Bengaluru : ಕಳೆದ ಎರಡು ದಿನಗಳ ಹಿಂದಷ್ಟೇ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ(Urvashi Rautela) ಹಾಗೂ ಕಾಂತಾರ ಚಿತ್ರದ ನಟ ರಿಷಬ್ ಶೆಟ್ಟಿ(Rishab Shetty) ಅವರ ಫೋಟೊ ಹುಟ್ಟುಹಾಕಿದ್ದ ಗೊಂದಲಕ್ಕೆ (urvashi kanthara2 heroine clarification) ಇದೀಗ ಮೂಲಗಳಿಂದ ಉತ್ತರ ದೊರಕಿದೆ!
ನಟಿ ಊರ್ವಶಿ ರೌಟೇಲಾ ಅವರು ಕನ್ನಡ ಚಿತ್ರರಂಗದ ನಿರ್ದೇಶಕ, ನಟ ರಿಷಬ್ ಶೆಟ್ಟಿ ಅವರೊಡನೆ ತೆಗೆಸಿಕೊಂಡ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ(Social Media) ಭಾರಿ ವೈರಲ್ ಆಗುತ್ತಿದ್ದಂತೆ,
ನೆಟ್ಟಿಗರು ಊರ್ವಶಿ ಅವರೇ ಕಾಂತಾರ 2(Kanthara 2) ಚಿತ್ರದ ನಟಿ ಎಂದು ಮಾತನಾಡಿಕೊಂಡರು!
ಮುಂಬರುತ್ತಿರುವ ಕಾಂತಾರ ೨ ಭಾಗದ ಚಿತ್ರಕ್ಕೆ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಅವರು ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಚರ್ಚೆಗಳು ತೀವ್ರವಾದ ಬೆನ್ನಲ್ಲೇ ಇದೀಗ ಮೂಲಗಳು ಇದು ಸುಳ್ಳು ವದಂತಿ ಎಂದು ದೃಢಪಡಿಸಿದೆ.
ಊರ್ವಶಿ ರೌಟೇಲಾ ರಿಷಬ್ ಶೆಟ್ಟಿಯವರ ಕಾಂತಾರ 2 ಚಿತ್ರದಲ್ಲಿ ಪಾತ್ರವರ್ಗದ ಭಾಗವಾಗಿಲ್ಲ! ಎಂದು ಮೂಲಗಳು(urvashi kanthara2 heroine clarification) ತಿಳಿಸಿದೆ.
ಇತ್ತೀಚಿಗಷ್ಟೇ ನಟ ರಿಷಬ್ ಶೆಟ್ಟಿ ಹಾಗೂ ಚಿತ್ರತಂಡ ಬೆಂಗಳೂರಿನ(Bengaluru) ಕಾರ್ಯಕ್ರಮವೊಂದರಲ್ಲಿ ತಮ್ಮ ಬ್ಲಾಕ್‌ಬಸ್ಟರ್(Block buster) ಚಿತ್ರವಾದ ಕಾಂತಾರ 1ರ ಸಕ್ಸಸ್‌ ಭಾಗವಾಗಿ, ಸಂಭ್ರಮಿಸಿತು.
ಇದೇ ವೇಳೆ ಕಾಂತಾರ ಭಾಗ 2 ರ ಬಗ್ಗೆ ಅಧಿಕೃತ ಮಾಹಿತಿ ನೀಡಿದ ನಟ ರಿಷಬ್ ಶೆಟ್ಟಿ,
ಮುಂದಿನ ವರ್ಷ 2024 ರಲ್ಲಿ ಕಾಂತಾರ ೨ ಅನ್ನು ನೀವು ವಿಶ್ವದಾದ್ಯಂತ ಎಲ್ಲಾ ಥಿಯೇಟರ್‌ಗಳಲ್ಲಿ ನೋಡಬಹುದಾಗಿದೆ ಎಂದು ಹೇಳಿದರು.
ಕಾಂತಾರ ಚಿತ್ರದ ಪ್ರೀಕ್ವೆಲ್‌ ಬರಲಿದೆ. ನೀವೆಲ್ಲಾ ನೋಡಿದ್ದು ಕಾಂತಾರ ಭಾಗ ೧ ಅಲ್ಲ, ಬದಲಾಗಿ ಭಾಗ ೨! ಈಗ ಬರುವ ಕಾಂತಾರ ೨ ಅಸಲಿ ಕಾಂತಾರ ಭಾಗ ೧ ಆಗಲಿದೆ.
ನೋಡಲು ಸಜ್ಜಾಗಿ ಎಂದು ನಿರ್ದೇಶಕ ರಿಷಬ್ ಶೆಟ್ಟಿ ಸಂತಸದಿಂದ ಹೇಳಿದ್ದಾರೆ. ಸದ್ಯ ರಿಷಬ್ ಅವರು ಚಿತ್ರದ ಕಥೆ ಸಿದ್ಧಪಡಿಸುವುದರಲ್ಲಿ ಬ್ಯುಸಿಯಾಗಿದ್ದು,
ಏಪ್ರಿಲ್ ತಿಂಗಳ ನಂತರ ಚಿತ್ರೀಕರಣ ಪ್ರಾರಂಭಿಸಬಹುದು ಎಂದು ಹೇಳಲಾಗಿದೆ. ಇನ್ನು ಕಾಂತಾರ ೨ ಚಿತ್ರದಲ್ಲಿ ಯಾರೆಲ್ಲಾ ಅಭಿನಯಿಸಲಿದ್ದಾರೆ? ಈ ಬಾರಿ ದೊಡ್ಡ ತಾರಾ ಬಳಗವೇ ಇದೆಯಾ? ಎಂಬ ಹತ್ತು ಹಲವು ಪ್ರಶ್ನೆಗಳಿಗೆ ಉತ್ತರ ಹುಡುಕಲು ಸ್ವಲ್ಪ ಸಮಯ ಕಾಯಬೇಕಿದೆ!
