• ಎಐ ಚಾಟ್‌ನಲ್ಲಿ ಪಾವತಿ ಕ್ರಾಂತಿ: ಶೀಘ್ರದಲ್ಲೇ ಚಾಟ್‌ಜಿಪಿಟಿಯಲ್ಲೇ ಯುಪಿಐ ಸೌಲಭ್ಯ
• ಯುನೈಟೆಡ್ ಪೇಮೆಂಟ್ಸ್ ಇಂಟರ್ಫೇಸ್ ಹೊಸ ತಂತ್ರಜ್ಞಾನ ‘ಮೀಸಲು ಪಾವತಿ’ ಮತ್ತು ‘ಯುಪಿಐ ಸರ್ಕಲ್’ ಮೂಲಕ ಪಾವತಿ ಸುಲಭ
• ಓಪನ್‌ಎಐ, ಎನ್‌ಪಿಸಿಐ ಮತ್ತು ರೇಜರ್ ಪೇ ಸಹಭಾಗಿತ್ವದಲ್ಲಿ ಶಾಪಿಂಗ್ ಹಾಗೂ ಪಾವತಿ ಒಂದೇ ಚಾಟ್‌ನಲ್ಲಿ

Bengaluru: ಭಾರತದ ಡಿಜಿಟಲ್ (Digital) ಪಾವತಿ ವ್ಯವಸ್ಥೆಯಲ್ಲಿ ಮತ್ತೊಂದು ಮಹತ್ವದ ಬೆಳವಣಿಗೆ ಉಂಟಾಗಿದೆ.(UPI payments available in ChatGPT)

ಶೀಘ್ರದಲ್ಲೇ ಬಳಕೆದಾರರು ಚಾಟ್‌ಜಿಪಿಟಿಯಂತಹ (Chat GPT) ಎಐ ಚಾಟ್‌ಬಾಟ್‌ಗಳಲ್ಲೇ ನೇರವಾಗಿ ಯುಪಿಐ (UPI) ಪಾವತಿಗಳನ್ನು ಮಾಡಲು ಸಾಧ್ಯವಾಗಲಿದೆ.

ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಸಂಸ್ಥೆ ಓಪನ್‌ಎಐ (OpenAI) ಮತ್ತು ರೇಜರ್ ಪೇ (Razorpay) ಜೊತೆಗೂಡಿ ಈ ಹೊಸ ಸೌಲಭ್ಯವನ್ನು ಪರಿಚಯಿಸಲು ಮುಂದಾಗಿದೆ.

ಇದರ ಮೂಲಕ ಬಳಕೆದಾರರು ಚಾಟ್ ಮಾಡುತ್ತಾ ಶಾಪಿಂಗ್ (Shopping) ಅಥವಾ ಬೇರೆ ವಹಿವಾಟುಗಳನ್ನು ಮುಗಿಸಿ, ಅದೇ ಸ್ಥಳದಲ್ಲೇ ಪಾವತಿಯನ್ನು ಪೂರ್ಣಗೊಳಿಸಬಹುದು.

ಈ ತಂತ್ರಜ್ಞಾನವು “ಏಜೆಂಟಿಕ್ ಪೇಮೆಂಟ್ಸ್” (Agentic Payments) ಎಂದು ಕರೆಯಲ್ಪಡುವ ಹೊಸ ವ್ಯವಸ್ಥೆಯ ಭಾಗವಾಗಿದೆ.

ರೇಜರ್ ಪೇ ಈಗಾಗಲೇ ಇದರ ಬೇಟಾ ಆವೃತ್ತಿ ಪರೀಕ್ಷೆ ಪ್ರಾರಂಭಿಸಿದೆ.(UPI payments available in ChatGPT)

ಇದರ ಮೂಲಕ ಬಳಕೆದಾರರು ಚಾಟ್ ವಿಂಡೋ ಬಿಡದೆ, ಎಐ ಬಾಟ್‌ನ ಸಹಾಯದಿಂದ ನೇರವಾಗಿ ಪಾವತಿ ಪ್ರಕ್ರಿಯೆ ನಡೆಸಬಹುದು.

ಅಂದರೆ, ನೀವು ಚಾಟ್‌ಜಿಪಿಟಿಯಲ್ಲಿ ಯಾವುದೇ ಉತ್ಪನ್ನದ ಬಗ್ಗೆ ವಿಚಾರಿಸುತ್ತಿದ್ದರೆ, ಅದೇ ಸಂವಾದದಲ್ಲೇ “ಪೇ ವಿತ್ ಯುಪಿಐ” ಎಂದು ಹೇಳಿದರೆ ಸಾಕು — ಪಾವತಿ ತಕ್ಷಣ ಪೂರ್ಣಗೊಳ್ಳುತ್ತದೆ.ಈ ಯೋಜನೆ ಯುಪಿಐನ ಹೊಸ ವೈಶಿಷ್ಟ್ಯವಾದ ‘ಮೀಸಲು ಪಾವತಿ (Reserved Payment)’ ಮತ್ತು ‘ಯುಪಿಐ ಸರ್ಕಲ್ (UPI Circle)’ ಬಳಸಿ ಕಾರ್ಯನಿರ್ವಹಿಸುತ್ತದೆ.

• ಮೀಸಲು ಪಾವತಿ: ಬಳಕೆದಾರರು ನಿಗದಿತ ಮೊತ್ತವನ್ನು ನಿರ್ದಿಷ್ಟ ವ್ಯಾಪಾರಿಗಳಿಗೆ ಮೀಸಲಿಡಬಹುದು.
• ಯುಪಿಐ ಸರ್ಕಲ್: ಬಳಕೆದಾರರಿಗೆ ಅಪ್ಲಿಕೇಶನ್ ಬಿಡದೆ ಪಾವತಿ ಮಾಡುವ ಅವಕಾಶ ನೀಡುತ್ತದೆ.
  ಈ ಎರಡು ವೈಶಿಷ್ಟ್ಯಗಳ ಸಂಯೋಜನೆ ಚಾಟ್ ಆಧಾರಿತ ಪಾವತಿ ವ್ಯವಸ್ಥೆಯನ್ನು ಸುರಕ್ಷಿತ ಮತ್ತು ಸುಗಮಗೊಳಿಸುತ್ತದೆ.

ಗೂಗಲ್ ಮತ್ತು ಪೆಪ್ಲೆಕ್ಸಿಟಿ (Perplexity) ಕಂಪನಿಗಳು ತಮ್ಮದೇ ಎಐ ಪಾವತಿ ವ್ಯವಸ್ಥೆಗಳನ್ನು ಪರಿಚಯಿಸಲು ಸಜ್ಜಾಗಿರುವ ಸಮಯದಲ್ಲಿ, ಎನ್‌ಪಿಸಿಐ–ಓಪನ್‌ಎಐ–ರೇಜರ್ ಪೇ ಸಹಭಾಗಿತ್ವ ಭಾರತದ ತಂತ್ರಜ್ಞಾನ ಕ್ಷೇತ್ರಕ್ಕೆ ಹೊಸ ಉತ್ತೇಜನ ನೀಡುತ್ತಿದೆ.

ಈ ಕ್ರಮದಿಂದ ಭಾರತವು ಎಐ ಪಾವತಿ ಕ್ರಾಂತಿಯ ಮುಂಚೂಣಿಯಲ್ಲಿ ನಿಲ್ಲುವ ಸಾಧ್ಯತೆ ಇದೆ.

ಈಗಾಗಲೇ ಯುಪಿಐ ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಡಿಜಿಟಲ್ ಪಾವತಿ ವ್ಯವಸ್ಥೆಯಾಗಿದ್ದು, ಎಐ ಜೋಡಣೆ ಅದಕ್ಕೆ ಮತ್ತೊಂದು ಶಕ್ತಿ ನೀಡಲಿದೆ.

ಈಗಾಗಲೇ ರಾಯಿಟರ್ಸ್ ವರದಿಯ ಪ್ರಕಾರ, ನಡೆಯುತ್ತಿರುವ ಪೈಲಟ್ ಯೋಜನೆಯು ಬಳಕೆದಾರರ ನಿಯಂತ್ರಣದಲ್ಲಿ ಇರುವ ಸುರಕ್ಷಿತ ವಹಿವಾಟುಗಳತ್ತ ಗಮನಹರಿಸಿದೆ.

ಪಾವತಿ ಪ್ರಕ್ರಿಯೆ ಸಂಪೂರ್ಣ ಎನ್‌ಕ್ರಿಪ್ಟ್ ಆಗಿದ್ದು, ಬಳಕೆದಾರರ ಬ್ಯಾಂಕ್ ವಿವರಗಳು ಸುರಕ್ಷಿತವಾಗಿರುತ್ತವೆ.