ಬೆಂಗಳೂರು, ಜ. 02: ಹೊಸ ವೇತನ ಕಾಯಿದೆ ಜಾರಿಗೆ ಬರಲಿದ್ದು, ನೌಕರರಿಗೆ ಪ್ರತಿನಿತ್ಯದ ಕೆಲಸದ ಅವಧಿಯನ್ನು 8 ಗಂಟೆಗೆ ಸೀಮಿತಗೊಳಿಸಿ, ಅದರ ಮೇಲೆ ಕೆಲಸ ಮಾಡುವ ಪ್ರತಿಯೊಂದು ಗಂಟೆಗೂ ಎಂದಿನ ವೇತನದ ದುಪ್ಪಟ್ಟು ಮೊತ್ತವನ್ನು ಓವರ್‌ ಟೈಂ ಪೇ ಆಗಿ ಕೊಡಬೇಕು ಎಂದು ನಿಯಮ ಇರಲಿದೆ ಎಂದು ಸರ್ಕಾರಿ ಅಧಿಕಾರಿಗಳು ತಿಳಿಸುತ್ತಿದ್ದಾರೆ.

 ಎಂಟು ಗಂಟೆ ಮೇಲ್ಪಟ್ಟ ಕೆಲಸಕ್ಕೆ ಓವರ್‌ ಟೈಂ ಕೊಡಬೇಕಾದ ನಿಯಮ ತರುವ ಯೋಚನೆಯಿದೆ ಇದೆ. ವರದಿಗಳ ಪ್ರಕಾರ, ಎಂದಿನ ಕೆಲಸದ ಅವಧಿಯ ಮೇಲೆ 15-30 ನಿಮಿಷಗಳ ಅವಧಿಗೆ ಕೆಲಸ ಮಾಡಿದಲ್ಲಿ, ಅದನ್ನು ಅರ್ಧ ಗಂಟೆ ಓಟಿ ಎಂದು ಪರಿಗಣಿಸಬೇಕೆಂದು ಹೊಸ ವೇತನ ನಿಯಮವು ತಿಳಿಸುತ್ತದೆ.

2019ರ ಆಗಸ್ಟ್‌ನಲ್ಲಿ ರಾಜ್ಯಸಭೆಯಲ್ಲಿ ವೇತನದ ನಿಯಮಾವಳಿಯ ಮಸೂದೆಗೆ ಅಂಗೀಕಾರ ನೀಡಲಾಗಿತ್ತು. ಇದೇ ಮಸೂದೆಗೆ 2019ರ ಜುಲೈನಲ್ಲಿ ಲೋಕಸಭೆಯಲ್ಲಿ ಅಂಗೀಕಾರ ನೀಡಲಾಗಿತ್ತು. ಈ ಮಸೂದೆಗೆ ರಾಷ್ಟ್ರಪತಿಗಳ ಒಪ್ಪಿಗೆ ಬಿದ್ದ ಬಳಿಕ ಕಾನೂನಾಗಿ ಮಾರ್ಪಾಡಾಗಲಿದೆ.