Bengaluru: ಸ್ಮಾರ್ಟ್ ಸಿಟಿ ಬೆಂಗಳೂರಿ (Bengaluru)ನಲ್ಲಿ ವಾಹನ ಸವಾರರಿಗೆ ಸುಗಮ ಸಂಚಾರ ನೀಡುವ ನಿಟ್ಟಿನಲ್ಲಿ ಬೆಂಗಳೂರು ನಗರದ ಕೆಲವು ರಸ್ತೆಗಳಿಗೆ ವೈಟ್ ಟಾಪಿಂಗ್ ಮಾಡಲು ಸರ್ಕಾರ ಮುಂದಾಗಿದ್ದು, ಸುಮಾರು 150 ಕಿಮೀ ವ್ಯಾಪ್ತಿಯ ವೈಟ್ ಟಾಪಿಂಗ್ (White Topping)ಕಾಮಗಾರಿಗೆ ಇಂದು ಚಾಲನೆ ದೊರೆಯಲಿದೆ. ಕಾಮಗಾರಿ ನಡೆಯುವ ಕೆಲ ರಸ್ತೆಗಳಲ್ಲಿ ಸಂಚಾರ ನಿರ್ಬಂಧ ಹೇರಲಾಗಿದ್ದು, ಪರ್ಯಾಯ ಮಾರ್ಗಗಳ ಬಗ್ಗೆ ಸಂಚಾರಿಪೊಲೀಸರು ಮಾಹಿತಿ ನೀಡಿದ್ದಾರೆ. ಸಂಚರಿಸಲು ಪರ್ಯಾಯ ಮಾರ್ಗಗಳನ್ನು ಬಳಸುವಂತೆ ಸೂಚನೆ ನೀಡಿದ್ದಾರೆ.

ಈ ಕುರಿತು ಬೆಂಗಳೂರು ಟ್ರಾಫಿಕ್ ಪೊಲೀಸರು ಸಾಮಾಜಿಕ ಜಾಲತಾಣವಾದ ಎಕ್ಸ್​ ಅಲ್ಲಿ ಟ್ರಾಫಿಕ್ ಅಡ್ವೈಸರಿ (Traffic Advisory) ಬಿಡುಗಡೆ ಮಾಡಿದ್ದು, ಮಾರ್ಗ ಬದಲಾವಣೆಯ ವಿವರಣೆಯನ್ನು ನೀಡಿ ವಾಹನ ಸವಾರರಿಗೆ ಸುಗಮ ಸಂಚಾರಕ್ಕೆ ಅವಕಾಶ ಕಲ್ಪಿಸಿದ್ದಾರೆ.

ಬಿಬಿಎಂಪಿ (BBMP)ಮೂಲಸೌಕರ್ಯ ಸುಧಾರಣೆ ಕಾರ್ಯದ ದೃಷ್ಟಿಯಿಂದ ಸೇತುರಾವ್ ಸ್ಟ್ರೀಟ್ ರಸ್ತೆ (ಮೈಸೂರು ರಸ್ತೆಯಿಂದ ಗುಂಡೋಪಂತ್ ಸ್ಟ್ರೀಟ್ ವರೆಗೆ) ಮತ್ತು ಪೊಲೀಸ್ ರಸ್ತೆ (ಸೇತುರಾವ್ ಸ್ಟ್ರೀಟ್ ರಸ್ತೆಯಿಂದ ಎ.ಎಸ್. ಚಾರ್ ಸ್ಟ್ರೀಟ್ ರಸ್ತೆವರೆಗೆ) ಮತ್ತು ಎಸ್.ಆರ್. ಕ್ರಾಸ್ ರಸ್ತೆ (ಮೆಟ್ರೊ ಬ್ಯಾಕ್ ರೋಡ್, ಮೆಟ್ರೊ ಬಿ ಗೇಟ್ ನಿಂದ ಎಸ್.ಆರ್. ರಸ್ತೆ) ಸಂಪೂರ್ಣ ಹದಗೆಟ್ಟಿದೆ. ಆದ್ದರಿಂದ, ಈ ರಸ್ತೆಗಳಲ್ಲಿ ಹೊಸ ಕಾಂಕ್ರೀಟ್ ರಸ್ತೆಯನ್ನು ನಿರ್ಮಿಸಲಾಗುತ್ತಿದೆ.

ಇನ್ನು ಮೊದಲ ಹಂತದಲ್ಲಿ ಮೈಸೂರು ರಸ್ತೆಯಿಂದ ಜಿ.ಪಿ. ಜಂಕ್ಷನ್ ಕಾಮಗಾರಿ ನಡೆಯಲಿದ್ದು, ಎಸ್‌ಆರ್ ರಸ್ತೆ ಮೂಲಕ ಸಂಚರಿಸಿ ಜಿಪಿ ಸ್ಟ್ರೀಟ್‌ (GP Street)ಗೆ ಸೇರುವ ವಾಹನಗಳು ಮೈಸೂರು ರಸ್ತೆಯಲ್ಲಿ ಮುಂದುವರಿಯಬೇಕು ಮತ್ತು ಮಾರ್ಕೆಟ್ ವೃತ್ತದಲ್ಲಿ ಎಡ ತಿರುವು ಪಡೆದು ಅವೆನ್ಯೂ ರಸ್ತೆ ಮೂಲಕ ಜಿಟಿ ಸ್ಟ್ರೀಟ್ ರಸ್ತೆಗೆ ತೆರಳಬೇಕು.

ಈ ತಿಂಗಳ ಕೊನೆಯಿಂದ ಎರಡನೇ ಹಂತದ ಕಾಮಗಾರಿ ಆರಂಭವಾಗಲಿದ್ದು ಪೊಲೀಸ್ ರಸ್ತೆ ಮತ್ತು ಎಸ್.ಆರ್. ಕ್ರಾಸ್ ರೋಡ್ (S R Cross Road), ಪೊಲೀಸ್ ರಸ್ತೆ ಮೂಲಕ ಸಾಗುವ ವಾಹನಗಳು ಎಸ್.ಆರ್. ಜಿಪಿ ಸ್ಟ್ರೀಟ್‌ವರೆಗೆ ರಸ್ತೆ ಮತ್ತು ಜಿಪಿ ಸ್ಟ್ರೀಟ್ ರಸ್ತೆಯಲ್ಲಿ ಎಡ ತಿರುವು ಪಡೆದು ಎ.ಎಸ್.ಎ.ಎಸ್ ಚಾರ್ ರಸ್ತೆಯನ್ನು ಸಂಪರ್ಕಿಸಬೇಕು. ಜುಲೈ (July) 31 ರಿಂದ ಆಗಸ್ಟ್​ 16ರ ವರೆಗೆ ಈ ಬದಲಿ ವ್ಯವಸ್ಥೆ ಜಾರಿಯಲ್ಲಿರಲಿದ್ದು, ಸಾರ್ವಜನಿಕರು ಸಹಕರಿಸಬೇಕು ಎಂದು ಸಂಚಾರ ಪೊಲೀಸರು ಪ್ರಕಟಣೆ ಹೊರಡಿಸಿದ್ದಾರೆ.