Sandelwood : ಕನ್ನಡ ಚಿತ್ರರಂಗದ ಹಿರಿಮೆ ಡಾ. ರಾಜ್ಕುಮಾರ್ (Dr.Rajkumar)ಅವರ ಕುಟುಂಬದ ಮೂರನೇ ತಲೆಮಾರಿನ ಕುಡಿ ಯುವ ರಾಜ್ಕುಮಾರ್ (Yuva teaser release)
ಅವರು ಅಭಿನಯದ ಹೊಚ್ಚ ಹೊಸ ಚಿತ್ರ ಯುವ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ಟೀಸರ್ ನೋಡಿದ ಚಿತ್ರರಂಗದ ಸ್ಟಾರ್ ನಟ-ನಟಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಯಾವ ನಟರು ಏನು ಹೇಳಿದರು (Yuva teaser release) ಎಂಬುದನ್ನು ತಿಳಿಯೋಣ ಬನ್ನಿ.
ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಹೆಸರನ್ನು ಸ್ಥಾಪಿಸಿಕೊಂಡಿರುವ ಹೊಂಬಾಳೆ (Hombale) ಫಿಲಂಸ್ ಬ್ಯಾನರ್ ಅಡಿ ರಾಜಕುಮಾರ ಚಿತ್ರದ ನಿರ್ದೇಶಕ ಸಂತೋಷ್
ಆನಂದ್ ರಾಮ್ ಹಾಗೂ ತಂಡ ಕನ್ನಡ ಸಿನಿಪ್ರೇಕ್ಷಕರಿಗೆ ಹಾಗೂ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರ ಅಭಿಮಾನಿಗಳಿಗೆ ಸಂತಸದ ಸುದ್ದಿಯನ್ನು ನೀಡಿದೆ.
ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರನ್ನು ಯುವ ರಾಜ್ಕುಮಾರ್ ಅವರಲ್ಲಿ ಕಾಣುವ ಅಪ್ಪು ಅಭಿಮಾನಿಗಳು, ಈ ಹಿಂದೆಯೂ ಸಾಕಷ್ಟು ಬಾರಿ ಈ ಸಂಗತಿಯನ್ನು ನೆನಪಿಸಿ ಮಾತನಾಡಿದ್ದಾರೆ.
ಅಪ್ಪು ಅವರಂತೆ ಕಾಣುವ, ಡ್ಯಾನ್ಸ್ ಮಾಡುವ ಯುವ ರಾಜ್ಕುಮಾರ್ (Yuva Rajkumar) ಅವರು ಮುಂದಿನ ದಿನಗಳಲ್ಲಿ ಚಿತ್ರರಂಗಕ್ಕೆ ಕಾಲಿಡಬೇಕು.
ಪುನೀತ್ ರಾಜ್ಕುಮಾರ್ ಅವರಂತೆ ಉತ್ತಮ ಸಿನಿಮಾಗಳನ್ನು ಮಾಡಬೇಕು.
ಅವರ ಹಾದಿಯಲ್ಲಿ ಸಾಗಬೇಕು ಎಂದೆಲ್ಲಾ ಆಶಿಸಿದ್ದರು.
ಅದರಂತೆಯೇ ಇದೀಗ ಯುವ ರಾಜ್ಕುಮಾರ್ ಅವರಿಗೆ ಎಂದೇ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅವರು ʻಯುವʼ ಎಂಬ ಶೀರ್ಷಿಕೆಯಡಿ ಸಿನಿಮಾ ನಿರ್ಮಾಣ ಮಾಡಿ,
ಆ ಚಿತ್ರದಲ್ಲಿ ಯುವ ರಾಜ್ಕುಮಾರ್ ಅವರನ್ನು ನಾಯಕ ನಟನಾಗಿ ಮಿಂಚಿಸಿದ್ದಾರೆ.
ಸದ್ಯ ಇದೀಗ ಯುವ ಟೀಸರ್ ಅಭಿಮಾನಿಗಳ ಮುಂದೆ ಹಾಜರಾಗಿದ್ದು, ಇದನ್ನು ಚಿತ್ರರಂಗದ ಹಲವು ಸ್ಟಾರ್ ನಟ-ನಟಿಯರು ನೋಡಿ ತಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.
ಈ ಹಿಂದೆ ಯುವ ಚಿತ್ರಕ್ಕೆ ಶೀರ್ಷಿಕೆ ಗೊಂದಲ ಉಂಟಾಗಿತ್ತು! ಹಲವರು ಈ ಚಿತ್ರಕ್ಕೆ ಜ್ವಾಲಾಮುಖಿ ಅಥವಾ ಅಶ್ವಮೇಧ ಎಂಬ ಶೀರ್ಷಿಕೆಗಳನ್ನು ಇಡಬಹುದು ಎಂದು ಸಾಮಾಜಿಕ ಜಾಲತಾಣದಲ್ಲಿ ವದಂತಿಗಳನ್ನು ಹಬ್ಬಿಸಿದ್ದರು.
ಆದ್ರೆ, ಈ ಬಗ್ಗೆ ಚಿತ್ರ ತಂಡವೇ ಅಧಿಕೃತ ಮಾಹಿತಿ ಪ್ರಕಟಿಸಿದ್ದು, ಅಂತಿಮವಾಗಿ ಚಿತ್ರತಂಡ ಚಿತ್ರಕ್ಕೆ ಯುವ ಎಂಬ ಶೀರ್ಷಿಕೆ ಇಟ್ಟು, ಪೋಸ್ಟರ್ ಮತ್ತು ವಿಶೇಷ ಟೀಸರ್ (Teaser) ಸಹ ಬಿಡುಗಡೆಗೊಳಿಸಿದೆ.
ಮಾಸ್ ಅನುಭವ ಕೊಡುವ ಟೀಸರ್ (Teaser) ಅನ್ನು ಬಿಡುಗಡೆಗೊಳಿಸಿದ ಹೊಂಬಾಳೆ ಫಿಲಂಸ್, ಅಭಿಮಾನಿಗಳ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸುವಲ್ಲಿ ಯಶಸ್ವಿಯಾಗಿದೆ ಎಂದರೆ ತಪ್ಪಾಗಲಾರದು.
ಯುವ ಟೀಸರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದ್ದು, ಈ ಟೀಸರ್ ನೋಡಿದ ದೊಡ್ಮನೆ ಕುಟುಂಬ, ಅಪ್ಪು (Appu) ಅಭಿಮಾನಿಗಳ ಬಳಗ ಮತ್ತು
ಕನ್ನಡ ಚಿತ್ರರಂಗದ ಸ್ಟಾರ್ ನಟರು ಟೀಸರ್ ಅದ್ಭುತವಾಗಿ ಮೂಡಿ ಬಂದಿದೆ ಎಂದು ಮೆಚ್ಚಿ ಮಾತನಾಡಿದ್ದಾರೆ.
ಕಾಂತಾರ ಖ್ಯಾತಿಯ ನಟ, ನಿರ್ದೇಶಕ ರಿಷಬ್ ಶೆಟ್ಟಿ (Rishab Shetty) ಯುವ ಚಿತ್ರದ ಟೀಸರ್ ಅನ್ನು ವೀಕ್ಷಿಸಿ, ವೀಡಿಯೋ ಲಿಂಕ್ ಅನ್ನು ತಾವು ಶೇರ್ ಮಾಡಿದ್ದಾರೆ. ಮತ್ತು ಈ ವೀಡಿಯೋಗೆ ಯುವ ಪರ್ವ ಆರಂಭ.
ಯುವ ಚಿತ್ರತಂಡಕ್ಕೆ ಶುಭವಾಗಲಿ ಎಂದು ಶೀರ್ಷಿಕೆ ಕೊಟ್ಟು ಪೋಸ್ಟ್ ಮಾಡಿದ್ದಾರೆ. ಕಾಂತಾರ ಚಿತ್ರದ ಬೆಡಗಿ, ನಟಿ ಸಪ್ತಮಿ ಗೌಡ (Saptami Gowda) ಕೂಡ ಯುವ ಚಿತ್ರದ ಟೀಸರ್ ವೀಕ್ಷಿಸಿ,
ಟೀಸರ್ ಲಿಂಕ್ ಅನ್ನು ತಮ್ಮ ಅಧಿಕೃತ ಟ್ವೀಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.
ಡಾ.ಪುನೀತ್ ರಾಜ್ಕುಮಾರ್ ಅವರ ಪತ್ನಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವರು ಕೂಡ ಯುವ ಚಿತ್ರದ ಪೋಸ್ಟರ್ ಹಾಗೂ ಟೀಸರ್ ವೀಡಿಯೋ ಲಿಂಕ್ ಅನ್ನು ಶೇರ್ ಮಾಡುವ ಮುಖೇನ ಚಿತ್ರತಂಡಕ್ಕೆ ಶಭ ಕೋರಿದ್ದಾರೆ.
ಇದೇ ರೀತಿ ನಟ ಡಾಲಿ ಧನಂಜಯ್, ನಿರ್ದೇಶಕ ಪವನ್ ಒಡೆಯರ್ ಅವರು ಸಹ ಶುಭ ಹಾರೈಸಿದ್ದಾರೆ.
