ತಲೆನೋವು ಯಾರಿಗೆ ಬರುವುದಿಲ್ಲ ಹೇಳಿ. ಹುಟ್ತಿದ ಪ್ರತಿ ವ್ಯಕ್ತಿಯೂ ತನ್ನ ಜೀವನದ ಒಂದು ಹಂತದಲ್ಲಿ ತಲೆನೋವನ್ನು ಅನುಭವಿಸಿರುತ್ತಾನೆ. ಆದರೆ ಕೆಲವೊಬ್ಬರಿಗೆ ಸಾಮಾನ್ಯವಾಗಿ ಬರುವುದಕ್ಕಿಂತ ತುಸು ಹೆಚ್ಚಾಗೇ ಈ ತಲೆನೋವು ಕಾಡಿರುತ್ತದೆ. ಇದಕ್ಕೆ ಕಾರಣಗಳು ಹಲವಾರಿರುತ್ತವೆ. ಒತ್ತಡ, ಹಾರ್ಮೋನುಗಳು, ಮೈಗ್ರೇನ್, ಅಧಿಕ ರಕ್ತದೊತ್ತಡ ಮತ್ತು ಇತರ ಹಲವು ಅಂಶಗಳು ತಲೆನೋವು ಉಂಟುಮಾಡಬಹುದು. ಅದಕ್ಕಾಗಿ ನಿಮ್ಮ ತಲೆ ನೋವಿನ ಸಂವೇದನೆಯನ್ನು ತೊಡೆದುಹಾಕಲು ಸಹಾಯ ಮಾಡುವ ಕೆಲವು ಸಾರಭೂತ ತೈಲಗಳು ಇಲ್ಲಿವೆ. ಆದರೆ ಯಾವುದೇ ತೊಂದರೆಗಳನ್ನು ತಪ್ಪಿಸಲು ಅಲರ್ಜಿಯನ್ನು ಪರೀಕ್ಷಿಸುವುದು ಉತ್ತಮ.

ತಲೆನೋವನ್ನು ಕಡಿಮೆ ಮಾಡುವ ತೈಲಗಳು ಈ ಕೆಳಗಿನಂತಿವೆ:

ಪುದೀನಾ ಎಣ್ಣೆ:

ಶತಮಾನಗಳಿಂದ ಔಷಧೀಯ ಉದ್ದೇಶಗಳಿಗಾಗಿ ಬಳಸುವ ಪ್ರಾಚೀನ ಮನೆ ಮದ್ದು. ಈ ಬಹುಮುಖ ತೈಲವು ತಲೆನೋವು, ನೋಯುತ್ತಿರುವ ಸ್ನಾಯುಗಳು, ತುರಿಕೆ, ಮತ್ತು ಹಲ್ಲಿನ ಸಮಸ್ಯೆಗಳನ್ನು ಒಳಗೊಂಡಂತೆ ಅನೇಕ ಸಮಸ್ಯೆಗಳನ್ನು ಗುಣಪಡಿಸುತ್ತದೆ. ಇದು ಮೆಂಥಾಲ್ ಅನ್ನು ಹೊಂದಿದ್ದು, ಸ್ನಾಯುಗಳಿಗೆ ವಿಶ್ರಾಂತಿ ನೀಡಲು ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಪುದೀನಾ ಎಣ್ಣೆಯನ್ನು ಅನ್ವಯಿಸುವುದರಿಂದ ಒತ್ತಡದ ತಲೆನೋವು ಮತ್ತು ಮೈಗ್ರೇನ್ ನೋವು ನಿವಾರಣೆಯಾಗುತ್ತದೆ. ನೀವು ಮಾಡಬೇಕಾದುದೆಂದರೆ ಅದನ್ನು ತೆಂಗಿನ ಎಣ್ಣೆಯಂತಹ ವಾಹಕ ಎಣ್ಣೆಯೊಂದಿಗೆ ಮಿಕ್ಸ್ ಮಾಡಿ ಹಣೆಯ ಮೇಲೆ ಹಚ್ಚಿ.

ನೀಲಗಿರಿ:

ನೀವು ಆಗಾಗ್ಗೆ ತಲೆನೋವಿನಿಂದ ಬಳಲುತ್ತಿದ್ದರೆ ಈ ತೈಲವನ್ನು ನಿಮ್ಮ ಸ್ನೇಹಿತನನ್ನಾಗಿ ಮಾಡಿಕೊಳ್ಳುವುದು ಉತ್ತಮ. ನೀವು ಸೈನಸ್ ತಲೆನೋವಿನಿಂದ ಬಳಲುತ್ತಿದ್ದರೆ ಇದು ಉತ್ತಮ ಪರಿಹಾರವಾಗಿದೆ. ಇದು ಮೂಗಿನ ಹಾದಿಗಳನ್ನು ತೆರೆಯಲು ಮತ್ತು ಸೈನಸ್ ಗಳನ್ನು ತೆರವುಗೊಳಿಸಲು ಸಹಾಯ ಮಾಡುತ್ತದೆ. ಕ್ಯಾರಿಯರ್ ಎಣ್ಣೆಗೆ ನೀಲಗಿರಿ ಎಣ್ಣೆಯ ಒಂದು ಹನಿ ಸೇರಿಸಿ ಮತ್ತು ಅದನ್ನು ಎದೆಗೆ ಅನ್ವಯಿಸಿ – ಇದು ಸೈನಸ್ ಗಳನ್ನು ತೆರವುಗೊಳಿಸಲು ಸಹಾಯ ಮಾಡುತ್ತದೆ. ನೀವು ಬಿಸಿನೀರಿಗೆ ಕೆಲವು ಹನಿ ಎಣ್ಣೆಯನ್ನು ಸೇರಿಸಿ ಮತ್ತು ಅದರ ಆವಿಯನ್ನು ತೆಗೆದುಕೊಳ್ಳಬಹುದು.

ಲ್ಯಾವೆಂಡರ್ ಆಯಿಲ್:

ಈ ಸಾರಭೂತ ತೈಲವು ನಿಮ್ಮ ಚರ್ಮಕ್ಕೆ ಮಾತ್ರವಲ್ಲ ಒಳ್ಳೆಯದಲ್ಲ, ತಲೆನೋವಿನಂತಹ ಸಮಸ್ಯೆಗಳಿಗೆ ಬಂದಾಗ ಇದು ಅದ್ಭುತಗಳನ್ನು ಸೃಷ್ಟಿಸುತ್ತದೆ. ಲ್ಯಾವೆಂಡರ್ ಸಾರಭೂತ ತೈಲದ ಸುಗಂಧವನ್ನು ಉಸಿರಾಟದ ಮೂಲಕ ತೆಗೆದುಕೊಳ್ಳುವುದು ಮೈಗ್ರೇನ್ ದಾಳಿಯ ನಿರ್ವಹಣೆಗೆ ಸಹಾಯ ಮಾಡುತ್ತದೆ. ನೀವು ಮಾಡಬೇಕಾಗಿರುವುದು ಇಷ್ಟೇ, ದುರ್ಬಲಗೊಳಿಸಿದ ಲ್ಯಾವೆಂಡರ್ ಎಣ್ಣೆಯನ್ನು ಹಣೆಗೆ ಹಚ್ಚುವುದು. ಅಥವಾ ದುರ್ಬಲಗೊಳಿಸಿದ ಎಣ್ಣೆಯನ್ನು ಸ್ನಾನದ ಬೆಚ್ಚಗಿನ ನೀರಿಗೆ ಸೇರಿಸಿ ಅದರ ಪ್ರಯೋಜನಗಳನ್ನು ಪಡೆಯಬಹುದು.

ಕ್ಯಾಮೊಮೈಲ್ ಆಯಿಲ್:

ಪುರಾತನ, ಗಿಡಮೂಲಿಕೆಗಳ ಪರಿಹಾರವು ಅನೇಕ ಪ್ರಯೋಜನಗಳಿಗೆ ಹೆಸರುವಾಸಿಯಾಗಿದೆ. ಈ ಸಾರಭೂತ ತೈಲವನ್ನು ಬಳಸುವುದರಿಂದ ದೇಹವನ್ನು ವಿಶ್ರಾಂತಿಗೊಳಿಸಬಹುದು, ಸ್ನಾಯು ನೋವು ಹಾಗೂ ತಲೆನೋವನ್ನು ಶಮನಗೊಳಿಸುತ್ತದೆ. ಆತಂಕ ಮತ್ತು ನಿದ್ರಾಹೀನತೆಗೆ ಚಿಕಿತ್ಸೆ ನೀಡಲು ಇದನ್ನು ಬಳಸಲಾಗುತ್ತದೆ. ತೆಂಗಿನ ಎಣ್ಣೆಯೊಂದಿಗೆ ದುರ್ಬಲಗೊಳಿಸಿದ ಕೆಲವು ಹನಿ ಕ್ಯಾಮೊಮೈಲ್ ಸಾರಭೂತ ತೈಲದ ಸ್ನಾನ ಅಥವಾ ಬಿಸಿ ನೀರಿಗೆ ಸೇರಿಸಿ, ಹಬೆಯನ್ನು ತೆಗೆದುಕೊಳ್ಳಿ.

ರೋಸ್ಮರಿ ಎಣ್ಣೆ:

ನೂರಾರು ವರ್ಷಗಳಿಂದ ಬಳಸಲಾಗುವ ರೋಸ್ಮರಿ ಎಣ್ಣೆಯಲ್ಲಿ ಉರಿಯೂತದ ಮತ್ತು ನೋವು ನಿವಾರಕ ಗುಣಗಳಿವೆ. ಅದು ಒತ್ತಡ, ನೋವು ನಿವಾರಣೆ ಮತ್ತು ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ ಮತ್ತು ತಲೆನೋವು ನಿವಾರಣೆಗೆ ಸಹಾಯ ಮಾಡುತ್ತದೆ. ಅಡಿಕ್ಷನ್ & ಹೆಲ್ತ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಇತರ ಔಷಧಿಗಳೊಂದಿಗೆ ಬಳಸುವ ರೋಸ್ಮರಿ ಎಣ್ಣೆಯು ತಲೆನೋವನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ. ತೆಂಗಿನ ಎಣ್ಣೆಯೊಂದಿಗೆ ರೋಸ್ಮರಿ ಎಣ್ಣೆಯ ಕೆಲವು ಹನಿಗಳನ್ನು ಮಿಶ್ರಣ ಮಾಡಿ. ಹಣೆಗೆ ಮಸಾಜ್ ಮಾಡಿ.