ಮೇಷ:- ಗಟ್ಟಿತನ, ಜಿಗುಟುತನ ನಿಮ್ಮ ದೊಡ್ಡ ಆಸ್ತಿ. ಹಿಡಿದ ಕೆಲಸವನ್ನು ಬಿಡದೆ ಸಾಧಿಸುವ ಸಫಲತೆ ತೋರುವಿರಿ. ಇದಕ್ಕೆ ನಿಮ್ಮ ಸಮಾಜದ ಜನರ ಬೆಂಬಲವೂ ದೊರೆಯುವುದು. ಇದರಿಂದಾಗಿ ಸಾಮಾಜಿಕ ಕ್ಷೇತ್ರದಲ್ಲಿಹೆಸರು ಮಾಡುವಿರಿ.
ವೃಷಭ:- ಹಾಸಿಗೆ ಇದ್ದಷ್ಟೇ ಕಾಲು ಚಾಚುವ ಅಭ್ಯಾಸ ರೂಢಿಸಿಕೊಳ್ಳಿ. ಯಾವ ತೊಂದರೆಗಳು ಬಾರದಂತೆ ಶಾಂತಿ ಕಾಣುತ್ತೀರಿ. ಸಂಗಾತಿಯ ಸಕಾಲಿಕ ಬೆಂಬಲದಿಂದ ಮನಸ್ಸಿನಲ್ಲಿಸಂತೋಷದ ಅಲೆಗಳು ಬರುವವು.
ಮಿಥುನ:- ಸಿನಿಮಾ ರಂಗ, ಮಾಡೆಲಿಂಗ್‌, ಕಿರುತೆರೆ ಅಥವಾ ಜಾಹೀರಾತು ವಿಭಾಗದಲ್ಲಿತೊಡಗಿಸಿಕೊಳ್ಳಲು ವಿಶೇಷ ಅವಕಾಶ ಲಭ್ಯವಾಗಲಿದೆ. ಕೆಲವರು ವಿದ್ಯೆಗೆ ಸಂಬಂಧ ಪಟ್ಟಂತೆ ಎಲೆಕ್ಟ್ರಿಕಲ್‌, ಎಲೆಕ್ಟ್ರಾನಿಕ್ಸ್‌ ವಿಷಯವನ್ನು ಆಯ್ಕೆ ಮಾಡಿಕೊಳ್ಳುವರು.
ಕಟಕ:- ಮನೆಯ ಒಳಾಂಗಣ ವಿನ್ಯಾಸಕಾರರಿಗೆ ಹೇರಳ ಅವಕಾಶಗಳು ಬರಲಿವೆ. ಕೆಲವರಿಗೆ ವಿದೇಶ ಪ್ರವಾಸದ ಬಗ್ಗೆ ಮಾಹಿತಿ ಸಿಗುವುದು. ಸಂಗಾತಿಯೊಂದಿಗಿನ ಬಾಂಧವ್ಯಕ್ಕೆ ಧಕ್ಕೆ ಬರದಂತೆ ನೋಡಿಕೊಳ್ಳಿ.
ಸಿಂಹ:- ಯಾರ ಬಳಿಯೂ ಒಣ ಚರ್ಚೆ, ಆವೇಶದ ಮಾತುಗಳು ಮತ್ತು ಕುಚೋದ್ಯದ ಮಾತುಗಳು ಬೇಡ. ಇವು ನಿಮ್ಮ ಘನ ವ್ಯಕ್ತಿತ್ವಕ್ಕೆ ಮಸಿ ಬಳಿಯುವವು. ಪರಿಶ್ರಮದಲ್ಲಿ ನಂಬಿಕೆ ಇಡಿ. ಕಿಡಿಗೇಡಿಗಳ ಸಹವಾಸ ಮಾಡಬೇಡಿ.
ಕನ್ಯಾ:- ಸಭ್ಯರ ಬಳಿ ಮಾತನಾಡಿ. ನಿಮ್ಮ ಮಾತನ್ನು ಅರ್ಥ ಮಾಡಿಕೊಳ್ಳುವ, ಬೆಂಬಲಿಸುವ ಸ್ನೇಹಿತರ ಸಹಕಾರದಿಂದ ಕಾರ್ಯಗಳು ಯಶಸ್ಸಿನತ್ತ ಸಾಗುವುವು. ವಿವಿಧ ಮೂಲಗಳಿಂದ ಹಣಕಾಸು ಬರುವುದರಿಂದ ಹೆಚ್ಚಿನ ತೊಂದರೆಯಿಲ್ಲ.
ತುಲಾ:- ನಿಮಗೆ ಅರಿವು ಇರದಂತೆ ಬಿಕ್ಕಟ್ಟಿನ ಸನ್ನಿವೇಶದಿಂದ ಹೊರಬರುವ ಸಾಧ್ಯತೆಗಳನ್ನು ಅನಿರೀಕ್ಷಿತವಾಗಿ ಪಡೆಯಬಲ್ಲಿರಿ. ಗುರು, ಹಿರಿಯರ ಆಶೀರ್ವಾದದಿಂದ ಒಳಿತಾಗುವುದು. ಸಹೋದರನ ಸಂಗಡ ಸೌಹಾರ್ದಯುತ ಮಾತುಕತೆ ನಡೆಸಿ.
ವೃಶ್ಚಿಕ:– ಅಲ್ಪರ ಸಂಗ ಅಭಿಮಾನ ಭಂಗ ಎಂಬ ಗಾದೆಯ ಮಾತನ್ನು ಕೇಳಿರುತ್ತೀರಿ. ಹಾಗಾಗಿ ಕ್ಷುದ್ರರ ಬಳಿಯಲ್ಲಿಒಡನಾಟ ಮಾಡಬೇಡಿ. ಅದರಲ್ಲೂಹಣಕಾಸಿನ ವಿಷಯದಲ್ಲಿಜಾಗ್ರತೆಯಿಂದ ಇರಿ. ಹನುಮಾನ್‌ ಚಾಲೀಸ್‌ ಪಠಣ ಮಾಡಿ.
ಧನುಸ್ಸು:- ಅವಸರದಿಂದ ತುಂಬ ಬೆಲೆ ತೆರುತ್ತಿದ್ದೀರಿ. ನಿಮ್ಮ ರಾಶಿಯಲ್ಲಿಸಂಚರಿಸುವ ಶನಿಯ ಗುಣವನ್ನು ಸ್ವಲ್ಪ ರೂಢಿಸಿಕೊಳ್ಳಿ ಮತ್ತು ಯೋಚಿಸಿ ಕಾರ್ಯ ಪ್ರವೃತ್ತರಾಗಿ. ಮಾಡಿದ ತಪ್ಪನ್ನು ಪುನಃ ಮಾಡದಿರಿ.
ಮಕರ:- ನಿಮ್ಮನ್ನು ಅರಿಯಬೇಕಾದವರು ಅರಿತುಕೊಳ್ಳದೇ ನೋವು ತರುವ ಸಾಧ್ಯತೆ ಅಧಿಕವಾಗಿದೆ. ವಿವೇಕಿಗಳಾದ ನಿಮಗೆ ಇದು ಮುಜುಗರವನ್ನುಂಟು ಮಾಡುವುದು. ವಿಷ್ಣು ಸಹಸ್ರನಾಮದ ಪಾರಾಯಣದಿಂದ ಒಳಿತಾಗುವುದು.
ಕುಂಭ:- ಕಾಣದ ಶಕ್ತಿಯೊಂದು ನಿಮ್ಮನ್ನು ಕಾಪಾಡಲು ಅವಕಾಶ ಪಡೆಯುತ್ತದೆ. ಇಷ್ಟದೇವರನ್ನು ಮರೆಯದೆ ಸ್ತುತಿಸಿ ನಿರಾಳರಾಗಿ. ದಿನದಿಂದ ದಿನಕ್ಕೆ ನಿಮ್ಮ ಕೀರ್ತಿಯ ಶಿಖರ ಬೆಳೆಯುವುದು.
ಮೀನ:- ವಿವಿಧ ಕಾರ್ಯಕ್ರಮ ರೂಪಿಸಿ ಗುರಿ ತಲುಪಲು ಪ್ರಯತ್ನಿಸುವಿರಿ. ಆದರೆ ಅನವಶ್ಯಕ ಸಮಯ ಹಾಳಾಗುವುದು. ಅದಕ್ಕಾಗಿ ಕೆಲದಿನ ಕಾಯುವುದು ಒಳ್ಳೆಯದು. ಆಸ್ತಿಗೆ ಸಂಬಂಧಪಟ್ಟ ವ್ಯಾಜ್ಯ ಮುಂದೂಡಲ್ಪಡುವುದು.