ಪ್ಯಾಕ್ಡ್ ಆಹಾರಕ್ಕೆ FSSAIಯಿಂದ ಮಹತ್ವದ ಬದಲಾವಣೆ: ಅಧಿಕ ಕೊಬ್ಬು, ಸಕ್ಕರೆ, ಉಪ್ಪಿದ್ದರೆ ಮುಂಭಾಗದಲ್ಲೇ ಕೆಂಪು ಎಚ್ಚರಿಕೆ ನೀಡಲು ಸೂಚನೆ

ಅಧಿಕ ಸಕ್ಕರೆ-ಉಪ್ಪಿಗೆ FSSAI ಕಡಿವಾಣ; ಪ್ಯಾಕೆಟ್ (warning label on packaged food) ಮೇಲೆಯೇ ಎಚ್ಚರಿಕೆ

ಪ್ಯಾಕೆಟ್ ತೆಗೆಯುವ ಮುನ್ನ ಲೇಬಲ್ ನೋಡಿ; FSSAIಯಿಂದ ಮಹತ್ವದ ಬದಲಾವಣೆ

ಗ್ರಾಹಕರ ಆರೋಗ್ಯದ ದೃಷ್ಟಿಯಿಂದ ಪ್ಯಾಕ್ಡ್ ಆಹಾರದ ಮುಂಭಾಗದಲ್ಲಿ ದೊಡ್ಡ ಅಕ್ಷರಗಳಲ್ಲಿ ಎಚ್ಚರಿಕೆ ನೀಡಲು ಪ್ರಸ್ತಾವನೆ

ಭಾರತದಲ್ಲಿ ಪ್ಯಾಕ್ಡ್ ಆಹಾರ ಉತ್ಪನ್ನಗಳ ಬಳಕೆ ಹೆಚ್ಚುತ್ತಿರುವ ಬೆನ್ನಲ್ಲೇ (warning label on packaged food) ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (FSSAI) ಮಹತ್ವದ ಬದಲಾವಣೆಗೆ ಮುಂದಾಗಿದೆ.

ಅಧಿಕ ಕೊಬ್ಬು, ಸಕ್ಕರೆ ಮತ್ತು ಉಪ್ಪಿನ ಪ್ರಮಾಣ ಹೊಂದಿರುವ ಪ್ಯಾಕ್ಡ್ ಆಹಾರ ಹಾಗೂ ಪಾನೀಯಗಳ ಬಗ್ಗೆ ಗ್ರಾಹಕರಿಗೆ ಸುಲಭವಾಗಿ ಮಾಹಿತಿ ನೀಡುವ ಉದ್ದೇಶದಿಂದ ಉತ್ಪನ್ನದ ಮುಂಭಾಗದಲ್ಲೇ ಆರೋಗ್ಯ ಸಂಬಂಧಿತ ಎಚ್ಚರಿಕೆ ಲೇಬಲ್‌ಗಳನ್ನು ಪ್ರದರ್ಶಿಸುವ ಪ್ರಸ್ತಾವನೆ ಸಿದ್ಧಪಡಿಸಲಾಗಿದೆ.

ಈ ಕ್ರಮವು ಬೊಜ್ಜು, ಮಧುಮೇಹ, ಹೃದಯ ಸಂಬಂಧಿತ ಕಾಯಿಲೆಗಳಂತಹ ಜೀವನಶೈಲಿ ಸಮಸ್ಯೆಗಳ ಬಗ್ಗೆ ಹೆಚ್ಚುತ್ತಿರುವ ಕಳವಳದ ಹಿನ್ನೆಲೆಯಲ್ಲಿ ಮಹತ್ವ ಪಡೆದುಕೊಂಡಿದೆ.

ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿರುವ ಅಫಿಡವಿಟ್‌ನಲ್ಲಿ FSSAI, ನಿರ್ದಿಷ್ಟ ಪೋಷಕಾಂಶಗಳು (warning label on packaged food) ಹೆಚ್ಚಿನ ಪ್ರಮಾಣದಲ್ಲಿರುವ ಆಹಾರ ಉತ್ಪನ್ನಗಳ ಬಗ್ಗೆ ಗ್ರಾಹಕರಿಗೆ ಸರಳವಾಗಿ ಮತ್ತು ಸ್ಪಷ್ಟವಾಗಿ ಮಾಹಿತಿ ನೀಡುವುದು ಪ್ರಸ್ತಾವನೆಯ ಉದ್ದೇಶ ಎಂದು ತಿಳಿಸಿದೆ.

ಅಧಿಕ ಕೊಬ್ಬು, ಅಧಿಕ ಸಕ್ಕರೆ ಹಾಗೂ ಅಧಿಕ ಉಪ್ಪಿನ ಸೇವನೆಯಿಂದ ವಿವಿಧ ಗಂಭೀರ ಆರೋಗ್ಯ ಸಮಸ್ಯೆಗಳು ಉಂಟಾಗುವ ಸಾಧ್ಯತೆಯ ಕುರಿತು ನಡೆದ ವಿಚಾರಣೆಯ ಸಂದರ್ಭದಲ್ಲಿ, ಇಂತಹ ಆಹಾರ ಉತ್ಪನ್ನಗಳ ಬಗ್ಗೆ ಎಚ್ಚರಿಕೆ ನೀಡುವ ಲೇಬಲ್‌ಗಳನ್ನು ಕಡ್ಡಾಯಗೊಳಿಸುವಂತೆ ಸುಪ್ರೀಂ ಕೋರ್ಟ್ ಸೂಚಿಸಿತ್ತು.

ಅದರ ಹಿನ್ನೆಲೆಯಲ್ಲಿ ಆಹಾರ ನಿಯಂತ್ರಕ ಸಂಸ್ಥೆ ಈ ಪ್ರಸ್ತಾವನೆ ರೂಪಿಸಿದೆ. ಪ್ರಸ್ತಾವನೆಯ ಪ್ರಕಾರ, ಅಧಿಕ ಕೊಬ್ಬು, ಅಧಿಕ ಸಕ್ಕರೆ, ಅಧಿಕ ಉಪ್ಪು ಅಥವಾ ಅತಿಯಾದ ಸಿಹಿ

ಹೊಂದಿರುವ ಆಹಾರ ಮತ್ತು ಪಾನೀಯಗಳನ್ನು ಗ್ರಾಹಕರು ಸುಲಭವಾಗಿ ಗುರುತಿಸುವಂತೆ ಪ್ಯಾಕ್‌ನ ಮುಂಭಾಗದಲ್ಲೇ ಸಂಬಂಧಿತ ಎಚ್ಚರಿಕೆ ನಮೂದಿಸುವ ಸಾಧ್ಯತೆಯಿದೆ.

ಈ ಎಚ್ಚರಿಕೆಗಳನ್ನು ಪ್ಯಾಕೆಟ್‌ನ ಹಿಂಭಾಗದಲ್ಲಿರುವ ಪೌಷ್ಟಿಕಾಂಶದ ಮಾಹಿತಿ ಕೋಷ್ಟಕದಲ್ಲಿನ ಅಕ್ಷರಗಳಿಗಿಂತ ದೊಡ್ಡ ಗಾತ್ರದಲ್ಲಿ ಪ್ರದರ್ಶಿಸುವ ಉದ್ದೇಶವಿದೆ.

ಇದರಿಂದ ಗ್ರಾಹಕರು ಉತ್ಪನ್ನವನ್ನು ಖರೀದಿಸುವ ಮುನ್ನವೇ ಅದರಲ್ಲಿರುವ ಪ್ರಮುಖ ಪೋಷಕಾಂಶಗಳ ಪ್ರಮಾಣದ ಬಗ್ಗೆ ತಕ್ಷಣ ಮಾಹಿತಿ ಪಡೆಯಲು ಸಾಧ್ಯವಾಗಲಿದೆ.

ಆದರೆ ನೈಸರ್ಗಿಕವಾಗಿಯೇ ಹೆಚ್ಚಿನ ಕೊಬ್ಬು, ಸಕ್ಕರೆ ಅಥವಾ ಉಪ್ಪಿನ ಪ್ರಮಾಣ ಹೊಂದಿರುವ ಕೆಲವು ಏಕ ಘಟಕಾಂಶದ ಆಹಾರಗಳಿಗೆ ವಿನಾಯಿತಿ ನೀಡುವ ಸಾಧ್ಯತೆಯಿದೆ.

ತುಪ್ಪ, ಅಡುಗೆ ಎಣ್ಣೆ, ಉಪ್ಪು, ಸಕ್ಕರೆ, ಬೆಲ್ಲ ಮತ್ತು ಜೇನುತುಪ್ಪದಂತಹ ಉತ್ಪನ್ನಗಳು ಈ ವಿನಾಯಿತಿಯ ವ್ಯಾಪ್ತಿಗೆ ಬರಬಹುದು ಎಂದು ಆಹಾರ ನಿಯಂತ್ರಕ ಸಂಸ್ಥೆ ತಿಳಿಸಿದೆ.

ಮತ್ತೊಂದೆಡೆ, ಗ್ರಾಹಕರು ಪ್ಯಾಕ್ಡ್ ಆಹಾರ ಖರೀದಿಸುವಾಗ ಮುಂಭಾಗದ ಎಚ್ಚರಿಕೆ ಮಾತ್ರವಲ್ಲದೆ ಹಿಂಭಾಗದಲ್ಲಿರುವ ಸಂಪೂರ್ಣ ಪೌಷ್ಟಿಕಾಂಶದ ಕೋಷ್ಟಕವನ್ನೂ ಓದಬೇಕು ಎಂದು ಸೂಚಿಸಲಾಗಿದೆ.

ಸಕ್ಕರೆ, ಉಪ್ಪು ಮತ್ತು ಕೊಬ್ಬಿನ ಪ್ರಮಾಣವನ್ನು ಇತರ ಉತ್ಪನ್ನಗಳೊಂದಿಗೆ ಹೋಲಿಸುವುದು ಹಾಗೂ ಪದಾರ್ಥಗಳ ಪಟ್ಟಿಯಲ್ಲಿರುವ ಸಕ್ಕರೆ, ಸಿರಪ್‌, ಉಪ್ಪು ಮತ್ತು ಹೈಡ್ರೋಜನೀಕೃತ ಕೊಬ್ಬಿನ ಸ್ಥಾನವನ್ನು ಪರಿಶೀಲಿಸುವುದು ಮುಖ್ಯವಾಗಿದೆ.

ಈ ಎಚ್ಚರಿಕೆ ಲೇಬಲ್ ವ್ಯವಸ್ಥೆಯನ್ನು ಒಂದೇ ಹಂತದಲ್ಲಿ ಜಾರಿಗೊಳಿಸುವ ಬದಲು ಹಂತ ಹಂತವಾಗಿ ಜಾರಿಗೆ ತರುವ ಶಿಫಾರಸು ಮಾಡಲಾಗಿದೆ. ಗ್ರಾಹಕರು ಹೊಸ

ವ್ಯವಸ್ಥೆಯನ್ನು ಸುಲಭವಾಗಿ ಸ್ವೀಕರಿಸುವುದರ ಜೊತೆಗೆ ಆಹಾರ ಉದ್ಯಮಕ್ಕೆ ಅಗತ್ಯ ಸಿದ್ಧತೆ ಮಾಡಿಕೊಳ್ಳಲು ಸಮಯ ನೀಡುವುದು ಇದರ ಉದ್ದೇಶವಾಗಿದೆ.

ಭಾರತೀಯರಿಗಾಗಿ ರೂಪಿಸಲಾದ 2024ರ ಆಹಾರ ಮಾರ್ಗಸೂಚಿಗಳಲ್ಲಿ ನಿಗದಿಪಡಿಸಿರುವ ಪೋಷಕಾಂಶಗಳ ಮಿತಿಗಳನ್ನು ಆಧಾರವಾಗಿಟ್ಟುಕೊಂಡು ಪ್ರಸ್ತಾವನೆ ಜಾರಿಯಾಗುವ ಸಾಧ್ಯತೆಯಿದೆ.

ವಿಶೇಷವಾಗಿ ಮಕ್ಕಳಿಗೆ ನೀಡುವ ಪ್ಯಾಕ್ಡ್ ತಿಂಡಿ ಮತ್ತು ಪಾನೀಯಗಳಲ್ಲಿ ಸಕ್ಕರೆ ಹಾಗೂ ಉಪ್ಪಿನ ಪ್ರಮಾಣದ ಬಗ್ಗೆ ಪೋಷಕರು ಹೆಚ್ಚಿನ ಗಮನ ಹರಿಸುವಂತೆ ಸೂಚಿಸಲಾಗಿದೆ.

ಇದನ್ನು ಓದಿ : https://vijayatimes.com/us-grants-exemption-for-russian-uranium/