ಪದವಿ ಇದೆ, ಉದ್ಯೋಗವಿಲ್ಲ: ಯುವ (unemployment among youth in india) ಭಾರತಕ್ಕೆ ದೊಡ್ಡ ಸವಾಲು

15-29 ವರ್ಷದ ಯುವಕರಲ್ಲಿ ಶೇ.15 ನಿರುದ್ಯೋಗ

ಸ್ಥಳೀಯ ಉದ್ಯೋಗ ಮತ್ತು ಕೌಶಲ ತರಬೇತಿ ಹೆಚ್ಚಿಸಲು ಸಲಹೆ

New delhi : ಭಾರತದ ಯುವಜನರ ಭವಿಷ್ಯದ ಕುರಿತು ನೀತಿ ಆಯೋಗದ (unemployment among youth in india) ಇತ್ತೀಚಿನ ವರದಿ ಆತಂಕಕಾರಿ ಚಿತ್ರಣವನ್ನು ತೆರೆದಿಟ್ಟಿದೆ.

ದೇಶದಲ್ಲಿ ಸುಮಾರು 8.70 ಕೋಟಿ ಯುವಜನರು ಶಿಕ್ಷಣ, ಉದ್ಯೋಗ ಅಥವಾ ಕೌಶಲ ತರಬೇತಿ—ಈ ಮೂರರಲ್ಲಿ ಯಾವುದರಲ್ಲೂ ತೊಡಗಿಸಿಕೊಂಡಿಲ್ಲ ಎಂದು ವರದಿ ತಿಳಿಸಿದೆ.

2021ರ ರಾಷ್ಟ್ರೀಯ ಮಾದರಿ ಸಮೀಕ್ಷೆಯ ದತ್ತಾಂಶವನ್ನು ಆಧರಿಸಿ ಸಿದ್ಧಪಡಿಸಿರುವ ‘ರಿ-ಇಮ್ಯಾಜಿನಿಂಗ್ ಸ್ಕಿಲ್ಲಿಂಗ್ ಫಾರ್ ವಿಕಸಿತ್ ಭಾರತ್-2047’ ವರದಿಯಲ್ಲಿ ಈ ಅಂಶಗಳನ್ನು ದಾಖಲಿಸಲಾಗಿದೆ.

ಯುವಜನರನ್ನು ದೇಶದ ಆರ್ಥಿಕ ಪ್ರಗತಿಯ ಪ್ರಮುಖ ಶಕ್ತಿಯಾಗಿ ಪರಿಗಣಿಸಲಾಗುತ್ತಿರುವ (unemployment among youth in india) ಸಂದರ್ಭದಲ್ಲಿ ಇಷ್ಟು ದೊಡ್ಡ ಸಂಖ್ಯೆಯ ಯುವಕರು ಶಿಕ್ಷಣ ಮತ್ತು ಉದ್ಯೋಗದ ವ್ಯವಸ್ಥೆಯಿಂದ ಹೊರಗುಳಿದಿರುವುದು ಗಂಭೀರ ಸವಾಲಾಗಿ ಪರಿಣಮಿಸಿದೆ.

ಈ ಪರಿಸ್ಥಿತಿ ಮುಂದುವರಿದರೆ ದೇಶದ ಜನಸಂಖ್ಯಾ ಲಾಭಾಂಶವನ್ನು ಆರ್ಥಿಕ ಪ್ರಗತಿಗೆ ಬಳಸಿಕೊಳ್ಳುವ ಅವಕಾಶಕ್ಕೂ ಧಕ್ಕೆಯಾಗಬಹುದು ಎಂಬ ಚರ್ಚೆ ಆರಂಭವಾಗಿದೆ.

ಯುವಜನರ ಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ನೀತಿ ಆಯೋಗವು ಅವರನ್ನು ವಿವಿಧ ವಿಭಾಗಗಳಾಗಿ ವಿಂಗಡಿಸಿದೆ.

ಶಾಲೆ ಮತ್ತು ಕಾಲೇಜಿನಲ್ಲಿ ಶಿಕ್ಷಣ ಪಡೆಯುತ್ತಿರುವವರು, ಉನ್ನತ ಶಿಕ್ಷಣ ಮುಂದುವರಿಸುತ್ತಿರುವವರು, ಔಪಚಾರಿಕ ಹಾಗೂ ಅನೌಪಚಾರಿಕ ಉದ್ಯೋಗದಲ್ಲಿರುವವರು ಮತ್ತು NEET (Not in Education, Employment and Training) ವರ್ಗದಲ್ಲಿರುವವರನ್ನು ಪ್ರತ್ಯೇಕವಾಗಿ ಗುರುತಿಸಲಾಗಿದೆ.

ಶಿಕ್ಷಣದಲ್ಲಿಯೂ ಇಲ್ಲದೆ, ಉದ್ಯೋಗದಲ್ಲಿಯೂ ಇಲ್ಲದೆ, ಯಾವುದೇ ತರಬೇತಿ ಪಡೆಯದ ಯುವಜನರ ಸಂಖ್ಯೆ 8.7 ಕೋಟಿಯಷ್ಟಿದೆ ಎನ್ನುವುದು ವರದಿಯ ಪ್ರಮುಖ ಅಂಶವಾಗಿದೆ.

ವಿಶೇಷವಾಗಿ ಕಡಿಮೆ ಆದಾಯದ ಕುಟುಂಬಗಳ ಯುವಜನರು ಹೆಚ್ಚಿನ ಶಿಕ್ಷಣದ ವೆಚ್ಚ, ಕೌಶಲ ತರಬೇತಿಯ ಶುಲ್ಕ ಮತ್ತು ಕುಟುಂಬದ ಆರ್ಥಿಕ ಒತ್ತಡದಿಂದಾಗಿ ಅವಕಾಶಗಳಿಂದ ದೂರವಾಗುತ್ತಿರುವ ಪರಿಸ್ಥಿತಿಯನ್ನೂ ವರದಿ ಬೆಳಕಿಗೆ ತಂದಿದೆ.

ವಿದ್ಯಾಭ್ಯಾಸಕ್ಕಾಗಿ ಮಾಡಿಕೊಂಡ ಸಾಲ ಅಥವಾ ಕುಟುಂಬದ ಆರ್ಥಿಕ ಹೊರೆ ಉದ್ಯೋಗ ದೊರೆಯದ ಸಂದರ್ಭದಲ್ಲಿ ಯುವಕರ ಸಂಕಷ್ಟವನ್ನು ಮತ್ತಷ್ಟು ಹೆಚ್ಚಿಸುತ್ತಿದೆ.

ಇದರ ಮತ್ತೊಂದು ಆತಂಕಕಾರಿ ಅಂಶವೆಂದರೆ, ಉನ್ನತ ಶಿಕ್ಷಣ ಪಡೆದವರಿಗೂ ಅವರ ಅರ್ಹತೆಗೆ ತಕ್ಕ ಉದ್ಯೋಗ ದೊರೆಯದಿರುವುದು. ದೇಶದಲ್ಲಿ ಸಾಂಪ್ರದಾಯಿಕ

ಪದವಿ ಪಡೆಯುವವರ ಸಂಖ್ಯೆ ಹೆಚ್ಚಾಗುತ್ತಿದ್ದರೂ, ಉದ್ಯೋಗ ಮಾರುಕಟ್ಟೆಗೆ ಅಗತ್ಯವಿರುವ ಕೌಶಲ್ಯಗಳ ಕೊರತೆ ದೊಡ್ಡ ಅಡ್ಡಿಯಾಗುತ್ತಿದೆ.

ವರದಿಯ ಪ್ರಕಾರ, ಪದವೀಧರರಲ್ಲಿ ಕೇವಲ 8.25 ಪ್ರತಿಶತದಷ್ಟು ಮಂದಿ ಮಾತ್ರ ತಮ್ಮ ಅರ್ಹತೆಗೆ ಹೊಂದಿಕೆಯಾಗುವ ಉದ್ಯೋಗದಲ್ಲಿ ತೊಡಗಿಸಿಕೊಂಡಿದ್ದಾರೆ.

ಉದ್ಯೋಗ ಸಿಗದ ಅನೇಕ ಪದವೀಧರರು ಕುಟುಂಬ ನಿರ್ವಹಣೆಗಾಗಿ ತಮ್ಮ ವಿದ್ಯಾರ್ಹತೆಗೆ ಸಂಬಂಧವಿಲ್ಲದ ಕೆಲಸಗಳನ್ನು ಒಪ್ಪಿಕೊಳ್ಳಬೇಕಾಗುತ್ತಿದೆ.

ಮತ್ತೊಂದೆಡೆ, ಉದ್ಯೋಗದ ಕೊರತೆ ಮತ್ತು ಕೌಶಲ್ಯದ ಅಂತರದಿಂದಾಗಿ ಕೆಲವರು ನಿಧಾನವಾಗಿ NEET ವರ್ಗಕ್ಕೆ ಸೇರುತ್ತಿದ್ದಾರೆ. ಹೀಗಾಗಿ ಕೇವಲ ಪದವಿ ನೀಡುವುದಕ್ಕಿಂತ ಉದ್ಯೋಗ ಮಾರುಕಟ್ಟೆಗೆ ಬೇಕಾದ ಪ್ರಾಯೋಗಿಕ ಕೌಶಲ್ಯಗಳನ್ನು ಬೆಳೆಸುವುದು ಅತ್ಯಗತ್ಯವಾಗಿದೆ.

ದೇಶದ ಯುವ ನಿರುದ್ಯೋಗದ ಪ್ರಮಾಣವೂ ಇದೇ ಸಮಸ್ಯೆಯ ಗಂಭೀರತೆಯನ್ನು ತೋರಿಸುತ್ತದೆ. ಒಟ್ಟಾರೆ ನಿರುದ್ಯೋಗ ಪ್ರಮಾಣ ಸುಮಾರು 5.20 ಪ್ರತಿಶತ ಇದ್ದರೆ,

15ರಿಂದ 29 ವರ್ಷದ ಯುವಜನರಲ್ಲಿ ನಿರುದ್ಯೋಗ ಪ್ರಮಾಣ ಸುಮಾರು 15 ಪ್ರತಿಶತದಷ್ಟಿದೆ. ಕೆಲವು ರಾಜ್ಯಗಳಲ್ಲಿ ಪರಿಸ್ಥಿತಿ ಇನ್ನಷ್ಟು ಕಳವಳಕಾರಿಯಾಗಿದೆ.

ಕೇರಳದಲ್ಲಿ ಯುವ ನಿರುದ್ಯೋಗ ಪ್ರಮಾಣ 29.90 ಪ್ರತಿಶತದಷ್ಟಿದ್ದು, ನಾಗಾಲ್ಯಾಂಡ್‌ನಲ್ಲಿ 27.4, ಮಣಿಪುರದಲ್ಲಿ 22.9, ಲಡಾಖ್‌ನಲ್ಲಿ 22.2, ಅರುಣಾಚಲ

ಪ್ರದೇಶದಲ್ಲಿ 20.9, ಗೋವಾದಲ್ಲಿ 19.1, ಪಂಜಾಬ್‌ನಲ್ಲಿ 18.8 ಹಾಗೂ ಆಂಧ್ರಪ್ರದೇಶದಲ್ಲಿ 17.5 ಪ್ರತಿಶತದಷ್ಟಿದೆ ಎಂದು ವರದಿ ಉಲ್ಲೇಖಿಸಿದೆ.

ರಾಜ್ಯದಿಂದ ರಾಜ್ಯಕ್ಕೆ ಉದ್ಯೋಗಾವಕಾಶ, ಕೈಗಾರಿಕಾ ಬೆಳವಣಿಗೆ ಮತ್ತು ಕೌಶಲ ತರಬೇತಿಯ ಲಭ್ಯತೆಯಲ್ಲಿ ಇರುವ ವ್ಯತ್ಯಾಸವೂ ಯುವ ನಿರುದ್ಯೋಗದ ಮೇಲೆ ಪರಿಣಾಮ ಬೀರುತ್ತಿದೆ.

ಈ ಸವಾಲನ್ನು ಎದುರಿಸಲು ಸ್ಥಳೀಯ ಉದ್ಯೋಗ ಮಾರುಕಟ್ಟೆಯ ಅಗತ್ಯಗಳಿಗೆ ಅನುಗುಣವಾಗಿ ಯುವಜನರಿಗೆ ಕೈಗೆಟುಕುವ ದರದಲ್ಲಿ ಕೌಶಲ ತರಬೇತಿ ನೀಡಬೇಕು ಎಂದು ನೀತಿ ಆಯೋಗ ಶಿಫಾರಸು ಮಾಡಿದೆ.

ಕಡಿಮೆ ಆದಾಯದ ಕುಟುಂಬಗಳ ಯುವಕರಿಗೆ ತರಬೇತಿಗಾಗಿ ಸಹಾಯಧನ ಒದಗಿಸುವುದು, ಶಿಕ್ಷಣದ ಜೊತೆಗೆ ಉದ್ಯೋಗದ ಅನುಭವ ಪಡೆಯಲು ಅವಕಾಶ ಕಲ್ಪಿಸುವುದು ಹಾಗೂ ‘ಲರ್ನ್ ವೈಲ್ ಅರ್ನ್’ ಮಾದರಿಯನ್ನು ಉತ್ತೇಜಿಸುವುದು ಪ್ರಮುಖ ಪರಿಹಾರಗಳಾಗಬಹುದು.

ವಿದ್ಯಾರ್ಥಿಗಳು ವ್ಯಾಸಂಗದ ಅವಧಿಯಲ್ಲೇ ಪಾರ್ಟ್‌ಟೈಮ್ ಉದ್ಯೋಗ ಅಥವಾ ತರಬೇತಿಯ ಮೂಲಕ ಅನುಭವ ಮತ್ತು ಆದಾಯ ಗಳಿಸುವ ವ್ಯವಸ್ಥೆ ರೂಪುಗೊಂಡರೆ ಉದ್ಯೋಗಕ್ಕೆ ಅಗತ್ಯವಾದ ಕೌಶಲ್ಯಗಳನ್ನು ಮುಂಚಿತವಾಗಿಯೇ ಬೆಳೆಸಿಕೊಳ್ಳಲು ಸಾಧ್ಯವಾಗುತ್ತದೆ.

ಸ್ಥಳೀಯ ಮಟ್ಟದಲ್ಲಿ ಹೊಸ ಉದ್ಯೋಗ ಸೃಷ್ಟಿ, ಸ್ವಉದ್ಯೋಗಕ್ಕೆ ಉತ್ತೇಜನ ಮತ್ತು ಉದ್ಯಮಶೀಲತಾ ತರಬೇತಿಗೆ ಹೆಚ್ಚಿನ ಒತ್ತು ನೀಡುವುದು ಅಗತ್ಯ. ಯುವಜನರಿಗೆ ಕೇವಲ ಪದವಿ ನೀಡುವುದಲ್ಲ, ಉದ್ಯೋಗಕ್ಕೆ ದಾರಿ ತೋರಿಸುವ ಶಿಕ್ಷಣ ನೀಡುವುದು ಇಂದಿನ ಪ್ರಮುಖ ಅಗತ್ಯವಾಗಿದೆ.