ನವದೆಹಲಿ, ಆ. 23: ಅಫ್ಗಾನಿಸ್ತಾನದಿಂದ ನ್ಯಾಟೊ ಮತ್ತು ಅಮೆರಿಕದ ವಿಮಾನಗಳ ಮೂಲಕ ಸ್ಥಳಾಂತರಗೊಂಡಿದ್ದ 146 ಮಂದಿ ಭಾರತೀಯರನ್ನು ಕತಾರ್‌ನ ರಾಜಧಾನಿ ದೋಹಾದಿಂದ ನಾಲ್ಕು ವಿಮಾನಗಳ ಮೂಲಕ ಭಾರತಕ್ಕೆ ಕರೆತರಲಾಯಿತು.
ದೋಹಾದಿಂದ ಕರೆತರಲಾದ ಎರಡನೇ ತಂಡ ಇದಾಗಿದೆ. ಭಾನುವಾರ 135 ಮಂದಿಯನ್ನು ಕರೆತರಲಾಗಿತ್ತು. ಇವರೆಲ್ಲ ವಿವಿಧ ಕಂಪನಿಗಳಿಗಾಗಿ ಅಫ್ಗಾನಿಸ್ತಾನದಲ್ಲಿ ಕೆಲಸ ಮಾಡುತ್ತಿದ್ದ ಸಿಬ್ಬಂದಿಯಾಗಿದ್ದರು.
ಸೋಮವಾರ ಕರೆತರಲಾದ ಭಾರತೀಯರ ಪೈಕಿ 104 ಮಂದಿ ವಿಸ್ತಾರಾ ವಿಮಾನದಲ್ಲಿ ಬಂದಿಳಿದರೆ, 30 ಮಂದಿ ಕತಾರ್‌ ಏರ್‌ವೇಸ್‌ನಲ್ಲಿ, 11 ಮಂದಿ ಇಂಡಿಯೊ ವಿಮಾನದಲ್ಲಿ ಹಾಗೂ ಒಬ್ಬರು ಏರ್‌ ಇಂಡಿಯಾ ವಿಮಾನದಲ್ಲಿ ವಾಪಸಾದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.