Ramnagara: ರಾಮನಗರ ಜಿಲ್ಲೆಯ ಬಿಡದಿ ಸಮುದಾಯ ಆರೋಗ್ಯ ಕೇಂದ್ರದಿಂದ ಬಾಣಂತಿ ಮತ್ತು ಮಗುವನ್ನು ಡಿಸ್ಚಾರ್ಜ್ ಮಾಡಲು ಲಂಚ ಕೇಳಿದ ಆರೋಪದ ಮೇಲೆ,
ಕರ್ನಾಟಕ(Karnataka) ಆರೋಗ್ಯ ಇಲಾಖೆಯು ಇಬ್ಬರು ವೈದ್ಯರನ್ನು ಅಮಾನತುಗೊಳಿಸಿದೆ ಎಂದು ರಾಜ್ಯದ ಆರೋಗ್ಯ ಸಚಿವರು ತಿಳಿಸಿದ್ದಾರೆ.
ರಾಮನಗರ ಜಿಲ್ಲಾ ಆರೋಗ್ಯಾಧಿಕಾರಿ ಕಾಂತರಾಜು ಅವರು ಇಬ್ಬರು ಆರೋಪಿಗಳನ್ನು ಡಾ.ಶಶಿಕಲಾ ಮತ್ತು ಡಾ.ಐಶ್ವರ್ಯ ಎಂದು ಗುರುತಿಸಿದ್ದಾರೆ.
ಡಿಸ್ಚಾರ್ಜ್ಗೆ ಅವಕಾಶ ಮಾಡಿಕೊಡಲು ಮಹಿಳೆಯ ಪತಿಯಿಂದ ಲಂಚ ಕೇಳುತ್ತಿರುವ ವಿಡಿಯೋ ಹೊರಬಿದ್ದ ಹಿನ್ನೆಲೆಯಲ್ಲಿ ಅವರ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ.
ಆರೋಗ್ಯ ಇಲಾಖೆಯ(Health department) ಅಧಿಕಾರಿಗಳ ಪ್ರಕಾರ, ನಾಲ್ಕು ದಿನಗಳ ಹಿಂದೆ ಗಾರ್ಮೆಂಟ್ಸ್ ಕಾರ್ಮಿಕ ಮಂಜುನಾಥ್ ಅವರ ಪತ್ನಿ ರೂಪಾಳ ಹೆರಿಗೆಯಾಗಿದೆ.
ಪತ್ನಿಯನ್ನು ಡಿಸ್ಚಾರ್ಜ್ ಮಾಡುವ ಮುನ್ನ ಇಬ್ಬರೂ ವೈದ್ಯರು 6,000 ರೂ.ಗಳಿಗೆ ಬೇಡಿಕೆ ಇಟ್ಟಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ : https://vijayatimes.com/violence-in-brussels/
ವಿಡಿಯೋದಲ್ಲಿ ಮಂಜುನಾಥ್ ಅವರು ಡಾ.ಶಶಿಕಲಾ ಅವರನ್ನು ಭೇಟಿಯಾಗಿ 2,000 ನೀಡುತ್ತಿರುವುದನ್ನು ಕಾಣಬಹುದು.
“ನಾನು ಗಾರ್ಮೆಂಟ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದೇನೆ ಮತ್ತು ತಿಂಗಳ ಅಂತ್ಯದ ಕಾರಣ ನನ್ನ ಸಂಬಳವನ್ನು ನಾನು ಇನ್ನೂ ಪಡೆದಿಲ್ಲ. ನನ್ನ ಬಳಿ ಇರುವುದು ಇಷ್ಟೇ, ದಯವಿಟ್ಟು ತೆಗೆದುಕೊಳ್ಳಿ”ಎಂದಿದ್ದಾರೆ.
ಆದರೆ, ಡಾ.ಶಶಿಕಲಾ ಅದನ್ನು ಸ್ವೀಕರಿಸಲು ನಿರಾಕರಿಸಿ, ಹೆಚ್ಚಿನ ಹಣವನ್ನು ನೀಡುವಂತೆ ಒತ್ತಾಯಿಸಿದರು. “ಇದನ್ನು ಸರ್ ಗೆ ಕೊಡಬೇಕು. ಇನ್ನು ನನ್ನ ಫೀಸ್ ಯಾವಾಗ ಕೊಡುವಿರಿ?
ಇಷ್ಟು ಹೊತ್ತು ಏನು ಮಾಡುತ್ತಿದ್ದಿರಿ? ಐದು ದಿನ ಇಲ್ಲೇ ಇದ್ದೆ ಅಲ್ವಾ?…ಇದು ನನಗಷ್ಟೇ ಅಲ್ಲ. ನಾನು ಹಣವನ್ನು ಎಲ್ಲರಿಗೂ ಹಂಚಬೇಕು..
https://youtu.be/F91wdGXU0Ic ಕೆಂಗೇರಿ ಮುಖ್ಯ ರಸ್ತಯೇ ಈಗ ಕಸ ಎಸೆಯೋ ಸ್ಥಳ!
ನೀವು ನನಗೆ 2,000 ಆಕೆಗೆ 2,000 ಮತ್ತು ಅವರಿಗೆ 2,000 ನೀಡಬೇಕು” ಎಂದು ಡಾ.ಶಶಿಕಲಾ ವಿಡಿಯೋದಲ್ಲಿ ಹೇಳಿದ್ದಾರೆ. ಮಂಜುನಾಥ್ ಮಧ್ಯಪ್ರವೇಶಿಸಿ ಡಾ.ಶಶಿಕಲಾ ಅವರಿಗೆ ಮೊತ್ತವನ್ನು ತೆಗೆದುಕೊಳ್ಳುವಂತೆ ಕೋರಿದಾಗ,
ಡಾ.ಐಶ್ವರ್ಯ ಅವರು, “ನಾವು ನಿಮಗೆ ಒಪ್ಪಿಗೆ ನೀಡಿದರೆ, ವಾರ್ಡ್‌ನಲ್ಲಿರುವ ಎಲ್ಲರೂ ಅದೇ ಕೋರಿಕೆಯೊಂದಿಗೆ ನಮ್ಮ ಬಳಿಗೆ ಬರುತ್ತಾರೆ..
ನಾವು ಪಕ್ಷಪಾತವಾಗಿರಲು ಸಾಧ್ಯವಿಲ್ಲ” ಎಂದಿದ್ದಾರೆ. ಈ ವಿಡಿಯೋದ ಆಧಾರದ ಮೇಲೆ ಇಬ್ಬರು ವೈದ್ಯರನ್ನು ಅಮಾನತು ಮಾಡಲಾಗಿದೆ. ಸರಕಾರಿ ಆಸ್ಪತ್ರೆಗಳು ಮತ್ತು ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಇಂತಹ ಭ್ರಷ್ಟಾಚಾರ(Curruption), ಅಶಿಸ್ತು, ಕರ್ತವ್ಯಲೋಪವನ್ನು ಸಹಿಸುವುದಿಲ್ಲ.
ಸಾರ್ವಜನಿಕರಿಗೆ ಆರೋಗ್ಯ ಸೇವೆ ನೀಡುವ ಮನೋಭಾವ ಹೊಂದಿರದ ವೈದ್ಯರು ಮತ್ತು ಸಿಬ್ಬಂದಿಯನ್ನು ಮುಲಾಜಿಲ್ಲದೆ ಕರ್ತವ್ಯದಿಂದ ವಜಾಗೊಳಿಸಲಾಗುವುದು ಎಂದು ಆರೋಗ್ಯ ಸಚಿವರು ಹೇಳಿದ್ದಾರೆ.
- ಮಹೇಶ್.ಪಿ.ಎಚ್