ಚುನಾವಣಾ ಬಾಂಡ್‌: ಚುನಾವಣಾ ಆಯೋಗ ಬಿಡುಗಡೆ ಮಾಡಿರುವ ದತ್ತಾಂಶದಲ್ಲಿ ಯಾವ ಪಕ್ಷಕ್ಕೆ ಎಷ್ಟು ಸಿಕ್ಕಿದೆ?

New Delhi: ಚುನಾವಣಾ ಆಯೋಗ ಚುನಾವಣಾ ಬಾಂಡ್ ಗಳ ಹೊಸ ದತ್ತಾಂಶವನ್ನು ಬಹಿರಂಗಗೊಳಿಸಿದೆ. ಸುಪ್ರೀಂಕೋರ್ಟ್ (Supreme Court) ಗೆ ಮುಚ್ಚಿದ ಲಕೋಟೆಯಲ್ಲಿ ಸಲ್ಲಿಸಲಾಗಿದ್ದ ಮಾಹಿತಿಯನ್ನು ಆಯೋಗ ಈಗ ಬಹಿರಂಗಪಡಿಸಿದೆ. ಈಗ ಬಿಡುಗಡೆ ಆಗಿರುವುದು 2019 ರ ಏ.12 ಕ್ಕಿಂತಲೂ ಹಿಂದಿನ ದತ್ತಾಂಶ ಇದಾಗಿದೆ ಎಂದು ತಿಳಿದುಬಂದಿದೆ. 2019 ರ ಏ.12ರ ನಂತರದ ಅವಧಿಯ ಚುನಾವಣಾ ಬಾಂಡ್ ವಿವರಗಳನ್ನು ಕಳೆದ ವಾರ ಆಯೋಗ ಬಿಡುಗಡೆ ಮಾಡಿತ್ತು. ಏಪ್ರಿಲ್ 12, 2019 ರ ಸುಪ್ರೀಂ ಕೋರ್ಟ್‌ನ ಮಧ್ಯಂತರ ಆದೇಶದ ನಿರ್ದೇಶನದಂತೆ ರಾಜಕೀಯ ಪಕ್ಷಗಳು ಸೀಲ್ಡ್ ಕವರ್‌ನಲ್ಲಿ ಚುನಾವಣಾ ಬಾಂಡ್‌ಗಳ ಡೇಟಾವನ್ನು ಸಲ್ಲಿಸಿವೆ ಎಂದು ಚುನಾವಣಾ ಸಮಿತಿ ಹೇಳಿಕೆಯಲ್ಲಿ ತಿಳಿಸಿದೆ.

ಕೇಂದ್ರದ ಆಡಳಿತಾರೂಢ ಭಾರತೀಯ ಜನತಾ ಪಕ್ಷವು (BJP) ಈ ಬಾಂಡ್‌ಗಳ ಮೂಲಕ 2018 ರಲ್ಲಿ ಪರಿಚಯಿಸಿದಾಗಿನಿಂದ ಗರಿಷ್ಠ ₹ 6,986.5 ಕೋಟಿ ಹಣವನ್ನು ಸ್ವೀಕರಿಸಿದೆ ಎಂದು ಚುನಾವಣಾ ಆಯೋಗದ ಅಂಕಿಅಂಶಗಳು ತೋರಿಸಿವೆ. ಪಶ್ಚಿಮ ಬಂಗಾಳದ ಆಡಳಿತ ಪಕ್ಷ ತೃಣಮೂಲ ಕಾಂಗ್ರೆಸ್ (Congress) (1,397 ಕೋಟಿ ರೂ.), ಕಾಂಗ್ರೆಸ್ (ರೂ. 1,334 ಕೋಟಿ) ಮತ್ತು ಬಿಆರ್‌ಎಸ್ ಗೆ (ರೂ. 1,322 ಕೋಟಿ) ನೀಡಿದೆ.ಜೆಡಿಎಸ್‌ ಪಕ್ಷವು ಚುನಾವಣಾ ಬಾಂಡ್‌ ಮೂಲಕ ₹89.75 ಕೋಟಿ ದೇಣಿಗೆ ಪಡೆದಿದೆ. 

ಲಾಟರಿ ಕಿಂಗ್ ಸ್ಯಾಂಟಿಯಾಗೊ ಮಾರ್ಟಿನ್ ಮಾಲೀಕತ್ವದ ಫ್ಯೂಚರ್ ಗೇಮಿಂಗ್ ಆ್ಯಂಡ್‌ ಹೋಟೆಲ್‌ ಸರ್ವೀಸಸ್‌ (Future Gaming and Hotel Services) ಸಂಸ್ಥೆಯು, ತಾನು ಖರೀದಿಸಿದ ₹1,368 ಕೋಟಿ ಮೊತ್ತದ ಚುನಾವಣಾ ಬಾಂಡ್‌ನಲ್ಲಿ ₹509 ಕೋಟಿಯನ್ನು ತಮಿಳುನಾಡಿನ ಆಡಳಿತಾರೂಢ ಡಿಎಂಕೆಗೆ ದೇಣಿಗೆ ನೀಡಿದೆ.

ಚುನಾವಣಾ ಆಯೋಗದ ಇತ್ತೀಚಿನ ಅಂಕಿಅಂಶಗಳ ಪ್ರಕಾರ 
ಒಡಿಶಾದ ಬಿಜು ಜನತಾ ದಳ (BJD) ₹ 944.5 ಕೋಟಿ ಪಡೆದು ಐದನೇ ಸ್ಥಾನದಲ್ಲಿದೆ, ಡಿಎಂಕೆ ₹ 656.5 ಕೋಟಿ ಮತ್ತು ಆಂಧ್ರಪ್ರದೇಶದ ವೈಎಸ್‌ಆರ್ ಕಾಂಗ್ರೆಸ್ ₹ 442.8 ಕೋಟಿ ಪಡೆದಿದೆ.ಅಖಿಲೇಶ್ ಯಾದವ್ ಅವರ ಸಮಾಜವಾದಿ ಪಕ್ಷವು ಒಟ್ಟು ₹ 10.84 ಕೋಟಿ ದೇಣಿಗೆಗಳನ್ನು ಬಹಿರಂಗಪಡಿಸಿದೆ, ಇದರಲ್ಲಿ ಅನಾಮಧೇಯವಾಗಿ ಅಂಚೆ ಮೂಲಕ ಸ್ವೀಕರಿಸಿದ ₹ 10 ಕೋಟಿ ಮೌಲ್ಯದ 10 ಬಾಂಡ್‌ಗಳು ಸೇರಿವೆ.

ತೆಲುಗು ದೇಶಂ ಪಕ್ಷ (TDP) ಒಟ್ಟು ₹ 181.35 ಕೋಟಿ, ಶಿವಸೇನೆ ₹ 130.38 ಕೋಟಿ, ರಾಷ್ಟ್ರೀಯ ಜನತಾ ದಳ (RJD) ₹ 56 ಕೋಟಿ, ನ್ಯಾಶನಲಿಸ್ಟ್ ಕಾಂಗ್ರೆಸ್ ಪಕ್ಷ (NCP) ₹ 50.51 ಕೋಟಿ, ಸಿಕ್ಕಿಂ ಕ್ರಾಂತಿಕಾರಿ ಮೋರ್ಚಾ ₹ 15.5 ಕೋಟಿ ಬಾಂಡ್‌ಗಳನ್ನು ರಿಡೀಮ್ ಮಾಡಿದೆ. SP ₹ 14.05 ಕೋಟಿ, ಅಕಾಲಿದಳ ₹ 7.26 ಕೋಟಿ, ಎಐಎಡಿಎಂಕೆ ₹ 6.05 ಕೋಟಿ, ನ್ಯಾಷನಲ್ ಕಾನ್ಫರೆನ್ಸ್ (NC) ಭಾರ್ತಿ ಗ್ರೂಪ್‌ನಿಂದ ₹ 50 ಲಕ್ಷ, ಸಿಕ್ಕಿಂ ಡೆಮಾಕ್ರಟಿಕ್ ಫ್ರಂಟ್ ₹ 50 ಲಕ್ಷ.AAP ಕನ್ಸಾಲಿಡೇಟೆಡ್ ದೇಣಿಗೆ ಅಂಕಿಅಂಶವನ್ನು ನೀಡಿಲ್ಲ, ಆದರೆ ಎಸ್‌ಬಿಐನ ದಾಖಲೆಗಳು ₹ 65.45 ಕೋಟಿ ಸ್ವೀಕರಿಸಿದೆ ಎಂದು ಸೂಚಿಸುತ್ತದೆ. EC ಗೆ ಸಲ್ಲಿಸಿದ ನಂತರದ ₹ 3.55 ಕೋಟಿಯನ್ನು ಲೆಕ್ಕ ಹಾಕಿದ ನಂತರ , AAP ಸ್ವೀಕರಿಸಿದ ಒಟ್ಟು ಮೊತ್ತವು ₹ 69 ಕೋಟಿಯಷ್ಟಿದೆ.

ಒಟ್ಟು 523 ಮಾನ್ಯತೆ ಪಡೆದ ಮತ್ತು ಮಾನ್ಯತೆ ಪಡೆಯದ ರಾಜಕೀಯ ಪಕ್ಷಗಳ ದತ್ತಾಂಶಗಳು ಇದರ ಭಾಗವಾಗಿದೆ, ಸುಪ್ರೀಂ ಕೋರ್ಟ್‌ನ ನಿರ್ದೇಶನದ ಮೇರೆಗೆ EC ಇದನ್ನು ಸಾರ್ವಜನಿಕಗೊಳಿಸಿದೆ. ಚುನಾವಣಾ ಬಾಂಡ್‌ಗಳನ್ನು (Electoral Bond) ಮಾರಾಟ ಮಾಡಲು ಮತ್ತು ರಿಡೀಮ್ ಮಾಡಲು ಅಧಿಕಾರ ಹೊಂದಿರುವ ಏಕೈಕ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಸಲ್ಲಿಸಿದ ಮಾಹಿತಿಯ ಆಧಾರದ ಮೇಲೆ ಕಳೆದ ವಾರ ಚುನಾವಣಾ ಸಮಿತಿಯು ಪ್ರಕಟಿಸಿದ ಮತ್ತೊಂದು ಡೇಟಾಸೆಟ್ ಅನ್ನು ಇದು ಅನುಸರಿಸಿದೆ .