Visit Channel

ಬೆಂಗಳೂರಿನಲ್ಲಿವೆ 5000ಕ್ಕೂ ಆಧಿಕ ಅನಧಿಕೃತ ಬಹುಮಹಡಿ ಕಟ್ಟಡಗಳು

ಬೆಂಗಳೂರು ಅ 19 : ಸಾಲು ಸಾಲು ಕಟ್ಟಡಗಳು ನೆಲಕ್ಕುರುಳಿದ ಬಳಿಕ ಎಚ್ಚೆತ್ತುಕೊಂಡ ಬಿಬಿಎಂಪಿ ಇದೀಗ ಸರ್ವೇ ಮಾಡಿ ಅನಧಿಕೃತ ಬಹುಮಹಡಿ ಕಟ್ಟಡಗಳನ್ನು ಗೊತ್ತು ಮಾಡಿಕೊಂಡಿದೆ. ಈಗಾಗಲೇ ನಗರದಲ್ಲಿ ಕಟ್ಟಡಗಳು ಏಕಾಏಕಿಯಾಗಿ ಉರುಳುತ್ತಿವೆ. ಅಕ್ರಮವಾಗಿ ಅಂತಸ್ತುಗಳನ್ನು ನಿರ್ಮಾಣ ಮಾಡಿಕೊಂಡಿದ್ದ ಕಟ್ಟಡಗಳ ಬುಡ ಕುಸಿದು ಕಟ್ಟಡಗಳು ನೆಲಕ್ಕಚ್ಚುತ್ತಿದೆ. ಇದರ ನಡುವೆ ಪಾಲಿಕೆ ನಗರದಲ್ಲಿ 5000 ಕ್ಕೂ ಅಧಿಕ ಬಹುಮಹಡಿ ಕಟ್ಟಡಗಳು ಪತ್ತೆಯಾಗಿವೆ.

ಬೆಂಗಳೂರು ಈಗ ಆತಂಕದಲ್ಲೇ ಬದುಕುವಂತಾಗಿದೆ. ಅಲ್ಲಲ್ಲಿ ಶಿಥಿಲಾವಸ್ಥೆಯಲ್ಲಿರುವ ಕಟ್ಟಡಗಳು ನೆಲಕ್ಕುರುಳುತ್ತಿದೆ. ಬುಡ ಸಮೇತ ಬಿಲ್ಡಿಂಗ್ಗಳು ನೆಲಕ್ಕಚ್ಚುತ್ತಿದೆ. ಇದರ ನಡುವೆ ಬಿಬಿಎಂಪಿ ನಡೆಸುತ್ತಿರುವ ಸರ್ವೇಯಲ್ಲಿ ಆಶ್ಚರ್ಯಕರ ಸಂಗತಿ ಬಯಲಾಗಿದೆ. ನಗರದಲ್ಲಿ 5000ಕ್ಕೂ ಅಧಿಕ ಬಹುಮಹಡಿ ಕಟ್ಟಡಗಳು ಅನಧಿಕೃತವೆಂದು ಗೊತ್ತಾಗಿದೆ. ಬಹುಮಹಡಿ ಕಟ್ಟಡಗಳು ಎಂದರೆ, ನಾಲ್ಕು ಮಹಡಿಗಳಿಗಿಂತಲೂ ಆಧಿಕ ಅಂತಸ್ತನ್ನು ಹೊಂದಿರುವ ಕಟ್ಟಡಗಳು. ಈಗ ಪತ್ತೆಯಾಗಿರುವ ಅನಧಿಕೃತ ಬಹುಮಹಡಿ ಕಟ್ಟಡಗಳ ಬಗ್ಗೆ ವಿವರ ನೀಡುವಂತೆ ಬಿಬಿಎಂಪಿ ಅದರ ಮಾಲೀಕರಿಗೆ ಹೇಳಿದೆ.

ಕಳೆದ ಹತ್ತು ವರ್ಷದಲ್ಲಿ ಬಿಬಿಎಂಪಿಯಿಂದ ಅಧಿಕೃತವಾಗಿ ಅನುಮತಿ ಪಡೆದ ಹೈರೈಸ್ ಬಿಲ್ಡಿಂಗ್ ಗಳ ಸಂಖ್ಯೆ ಕೇವಲ 1,178. ಇವೆಲ್ಲವೂ ಪಾಲಿಕೆಯಿಂದ ಓಸಿ ಪತ್ರ ಪಡೆದ ಕಟ್ಟಡಗಳು. ಆದರೆ, ಬೆಂಗಳೂರಿನಲ್ಲಿ ಕಳೆದ ಹತ್ತು ವರ್ಷದಲ್ಲಿ ನಿರ್ಮಾಣ ಆಗಿದ್ದು ಕೇವಲ 1178 ಹೈರೇಜ್ ಬಿಲ್ಡಿಂಗ್ ಗಳಾ.? ಎಂಬ ಅನುಮಾನ ನಿಮ್ಮನ್ನೂ ಕಾಡಬಹುದು. ಹೌದು, ಕಟ್ಟಡ ನಿರ್ಮಾಣದ ನಂತರ ಬಿಬಿಎಂಪಿಯಿಂದ ಓಸಿ ಪಡೆದಿರುವ ಕಟ್ಟಡಗಳು 1178 ಮಾತ್ರ. ಆದರೆ ನಾಲ್ಕು ಅಂತಸ್ತಿಗೆ ಕಟ್ಟಡ ನಿರ್ಮಾಣಕ್ಕೆ ಅನುಮತಿ ಪಡೆದು, ತಮ್ಮಗಿಷ್ಟ ಬಂದ್ದ ಹಾಗೆ ಕಟ್ಟಡವನ್ನು ನಿರ್ಮಿಸಿಕೊಂಡಿದ್ದಾರೆ. ಇದನ್ನು ಈಗ ಸರ್ವೇ ಮಾಡಿ ಬಿಬಿಎಂಪಿ ಮಾಹಿತಿ ಕಲೆ ಹಾಕಿದೆ. ಅನಧಿಕೃತವಾಗಿ ನಿರ್ಮಾಣವಾಗಿರುವ ಬಹುಮಹಡಿ ಕಟ್ಟಡಗಳನ್ನು ಮುಲಾಜಿಲ್ಲಿದೆ ಬಿಬಿಎಂಪಿ ತೆರವು ಮಾಡುವ ಭರವಸೆ ನೀಡಿದೆ.
ಇನ್ನು ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ್ ಗುಪ್ತಾ, ಅನಧಿಕೃತವಾಗಿ ಕಟ್ಟಡಲಾಗಿರುವ ಕಟ್ಟಡವನ್ನು ಮುಲಾಜಿಲ್ಲಿದೆ ಕೆಡವಲಿದ್ದೇವೆ. ಸರ್ವೇ ಕಾರ್ಯ ಪ್ರಗತಿಯಲ್ಲಿದೆ. ಕಟ್ಟಡ ಅನಧಿಕೃತ ಅಂತ ಕಂಡು ಬಂದರೆ ಅವರಿಗೆ ಮೊದಲು ನೊಟೀಸ್ ಕೊಡಲಾಗುತ್ತೆ. ಕಟ್ಟಡ ಮಾಲೀಕರಿಗೆ ನೊಟೀಸ್ ಕೊಟ್ಟು  ಖಾಲಿ ಮಾಡಲು ಸೂಚನೆ ಕೊಡಲಾಗುತ್ತೆ. ಬಿಲ್ಡಿಂಗ್ ತುಂಬಾ ಶಿಥಿಲಾವಸ್ಥೆಯಲ್ಲಿದೆ ಎಂದರೆ ತಕ್ಷಣವೇ ಖಾಲಿ ಮಾಡಿಸಿ ಡೆಮಾಲಿಷನ್ ಮಾಡಲಾಗುತ್ತೆ. ಸರ್ವೇ ವೇಳೆ ಬಹುಮಹಡಿ ಕಟ್ಟಡಗಳು ಅಂತ ವಿಂಗಡಿಸಲಾಗುತ್ತಿಲ್ಲ. ಅನಧಿಕೃತವಾಗಿರುವ ಕಟ್ಟಡಗಳ ಬಗ್ಗೆ ಯಾವುದೇ ರಾಜಕೀಯ ಒತ್ತಡಕ್ಕೂ ಮಣಿಯದೆ ಕ್ರಮ ಕೈಗೊಳ್ಳಲಾಗುತ್ತೆ ಎಂದರು.

Latest News

China Ship
ದೇಶ-ವಿದೇಶ

ಶ್ರೀಲಂಕಾ ಬಂದರಿನಲ್ಲಿ ಚೀನಾದ ಹಡಗು ; ಭಾರತದ ಕಳವಳಕ್ಕೆ 5 ಕಾರಣಗಳು ಇಲ್ಲಿವೆ!

ಮೊದಲಿನಿಂದಲೂ ಈ ಹಡಗು ಶ್ರೀಲಂಕಾ ಬಂದರಿಗೆ ಬರುವುದನ್ನು ಭಾರತ ತೀವ್ರವಾಗಿ ವಿರೋಧಿಸಿತ್ತು. ಭಾರತದ ಕಳವಳಕ್ಕೆ ಪ್ರಮುಖ 5 ಕಾರಣಗಳೆಂದರೆ,

bjp
ರಾಜಕೀಯ

ಕಾಂಗ್ರೆಸ್ಸಿಗರಿಗೇಕೆ ಜಿಹಾದಿಗಳ ಮೇಲೆ ಇಷ್ಟೊಂದು ಪ್ರೀತಿ? : ಬಿಜೆಪಿ ಪ್ರಶ್ನೆ

ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಸಂಭ್ರಮಕ್ಕೆ ಮಸಿ ಬಳಿಯಲು ಯತ್ನಿಸಿದ ದುಷ್ಟ ಶಕ್ತಿಗಳನ್ನು ಮಟ್ಟ ಹಾಕಲಾಗಿದೆ ಎಂದು ಬಿಜೆಪಿ ತಿಳಿಸಿದೆ.

Pingali
ಮಾಹಿತಿ

ನಮ್ಮ ರಾಷ್ಟ್ರಧ್ವಜವನ್ನು ನಿರ್ಮಿಸಿದ ಪಿಂಗಳಿ ವೆಂಕಯ್ಯ, ಮೊದಲು ಬ್ರಿಟಿಷ್ ಸೈನ್ಯದಲ್ಲಿದ್ದರು ; ಇಲ್ಲಿದೆ ಓದಿ ಅಚ್ಚರಿಯ ಮಾಹಿತಿ

ದೇಶಕ್ಕೊಂದು ಧ್ವಜಕೊಟ್ಟು 100 ವರ್ಷ ಕಳೆದರೂ ಪಿಂಗಳಿ ಅವರ ನೆನಪು ಅಜರಾಮರವಾಗಿದೆ. ಪಿಂಗಳಿ ವೆಂಕಯ್ಯ ಅವರ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯನ್ನು ತಿಳಿದುಕೊಳ್ಳೋಣ ಮುಂದೆ ಓದಿ.