ಮತ್ತೆ ತಾರಕಕ್ಕೇರಿದ (US seizes Iranian ship) ಅಮೆರಿಕಾ-ಇರಾನ್ ಸಂಘರ್ಷ

ಇರಾನ್ ಹಡಗು ಮೇಲೆ ಅಮೆರಿಕಾ ಕ್ರಮಕ್ಕೆ ಟೆಹ್ರಾನ್ ಕಿಡಿ

ಅಮೆರಿಕಾ ಕ್ರಮಕ್ಕೆ ಇರಾನ್ ಪ್ರತೀಕಾರದ ಎಚ್ಚರಿಕೆ, ಹೆಚ್ಚಾದ ಉದ್ವಿಗ್ನತೆ

ಅಮೆರಿಕಾ ಮತ್ತು ಇರಾನ್ ನಡುವಿನ (US seizes Iranian ship) ರಾಜಕೀಯ ಹಾಗೂ ಸೈನಿಕ ಉದ್ವಿಗ್ನತೆ ಮತ್ತೊಮ್ಮೆ ಹೆಚ್ಚಳಗೊಂಡಿದೆ.

ಇತ್ತೀಚೆಗೆ, ಇರಾನ್ ಧ್ವಜ ಹೊಂದಿದ್ದ ಸರಕು ಹಡಗನ್ನು ಅಮೆರಿಕಾ ನೌಕಾಪಡೆಯು ವಶಪಡಿಸಿಕೊಂಡಿರುವ ಘಟನೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಓಮನ್ ಸಮುದ್ರದ ಸಮೀಪ ಈ ಘಟನೆ ನಡೆದಿದ್ದು, ಅಮೆರಿಕಾ (America) ನೀಡಿದ ಎಚ್ಚರಿಕೆಗಳನ್ನು ಇರಾನ್ ಹಡಗು ನಿರ್ಲಕ್ಷಿಸಿದೆ ಎಂಬ ಆರೋಪ ಹೊರಿಸಲಾಗಿದೆ.

ಇದರಿಂದಾಗಿ ಈಗಾಗಲೇ ಸೂಕ್ಷ್ಮ ಸ್ಥಿತಿಯಲ್ಲಿದ್ದ ದ್ವಿಪಕ್ಷೀಯ ಸಂಬಂಧಗಳು ಮತ್ತಷ್ಟು ಗಂಭೀರ ಹಂತಕ್ಕೆ ತಲುಪಿವೆ.

ವರದಿಗಳ ಪ್ರಕಾರ, “ಟೌಸ್ಕಾ” (Tauska) ಎಂಬ ಹೆಸರಿನ ಹಡಗು ಅಮೆರಿಕಾ ನೌಕಾಪಡೆಯ (US seizes Iranian ship) ಸೂಚನೆಗಳನ್ನು ಪಾಲಿಸದೇ ಮುಂದುವರಿದ ಕಾರಣ, ಅಮೆರಿಕಾ ಡಿಸ್ಟ್ರಾಯರ್ (Destoryer) ಹಡಗು ಅದರ ಎಂಜಿನ್ ಭಾಗದ ಮೇಲೆ ಗುಂಡಿನ ದಾಳಿ ನಡೆಸಿತು.

ಈ ಕ್ರಮದಿಂದ ಹಡಗು ಕಾರ್ಯನಿರ್ವಹಣೆಗೆ ಅಸಮರ್ಥವಾಗಿದ್ದು, ನಂತರ ಅದನ್ನು ವಶಕ್ಕೆ ಪಡೆದು ಪರಿಶೀಲನೆ ನಡೆಸಲಾಗಿದೆ.

ಅಮೆರಿಕಾ ಸೆಂಟ್ರಲ್ ಕಮಾಂಡ್ ಈ ಕಾರ್ಯಾಚರಣೆಯ ವಿಡಿಯೋವನ್ನು ಬಿಡುಗಡೆ ಮಾಡಿದ್ದು, ಹಲವು ಗಂಟೆಗಳ ಎಚ್ಚರಿಕೆಯ ನಂತರವೇ ಕ್ರಮ ಕೈಗೊಂಡಿದ್ದೇವೆ ಎಂದು ತಿಳಿಸಿದೆ.

ಆದರೂ, ಈ ಘಟನೆ ಅಂತಾರಾಷ್ಟ್ರೀಯ ನೀತಿ ಮತ್ತು ಸಮುದ್ರ ಸುರಕ್ಷತೆ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ಇದಕ್ಕೆ ತೀವ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿರುವ ಇರಾನ್ ಸರ್ಕಾರ, ಅಮೆರಿಕಾ ಕ್ರಮವನ್ನು “ಸಮುದ್ರ ದರೋಡೆ” ಎಂದು ಖಂಡಿಸಿದೆ.

ಇರಾನ್ ಸೇನೆ ಕೂಡ ಕಠಿಣ ನಿಲುವು ತೆಗೆದುಕೊಂಡಿದ್ದು, ಈ ದಾಳಿಗೆ ತಕ್ಕ ಪ್ರತಿಕ್ರಿಯೆ ನೀಡುವುದಾಗಿ ಎಚ್ಚರಿಸಿದೆ. ಇರಾನ್ ಅಧ್ಯಕ್ಷರು ಈ ಘಟನೆಯನ್ನು ಉದ್ದೇಶಪೂರ್ವಕ

ಪ್ರಚೋದನೆ ಎಂದು ಹೇಳಿದ್ದು, ರಾಜತಾಂತ್ರಿಕ ಮಾತುಕತೆಗಳ ಮೇಲೆ ಇದರಿಂದ ಪರಿಣಾಮ ಬೀರುವ ಸಾಧ್ಯತೆಯನ್ನು ಸೂಚಿಸಿದ್ದಾರೆ.

ವಿದೇಶಾಂಗ ಮಟ್ಟದಲ್ಲಿಯೂ ಚರ್ಚೆಗಳು ನಡೆಯುತ್ತಿದ್ದು, ಪಾಕಿಸ್ತಾನ (Pakistan) ಸೇರಿದಂತೆ ಕೆಲವು ರಾಷ್ಟ್ರಗಳೊಂದಿಗೆ ಇರಾನ್ ಸಂಪರ್ಕ ಸಾಧಿಸಿದೆ.

ಈ ಘಟನೆ ನಡೆಯುತ್ತಿರುವ ಸಮಯವೂ ಅತೀ ಮಹತ್ವದ್ದಾಗಿದೆ. ಇರಾನ್ ಮತ್ತು ಅಮೆರಿಕಾ ನಡುವೆ ನಡೆಯುತ್ತಿರುವ ಶಾಂತಿ ಒಪ್ಪಂದದ ಅವಧಿ ಮುಗಿಯಲು ಸಮೀಪವಾಗಿದ್ದು,

ಹೊಸ ಒಪ್ಪಂದದ ಬಗ್ಗೆ ಇನ್ನೂ ಸ್ಪಷ್ಟತೆ ಇಲ್ಲ. ಎರಡನೇ ಹಂತದ ಮಾತುಕತೆಗಳು ನಡೆಯಬೇಕಿದ್ದರೂ, ಇಂತಹ ಘಟನೆಗಳು ಅವುಗಳನ್ನು ಅನಿಶ್ಚಿತತೆಯಲ್ಲಿಟ್ಟಿವೆ.

ಇದರಿಂದ ರಾಜತಾಂತ್ರಿಕ ಪರಿಹಾರ ಕಂಡುಕೊಳ್ಳುವ ಸಾಧ್ಯತೆಗಳು ಕಡಿಮೆಯಾಗುತ್ತಿವೆ ಮತ್ತು ಸೈನಿಕ ಸಂಘರ್ಷದ ಭೀತಿ ಹೆಚ್ಚುತ್ತಿದೆ.

ಇದೇ ವೇಳೆ ಹಾರ್ಮುಜ್ ಜಲಸಂಧಿಯ ಪರಿಸ್ಥಿತಿ ಕೂಡ ಗಂಭೀರವಾಗಿದೆ. ಜಗತ್ತಿನ ಪ್ರಮುಖ ತೈಲ ಸಾಗಣೆ ಮಾರ್ಗವಾಗಿರುವ ಈ ಪ್ರದೇಶದಲ್ಲಿ ಇರಾನ್ ಕಠಿಣ ನಿಯಂತ್ರಣ

ಹೇರಿರುವುದರಿಂದ ಅನೇಕ ಹಡಗುಗಳ ಸಂಚಾರ ಅಡ್ಡಿಯಾಗಿದೆ. ಇದರಿಂದ ಜಾಗತಿಕ ತೈಲ ಸರಬರಾಜಿನ ಮೇಲೆ ಪರಿಣಾಮ ಬಿದ್ದು, ಬೆಲೆ ಏರಿಕೆಯ ಭೀತಿ ಉಂಟಾಗಿದೆ.

ಕೆಲವು ಹಡಗುಗಳ ಮೇಲೆ ನಡೆದ ದಾಳಿಗಳು ಸಮುದ್ರ ಮಾರ್ಗದ ಸುರಕ್ಷತೆ ಬಗ್ಗೆ ಆತಂಕ ಹೆಚ್ಚಿಸಿವೆ. ಒಟ್ಟಾರೆ, ಅಮೆರಿಕಾ-ಇರಾನ್ ಸಂಬಂಧಗಳು ಈಗ ರಾಜತಾಂತ್ರಿಕ ಹಂತದಿಂದ ಸೈನಿಕ ಉದ್ವಿಗ್ನತೆಯತ್ತ ಸಾಗುತ್ತಿದ್ದು, ಮುಂದಿನ ದಿನಗಳಲ್ಲಿ ಪರಿಸ್ಥಿತಿ ಇನ್ನಷ್ಟು ಗಂಭೀರವಾಗುವ ಸಾಧ್ಯತೆ ಇದೆ.

ಇದನ್ನು ಓದಿ : https://vijayatimes.com/south-africa-cheetahs-in-bannerghatta-zoo/