303 ಶತಕೋಟಿ ಬ್ಯಾರಲ್‌ ತೈಲ (US eyes Venezuela oil ) ಸಂಪತ್ತು; ವೆನೆಜುವೆಲಾದತ್ತ ಅಮೆರಿಕದ ಚಿತ್ತ

ವೆನೆಜುವೆಲಾದ ಅಪಾರ ಕಚ್ಚಾ ತೈಲ ನಿಕ್ಷೇಪಗಳ ಅಭಿವೃದ್ಧಿಗೆ ಅಮೆರಿಕ ಮುಂದಾಳತ್ವ

65 ಶತಕೋಟಿ ಬ್ಯಾರಲ್‌ ನಿಕ್ಷೇಪ ಅಭಿವೃದ್ಧಿಗೆ ಟ್ರಂಪ್‌ ಬೃಹತ್ ಒಪ್ಪಂದ ಘೋಷಣೆ

Washington : ಜಾಗತಿಕ ತೈಲ ಮಾರುಕಟ್ಟೆಯಲ್ಲಿ ಮಹತ್ವದ (US eyes Venezuela oil) ಬೆಳವಣಿಗೆಯೊಂದು ನಡೆದಿದೆ. ಅಮೆರಿಕ ಮತ್ತು ವೆನೆಜುವೆಲಾ ನಡುವೆ ಇದುವರೆಗೆ ನಡೆದಿರುವ ಅತಿದೊಡ್ಡ ತೈಲ ಒಪ್ಪಂದದ ಬಗ್ಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಘೋಷಿಸಿದ್ದಾರೆ.

ಈ ಒಪ್ಪಂದದ ಮೂಲಕ ವೆನೆಜುವೆಲಾದ (Venezuela) ಸುಮಾರು 65 ಶತಕೋಟಿ ಬ್ಯಾರಲ್‌ಗಳ ಕಚ್ಚಾ ತೈಲ ನಿಕ್ಷೇಪಗಳ ಅಭಿವೃದ್ಧಿಯಲ್ಲಿ ಅಮೆರಿಕ ಪ್ರಮುಖ ಪಾತ್ರ ವಹಿಸಲಿದೆ ಎಂದು ತಿಳಿದುಬಂದಿದೆ.

ವಿಶ್ವದ ಪ್ರಮುಖ ತೈಲ ಸಂಪನ್ಮೂಲಗಳನ್ನು ಹೊಂದಿರುವ ವೆನೆಜುವೆಲಾದತ್ತ ಅಮೆರಿಕ ಮತ್ತೊಮ್ಮೆ ಗಮನ ಹರಿಸಿರುವುದು ಜಾಗತಿಕ ಇಂಧನ ವಲಯದಲ್ಲಿ ಕುತೂಹಲ ಮೂಡಿಸಿದೆ.

ತೈಲ ಉತ್ಪಾದನೆ ಮತ್ತು ಪೂರೈಕೆಯನ್ನು ಹೆಚ್ಚಿಸುವುದರ ಜೊತೆಗೆ, ಎರಡೂ ದೇಶಗಳ (US eyes Venezuela oil) ನಡುವಿನ ಸಂಬಂಧವನ್ನು ಹೊಸ ಹಂತಕ್ಕೆ ಕೊಂಡೊಯ್ಯುವ ಉದ್ದೇಶವೂ ಈ ಒಪ್ಪಂದದ ಹಿಂದೆ ಇದೆ ಎನ್ನಲಾಗಿದೆ.

ಈ ಬೆಳವಣಿಗೆ ವೆನೆಜುವೆಲಾದ ರಾಜಕೀಯ ಪರಿಸ್ಥಿತಿಯಲ್ಲಾದ ಬದಲಾವಣೆಗಳ ನಂತರ ನಡೆದಿದೆ. ಮಾಜಿ ಅಧ್ಯಕ್ಷ ನಿಕೋಲಸ್‌ ಮಡುರೊ ಅವರ ಸರ್ಕಾರ ಪತನಗೊಂಡ ಬಳಿಕ, ದೇಶದ ತೈಲ ಸಂಪನ್ಮೂಲಗಳನ್ನು ಮತ್ತೆ ಅಭಿವೃದ್ಧಿಪಡಿಸುವ ಪ್ರಯತ್ನಗಳು ವೇಗ ಪಡೆದುಕೊಂಡಿವೆ.

ಈ ಹಿನ್ನೆಲೆಯಲ್ಲಿ ಅಮೆರಿಕದೊಂದಿಗೆ ಮಾಡಿಕೊಂಡಿರುವ ಹೊಸ ಒಪ್ಪಂದಕ್ಕೆ ಹೆಚ್ಚಿನ ಮಹತ್ವ ಸಿಕ್ಕಿದೆ. ಒಪ್ಪಂದದ ಕುರಿತು ಮಾತನಾಡಿರುವ ಟ್ರಂಪ್‌, ಅಮೆರಿಕದ ವಿದೇಶಾಂಗ

ಕಾರ್ಯದರ್ಶಿ ಮಾರ್ಕೊ ರೂಬಿಯೊ, ಯುದ್ಧ ಕಾರ್ಯದರ್ಶಿ ಪೀಟ್ ಹೆಗ್ಸೆತ್ (Pete Hegseth) ಹಾಗೂ ವೆನೆಜುವೆಲಾದ ಅಧ್ಯಕ್ಷೆ ಡೆಲ್ಸಿ ರೊಡ್ರಿಗಸ್ (Delcy Rodríguez) ಅವರೊಂದಿಗೆ ಈ ವಿಚಾರದಲ್ಲಿ ನಿಕಟವಾಗಿ ಕೆಲಸ

ಮಾಡುತ್ತಿರುವುದಾಗಿ ಹೇಳಿದ್ದಾರೆ. ಈ ಒಪ್ಪಂದವು ಎರಡೂ ದೇಶಗಳ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಬಲಪಡಿಸಲಿದೆ ಎಂಬ ವಿಶ್ವಾಸವನ್ನೂ ಅವರು ವ್ಯಕ್ತಪಡಿಸಿದ್ದಾರೆ.

ಅಮೆರಿಕದ ಪಾಲಿಗೆ ಈ ಒಪ್ಪಂದದ ಪ್ರಮುಖ ಉದ್ದೇಶ ತೈಲ ಪೂರೈಕೆಯನ್ನು ಹೆಚ್ಚಿಸುವುದಾಗಿದೆ. ವೆನೆಜುವೆಲಾದಲ್ಲಿ(Venezuela) ಅಪಾರ ಪ್ರಮಾಣದ ಕಚ್ಚಾ ತೈಲವಿದ್ದರೂ, ಅದನ್ನು ಹೊರತೆಗೆಯಲು ಮತ್ತು ಸಂಸ್ಕರಿಸಲು ಅಗತ್ಯವಿರುವ ಮೂಲಸೌಕರ್ಯ ದುರ್ಬಲವಾಗಿದೆ.

ಅಮೆರಿಕದ ಪಾಲಿಗೆ ಈ ಒಪ್ಪಂದದ ಪ್ರಮುಖ ಉದ್ದೇಶ ತೈಲ ಪೂರೈಕೆಯನ್ನು ಹೆಚ್ಚಿಸುವುದಾಗಿದೆ. ವೆನೆಜುವೆಲಾದಲ್ಲಿ(Venezuela) ಅಪಾರ ಪ್ರಮಾಣದ ಕಚ್ಚಾ ತೈಲವಿದ್ದರೂ, ಅದನ್ನು ಹೊರತೆಗೆಯಲು ಮತ್ತು ಸಂಸ್ಕರಿಸಲು ಅಗತ್ಯವಿರುವ ಮೂಲಸೌಕರ್ಯ ದುರ್ಬಲವಾಗಿದೆ.

ಇದರಿಂದಾಗಿ ದೇಶದ ತೈಲ ಉತ್ಪಾದನೆ ಅದರ ನಿಕ್ಷೇಪಗಳಿಗೆ ಹೋಲಿಸಿದರೆ ಅತ್ಯಂತ ಕಡಿಮೆ ಪ್ರಮಾಣದಲ್ಲಿದೆ. ಹೊಸ ಒಪ್ಪಂದದಡಿ ಅಮೆರಿಕವು ವೆನೆಜುವೆಲಾದ(Venezuela) ತೈಲ ಕ್ಷೇತ್ರಗಳ ಅಭಿವೃದ್ಧಿಗೆ ಬಂಡವಾಳ, ತಂತ್ರಜ್ಞಾನ ಹಾಗೂ ಮೂಲಸೌಕರ್ಯ ನೆರವು ನೀಡುವ ಸಾಧ್ಯತೆ ಇದೆ.

ಪ್ರತಿಯಾಗಿ ಅಮೆರಿಕಕ್ಕೆ ತೈಲ ಉತ್ಪಾದನೆ ಮತ್ತು ಸಂಪನ್ಮೂಲಗಳ ಅಭಿವೃದ್ಧಿಯಲ್ಲಿ ಹೆಚ್ಚಿನ ಪಾಲು ದೊರೆಯಲಿದೆ ಎಂದು ವರದಿಯಾಗಿದೆ. ಇದರಿಂದ ವರ್ಷಗಳ ಕಾಲ ಬಳಕೆಯಾಗದೆ ಉಳಿದಿರುವ ತೈಲ ಸಂಪತ್ತನ್ನು ಮತ್ತೆ ಉತ್ಪಾದನಾ ವಲಯಕ್ಕೆ ತರಲು ಸಾಧ್ಯವಾಗಬಹುದು.

ವೆನೆಜುವೆಲಾ (Venezuela)ವಿಶ್ವದಲ್ಲೇ ಅತಿದೊಡ್ಡ ತೈಲ ನಿಕ್ಷೇಪಗಳನ್ನು ಹೊಂದಿರುವ ದೇಶಗಳಲ್ಲಿ ಪ್ರಮುಖ ಸ್ಥಾನದಲ್ಲಿದೆ. ಅಮೆರಿಕದ ಎನರ್ಜಿ ಇನ್ಫರ್ಮೇಷನ್

ಅಡ್ಮಿನಿಸ್ಟ್ರೇಷನ್‌ ಅಂದಾಜಿನ ಪ್ರಕಾರ, ವೆನೆಜುವೆಲಾದಲ್ಲಿ ಸುಮಾರು 303 ಶತಕೋಟಿ ಬ್ಯಾರಲ್‌ಗಳಷ್ಟು ಕಚ್ಚಾ ತೈಲ ನಿಕ್ಷೇಪವಿದೆ.

ಇದು ಜಗತ್ತಿನ ಒಟ್ಟು ತೈಲ ನಿಕ್ಷೇಪದ ಸುಮಾರು ಶೇ.17ರಷ್ಟಾಗಿದೆ. ಆದರೆ ಅಪರ್ಯಾಪ್ತ ಮೂಲಸೌಕರ್ಯ, ಹಳೆಯ ತೈಲ ಕ್ಷೇತ್ರಗಳು ಮತ್ತು ಉತ್ಪಾದನಾ ಸಾಮರ್ಥ್ಯದ ಕೊರತೆಯಿಂದಾಗಿ ಈ ಸಂಪತ್ತಿನ ಸಂಪೂರ್ಣ ಪ್ರಯೋಜನವನ್ನು ದೇಶ ಪಡೆಯಲು ಸಾಧ್ಯವಾಗಿಲ್ಲ.

ಜಾಗತಿಕ ತೈಲ ಉತ್ಪಾದನೆಯಲ್ಲಿ ವೆನೆಜುವೆಲಾದ ಪಾಲು ಸುಮಾರು ಶೇ.1ರಷ್ಟೇ ಇದೆ. ಹೀಗಾಗಿ ಹೊಸ ಹೂಡಿಕೆಗಳು ಮತ್ತು ಆಧುನಿಕ ತಂತ್ರಜ್ಞಾನ ದೊರೆತರೆ ಉತ್ಪಾದನೆ ಗಣನೀಯವಾಗಿ ಹೆಚ್ಚುವ ಸಾಧ್ಯತೆ ಇದೆ.

ಈ ಒಪ್ಪಂದವನ್ನು ಅಮೆರಿಕ ಅಧ್ಯಕ್ಷರು ತಮ್ಮ ದೇಶದ ಇಂಧನ ಭದ್ರತೆಗೆ ಪ್ರಮುಖ ಹೆಜ್ಜೆಯಾಗಿ ಬಣ್ಣಿಸಿದ್ದಾರೆ. ತೈಲ ಉತ್ಪಾದನೆ ಹೆಚ್ಚಾದರೆ ಭವಿಷ್ಯದಲ್ಲಿ ಅಮೆರಿಕನ್ನರಿಗೆ ಕಡಿಮೆ ಬೆಲೆಯಲ್ಲಿ ತೈಲ ಮತ್ತು ಅನಿಲ ಲಭ್ಯವಾಗಬಹುದು ಎಂಬ ನಿರೀಕ್ಷೆಯನ್ನು ಟ್ರಂಪ್(Donald Trump) ವ್ಯಕ್ತಪಡಿಸಿದ್ದಾರೆ.

ಇದೇ ವೇಳೆ ವೆನೆಜುವೆಲಾದ (Venezuela)ಆರ್ಥಿಕತೆಯನ್ನು ಪುನಶ್ಚೇತನಗೊಳಿಸಿ, ದೇಶವನ್ನು ಮತ್ತೆ ಸಮೃದ್ಧಿಯತ್ತ ಕೊಂಡೊಯ್ಯಲು ಈ ಒಪ್ಪಂದ ನೆರವಾಗಲಿದೆ ಎಂಬ ಮಾತನ್ನೂ ಅವರು

ಹೇಳಿದ್ದಾರೆ. ಆದರೆ ಇಷ್ಟು ದೊಡ್ಡ ಪ್ರಮಾಣದ ತೈಲ ಸಂಪತ್ತಿನ ಅಭಿವೃದ್ಧಿ ಕೇವಲ ಆರ್ಥಿಕ ವಿಚಾರವಾಗಿರದೆ, ಜಾಗತಿಕ ಇಂಧನ ರಾಜಕೀಯದ ಮೇಲೂ ಪರಿಣಾಮ ಬೀರುವ

ಸಾಧ್ಯತೆ ಇದೆ. ವೆನೆಜುವೆಲಾದ (Venezuela) ತೈಲ ಉತ್ಪಾದನೆ ಹೆಚ್ಚಾದರೆ ಜಾಗತಿಕ ಮಾರುಕಟ್ಟೆಯಲ್ಲಿ ಪೂರೈಕೆ ಹೆಚ್ಚಬಹುದು. ಹೀಗಾಗಿ ಮುಂದಿನ ದಿನಗಳಲ್ಲಿ ತೈಲ ಬೆಲೆ, ಅಮೆರಿಕದ

ಇಂಧನ ನೀತಿ ಹಾಗೂ ಲ್ಯಾಟಿನ್ ಅಮೆರಿಕಾದ ರಾಜಕೀಯ ಸಮೀಕರಣಗಳ ಮೇಲೆ ಈ ಒಪ್ಪಂದದ ಪರಿಣಾಮ ಹೇಗಿರಲಿದೆ ಎಂಬುದನ್ನು ವಿಶ್ವವೇ ಗಮನಿಸುತ್ತಿದೆ.