ಸಾಮಾಜಿಕ ಜಾಲತಾಣದಲ್ಲಿ(Social Media) ಹುಡುಗಿ(Girl) ಗೆಟಪ್ ನಲ್ಲಿ ಮಿಂಚುತ್ತಿರುವ ಕನ್ನಡ ಚಿತ್ರರಂಗದ(Kannada Industry) ನಟರೊಬ್ಬರ ಹೆಸರು ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಹೌದು, ಟ್ವೀಟರ್(Twitter), ಫೇಸ್‍ಬುಕ್(Facebook) ಸೇರಿದಂತೆ ಸಾಮಾಜಿಕ ಜಾಲತಾಣದಲ್ಲಿ ಕನ್ನಡದ ಡಿಫ್ರೇಂಟ್ ನಟ, ನಿರ್ದೇಶಕ ಎಂದೇ ಖ್ಯಾತಿ ಪಡೆದಿರುವ ಉಪೇಂದ್ರ(Upendra) ಅವರು ತಮ್ಮ ಟ್ವಿಟರ್ ಮತ್ತು ಫೇಸ್‍ಬುಕ್ ಖಾತೆಯ ಡಿಪಿಗೆ ತಾವು ಅಭಿನಯಿಸಿರುವ ಹೋಂ ಮಿನಿಸ್ಟರ್(Home Minister) ಸಿನಿಮಾ ಪಾತ್ರದ ಗೆಟಪ್‍ವೊಂದನ್ನು ಹಾಕಿಕೊಂಡಿದ್ದಾರೆ.
ಈ ಮುಖಪುಟದಲ್ಲಿ ನಟ ಉಪೇಂದ್ರ ಹುಡುಗಿಯ ಪಾತ್ರದಲ್ಲಿದ್ದು, ಒಂದು ಕ್ಷಣ ಅಭಿಮಾನಿಗಳು ಅಶ್ಚರ್ಯ ಚಕಿತರಾಗಿದ್ದಾರೆ. ಉಪೇಂದ್ರ ಅವರ ಫೋಟೋ ಬದಲು, ಯಾರೋ ಸ್ತ್ರೀ ಫೋಟೋ ಇದೆಯೆಲ್ಲಾ? ಏನು ಕಥೆ ಎಂದು ತಮ್ಮಲ್ಲೇ ತಾವು ಪ್ರಶ್ನಿಸಿಕೊಂಡಿದ್ದಾರೆ. ಇನ್ನು ಕೆಲವರು ಇದೆಲ್ಲಾ ಉಪ್ಪಿ ಅವರದ್ದೇ ಚಮಕ್ ಇರಬೇಕು ಎಂದು ಅನಿಸಿಕೆ ವ್ಯಕ್ತಪಡಿಸಿದ್ದಾರೆ. ಹೋಂ ಮಿನಿಸ್ಟರ್ ಚಿತ್ರದಲ್ಲಿ ಉಪೇಂದ್ರ ಅವರು ನಿರ್ದೇಶಿಸಿ, ನಟಿಸಿದ್ದು, ಈ ಸಿನಿಮಾ ಮುಂದಿನ ವಾರದಲ್ಲಿ ತೆರೆಕಾಣಲು ಸಜ್ಜಾಗಿದೆ. ಈ ಮಧ್ಯೆ ಸಿನಿಮಾ ಪ್ರಮೋಷನ್ ಜೊತೆಗೆ ಅಭಿಮಾನಿಗಳಿಗೆ ಕೊಂಚ ತಲೆಗೆ ಹುಳ ಬಿಡುವ ಕೆಲಸ ಉಪೇಂದ್ರ ಅವರು ಮಾಡಿದ್ದಾರೆ ಎಂದೇ ಹೇಳಬಹುದು.
ಹೋಂ ಮಿನಿಸ್ಟರ್ ಸಿನಿಮಾದಲ್ಲಿ ಬುರ್ಖಾ ಧರಿಸಿರುವ ಮಹಿಳೆ ಪಾತ್ರದಲ್ಲಿ ನಟಿಸಿರುವ ಉಪೇಂದ್ರ ಅವರು, ಅದೇ ಗೆಟಪ್‍ನಲ್ಲಿದ್ದ ಒಂದು ಛಾಯಚಿತ್ರವನ್ನು ಪಡೆದು ತಮ್ಮ ಟ್ವಿಟರ್ ಖಾತೆಯ ಡಿಪಿಗೆ ಹಾಕಿದ್ದಾರೆ. ಇದನ್ನು ಹಾಕಿ, ಹೊಚ್ಚ ಹೊಸ ಗೆಟಪ್ ಎಂದು ಶೀರ್ಷಿಕೆ ನೀಡುವ ಮೂಲಕ ಅಭಿಮಾನಿಗಳಿಗೆ ಸಿನಿಮಾ ಕುರಿತು ಸುದ್ದಿ ಮುಟ್ಟಿಸಿದ್ದಾರೆ ಎನ್ನಬಹುದು. ಒಟ್ಟಾರೆ ರಿಯಲ್ ಸ್ಟಾರ್ ಉಪೇಂದ್ರ ಅವರು ಅಭಿನಯದ ಹೋಂ ಮಿನಿಸ್ಟರ್ ಸಿನಿಮಾ ಮುಂದಿನ ವಾರ ತೆರೆಗೆ ಅಪ್ಪಳಿಸಲಿದ್ದು, ಸಿನಿ ಪ್ರೇಕ್ಷಕರು ಹೇಗೆ ಬರಮಾಡಿಕೊಳ್ಳುತ್ತಾರೆ ಎಂಬುದನ್ನು ಸದ್ಯ ನಿರೀಕ್ಷಿಸಬೇಕಿದೆ.