ಬೆಂಗಳೂರಿನಲ್ಲಿ ಕಸಕ್ಕೆ ಬೆಂಕಿ ಹಚ್ಚಿದರೆ ಕ್ರಿಮಿನಲ್ ಕೇಸ್ : BSWML ನಿಂದ ಖಡಕ್ ಎಚ್ಚರಿಕೆ

• ಬೆಂಗಳೂರು ನಗರದಲ್ಲಿ ಕಸಕ್ಕೆ ಬೆಂಕಿ (Warning from BSWML) ಹಚ್ಚಿದರೆ ಕ್ರಿಮಿನಲ್ ಕೇಸ್
• ಮೊದಲ ಸಲ ತಪ್ಪಿಗೆ ₹10,000 ದಂಡ, ಮರುಕಳಿಸಿದರೆ ಜೈಲು ಶಿಕ್ಷೆ ಗ್ಯಾರಂಟಿ
• ನಗರದ ಪರಿಸರ ಮಾಲಿನ್ಯ ತಡೆಯಲು ಹೊಸ ಕ್ರಮ ಕೈಗೊಂಡ BSWML

Bengaluru: ಬೆಂಗಳೂರು ನಗರದಲ್ಲಿ ಕಸ ನಿರ್ವಹಣೆಯ ಸಮಸ್ಯೆ (Warning from BSWML) ದಿನದಿಂದ ದಿನಕ್ಕೆ ಗಂಭೀರವಾಗುತ್ತಿದೆ.

ಮನೆಗಳಲ್ಲಿ ಉತ್ಪತ್ತಿಯಾಗುವ ತ್ಯಾಜ್ಯವನ್ನು ರಸ್ತೆಗಳ ಮೇಲೆ ಸುರಿಯುವುದು, ಅದರ ಮೇಲೆ ಬೆಂಕಿ ಹಚ್ಚುವುದು ಎನ್ನುವುದು ಈಗ ಅನೇಕ ಕಡೆಗಳಲ್ಲಿ ಸಾಮಾನ್ಯ ದೃಶ್ಯವಾಗಿದೆ.

ಇದರಿಂದ ನಗರದಲ್ಲಿ ವಾಯುಮಾಲಿನ್ಯ ಹೆಚ್ಚಾಗುತ್ತಿರುವುದನ್ನು ಗಮನಿಸಿದ ಬೆಂಗಳೂರು ಘನ ತ್ಯಾಜ್ಯ ನಿರ್ವಹಣೆ ನಿಗಮ (BSWML) ಈಗ ಕಠಿಣ ಕ್ರಮಕ್ಕೆ ಮುಂದಾಗಿದೆ.

ಕೆಲವು ದಿನಗಳ ಹಿಂದಷ್ಟೇ ಅಧಿಕಾರಿಗಳು ರಸ್ತೆಗೆ ಕಸ ಸುರಿದ ಮನೆಗಳ ಬಾಗಿಲಿನ (Warning from BSWML) ಮುಂದೆ ಕಸ ಹಿಂತಿರುಗಿಸಿ ಸುರಿದು ದಂಡ ವಸೂಲಿ ಮಾಡುವ ಕೆಲಸಕ್ಕೆ ಚಾಲನೆ ನೀಡಿದ್ದರು.

ಆದರೆ ಈಗ ಅದಕ್ಕಿಂತಲೂ ಗಂಭೀರವಾಗಿ, ಕಸಕ್ಕೆ ಬೆಂಕಿ ಹಾಕುವವರ ಮೇಲೆ ನೇರವಾಗಿ ಎಫ್ಐಆರ್ ದಾಖಲಿಸಿ, ಅಗತ್ಯವಿದ್ದರೆ ಜೈಲು ಶಿಕ್ಷೆ ನೀಡುವ ಯೋಜನೆ ರೂಪಿಸಲಾಗಿದೆ.

ಹೆಚ್ಚುತ್ತಿರುವ ಮಾಲಿನ್ಯ, ಜನರಲ್ಲಿ ಜವಾಬ್ದಾರಿತನದ ಕೊರತೆ ಹಾಗೂ ಪರಿಸರ ಹಾನಿ ಎಲ್ಲ ಸೇರಿ ಈ ಕ್ರಮಕ್ಕೆ ಕಾರಣವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇನ್ನು BSWML ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕರಿಗೌಡ ಅವರು ನೀಡಿರುವ ಮಾಹಿತಿಯ ಪ್ರಕಾರ, ಈಗಿನಿಂದ ಕಸ ಸುಡುವ ಪ್ರಕರಣಗಳಿಗೆ ದೊಡ್ಡ ದಂಡಗಳನ್ನು ವಿಧಿಸಲಾಗಲಿದೆ.

ಮೊದಲ ಬಾರಿ ಕಸಕ್ಕೆ ಬೆಂಕಿ ಇಟ್ಟರೆ ₹10,000 ದಂಡ ವಿಧಿಸಲಾಗುತ್ತದೆ. ಅದೇ ತಪ್ಪನ್ನು ಮತ್ತೆ ಮಾಡಿದರೆ ಮರುಕಳಿಸಿದರೆ ದಂಡ ಮೊತ್ತ ₹20,000 ಕ್ಕೆ ಏರಲಿದೆ.

ಕ್ರಮ ಕೈಗೊಳ್ಳಲಿಲ್ಲವೆಂದು ಮುಂದುವರಿಸಿದರೆ ದಂಡ ₹5 ಲಕ್ಷವರೆಗೆ ಜಾರಿಯಾಗಬಹುದು.

ಇಷ್ಟು ದಂಡದ ನಂತರವೂ ಕಸ ಸುಡುವ ಹಠವಿದ್ದರೆ, ನಿಗಮ ನೇರವಾಗಿ ಎಫ್ಐಆರ್ ದಾಖಲಿಸಿ, ಕ್ರಿಮಿನಲ್ ಕೇಸ್ (Criminal Case) ಹಾಕಿ, ಕಾನೂನು ಪ್ರಕ್ರಿಯೆಯ ಪ್ರಕಾರ ಬಂಧಿಸಲು ಕೂಡ ಮುಂದಾಗಲಿದೆ.

ಇಂತಹ ಕಠಿಣ ಕ್ರಮಗಳು ಪರಿಸರ ಕಾಪಾಡುವ ನಿಟ್ಟಿನಲ್ಲಿ ಅನಿವಾರ್ಯ ಎಂದು ಅವರು ತಿಳಿಸಿದ್ದಾರೆ.

ಪರಿಸರ ಸಂರಕ್ಷಣಾ ಕಾಯ್ದೆ ಹಾಗೂ ವಾಯು ಮಾಲಿನ್ಯ ನಿಯಂತ್ರಣ ಕಾಯ್ದೆಯನ್ನು ಬಳಸಿಕೊಂಡು ಕಾನೂನು ಕ್ರಮ ಮುಂದುವರಿಸುವಂತೆ ಅಧೀನ ಅಧಿಕಾರಿಗಳಿಗೆ ಈಗಾಗಲೇ ನಿರ್ದೇಶನ ನೀಡಲಾಗಿದೆ.

ವಾಯು ಮಾಲಿನ್ಯ ನಿಯಂತ್ರಣ ಕಾಯ್ದೆ 1981ರ ಸೆಕ್ಷನ್ 5ರಡಿ ಪ್ರಕರಣ ದಾಖಲಾದರೆ 6 ತಿಂಗಳಿನಿಂದ 6 ವರ್ಷಗಳವರೆಗೆ ಜೈಲು ಶಿಕ್ಷೆ ವಿಧಿಸಲಾಗುತ್ತದೆ.

ಹಿಂದೆ ಕೇವಲ ದಂಡ ಅಥವಾ ಎಚ್ಚರಿಕೆ ನೀಡುತ್ತಿದ್ದ ಅಧಿಕಾರಿಗಳು ಈಗ ಕಾನೂನು ಕ್ರಮದತ್ತ ತಿರುಗಿರುವುದು ಮಹತ್ವದ ಬದಲಾವಣೆ.

BSWML ಈಗ ಕಸ ಸುಡುವ ಪ್ರಕರಣಗಳನ್ನು ನೇರವಾಗಿ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ (KSPCB)ಗೆ ವರ್ಗಾವಣೆ ಮಾಡುವ ಯೋಜನೆಯನ್ನೂ ಪ್ರಾರಂಭಿಸಿದೆ.

ಚಳಿಗಾಲದಲ್ಲಿ ವಾಯು ಮಾಲಿನ್ಯ ಹೆಚ್ಚುವ ಪರಿಸ್ಥಿತಿಯಲ್ಲಿ, ಕಸ ಸುಡುವ ಪ್ರಕರಣಗಳು ಪರಿಸರದ ಮೇಲೆ ಅತ್ಯಂತ ಹಾನಿಕಾರಕ ಪರಿಣಾಮ ಬೀರಲಿವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಆದ್ದರಿಂದ ತಕ್ಷಣದ ಮಟ್ಟಿಗೆ ಕಠಿಣ ಕ್ರಮ ಜಾರಿ ಮಾಡುವ ಅಗತ್ಯವಿದೆ ಎಂಬ ನಿಲುವು ಆಡಳಿತದಲ್ಲಿದೆ.

ಇನ್ನು ಈ ಕ್ರಮಕ್ಕೆ ಜನರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದಾರೆ. ನಗರದಲ್ಲಿ ಅನೇಕರು ಮಾಲಿನ್ಯ ತಡೆಯಲು ಈ ರೀತಿಯ ಕಠಿಣ ಕ್ರಮದ ಅಗತ್ಯವಿದೆ ಎಂದು ಒಪ್ಪಿಕೊಂಡಿದ್ದಾರೆ.

ಆದರೆ ಇನ್ನೊಂದು ವಲಯದವರು, ಮೊದಲು ಸರ್ಕಾರವೇ ಸರಿಯಾದ ಕಸ ಸಂಗ್ರಹಣೆ ವ್ಯವಸ್ಥೆ ಮಾಡಬೇಕು, ನಂತರ ಮಾತ್ರ ಇಂತಹ ಶಿಕ್ಷೆಗಳ ನೀಡುವುದು ಸೂಕ್ತ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇದನ್ನು ಓದಿ : SSLC–PUC ಪರೀಕ್ಷಾ ವಿಧಾನದಲ್ಲಿ ಮಹತ್ವದ ಬದಲಾವಣೆ: ಶಿಕ್ಷಣ ಇಲಾಖೆಯಿಂದ ಹೊಸ ಮಾರ್ಗಸೂಚಿ ಪ್ರಕಟ