ಇರಾನ್ ತೈಲದ ಬೆನ್ನಲ್ಲೇ ಭಾರತೀಯ ಕಂಪನಿಗಳಿಗೆ ಅಮೆರಿಕದ ನಿರ್ಬಂಧ

₹11.9 ಕೋಟಿ ಡಾಲರ್ ಮೌಲ್ಯದ ಇರಾನ್ ತೈಲ ಆಮದು ಆರೋಪ; 3 ಭಾರತೀಯರ ಮೇಲೂ ಅಮೆರಿಕ ಕ್ರಮ

4 ಭಾರತೀಯ ಕಂಪನಿಗಳಿಗೆ ನಿರ್ಬಂಧ ಹೇರಿದ ಅಮೆರಿಕ

ಇರಾನ್‌ನ ತೈಲ ಮತ್ತು ಪೆಟ್ರೋಕೆಮಿಕಲ್ ವಹಿವಾಟಿನ (us break Iran oil trade) ವಿರುದ್ಧ ಅಮೆರಿಕ ಮತ್ತಷ್ಟು ಕಠಿಣ ಕ್ರಮ ಕೈಗೊಂಡಿದೆ.

ಇರಾನ್ ಮೂಲದ ಪೆಟ್ರೋಲಿಯಂ ಉತ್ಪನ್ನಗಳ ಖರೀದಿ, ಸಾಗಣೆ ಹಾಗೂ ವಹಿವಾಟಿನಲ್ಲಿ ಭಾಗಿಯಾಗಿವೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಭಾರತ ಮೂಲದ ನಾಲ್ಕು ಕಂಪನಿಗಳನ್ನು ಅಮೆರಿಕ ಕಪ್ಪುಪಟ್ಟಿಗೆ ಸೇರಿಸಿದೆ.

ಇದರ ಜೊತೆಗೆ, ಈ ಕಂಪನಿಗಳೊಂದಿಗೆ ಸಂಪರ್ಕ ಹೊಂದಿರುವ ಮೂವರು ಭಾರತೀಯ ನಾಗರಿಕರ ಮೇಲೂ ನಿರ್ಬಂಧ ಹೇರಲಾಗಿದೆ.

ಇರಾನ್‌ನ ತೈಲ ಆದಾಯವನ್ನು ಕಡಿತಗೊಳಿಸುವ ಹಾಗೂ ಅದರ ಸೇನಾ ಮತ್ತು ಖರೀದಿ ಜಾಲಗಳಿಗೆ ಹಣಕಾಸಿನ ನೆರವು ತಡೆಯುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ

ಎಂದು ಅಮೆರಿಕ ತಿಳಿಸಿದೆ. ‘ಆಪರೇಷನ್ ಎಕನಾಮಿಕ್ ಔಟ್‌ಕಾಸ್ಟ್’ ಅಭಿಯಾನದ ಭಾಗವಾಗಿ ಈ ನಿರ್ಬಂಧಗಳನ್ನು ವಿಧಿಸಲಾಗಿದೆ.

ಅಮೆರಿಕದ ಆರೋಪದ ಪ್ರಕಾರ, Portease Partners LLP ಎಂಬ ಭಾರತ ಮೂಲದ ಸಂಸ್ಥೆ ಇರಾನ್‌ನಿಂದ ಭಾರತಕ್ಕೆ ಪೆಟ್ರೋಕೆಮಿಕಲ್ ಉತ್ಪನ್ನಗಳನ್ನು ಸಾಗಿಸುವ ಹಲವು ವಹಿವಾಟುಗಳಿಗೆ ನೆರವಾಗಿದೆ.

ಈ ಸಂಸ್ಥೆಯ ನಿಯೋಜಿತ ಪಾಲುದಾರರಾದ ಇಂದ್ರಿಸ್ಮಿಯಾ ಅಶ್ರಫ್‌ಮಿಯಾ ಶೇಖ್ ಮತ್ತು ಹರೀಶ್ ರಾಮಚಂದ್ರ ರಂಗಿ ಅವರ ಮೇಲೂ ಅಮೆರಿಕ ನಿರ್ಬಂಧ ವಿಧಿಸಿದೆ.

ಇರಾನ್‌ನ ಪೆಟ್ರೋಲಿಯಂ ವಲಯಕ್ಕೆ ಸಂಬಂಧಿಸಿದ ವಹಿವಾಟುಗಳಲ್ಲಿ (us break Iran oil trade) ಈ ಸಂಸ್ಥೆ ಹಾಗೂ ಅದರೊಂದಿಗೆ ಸಂಪರ್ಕ ಹೊಂದಿರುವ ವ್ಯಕ್ತಿಗಳು ಪ್ರಮುಖ ಪಾತ್ರ ವಹಿಸಿದ್ದಾರೆ ಎಂಬುದು ಅಮೆರಿಕದ ಆರೋಪವಾಗಿದೆ.

ನಿರ್ಬಂಧದ ಪರಿಣಾಮವಾಗಿ ಸಂಬಂಧಿತ ಆಸ್ತಿಗಳು ಮತ್ತು ವಹಿವಾಟುಗಳ ಮೇಲೆ ಅಮೆರಿಕದ ಕಾನೂನುಗಳ ಅಡಿಯಲ್ಲಿ ಹಲವು ನಿರ್ಬಂಧಗಳು ಜಾರಿಯಾಗುವ ಸಾಧ್ಯತೆಯಿದೆ.

ಇದೇ ಪ್ರಕರಣದಲ್ಲಿ Sadashiva Overseas Limited ಎಂಬ ಮತ್ತೊಂದು ಭಾರತೀಯ ಕಂಪನಿಯನ್ನೂ ಅಮೆರಿಕ ಗುರಿಯಾಗಿಸಿಕೊಂಡಿದೆ.

2024ರ ಫೆಬ್ರವರಿಯಿಂದ 2025ರ ಜೂನ್‌ವರೆಗೆ ವಿವಿಧ ಕಂಪನಿಗಳಿಂದ ಸುಮಾರು 6.9 ಕೋಟಿ ಅಮೆರಿಕನ್ ಡಾಲರ್ ಮೌಲ್ಯದ ಇರಾನ್ ಮೂಲದ ಪೆಟ್ರೋಲಿಯಂ ಉತ್ಪನ್ನಗಳನ್ನು ಈ ಸಂಸ್ಥೆ ಆಮದು ಮಾಡಿಕೊಂಡಿದೆ ಎಂದು ಅಮೆರಿಕ ಆರೋಪಿಸಿದೆ.

ಮತ್ತೊಂದೆಡೆ, PP Softtech Private Limited 2024ರ ಜನವರಿಯಿಂದ 2025ರ ಜೂನ್‌ವರೆಗೆ ಸುಮಾರು 2.5 ಕೋಟಿ ಡಾಲರ್ ಮೌಲ್ಯದ ಇರಾನ್ ಮೂಲದ ಪೆಟ್ರೋಲಿಯಂ ಉತ್ಪನ್ನಗಳನ್ನು ಆಮದು ಮಾಡಿಕೊಂಡಿದೆ ಎಂದು ಹೇಳಲಾಗಿದೆ.

ಈ ಸಂಸ್ಥೆಯ ನಿರ್ದೇಶಕರಾಗಿರುವ ಭಾರತೀಯ ನಾಗರಿಕ ಪ್ರಶಾಂತ್ ಗರ್ಗ್ ಅವರ ಮೇಲೂ ಅಮೆರಿಕ ನಿರ್ಬಂಧ ವಿಧಿಸಿದೆ.

ನಾಲ್ಕನೇ ಸಂಸ್ಥೆಯಾದ Prakrutees Infra Impex India Private Limited ಮೇಲೂ ಇದೇ ರೀತಿಯ ಆರೋಪ ಹೊರಿಸಲಾಗಿದೆ. 2023ರ ಮೇಯಿಂದ 2026ರ ಫೆಬ್ರವರಿವರೆಗೆ

ವಿವಿಧ ಕಂಪನಿಗಳಿಂದ ಸುಮಾರು 2.5 ಕೋಟಿ ಡಾಲರ್ ಮೌಲ್ಯದ ಇರಾನ್ ಮೂಲದ ಪೆಟ್ರೋಲಿಯಂ ಉತ್ಪನ್ನಗಳನ್ನು ಆಮದು ಮಾಡಿಕೊಂಡಿದೆ ಎಂದು ಅಮೆರಿಕ ತಿಳಿಸಿದೆ.

ಈ ವಹಿವಾಟುಗಳಲ್ಲಿ ಈಗಾಗಲೇ ಅಮೆರಿಕದ ನಿರ್ಬಂಧಕ್ಕೆ ಒಳಗಾಗಿರುವ Bonjoure Commodity F.Z.E. ಸೇರಿದಂತೆ ಹಲವು ಸಂಸ್ಥೆಗಳು ಭಾಗಿಯಾಗಿದ್ದವು ಎಂದು ಅಮೆರಿಕದ ವಿದೇಶಾಂಗ ಇಲಾಖೆ ಹೇಳಿದೆ.

Sadashiva Overseas, PP Softtech ಮತ್ತು Prakrutees Infra ಸಂಸ್ಥೆಗಳ ವಿರುದ್ಧದ ಆರೋಪಗಳಲ್ಲಿ ಉಲ್ಲೇಖಿಸಿರುವ ಇರಾನ್ ಮೂಲದ ಪೆಟ್ರೋಲಿಯಂ ಆಮದುಗಳ ಒಟ್ಟು ಮೌಲ್ಯ ಸುಮಾರು 11.9 ಕೋಟಿ ಅಮೆರಿಕನ್ ಡಾಲರ್ ಎಂದು ತಿಳಿಸಲಾಗಿದೆ.

ಇರಾನ್‌ನ ಪೆಟ್ರೋಲಿಯಂ ಆದಾಯವನ್ನು ನಿಯಂತ್ರಿಸುವುದು ಹಾಗೂ ಅದರ ಸೇನಾ ಚಟುವಟಿಕೆಗಳು ಮತ್ತು ಖರೀದಿ ಜಾಲಗಳಿಗೆ ನೆರವಾಗುತ್ತಿವೆ ಎಂದು ಅಮೆರಿಕ ಆರೋಪಿಸುವ ಸಂಸ್ಥೆಗಳ ವಿರುದ್ಧ ಕ್ರಮ ಕೈಗೊಳ್ಳುವುದು ಈ ನಿರ್ಬಂಧಗಳ ಪ್ರಮುಖ ಉದ್ದೇಶವಾಗಿದೆ.

ಇರಾನ್ ತೈಲ ವಹಿವಾಟಿನ ಹಿನ್ನೆಲೆಯಲ್ಲಿ ಭಾರತ ಮೂಲದ ಕೆಲವು ಸಂಸ್ಥೆಗಳ ವಿರುದ್ಧ ಅಮೆರಿಕ ಈ ಹಿಂದೆ ಕೂಡ ನಿರ್ಬಂಧಗಳನ್ನು ವಿಧಿಸಿತ್ತು. ಇದೀಗ ಮತ್ತೊಮ್ಮೆ ನಾಲ್ಕು

ಭಾರತೀಯ ಕಂಪನಿಗಳು ಮತ್ತು ಮೂವರು ಭಾರತೀಯ ನಾಗರಿಕರನ್ನು ಗುರಿಯಾಗಿಸಿಕೊಂಡಿರುವುದು ಭಾರತ-ಅಮೆರಿಕ ಸಂಬಂಧಗಳ ಜೊತೆಗೆ ಜಾಗತಿಕ ತೈಲ ವಹಿವಾಟಿನ

ಮೇಲೂ ಗಮನ ಸೆಳೆದಿದೆ. ಆದರೆ, ಅಮೆರಿಕದ ಈ ನಿರ್ಬಂಧಗಳ ಕುರಿತು ಸಂಬಂಧಿತ ಕಂಪನಿಗಳು ಅಥವಾ ವ್ಯಕ್ತಿಗಳು ಇದುವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.

ಇದನ್ನು ಓದಿ : https://vijayatimes.com/unemployment-among-youth-in-india/