ನ್ಯೂಯಾರ್ಕ್, ಜು. 10: ಅಮೆರಿಕದ ಕಾಯಿಲೆ ನಿಯಂತ್ರಣ ಮತ್ತು ತಡೆ ಕೇಂದ್ರವು (ಸಿಡಿಸಿ) ಕೊರೊನಾ ಮಾರ್ಗಸೂಚಿಯನ್ನು ಸಡಿಲಗೊಳಿಸಿದ್ದು, ಲಸಿಕೆ ಪಡೆದ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಮಾಸ್ಕ್ ಧರಿಸುವ ಅಗತ್ಯವಿಲ್ಲ ಎಂದು ಹೇಳಿದೆ.
12 ವರ್ಷ ಮೇಲ್ಪಟ್ಟವರೂ ಲಸಿಕೆ ಪಡೆಯಲು ಅರ್ಹರು ಎಂದು ಘೋಷಿಸಿದ್ದು, ಕೋವಿಡ್ ಪ್ರಕರಣಗಳು ಮತ್ತು ಆಸ್ಪತ್ರೆಗೆ ದಾಖಲಾಗುವವರ ಸಂಖ್ಯೆಯಲ್ಲಿ ಗಣನೀಯ ಇಳಿಕೆಯಾಗಿರುವ ಬೆನ್ನಲ್ಲೇ ಈ ಕ್ರಮ ಕೈಗೊಳ್ಳಲಾಗಿದೆ.
ನಾವೆಲ್ಲರೂ ಸಾಂಕ್ರಾಮಿಕದ ಮತ್ತೊಂದು ಹಂತದಲ್ಲಿದ್ದೇವೆ. ಉತ್ಸಾಹದಿಂದ ಇದ್ದೇವೆ. ಮಾರ್ಗಸೂಚಿ ಸಡಿಲಗೊಳಿಸಲು ಸಮಯ ಬಂದಿದೆ ಎಂದು ಸಿಡಿಸಿಯ ಕಾರ್ಯಪಡೆಯ ಮುಖ್ಯಸ್ಥೆ ಎರಿನ್ ಸೌಬರ್-ಸ್ಕಾಟ್ಜ್ ಹೇಳಿದ್ದಾರೆ.