗಿದೆ.

ಆದಾಗ್ಯೂ, ಈ ಹೊಸ ಪ್ರವಾಸ ನಿಷೇಧ ಆದೇಶದಲ್ಲಿ ಕೆಲವು ವಿನಾಯಿತಿಗಳನ್ನೂ ನೀಡಲಾಗಿದೆ.

ಕಾನೂನುಬದ್ಧ ಶಾಶ್ವತ ನಿವಾಸಿಗಳು, ಈಗಾಗಲೇ ಮಾನ್ಯ ವೀಸಾ ಹೊಂದಿರುವವರು, ಅಂತರರಾಷ್ಟ್ರೀಯ ಕ್ರೀಡಾಪಟುಗಳು, ರಾಜತಾಂತ್ರಿಕ ವೀಸಾ (Visa) ವರ್ಗದವರು ಹಾಗೂ ಅಮೆರಿಕದ ರಾಷ್ಟ್ರೀಯ ಹಿತಾಸಕ್ತಿಗಳಿಗೆ ಸೇವೆ ಸಲ್ಲಿಸುವ ವ್ಯಕ್ತಿಗಳಿಗೆ ಈ ನಿರ್ಬಂಧಗಳು ಅನ್ವಯಿಸುವುದಿಲ್ಲ ಎಂದು ತಿಳಿಸಲಾಗಿದೆ.

ಟ್ರಂಪ್ ಆಡಳಿತದ ಈ ಕ್ರಮವು ಜಾಗತಿಕ ಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿದ್ದು, ವಲಸೆ, ಮಾನವ ಹಕ್ಕುಗಳು ಮತ್ತು ಅಂತಾರಾಷ್ಟ್ರೀಯ ರಾಜತಾಂತ್ರಿಕ ಸಂಬಂಧಗಳ ಮೇಲೆ ಇದರ ಪರಿಣಾಮ ಹೇಗಿರಲಿದೆ ಎಂಬುದು ಮುಂದಿನ ದಿನಗಳಲ್ಲಿ ಸ್ಪಷ್ಟವಾಗಲಿದೆ.

ಇದನ್ನು ಓದಿ : https://vijayatimes.com/guidelines-for-newyear-celebration/