ಸ್ಟಾಕ್ ಹೋಮ್: ಪ್ರಸಕ್ತ ಸಾಲಿನ ಸಾಹಿತ್ಯ ನೊಬೆಲ್ ಪುರಸ್ಕಾರಕ್ಕೆ ಅಮೆರಿಕದ ಖ್ಯಾತ ಕವಯತ್ರಿ ಲೂಯೀಸ್ ಗ್ಲುಕ್ ಅವರು ಪಾತ್ರರಾಗಿದ್ದಾರೆ. ಗ್ಲುಕ್ ಅವರ ಸಮಗ್ರ ಕಾವ್ಯಕ್ಕೆ ಈ ಪುರಸ್ಕಾರ ಲಭ್ಯವಾಗಿದ್ದು, ಮೂರು ವರ್ಷಗಳ ಬಳಿಕ ದೊರೆತಿರುವ ಸಾಹಿತ್ಯ ನೊಬೆಲ್ ಇದಾಗಿದೆ.
2018ರಲ್ಲಿ ಸಾಹಿತ್ಯ ನೊಬೆಲ್ ಘೋಷಣೆ ವೇಳೆ ಸ್ವೀಡಿಶ್ ಅಕಾಡೆಮಿಯ ಕೆಲವು ಸದಸ್ಯರು ಸೆಕ್ಸ್ಗಾಗಿ ಪ್ರತಿಷ್ಠಿತ ಗೌರವ ಕೊಡುವ ವಿಷಯದಲ್ಲಿ ಲಾಬಿ ಮಾಡಿದ್ದರು ಎನ್ನುವ ಆರೋಪಗಳು ಕೇಳಿಬಂದ್ದಿದ್ದವು. ಈ ಕಾರಣದಿಂದಾಗಿ ನಂತರ ಸಾಹಿತ್ಯದಲ್ಲಿ ನೊಬೆಲ್ ಪ್ರಶಸ್ತಿ ನೀಡುವುದನ್ನು ನೊಬೆಲ್ ಅಕಾಡೆಮಿ ನಿಲ್ಲಿಸಿತ್ತು. ಗ್ಲುಕ್ ಅವರಿಗೆ ಈ ಗೌರವ ಲಭ್ಯವಾಗುವ ಮೂಲಕ ಸಾಹಿತ್ಯ ನೊಬೆಲ್ ಪರಂಪರೆ ಮತ್ತೆ ಮುಂದುವರಿದಿದೆ.
ಗ್ಲುಕ್ ಅವರು 1968ರಲ್ಲಿ ‘ಫಸ್ಟ್ ಬಾರ್ನ್’ ಕೃತಿಯ ಮೂಲಕ ಸಾಹಿತ್ಯ ಕ್ಷೇತ್ರಕ್ಕೆ ಪರಿಚಿತರಾದರು. ಬಳಿಕ ಉತ್ತಮ ಬರವಣಿಗೆ ಮೂಲಕ ಅಮೆರಿಕಾದಲ್ಲಿ ಸಾಹಿತ್ಯಾಸಕ್ತರ ಮನಗೆಲ್ಲುವಲ್ಲಿ ಗ್ಲುಕ್ ಅವರು ಯಶಸ್ವಿಯಾಗಿದ್ದರು.
