200MP ಕ್ಯಾಮೆರಾ, 7000mAh ಬ್ಯಾಟರಿ: Vivo V70 FE (Vivo V70 FE smartphone launched in India) ಭಾರತದಲ್ಲಿ ಬಿಡುಗಡೆ

ದೊಡ್ಡ ಬ್ಯಾಟರಿ, ಶಕ್ತಿಶಾಲಿ ಪ್ರೊಸೆಸರ್ ಹಾಗೂ ಫಾಸ್ಟ್ ಚಾರ್ಜಿಂಗ್ ಜೊತೆ ಹೊಸ ಸ್ಮಾರ್ಟ್‌ಫೋನ್

ಫೋಟೋಗ್ರಫಿ ಪ್ರಿಯರಿಗೆ 200 ಮೆಗಾಪಿಕ್ಸೆಲ್ ಕ್ಯಾಮೆರಾ, ಗೇಮಿಂಗ್‌ಗೆ ಪವರ್‌ಫುಲ್ ಪ್ರೊಸೆಸರ್

ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಮತ್ತೊಂದು ಹೊಸ ಫೋನ್ ಲಗ್ಗೆ ಇಟ್ಟಿದೆ. ಪ್ರಸಿದ್ಧ ಮೊಬೈಲ್ ಕಂಪನಿ (Vivo V70 FE smartphone launched in India) ವಿವೋ ತನ್ನ V70 ಸೀರಿಸ್‌ ಅನ್ನು ವಿಸ್ತರಿಸುವ ಭಾಗವಾಗಿ Vivo V70 FE 5G ಸ್ಮಾರ್ಟ್‌ಫೋನ್ (Smartphone) ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ.

ಈಗಾಗಲೇ ಬಿಡುಗಡೆಯಾಗಿರುವ Vivo V70 ಮತ್ತು Vivo V70 Elite ನಂತರ ಈ ಸೀರಿಸ್‌ನಲ್ಲಿ ಇದು ಮೂರನೇ ಸಾಧನವಾಗಿದೆ. ಕೈಗೆಟುಕುವ ಬೆಲೆಯೊಂದಿಗೆ ಉತ್ತಮ ಕ್ಯಾಮೆರಾ, ದೊಡ್ಡ ಬ್ಯಾಟರಿ ಮತ್ತು ಬಲವಾದ ಪ್ರೊಸೆಸರ್ ಹೊಂದಿರುವ ಈ ಫೋನ್ ಗ್ರಾಹಕರ ಗಮನ ಸೆಳೆಯುತ್ತಿದೆ.

ಈ ಹೊಸ Vivo V70 FE 5G ಸ್ಮಾರ್ಟ್‌ಫೋನ್‌ನ ಪ್ರಮುಖ ಆಕರ್ಷಣೆ ಅದರ ಕ್ಯಾಮೆರಾ ವ್ಯವಸ್ಥೆಯಾಗಿದೆ. ಈ ಫೋನ್‌ನಲ್ಲಿ 200 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ನೀಡಲಾಗಿದೆ.

ಜೊತೆಗೆ 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಕ್ಯಾಮೆರಾ ಸಹ ಹೊಂದಿದೆ. ಸೆಲ್ಫಿ ಮತ್ತು ವಿಡಿಯೋ ಕಾಲ್‌ಗಳಿಗೆ 50 ಮೆಗಾಪಿಕ್ಸೆಲ್ (Meghapixel) ಫ್ರಂಟ್ ಕ್ಯಾಮೆರಾ ನೀಡಲಾಗಿದೆ.

AI ತಂತ್ರಜ್ಞಾನ ಸಹಾಯದಿಂದ ಫೋಟೋ ಗುಣಮಟ್ಟವನ್ನು (Vivo V70 FE smartphone launched in India) ಇನ್ನಷ್ಟು ಉತ್ತಮಗೊಳಿಸುವ ವ್ಯವಸ್ಥೆ ಇದೆ. ಈ ಫೋನ್‌ನಲ್ಲಿ 30X

ಸೂಪರ್ ಜೂಮ್, ನೀರಿನೊಳಗೆ ಫೋಟೋ ಹಾಗೂ ವಿಡಿಯೋ ರೆಕಾರ್ಡ್ ಮಾಡುವಂತಹ ವಿಶೇಷ ಫೀಚರ್‌ಗಳೂ ಇದ್ದು, ಫೋಟೋಗ್ರಫಿ ಪ್ರಿಯರಿಗೆ ಇದು ಒಳ್ಳೆಯ ಆಯ್ಕೆಯಾಗಿದೆ.

ಪ್ರೊಸೆಸರ್ ವಿಷಯದಲ್ಲಿ ಈ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7360 ಟರ್ಬೊ ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುತ್ತದೆ.

ಇದು ಆಂಡ್ರಾಯ್ಡ್ 16 ಆಧಾರಿತ Origin OS ನಲ್ಲಿ ಕೆಲಸ ಮಾಡುತ್ತದೆ. ದೊಡ್ಡ ಗೇಮ್‌ಗಳು ಅಥವಾ ಹೆಚ್ಚಿನ ಕಾರ್ಯಕ್ಷಮತೆ ಅಗತ್ಯವಿರುವ ಆಪ್‌ಗಳನ್ನು ಬಳಸುವಾಗ ಫೋನ್ ಹೆಚ್ಚು ಬಿಸಿಯಾಗದಂತೆ ವೇಪರ್ ಚೇಂಬರ್ ಕೂಲಿಂಗ್ ವ್ಯವಸ್ಥೆಯನ್ನು ನೀಡಲಾಗಿದೆ.

ಜೊತೆಗೆ 6.83 ಇಂಚಿನ AMOLED ಡಿಸ್ಪ್ಲೇ, 120Hz ರಿಫ್ರೆಶ್ ರೇಟ್, 1.5K ರೆಸಲ್ಯೂಶನ್ ಮತ್ತು 1900 ನಿಟ್ಸ್ ಬ್ರೈಟ್‌ನೆಸ್ ಇರುವುದರಿಂದ ಡಿಸ್ಪ್ಲೇ ಅನುಭವ ಉತ್ತಮವಾಗಿರಲಿದೆ.

ಈ ಸ್ಮಾರ್ಟ್‌ಫೋನ್‌ನ ಇನ್ನೊಂದು ದೊಡ್ಡ ವಿಶೇಷತೆ ಎಂದರೆ 7000mAh ಬ್ಯಾಟರಿ. ಇದು ಈ ಸೀರಿಸ್‌ನಲ್ಲಿ ಅತಿದೊಡ್ಡ ಬ್ಯಾಟರಿಯಾಗಿದೆ.

90W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ನೀಡಲಾಗಿದೆ. ಜೊತೆಗೆ ಬೈಪಾಸ್ ಚಾರ್ಜಿಂಗ್ ತಂತ್ರಜ್ಞಾನವನ್ನು ಕೂಡ ನೀಡಲಾಗಿದೆ. ಇದರಿಂದ ಫೋನ್ ಚಾರ್ಜ್ ಮಾಡುವಾಗ

ಬ್ಯಾಟರಿಯ ಮೇಲೆ ಒತ್ತಡ ಕಡಿಮೆಯಾಗುತ್ತದೆ ಮತ್ತು ಫೋನ್ ಹೆಚ್ಚು ಬಿಸಿಯಾಗುವುದಿಲ್ಲ. ಹೆಚ್ಚು ಸಮಯ ಮೊಬೈಲ್ ಬಳಸುವವರಿಗೆ ಇದು ತುಂಬಾ ಉಪಯುಕ್ತವಾಗಿದೆ.

ಬೆಲೆ ವಿಷಯಕ್ಕೆ ಬಂದರೆ Vivo V70 FE 5G ಫೋನ್ ₹37,999 ರಿಂದ ಪ್ರಾರಂಭವಾಗುತ್ತದೆ. 8GB RAM + 128GB ಸ್ಟೋರೇಜ್, 8GB RAM + 256GB ಮತ್ತು 12GB RAM + 512GB ಎಂಬ ಮೂರು ರೂಪಾಂತರಗಳಲ್ಲಿ ಈ ಫೋನ್ ಲಭ್ಯವಿದೆ.

ಈ ಮೊಬೈಲ್ ಎಪ್ರಿಲ್ 7ರಿಂದ ಆನ್‌ಲೈನ್ ಹಾಗೂ ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಮಾರಾಟಕ್ಕೆ ಲಭ್ಯವಾಗಲಿದೆ. ಆರಂಭಿಕ ಆಫರ್‌ನಲ್ಲಿ ಡಿಸ್ಕೌಂಟ್ ಜೊತೆಗೆ ಉಚಿತ TWS ಇಯರ್‌ಬಡ್ಸ್ ಮತ್ತು ಎಕ್ಸ್‌ಟೆಂಡೆಡ್ ವಾರಂಟಿ ಕೂಡ ನೀಡಲಾಗುತ್ತಿದೆ.

ಉತ್ತಮ ಕ್ಯಾಮೆರಾ, ದೊಡ್ಡ ಬ್ಯಾಟರಿ ಮತ್ತು ಶಕ್ತಿಶಾಲಿ ಕಾರ್ಯಕ್ಷಮತೆಯೊಂದಿಗೆ ಈ ಫೋನ್ ಮಾರುಕಟ್ಟೆಯಲ್ಲಿ ಉತ್ತಮ ಸ್ಪರ್ಧೆ ನೀಡುವ ಸಾಧ್ಯತೆ ಇದೆ.

ಇದನ್ನು ಓದಿ : https://vijayatimes.com/new-changes-in-income-tax/