ಭಾರತೀಯ ಮತ್ತು ಅಮೆರಿಕದ ಸಂಶೋಧಕರು ಹಾಗೂ ವಿಜ್ಞಾನಿಗಳು ಸೇರಿ ಕ್ಯಾನ್ಸರ್ ಚಿಕಿತ್ಸೆಗೆ ಅಣುವೊಂದನ್ನು ಪತ್ತೆ ಹಚ್ಚಿದ್ದಾರೆ. ಸದ್ಯ ಈ ಸಂಶೋಧನ ಅಣುವು ಸಾಂಪ್ರದಾಯಿಕ ಚಿಕಿತ್ಸೆಗಳಿಗೆ ನಿರೋಧಕವಾಗಿರುವ ರೋಗಿಗಳಿಗೆ ಭರವಸೆ ಮೂಡಿಸಿದೆ.
ಈ ಪ್ರಥಮ ದರ್ಜೆ ಅಣುವು ಈಸ್ಟ್ರೋಜನ್- ಸೂಕ್ಷ್ಮ ಸ್ತನ ಕ್ಯಾನ್ಸರ್ ಅನ್ನು ಹೊಸ ರೀತಿಯಲ್ಲಿ ಗುಣಪಡಿಸುತ್ತದೆ ಎಂದು ಸಂಶೋಧಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈ ಔಷಧವು ಒಂದು ವಿಶಿಷ್ಟ ಕಾರ್ಯವಿಧಾನದಿಂದ ಕಾರ್ಯನಿರ್ವಹಿಸುತ್ತದೆ. ಈ ಔಷಧವು ಸ್ತನ ಕ್ಯಾನ್ಸರ್ ಸಾಂಪ್ರದಾಯಿಕ ಚಿಕಿತ್ಸೆಗಳಿಗೆ ನಿರೋಧಕವಾಗಿದ್ದ ರೋಗಿಗಳಿಗೆ ಕ್ಯಾನ್ಸರ್‍ನಿಂದ ಗುಣಮುಖವಾಗುವ ಭರವಸೆ ನೀಡುತ್ತದೆ.
ಈ ಔಷಧವು ಮೂಲಭೂತವಾಗಿ ವಿಭಿನ್ನವಾಗಿದೆ. ಈಸ್ಟ್ರೋಜೆನ್-ರಿಸೆಪ್ಟರ್-ಪಾಸಿಟಿವ್ ಸ್ತನ ಕ್ಯಾನ್ಸರ್‍ಗೆ ಹೊಸ ವರ್ಗದ ಏಜೆಂಟ್ ಆಗಿದೆ. ಜತೆಗೆ ಇದರ ವಿಶಿಷ್ಟ ಕಾರ್ಯವಿಧಾನವು ಪ್ರಸ್ತುತ ಚಿಕಿತ್ಸೆಗಳ ಮಿತಿಗಳನ್ನು ಮೀರಿದ್ದಾಗಿದೆ. ಈ ಹೊಸ ಔಷಧವು ರೋಗಿಗಳಿಗೆ ಹೆಚ್ಚು ಪರಿಣಾಮಕಾರಿಯಾದ ಔಷಧವಾಗಿದೆ ಎಂದು ಟೆಕ್ಸಾಸ್ ವಿಶ್ವವಿದ್ಯಾಲಯದ ಸಿಮ್ಮನ್ಸ್ ಕ್ಯಾನ್ಸರ್ ಕೇಂದ್ರದ ಪ್ರಾಧ್ಯಾಪಕ ಗಣೇಶ್ ರಾಜ್ ಹೇಳಿದ್ದಾರೆ.
ಇನ್ನು ಎಲ್ಲ ಸ್ತನ ಕ್ಯಾನ್ಸರ್‍ಗಳಿಗೂ ಈಸ್ಟ್ರೋನ್ ಅಣು ಬೆಳೆಯಲು ಅಗತ್ಯವಿದೆಯೇ ಎಂದು ಪರೀಕ್ಷೆ ಮಾಡಲಾಗುತ್ತಿದೆ. ಈಸ್ಟ್ರೋನ್ ಶೇ.80% ರಷ್ಟು ಸಂವೇದನಾಶೀಲವಾಗಿದೆ. ಜತೆಗೆ ಟ್ಯಾಮೋಕ್ಸಿಫೆನ್ ನಂತಹ ಹಾರ್ಮೋನ್ ಚಿಕಿತ್ಸೆಗಿಂತ ಪರಿಣಾಮಕಾರಿಯಾಗಿ ಚಿಕಿತ್ಸೆ ನೀಡುತ್ತದೆ. ಆದರೆ ಈ ಕ್ಯಾನ್ಸರ್‍ಗಳಲ್ಲಿ ಮೂರನೇ ಒಂದು ಭಾಗದಷ್ಟು ಜನರು ಅಂತಿಮವಾಗಿ ಗುಣಮುಖರಾಗುತ್ತಾರೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಟ್ಯಾಮೋಕ್ಸಿಫೆನ್‍ನಂತಹ ಸಾಂಪ್ರದಾಯಿಕ ಹಾರ್ಮೋನುಗಳ ಔಷಧಗಳು ಕ್ಯಾನ್ಸರ್ ಕೋಶಗಳಲ್ಲಿ ಈಸ್ಟ್ರೊಜೆನ್ ರಿಸೆಪ್ಟರ್ ಎಂಬ ಅಣುವಾಗಿ ಕಾರ್ಯನಿರ್ವಹಿಸುತ್ತದೆ. ಈಸ್ಟ್ರೊಜೆನ್ ಕ್ಯಾನ್ಸರ್ ಕೋಶಗಳು ಗುಣಪಡಿಸುವ ಅಗತ್ಯವಾದ ಹಂತವಾಗಿದೆ. ಈ ಹೊಸ ಅಣುವಿಗೆ ಇಆರ್‍ಎಕ್ಸ್-11 ಎಂದು ಹೆಸರಿಡಲಾಗಿದೆ.