ಗೌತಮ್ ಅದಾನಿ(Gautham Adhani) ಅಂದಾಜು $115.5 ಬಿಲಿಯನ್(Billion) ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ ಮತ್ತು ಗೇಟ್ಸ್ $20 ಮಿಲಿಯನ್ ದೇಣಿಗೆ ನೀಡುವ ಯೋಜನೆಯನ್ನು ಘೋಷಿಸಿದ ನಂತರ ಫೋರ್ಬ್ಸ್‌ನ(Forbes) ರಿಯಲ್-ಟೈಮ್ ಬಿಲಿಯನೇರ್‌ಗಳ ಪಟ್ಟಿಯಲ್ಲಿ ಶ್ರೇಯಾಂಕದಲ್ಲಿ ಸ್ಥಾನ ಗಳಿಸಿದ್ದಾರೆ. ಅದಾನಿ ಗ್ರೂಪ್‌ನ(Adhani Groups) ಅಧ್ಯಕ್ಷ ಗೌತಮ್ ಅದಾನಿ ಗುರುವಾರ 115.5 ಶತಕೋಟಿ ಡಾಲರ್‌ಗಳ ಅಂದಾಜು ಆಸ್ತಿಯೊಂದಿಗೆ ಮೈಕ್ರೋಸಾಫ್ಟ್(Microsoft) ಸಹ-ಸಂಸ್ಥಾಪಕ ಬಿಲ್ ಗೇಟ್ಸ್(Bill Gates) ಅವರನ್ನು ಹಿಂದಿಕ್ಕಿ ವಿಶ್ವದ ನಾಲ್ಕನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.
ಫೋರ್ಬ್ಸ್‌ನ ರಿಯಲ್-ಟೈಮ್ ಬಿಲಿಯನೇರ್‌ಗಳ ಪಟ್ಟಿಯ ಪ್ರಕಾರ, ಅವರ ನಿವ್ವಳ ಮೌಲ್ಯವು $104.6 ಶತಕೋಟಿಯಷ್ಟಿದೆ ಎಂದು ವರದಿ ತಿಳಿಸಿದೆ. ಬಿಲ್ಗೇಟ್ಸ್ ತಮ್ಮ ಸಂಪತ್ತಿನಿಂದ $20 ಶತಕೋಟಿಯನ್ನು ತಮ್ಮ ಲಾಭರಹಿತ ಸಂಸ್ಥೆಗೆ ದೇಣಿಗೆ ನೀಡುವುದಾಗಿ ಘೋಷಿಸಿದ ನಂತರ ಶ್ರೇಯಾಂಕದಲ್ಲಿ ಕುಸಿತ ಕಂಡಿದೆ. ಇಸ್ರೇಲ್‌ನ ಬಂದರಿನ ಖಾಸಗೀಕರಣದ ಟೆಂಡರ್ ಅನ್ನು ಗಡೋಟ್‌ನ ಸಹಭಾಗಿತ್ವದಲ್ಲಿ ಅದಾನಿ ಗುಂಪು ಗೆದ್ದಿದೆ ಎಂದು ಘೋಷಿಸಿದ ಕೆಲವು ದಿನಗಳ ನಂತರ ಈ ಬೆಳವಣಿಗೆಯಾಗಿದೆ. “ನಮ್ಮ ಪಾಲುದಾರ ಗಡೋಟ್‌ನೊಂದಿಗೆ ಇಸ್ರೇಲ್‌ನ ಹೈಫಾ ಬಂದರಿನ ಖಾಸಗೀಕರಣದ ಟೆಂಡರ್ ಅನ್ನು ಗೆಲ್ಲಲು ಸಂತೋಷವಾಗಿದೆ.
ಎರಡೂ ರಾಷ್ಟ್ರಗಳಿಗೆ ಅಪಾರವಾದ ಕಾರ್ಯತಂತ್ರ ಮತ್ತು ಐತಿಹಾಸಿಕ ಮಹತ್ವ” ಎಂದು ಅದಾನಿ ಟ್ವೀಟ್‌(Tweet) ಮಾಡಿ ತಿಳಿಸಿದ್ದಾರೆ. ಇಸ್ರೇಲ್‌ನ ಮೂರು ಪ್ರಮುಖ ಅಂತಾರಾಷ್ಟ್ರೀಯ ಬಂದರುಗಳಲ್ಲಿ ಹೈಫಾ ಬಂದರು ದೊಡ್ಡದಾಗಿದೆ. ಈ ಮಧ್ಯೆ ಅದಾನಿಯ ಪ್ರಮುಖ ಅದಾನಿ ಎಂಟರ್‌ಪ್ರೈಸ್ ಲಿಮಿಟೆಡ್‌ನ ಘಟಕವು ಜುಲೈ 26 ರ 5G ತರಂಗಾಂತರದ ಹರಾಜಿನಲ್ಲಿ ಭಾಗವಹಿಸಲು ಅರ್ಜಿ ಸಲ್ಲಿಸಿದೆ. ದೂರಸಂಪರ್ಕ ಇಲಾಖೆ (DoT) ಪೋಸ್ಟ್ ಮಾಡಿದ ಮಾಹಿತಿಯ ಪ್ರಕಾರ, ಜುಲೈ 8 ರಂದು ಅರ್ಜಿಯ ಮುಕ್ತಾಯದ ಸಮಯದಲ್ಲಿ ಹರಾಜಿನಲ್ಲಿ ಭಾಗವಹಿಸಲು ತಮ್ಮ ಅರ್ಜಿಯಲ್ಲಿ ಅದಾನಿ ಡೇಟಾ ನೆಟ್‌ವರ್ಕ್ಸ್ 248.35 ಕೋಟಿ ರೂ.ಗಳ ನಿವ್ವಳ ಮೌಲ್ಯವನ್ನು ತೋರಿಸಿದೆ.
ಮೇ 2022 ರಲ್ಲಿ, ಅವರು ಭಾರತದಲ್ಲಿ ಸ್ವಿಸ್ ದೈತ್ಯ ಹೋಲ್ಸಿಮ್‌ನ ಸಿಮೆಂಟ್ ವ್ಯವಹಾರವನ್ನು $ 10.5 ಬಿಲಿಯನ್‌ಗೆ ಸ್ವಾಧೀನಪಡಿಸಿಕೊಳ್ಳುವ ಸ್ಪರ್ಧೆಯನ್ನು ಗೆದ್ದಾಗ ಅವರು ಅಧಿಕೃತವಾಗಿ ಸಿಮೆಂಟ್ ವ್ಯವಹಾರವನ್ನು ತಮ್ಮದಾಗಿಸಿಕೊಂಡರು.