ವಿಜಯ ಟೈಮ್ಸ್ ಜ 18 : ಟಾಲಿವುಡ್ ಬೆಡಗಿ, ಕರಾವಳಿ ಹುಡುಗಿ ಅನುಷ್ಕಾ ಶೆಟ್ಟಿ ಯಾರಿಗೆ ಗೊತ್ತಿಲ್ಲಾ ಹೇಳಿ.? ಕರುನಾಡಲ್ಲಿ ಹುಟ್ಟಿದವರಾದರೂ ಬೆಳೆದಿದ್ದೆಲ್ಲಾ ಹೈದ್ರಾಬಾದ್‌ನಲ್ಲಿ. ಟಾಲಿವುಡ್ ಅಂಗಳದಲ್ಲಿ ಮಿಂಚಿ ಅಪಾರ ಸಿನಿರಸಿಕರ ಮನಗೆದ್ದ ನೆಚ್ಚಿನ ಸ್ವೀಟಿ ಅನುಷ್ಕಾ ಶೆಟ್ಟಿ, ಇತ್ತೀಚಿಗೆ ಅಷ್ಟಾಗಿ ಯಾವುದೇ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿಲ್ಲ. ಕಳೆದ ಐದು ವರ್ಷಗಳಲ್ಲಿ ಅನುಷ್ಕಾ ಶೆಟ್ಟಿ ನಟಿಸಿರುವುದು ಕೇವಲ ಎರಡೇ ಸಿನಿಮಾಗಳಲ್ಲಿ. ಈ ಕುರಿತು ನಟಿ ಅನುಷ್ಕಾ ಶೆಟ್ಟಿ ಅವರನ್ನು ಅವರ ಅಭಿಮಾನಿಗಳು ಬೆಂಬಿಡದೆ ಪ್ರಶ್ನಿಸಿದ್ದಾರೆ. ಆದರೆ ಇದ್ಯಾವುದಕ್ಕೂ ಟಾಲಿವುಡ್ ಬೆಡಗಿ ಸ್ಪಷ್ಟವಾಗಿ ಉತ್ತರಿಸಿಲ್ಲ.!
ಟಾಲಿವುಡ್‌ನಲ್ಲಿ ತಮ್ಮದೇ ಆದ ವಿಶಿಷ್ಟ ಛಾಪನ್ನು ಮೂಡಿಸಿ ಇಂದಿಗೂ ಕೂಡ ತೆಲುಗು ಚಿತ್ರರಂಗದಲ್ಲಿ ಅಗ್ರಸ್ಥಾನವನ್ನು ಗಿಟ್ಟಿಸಿಕೊಂಡಿರುವುದು ನಿಜಕ್ಕೂ ಅಶ್ಚರ್ಯ ಎಂದೇ ಹೇಳಬಹುದು. ಕಳೆದ ಐದು ವರ್ಷಗಳಲ್ಲಿ ಅನುಷ್ಕಾ ಶೆಟ್ಟಿ ಅವರು ಅಭಿನಯಿಸಿದ್ದು, ಕೇವಲ ಎರಡು ಸಿನಿಮಾಗಳಲ್ಲಿ ಮಾತ್ರ. ಆ 2 ಚಿತ್ರಗಳು ಯಾವುದೆಂದರೆ ಅದು ಬಾಹುಬಲಿ ಮೊದಲ ಭಾಗ ಮತ್ತು ಬಾಹುಬಲಿ ಎರಡನೇ ಭಾಗ. ಈ ಎರಡು ಸಿನಿಮಾಗಳಲ್ಲಿ ಅನುಷ್ಕಾ ನಟಿಸಿದ್ದು ಬಿಟ್ಟರೇ ಬೇರೆಯಾವ ಸಿನಿಮಾಗಳಲ್ಲಿಯೂ ಕಾಣಿಸಿಕೊಳ್ಳಲಿಲ್ಲ.
ಈ ವಿಷಯ ಗಮನಿಸಿದ ಅಭಿಮಾನಿಗಳು ಅನುಷ್ಕಾ ಅವರು ಮದುವೆಯಾಗಲು ಎಲ್ಲಾ ಸಿದ್ಧತೆ ಮಾಡಿಕೊಳ್ಳುತ್ತಿರಬಹುದು, ಹೀಗಾಗಿಯೇ ಅವರು ಯಾವುದೇ ಸಿನಿಮಾಗಳಲ್ಲಿಯೂ ಸಹ ನಟಿಸುತ್ತಿಲ್ಲ ಎಂಬ ಊಹಾಪೋಹಗಳು ಹರಿಬಿಟ್ಟಿದ್ದಾರೆ. ಈ ಸುದ್ದಿಯ ಜೊತೆ ಜೊತೆಯಲ್ಲೆ ಅನುಷ್ಕಾ ಶೆಟ್ಟಿ ಕೊರೊನಾ ಮಹಾಮಾರಿ ಸೊಂಕಿಗೆ ಹೆದರಿ ಯಾವುದೇ ಚಿತ್ರಗಳನ್ನು ಒಪ್ಪಿಕೊಳ್ಳುತ್ತಿಲ್ಲ ಎಂಬ ಸುದ್ದಿಯೂ ಕೂಡ ಟಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಸದ್ಯ ಅನುಷ್ಕಾ ಶೆಟ್ಟಿ ಹೊಸ ಸಿನಿಮಾಗೆ ನಾಯಕಿಯಾಗಿ ನಟಿಸಬೇಕಿತ್ತು.! ಅದು ಯಾವ ಸಿನಿಮಾ ಎಂಬ ಪ್ರಶ್ನೆ ನಿಮ್ಮಲ್ಲಿ ಕಾಡುತ್ತಿರಬಹುದು. ಹೌದು, ಸಾಹೋ ಸಿನಿಮಾವನ್ನು ನಿರ್ಮಿಸಿದ್ದ ಯುವಿ ಕ್ರಿಯೇಷನ್ಸ್ ತಂಡದಿಂದ ಹೊರಹೊಮ್ಮುತ್ತಿರುವ ‘ಜಾತಿರತ್ನಲು’ ಸಿನಿಮಾಗೆ ಅನುಷ್ಕಾ ಶೆಟ್ಟಿ ಓಕೆ ಮಾಡಿದ್ದರು. ಈ ಸಿನಿಮಾಗೆ ನಾಯಕ ನಟನಾಗಿ ನವೀನ್ ಪಾಲಿಶೆಟ್ಟಿ ಅವರು ಆಯ್ಕೆ ಆಗಿದ್ದರು.
ಇನ್ನೇನು ಸಿನಿಮಾದ ಚಿತ್ರೀಕರಣ ಶುರುಮಾಡಬೇಕೆಂಬ ಬಯಕೆ ಇಟ್ಟುಕೊಂಡಿದ್ದ ನಿರ್ಮಾಪಕರಿಗೆ ದೊಡ್ಡ ತಲೆನೋವು ಎದುರಾಗಿದೆ.! ಅದೇನು ಅಂತೀರಾ, ಮುಂದೆ ಓದಿ.
ದೇಶದಲ್ಲಿ ಒಂದೆಡೆ ಕೊರೊನಾ ಸಾಂಕ್ರಾಮಿಕ ರೋಗ ದಿನೇ ದಿನೇ ಹೆಚ್ಚುತ್ತಿದ್ದರೆ, ಮತ್ತೊಂದೆಡೆ ಓಮಿಕ್ರಾನ್ ಖಾಯಿಲೆ ಕೂಡ ವೇಗವಾಗಿ ಹಬ್ಬುತ್ತಿದೆ. ದೇಶದ ಹಲವೆಡೆ ಕೊರೊನಾ ಹೆಚ್ಚುತ್ತಿದ್ದು, ತೆಲಂಗಾಣದಲ್ಲೂ ಕೂಡ ಜಾಸ್ತಿಯಾಗುತ್ತಿದೆ. ಕೊರನಾ ನಡುವೆಯೂ ಚಿತ್ರದ ನಿರ್ಮಾಪಕರು ಚಿತ್ರೀಕರಣ ಪ್ರಾರಂಭ ಮಾಡೋಣ ಎಂದರೆ, ನಟಿ ಅನುಷ್ಕಾ ಶೆಟ್ಟಿ ಮುಲಾಜಿಲ್ಲದೆ ರೆಡಿಯಿಲ್ಲ ಎಂದು ಹೇಳುತ್ತಿದ್ದಾರಂತೆ.
ಕೊರೊನಾ ಮೂರನೇ ಅಲೆ ಅಂತ್ಯವಾಗುವವರೆಗೂ ನಾನು ಸಿನಿಮಾಗಳಲ್ಲಿ ನಟಿಸುವುದಿಲ್ಲ, ಶೂಟಿಂಗ್ ಮಾಡುವುದಿಲ್ಲ ಎಂದು ಹೇಳುತ್ತಿದ್ದಾರಂತೆ.! ಅವರ ಈ ವರ್ತನೆಯು ಚಿತ್ರದ ನಿರ್ಮಾಪಕರನ್ನು ತಲೆ ಮೇಲೆ ಕೈಹೊತ್ತು ಕುಳಿತುಕೊಳ್ಳುವಂತೆ ಮಾಡಿದೆಯಂತೆ. ಇನ್ನೊಂದೆಡೆ ನಟಿ ಅನುಷ್ಕಾ ಶೆಟ್ಟಿ ಅವರಿಗೆ ತಾವು ನಟಿಸಿದಂತ ಅರುಂಧತಿ ಸಿನಿಮಾಗೆ ಹದಿಮೂರು ವರ್ಷಗಳು ಕಳೆದಿರುವ ಸಂಭ್ರಮ ಮನೆಮಾಡಿದೆ. ಇದನ್ನು ಅವರು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿಕೊಂಡು ಖುಷಿ ಪಟ್ಟಿದ್ದಾರೆ.
