ರಿಫಂಡ್ ವಿಳಂಬ, ಟಿಡಿಎಸ್ ಮಿಸ್‌ಮ್ಯಾಚ್ (Warning about ITR problem) ಮತ್ತು ರಿವೈಸ್ಡ್ ITR ಸಮಸ್ಯೆ ಬಗ್ಗೆ ಎಚ್ಚರಿಕೆ

ಫಾರಂ 16, AIS ಮತ್ತು 26AS ಅಪ್ಡೇಟ್ ಆಗುವ ಮೊದಲು ರಿಟರ್ನ್ಸ್ ಸಲ್ಲಿಸಿದರೆ ನೋಟಿಸ್ ಬರುವ ಸಾಧ್ಯತೆ

AIS ಮತ್ತು Form 26AS ನಲ್ಲಿ ವ್ಯತ್ಯಾಸ ಕಂಡುಬಂದರೆ ಐಟಿ ಇಲಾಖೆ ನೋಟಿಸ್ ಕಳುಹಿಸಬಹುದು

2026-27ರ ಅಸೆಸ್‌ಮೆಂಟ್ ವರ್ಷದ ಆದಾಯ ತೆರಿಗೆ ರಿಟರ್ನ್ಸ್‌ (ITR) ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ಹಲವರು (Warning about ITR problem) ಬೇಗನೆ ರಿಫಂಡ್ ಪಡೆಯುವ ಉದ್ದೇಶದಿಂದ ತಕ್ಷಣವೇ ಐಟಿಆರ್ ಫೈಲ್ ಮಾಡಲು ಮುಂದಾಗಿದ್ದಾರೆ.

ಆದರೆ ತೆರಿಗೆ ತಜ್ಞರು ಮಾತ್ರ ಇದಕ್ಕೆ ವಿರೋಧ ವ್ಯಕ್ತಪಡಿಸಿ, ಕನಿಷ್ಠ ಜೂನ್‌ 15ರವರೆಗೆ ಕಾಯುವಂತೆ ಸಲಹೆ ನೀಡಿದ್ದಾರೆ.

ಕಾರಣ, ಮೇ ತಿಂಗಳ ಅಂತ್ಯದವರೆಗೆ ಕಂಪನಿಗಳು, ಬ್ಯಾಂಕುಗಳು ಹಾಗೂ ಹಣಕಾಸು ಸಂಸ್ಥೆಗಳು ತಮ್ಮ ಟಿಡಿಎಸ್ ಹಾಗೂ ವಹಿವಾಟುಗಳ ಮಾಹಿತಿಯನ್ನು ಆದಾಯ ತೆರಿಗೆ ಇಲಾಖೆಗೆ ಅಪ್ಡೇಟ್ ಮಾಡುವ ಪ್ರಕ್ರಿಯೆಯಲ್ಲಿ ನಿರತರಾಗಿರುತ್ತವೆ.

ಹೀಗಾಗಿ ತ್ವರಿತವಾಗಿ ರಿಟರ್ನ್ಸ್ ಸಲ್ಲಿಸಿದರೆ ಮುಂದಿನ ದಿನಗಳಲ್ಲಿ ನೋಟಿಸ್‌ (Notice) , ರಿಫಂಡ್ ವಿಳಂಬ ಹಾಗೂ ತಿದ್ದುಪಡಿ ಸಮಸ್ಯೆ ಎದುರಾಗುವ ಸಾಧ್ಯತೆ ಹೆಚ್ಚಾಗಿದೆ.

ಇತ್ತೀಚಿನ ಡಿಜಿಟಲ್ ವ್ಯವಸ್ಥೆಯಲ್ಲಿ ಆದಾಯ ತೆರಿಗೆ ಸಲ್ಲಿಕೆ ಸಂಪೂರ್ಣವಾಗಿ ಡೇಟಾ ಆಧಾರಿತವಾಗಿದೆ. ನೀವು ನೀಡುವ ಆದಾಯ, ಹೂಡಿಕೆ ಹಾಗೂ ಟಿಡಿಎಸ್ ಮಾಹಿತಿಯನ್ನು

ಆದಾಯ ತೆರಿಗೆ ಇಲಾಖೆಯು ನೇರವಾಗಿ ಬ್ಯಾಂಕುಗಳು, ಮ್ಯೂಚುವಲ್ ಫಂಡ್ ಸಂಸ್ಥೆಗಳು, ಕಂಪನಿಗಳು ಹಾಗೂ ಬ್ರೋಕರ್‌ಗಳ ಡೇಟಾದೊಂದಿಗೆ ಹೋಲಿಕೆ ಮಾಡುತ್ತದೆ.

ಈ ವೇಳೆ ನಿಮ್ಮ ಫಾರಂ 26AS ಅಥವಾ AIS ವರದಿಯಲ್ಲಿ ಮಾಹಿತಿ ಅಪೂರ್ಣವಾಗಿದ್ದರೆ ತಕ್ಷಣವೇ ವ್ಯತ್ಯಾಸ (Mismatch) ಕಾಣಿಸಿಕೊಳ್ಳುತ್ತದೆ. ಅದರ ಪರಿಣಾಮವಾಗಿ ಐಟಿ ನೋಟಿಸ್

ಬರುವ ಸಾಧ್ಯತೆ ಇದೆ. ಆದ್ದರಿಂದ ಎಲ್ಲ ಮಾಹಿತಿಯೂ ಸಂಪೂರ್ಣವಾಗಿ ಅಪ್ಡೇಟ್ ಆದ ಬಳಿಕವೇ ಐಟಿಆರ್ ಸಲ್ಲಿಸುವುದು ಸುರಕ್ಷಿತ ಎನ್ನುವುದು ತಜ್ಞರ ಅಭಿಪ್ರಾಯವಾಗಿದೆ.

ತಜ್ಞರ ಪ್ರಕಾರ ಜೂನ್‌ 15ರವರೆಗೆ ಕಾಯಬೇಕಾದ ಪ್ರಮುಖ ಕಾರಣಗಳಲ್ಲಿ (Warning about ITR problem) ಮೊದಲನೆಯದು ಫಾರಂ 16 ಹಾಗೂ ಫಾರಂ 16A ಲಭ್ಯತೆ.

ಕಂಪನಿಗಳು ಉದ್ಯೋಗಿಗಳಿಗೆ ಟಿಡಿಎಸ್ ವಿವರ ಹೊಂದಿರುವ ಫಾರಂ 16 ಅನ್ನು ನೀಡಲು ಜೂನ್‌ ಮಧ್ಯಭಾಗದವರೆಗೆ ಕಾಲಾವಕಾಶ ಹೊಂದಿರುತ್ತವೆ.

ಹಾಗೆಯೇ ಸಂಬಳೇತರ ಆದಾಯದ ಟಿಡಿಎಸ್ ವಿವರಗಳು ಕೂಡ ಈ ಅವಧಿಯಲ್ಲೇ ಲಭ್ಯವಾಗುತ್ತವೆ. ಈ ದಾಖಲೆಗಳು ಕೈ ಸೇರದೇ ಮುಂಚಿತವಾಗಿ ಐಟಿಆರ್ ಸಲ್ಲಿಸಿದರೆ ತೆರಿಗೆ ವಿನಾಯಿತಿಗಳು ಅಥವಾ ಕಡಿತಗಳ ಲೆಕ್ಕಾಚಾರದಲ್ಲಿ ತಪ್ಪು ಸಂಭವಿಸುವ ಸಾಧ್ಯತೆ ಹೆಚ್ಚಿರುತ್ತದೆ.

ಅದರ ಜೊತೆಗೆ ಬ್ಯಾಂಕುಗಳು ಹಾಗೂ ಕಂಪನಿಗಳು ಸಲ್ಲಿಸುವ ಕೊನೆಯ ತ್ರೈಮಾಸಿಕದ ಟಿಡಿಎಸ್ ಮಾಹಿತಿ ಮೇ 31 ನಂತರವೇ ಆದಾಯ ತೆರಿಗೆ ಇಲಾಖೆಯ ಪೋರ್ಟಲ್‌ನಲ್ಲಿ ಸಂಪೂರ್ಣವಾಗಿ ಪ್ರತಿಬಿಂಬಿಸುತ್ತದೆ.

ಇನ್ನೊಂದು ಪ್ರಮುಖ ಅಂಶವೆಂದರೆ ದೊಡ್ಡ ಮೊತ್ತದ ಆರ್ಥಿಕ ವಹಿವಾಟುಗಳ ವಿವರಗಳು. ಷೇರು ಖರೀದಿ-ಮಾರಾಟ, ಕ್ರೆಡಿಟ್ ಕಾರ್ಡ್ (Credit Card) ಪಾವತಿ,

ಆಸ್ತಿ ಖರೀದಿ, ಬ್ಯಾಂಕ್ ಠೇವಣಿಗಳಂತಹ ವಹಿವಾಟುಗಳ ಮಾಹಿತಿಯನ್ನು ಹಣಕಾಸು ಸಂಸ್ಥೆಗಳು ಮೇ 31ರೊಳಗೆ ಆದಾಯ ತೆರಿಗೆ ಇಲಾಖೆಗೆ ಸಲ್ಲಿಸಬೇಕು.

ಈ ಮಾಹಿತಿಗಳು AIS ವರದಿಯಲ್ಲಿ ಸಂಪೂರ್ಣವಾಗಿ ಅಪ್ಡೇಟ್ ಆದ ಬಳಿಕ ಮಾತ್ರ ತೆರಿಗೆದಾರರಿಗೆ ನಿಖರ ಮಾಹಿತಿ ಲಭ್ಯವಾಗುತ್ತದೆ. ಇದರ ಮೊದಲು ಐಟಿಆರ್ ಸಲ್ಲಿಸಿದರೆ ಆದಾಯ ಅಥವಾ ವಹಿವಾಟಿನ ಮಾಹಿತಿ ತಪ್ಪಿಹೋಗುವ ಸಾಧ್ಯತೆ ಇರುತ್ತದೆ.

ಅಂತಹ ಸಂದರ್ಭದಲ್ಲಿ ಮತ್ತೆ Revised ITR ಸಲ್ಲಿಸುವ ಅನಿವಾರ್ಯತೆ ಎದುರಾಗಬಹುದು. ಇದರಿಂದ ಸಮಯ ಹಾಗೂ ಹಣ ಎರಡೂ ವ್ಯರ್ಥವಾಗುತ್ತದೆ.

ಹೀಗಾಗಿ ತೆರಿಗೆ ತಜ್ಞರು ನೀಡುತ್ತಿರುವ ಸ್ಪಷ್ಟ ಸಂದೇಶ ಏನೆಂದರೆ, ತ್ವರಿತ ರಿಫಂಡ್ ಆಸೆಗಾಗಿ ತರಾತುರಿಯಲ್ಲಿ ಐಟಿಆರ್ ಸಲ್ಲಿಸುವುದಕ್ಕಿಂತ, ಜೂನ್‌ 15 ನಂತರ ಫಾರಂ 16,

ಫಾರಂ 26AS ಹಾಗೂ AIS ವರದಿಗಳನ್ನು ಪರಸ್ಪರ ಪರಿಶೀಲಿಸಿ ಎಲ್ಲಾ ಮಾಹಿತಿ ಸರಿಯಾಗಿದೆಯೇ ಎಂದು ಖಚಿತಪಡಿಸಿಕೊಂಡ ಬಳಿಕವೇ ರಿಟರ್ನ್ಸ್ ಫೈಲ್ ಮಾಡುವುದು ಉತ್ತಮ.

ಇದು ಕೇವಲ ಸುರಕ್ಷಿತ ಕ್ರಮವಷ್ಟೇ ಅಲ್ಲ, ಭವಿಷ್ಯದಲ್ಲಿ ಬರುವ ಅನಗತ್ಯ ಐಟಿ ನೋಟಿಸ್‌, ರಿಫಂಡ್ ತಡೆ ಹಾಗೂ ಕಾನೂನು ಸಮಸ್ಯೆಗಳಿಂದ ತಪ್ಪಿಸಿಕೊಳ್ಳುವ ಬುದ್ಧಿವಂತಿಕೆಯ

ಹೆಜ್ಜೆಯಾಗಿದೆ. ವಿಶೇಷವಾಗಿ ಸಂಬಳದ ಜೊತೆಗೆ FD ಬಡ್ಡಿ, ಡಿವಿಡೆಂಡ್‌, ಬಾಡಿಗೆ ಅಥವಾ ಷೇರು ಮಾರುಕಟ್ಟೆ ಆದಾಯ ಹೊಂದಿರುವವರು ಹೆಚ್ಚಿನ ಎಚ್ಚರಿಕೆ ವಹಿಸಬೇಕಾಗಿದೆ.

ಇದನ್ನು ಓದಿ : https://vijayatimes.com/increase-in-cng-prices/