Lucknow : ಲಕ್ನೋದಲ್ಲಿ(Lucknow) ಅಂಬರ್ಗ್ರಿಸ್ (ತಿಮಿಂಗಿಲ ವಾಂತಿ) ಕಳ್ಳಸಾಗಣೆ ಮಾಡುತ್ತಿದ್ದ ಗ್ಯಾಂಗ್ನ ನಾಲ್ವರನ್ನು ಬಂಧಿಸಲಾಗಿದೆ ಎಂದು ಉತ್ತರ ಪ್ರದೇಶದ(UttarPradesh) ವಿಶೇಷ ಕಾರ್ಯಪಡೆ (ಯುಪಿಎಸ್ಟಿಎಫ್) ಟ್ವಿಟರ್ನಲ್ಲಿ(Twitter) ತಿಳಿಸಿದೆ.

ದಾಳಿಯ ವೇಳೆ 4.12 ಕಿಲೋಗ್ರಾಂಗಳಷ್ಟು ತಿಮಿಂಗಿಲ(Whale) ವಾಂತಿ(Vomit) ಪತ್ತೆಯಾಗಿದ್ದು, ಅದರ ಮೌಲ್ಯ ₹10 ಕೋಟಿ ಎಂದು ಅಂದಾಜಿಸಲಾಗಿದೆ. ಇನ್ನು ಭಾರತದಲ್ಲಿ 1972ರ ವನ್ಯಜೀವಿ (ರಕ್ಷಣೆ) ಕಾಯಿದೆಯು ತಿಮಿಂಗಿಲ ವಾಂತಿಯ ಮಾರಾಟವನ್ನು ನಿಷೇಧಿಸುತ್ತದೆ.

ಇದು ಸುಗಂಧ ದ್ರವ್ಯಗಳ ಉತ್ಪಾದನೆಯಲ್ಲಿ ಬಳಸಲಾಗುತ್ತದೆ. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ(International Market) ಇದಕ್ಕೆ ಭಾರೀ ಬೇಡಿಕೆ ಇದೆ. ಇದು ತಿಮಿಂಗಿಲದ ವಾಂತಿಯಿಂದ ಸೃಷ್ಟಿಯಾಗುತ್ತದೆ. ಇದನ್ನು “ಗ್ರೇ ಅಂಬರ್” ಮತ್ತು “ಫ್ಲೋಟಿಂಗ್ ಗೋಲ್ಡ್” ಎಂದೂ ಕರೆಯುತ್ತಾರೆ.

ಇದನ್ನೂ ಓದಿ : https://vijayatimes.com/congress-slams-state-bjp-ministers/

ಘನ ಮೇಣದಂತಹ ಈ ವಸ್ತುವನ್ನು ಕಳ್ಳಸಾಗಣೆ ಮಾಡಲಾಗುತ್ತದೆ ಏಕೆಂದರೆ ಅದು ಚಿನ್ನಕ್ಕಿಂತ ಹೆಚ್ಚು ದುಬಾರಿಯಾಗಿದೆ ಎಂದು ಉತ್ತರಪ್ರದೇಶ ಪೊಲೀಸರು(Uttarpradesh Police) ತಿಳಿಸಿದ್ದಾರೆ. ಈ ವರ್ಷದ ಜುಲೈನಲ್ಲಿ ಕೇರಳದ(Kerala) ಮೀನುಗಾರರ ಗುಂಪಿನಿಂದ 28 ಕೋಟಿ ರೂ. ಮೌಲ್ಯದ ತಿಮಿಂಗಿಲ ವಾಂತಿ ವಶಕ್ಕೆ ಪಡೆಯಲಾಗಿತ್ತು.

ಇದು ಇಷ್ಟೊಂದು ದುಬಾರಿಯಾಗಲು ಕಾರಣವೆಂದರೆ, ಅಂಬರ್ಗಿಸ್ ಇದು ತಿಮಿಂಗಿಲಗಳ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಉತ್ಪತ್ತಿಯಾಗುತ್ತದೆ. ಇದು ತಿಮಿಂಗಿಲದ ಕರುಳಿನಲ್ಲಿ ತಯಾರಿಸಲಾದ ಮೇಣದಂಥ, ಘನ, ದಹನಕಾರಿ ವಸ್ತುವಾಗಿದ್ದು, ಇದನ್ನು ಸೌಂದರ್ಯವರ್ಧಕಗಳು ಮತ್ತು ಔಷಧಿಗಳಲ್ಲಿ ಬಳಸಲಾಗುತ್ತದೆ.

ಕೆಲವೊಮ್ಮೆ ತಿಮಿಂಗಿಲ ವಾಂತಿ ಎಂದು ಕರೆಯಲ್ಪಡುವ ಅಂಬರ್ಗ್ರಿಸ್ ಅನ್ನು ಹಲವು ವರ್ಷಗಳಿಂದ ಬಳಸಲಾಗಿದ್ದರೂ, ಅದರ ನಿಖರವಾದ ಮೂಲವು ಬಹಳ ಹಿಂದಿನಿಂದಲೂ ರಹಸ್ಯವಾಗಿದೆ. ಪ್ರಾಚೀನ ಕಾಲದಿಂದಲೂ ಅಂಬರ್ಗ್ರಿಸ್ ಅನ್ನು ಸುಗಂಧ ದ್ರವ್ಯಗಳು ಮತ್ತು ಉನ್ನತ-ಮಟ್ಟದ ಸುಗಂಧ ದ್ರವ್ಯಗಳಲ್ಲಿ ಮತ್ತು ವಿವಿಧ ಸಾಂಪ್ರದಾಯಿಕ ಔಷಧಿಗಳಲ್ಲಿ ಬಳಸಲಾಗುತ್ತದೆ.

ಇದನ್ನೂ ಓದಿ : https://vijayatimes.com/india-gate-nethaji-statue/

ಅದಕ್ಕಾಗಿಯೇ ಇದನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡಲಾಗುತ್ತದೆ. ಕಳೆದ ವರ್ಷ ಮುಂಬೈ ಪೊಲೀಸರು ನೀಡಿದ ಅಂದಾಜಿನ ಪ್ರಕಾರ, 1 ಕೆಜಿ ಅಂಬರ್ಗ್ರಿಸ್ ₹ 1 ಕೋಟಿ ಮೌಲ್ಯದ್ದಾಗಿದೆ. ಈ ಕಾರಣದಿಂದಾಗಿ, ಇದನ್ನು “ತೇಲುವ ಚಿನ್ನ” ಎಂದು ಕರೆಯಲಾಗುತ್ತದೆ.