New Delhi : ಅಮೇರಿಕಾದ ಅಧ್ಯಕ್ಷರಾಗಿ (President of the United States) ಅಧಿಕಾರ ಸ್ವೀಕರಿಸಿದ ನಂತರ ಮೊದಲ ಬಾರಿಗೆ ಮಾತನಾಡಿರುವ ಡೊನಾಲ್ಡ್ ಟ್ರಂಪ್ (Donald Trump), H-1B ವೀಸಾ ಕುರಿತು ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದು, H-1B ವೀಸಾದಡಿ (H-1B visa) ಅಮೇರಿಕಾಕ್ಕೆ ಬರಲು ಸಮರ್ಥ ವ್ಯಕ್ತಿಗಳಿಗೆ ಮಾತ್ರ ಅವಕಾಶ ನೀಡಬೇಕಿದೆ ಎಂದು ಅಭಿಪ್ರಾಯಟ್ಟಿದ್ದಾರೆ.
ಶ್ವೇತಭವನದಲ್ಲಿ ಒರಾಕಲ್ CTO ಲ್ಯಾರಿ ಎಲಿಸನ್ (Larry Ellison), ಸಾಫ್ಟ್ಬ್ಯಾಂಕ್ CEO ಮಸಯೋಶಿ ಸನ್ (Masayoshi Sun) ಮತ್ತು ಓಪನ್ AI CEO ಸ್ಯಾಮ್ ಆಲ್ಟ್ಮನ್ (Sam Altman) ಅವರೊಂದಿಗೆ ಜಂಟಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅವರು, H-1B ವೀಸಾ ಕುರಿತು ನಡೆಯುತ್ತಿರುವ ವಾದದ ಎರಡೂ ಬದಿಗಳನ್ನು ನಾನು ಇಷ್ಟಪಡುತ್ತಾರೆ. ಆದರೆ ನಮ್ಮ ದೇಶಕ್ಕೆ ಬರಲು ಜನರು ಸಮರ್ಥರಾಗಿರಬೇಕು ಎಂದಿದ್ದಾರೆ. ಟೆಸ್ಲಾ ಸಿಇಒ ಎಲೋನ್ ಮಸ್ಕ್ (Tesla CEO Elon Musk) ಸೇರಿದಂತೆ ಅವರ ಕೆಲವು ಆಪ್ತ ಸಹಾಯಕರು H-1B ವೀಸಾ ಯೋಜನೆಗೆ ಬೆಂಬಲ ವ್ಯಕ್ತಪಡಿಸಿರುವುದರಿಂದ ಟ್ರಂಪ್ ಈ ಚರ್ಚೆಯ ಬಗ್ಗೆ ಮಾತನಾಡುತ್ತಿದ್ದಾರೆ. ಆದಾಗ್ಯೂ, ಟ್ರಂಪ್ ಇತರ ಹಲವಾರು ಬೆಂಬಲಿಗರು H-1B ವೀಸಾವನ್ನು ವಿರೋಧಿಸಿದ್ದಾರೆ, ಇದರಿಂದಾಗಿ ಅಮೆರಿಕನ್ನರು ಉದ್ಯೋಗ ಕಳೆದುಕೊಳ್ಳುತ್ತಿದ್ದಾರೆ ಎಂದು ಹೇಳಿದ್ದಾರೆ.
H-1B ವೀಸಾಗಳು ಹೆಚ್ಚು ಕೌಶಲ್ಯ ಹೊಂದಿರುವ ವಿದೇಶಿ ಪ್ರಜೆಗಳಿಗೆ (Foreign nationals) ಅಮೆರಿಕದಲ್ಲಿ ತಾತ್ಕಾಲಿಕ ನೆಲೆಸುವ ವೀಸಾಗಳಾಗಿವೆ. ಶೇ.72 ಭಾರತೀಯ ಪ್ರಜೆಗಳು ಈ ವೀಸಾದಡಿ ಅಮೇರಿಕಾದಲ್ಲಿ ನೆಲೆಸಿದ್ದಾರೆ. ಇದು ಒಬ್ಬ ವ್ಯಕ್ತಿಗೆ ಆರು ವರ್ಷಗಳ ಕಾಲ ಅಮೆರಿಕದಲ್ಲಿ ಉಳಿಯಲು ಅನುವು ಮಾಡಿಕೊಡುತ್ತದೆ. ವೀಸಾವನ್ನು ಆರಂಭದಲ್ಲಿ ಮೂರು ವರ್ಷಗಳವರೆಗೆ ನೀಡಲಾಗುತ್ತದೆ ಮತ್ತು ಇನ್ನೂ ಮೂರು ವರ್ಷಗಳವರೆಗೆ ವಿಸ್ತರಿಸಬಹುದು. ಆದರೆ H-1B ವೀಸಾ ವಿಸ್ತರಣೆಗೆ ಅರ್ಜಿ ಸಲ್ಲಿಸುವ ಜನರು, ಅರ್ಜಿ ಸಲ್ಲಿಸಿದ ನಂತರ ಅಮೆರಿಕದ ಹೊರಗೆ ಪ್ರಯಾಣಿಸದಂತೆ ಸೂಚಿಸಲಾಗಿದೆ.
ಟ್ರಂಪ್ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ ನಂತರ ಅಕ್ರಮ ವಲಸಿಗರ ಮೇಲೆ ತಕ್ಷಣವೇ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಪುನರುಚ್ಚರಿಸಿದಾಗಿನಿಂದ H-1B ವೀಸಾ ಚರ್ಚೆ ಹುಟ್ಟಿಕೊಂಡಿದೆ. 2024 ರಲ್ಲಿ, ಯುಎಸ್ ವಲಸೆ (US Immigration) ಮತ್ತು ಕಸ್ಟಮ್ಸ್ ಜಾರಿ ಇಲಾಖೆಯು ಭಾರತ ಸೇರಿದಂತೆ 192 ದೇಶಗಳಿಗೆ 270,000 ಕ್ಕೂ ಹೆಚ್ಚು ವಲಸಿಗರನ್ನು ಗಡಿಪಾರು ಮಾಡಿದೆ. ಗಡಿಪಾರು ಮಾಡಿದವರಲ್ಲಿ 1,529 ಭಾರತೀಯರಾಗಿದ್ದಾರೆ.
