New Delhi : ಕೇಂದ್ರ ಆರೋಗ್ಯ ಸಚಿವಾಲಯವು(Central Health Department) ಮಹತ್ವದ ತೀರ್ಮಾನ ತೆಗೆದುಕೊಂಡಿದ್ದು, “ಅಗತ್ಯ ಔಷಧಿಗಳ” ಪಟ್ಟಿಯಿಂದ ರಾಂಟಾಕ್(Rantac), ಜಿನೆಟಾಕ್(Zintac) ಔಷಧಿಗಳನ್ನು ಕೈಬಿಡಲಾಗಿದೆ.

ರಾಂಟಾಕ್ ಮತ್ತು ಜಿನೆಟಾಕ್ ಔಷಧಿಗಳಲ್ಲಿ ಅತಿಯಾದ ಉಪ್ಪನ್ನು ಬಳಸುತ್ತಿರುವುದು ಜಾಗತಿಕವಾಗಿ ಕಳವಳಕ್ಕೆ ಕಾರಣವಾಗಿದ್ದು, ಹಲವಾರು ದೇಶಗಳು ಈ ಔಷಧಿಯ ಮೇಲೆ ಹಲವು ನಿರ್ಬಂಧ ಹೇರಲು ಮುಂದಾಗಿವೆ. ಇನ್ನು ರಾಂಟಾಕ್ ಮತ್ತು ಜಿಂಟಾಕ್ನಂತಹ ಔಷಧಿಗಳಲ್ಲಿ ವ್ಯಾಪಕವಾಗಿ ಬಳಸಲಾಗುವ ಉಪ್ಪು, ಕ್ಯಾನ್ಸರ್ರ್‌ನಂತಹ ಅಪಾಯಕಾರಿ ರೋಗಗಳಿಗೆ ಕಾರಣವಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಕೇಂದ್ರ ಆರೋಗ್ಯ ಸಚಿವಾಲಯವು 384 ಔಷಧಗಳನ್ನು ಒಳಗೊಂಡಿರುವ ಹೊಸ ರಾಷ್ಟ್ರೀಯ ಅಗತ್ಯ ಔಷಧಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಈ ವೇಳೆ ರಾಂಟಾಕ್ ಮತ್ತು ಜಿನೆಟಾಕ್ ಸೇರಿದಂತೆ ಒಟ್ಟು 26 ಔಷಧಿಗಳನ್ನು ಪಟ್ಟಿಯಿಂದ ತೆಗೆದುಹಾಕಲಾಗಿದೆ.

ಇದನ್ನೂ ಓದಿ : https://vijayatimes.com/we-wont-until-they-fulfill-our-demands/

ಅಮೇರಿಕಾ(America) ಮೂಲದ ಫುಡ್ ಅಂಡ್ ಡ್ರಗ್ಸ್ ಅಡ್ಮಿನಿಸ್ಟ್ರೇಷನ್ 2019 ರಿಂದ ರಾಂಟಾಕ್ ಮತ್ತು ಜಿನೆಟಾಕ್ ಔಷಧದಲ್ಲಿ ಸಂಭವನೀಯ ಕ್ಯಾನ್ಸರ್ ಉಂಟುಮಾಡುವ ಸಾಧ್ಯತೆಯ ಕುರಿತು ತನಿಖೆ ಮಾಡುತ್ತಿದೆ.

ರಾನಿಟಿಡಿನ್ ಎಂದರೇನು? : ರಾನಿಟಿಡಿನ್ ಒಂದು ಉಪ್ಪು, ಇದು ಅಸಿಲೋಕ್, ಜಿನೆಟಾಕ್ ಮತ್ತು ರಾಂಟಾಕ್ ಎಂಬ ಬ್ರ್ಯಾಂಡ್ ಹೆಸರುಗಳ ಅಡಿಯಲ್ಲಿ ಭಾರತದಾದ್ಯಂತ ವ್ಯಾಪಕವಾಗಿ ಮಾರಾಟವಾಗುತ್ತದೆ. ಸಾಮಾನ್ಯವಾಗಿ ಆಮ್ಲೀಯತೆ ಮತ್ತು ಹೊಟ್ಟೆನೋವಿಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಇದನ್ನು ಬಳಸಲಾಗುತ್ತದೆ.

ಗ್ಯಾಸ್ಟ್ರೋಸೊಫೇಜಿಲ್ ರಿಫ್ಲಕ್ಸ್ ಕಾಯಿಲೆ, ಗ್ಯಾಸ್ಟ್ರಿಕ್ ಅಲ್ಸರ್ ಮತ್ತು ಡ್ಯುವೋಡೆನಲ್ ಅಲ್ಸರ್ಗಳಿಗೆ ಚಿಕಿತ್ಸೆ ನೀಡಲು ಇದನ್ನು ಸೂಚಿಸಲಾಗುತ್ತದೆ. ನ್ಯಾಷನಲ್ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ಇನ್ಫಾರ್ಮೇಶನ್ ಅಡಿಯಲ್ಲಿನ ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ ಪ್ರಕಾರ ಉಪ್ಪು ಗ್ಯಾಸ್ಟ್ರಿಕ್ ಆಮ್ಲ ಸ್ರವಿಸುವಿಕೆ ಮತ್ತು ತಳದ ಗ್ಯಾಸ್ಟ್ರಿಕ್ ಸ್ರವಿಸುವಿಕೆಯನ್ನು ಪ್ರತಿಬಂಧಿಸುತ್ತದೆ ಎನ್ನಲಾಗಿದೆ.

• ಮಹೇಶ್‌ ಪಿ.ಎಚ್