ಮಹಾರಾಷ್ಟ್ರದ ನೂತನ ಮುಖ್ಯಮಂತ್ರಿ ಏಕನಾಥ್ ಶಿಂಧೆ(Eknath Shinde)ನೇತೃತ್ವದ ರಾಜ್ಯ ಸರ್ಕಾರವು ಪೆಟ್ರೋಲ್ ಬೆಲೆಯ ಮೇಲಿನ ಮೌಲ್ಯವರ್ಧಿತ ತೆರಿಗೆಯನ್ನು ಪ್ರತಿ ಲೀಟರ್ಗೆ 5 ರೂ.
ಮತ್ತು ಡೀಸೆಲ್ಗೆ(Diesel) 3 ರೂ. ನಷ್ಟು ಕಡಿತಗೊಳಿಸಲು ನಿರ್ಧರಿಸಿದೆ ಹಾಗೂ ಈ ಕುರಿತು ಅಧಿಕೃತವಾಗಿ ಘೋಷಿಸಿದೆ.
ಈ ನಿರ್ಧಾರದಿಂದ ರಾಜ್ಯದ ಬೊಕ್ಕಸಕ್ಕೆ 6,000 ಕೋಟಿ ರೂ. ಹೊರೆ ಬೀಳಲಿದೆ ಎಂದು ಮಂತ್ರಾಲಯದಲ್ಲಿ(Mantralaya) ನಡೆದ ಸಂಪುಟ ಸಭೆಯ ನಂತರ ಶಿಂಧೆ ಸುದ್ದಿಗಾರರಿಗೆ ತಿಳಿಸಿದರು.
ಈ ನಿರ್ಧಾರವು ಜನರ ಕಲ್ಯಾಣಕ್ಕಾಗಿ ಶಿವಸೇನೆ-ಬಿಜೆಪಿ(Shivasena-BJP) ಸರ್ಕಾರದ ಬದ್ಧತೆಯ ಭಾಗವಾಗಿದೆ ಎಂದು ಉಪ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್(Devendra Fadnavis) ಪ್ರಕಟಣೆಯಲ್ಲಿ ಹೇಳಿದ್ದಾರೆ.
ಸಿಎಂ ಏಕನಾಥ ರಾವ್ ಶಿಂಧೆ ನೇತೃತ್ವದ ಹೊಸ ಸರ್ಕಾರವು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳನ್ನು ಕ್ರಮವಾಗಿ ಪ್ರತಿ ಲೀಟರ್ಗೆ 5 ರೂ. ಮತ್ತು ಡೀಸೆಲ್ಗೆ 3 ರೂ. ಕಡಿಮೆ ಮಾಡಲು ನಿರ್ಧರಿಸಿದೆ ಎಂದು ಘೋಷಿಸಲು ಸಂತೋಷವಾಗಿದೆ ಎಂದು ಫಡ್ನವಿಸ್ ಟ್ವೀಟ್(Tweet) ಮೂಲಕವೂ ಮಹಾರಾಷ್ಟ್ರ ಜನತೆಗೆ ತಿಳಿಸಿದ್ದಾರೆ. https://vijayatimes.com/94-year-old-wins-gold-medal/
“ಸಾಮಾನ್ಯ ನಾಗರಿಕರಿಗೆ ಅನುಕೂಲವಾಗುವಂತೆ ಗೌರವಾನ್ವಿತ ಪ್ರಧಾನ ಮಂತ್ರಿ @narendramodi ನರೇಂದ್ರ ಮೋದಿ(Narendra Modi) ಜೀ ಅವರು ಮಾಡಿದ ಮನವಿಯ ಕಡೆಗೆ ಇದು ನಮ್ಮ ಹೆಜ್ಜೆಯಾಗಿದೆ.
ಈ ನಿರ್ಧಾರಕ್ಕಾಗಿ ರಾಜ್ಯವು 6000 ಕೋಟಿ ಹೊರೆಯನ್ನು ಹೊರಲಿದೆ ಎಂದು ಹೇಳಿದರು. ಏಕನಾಥ್ ಶಿಂಧೆ ನೇತೃತ್ವದ ಮಹಾರಾಷ್ಟ್ರ ಸರ್ಕಾರವು ಪೆಟ್ರೋಲ್ ಬೆಲೆಯನ್ನು 5 ರೂ ಮತ್ತು ಡೀಸೆಲ್ ಬೆಲೆಯನ್ನು 3 ರೂ ಕಡಿಮೆ ಮಾಡಲು ನಿರ್ಧರಿಸಿರುವುದರ ಬಗ್ಗೆ ಮಹಾರಾಷ್ಟ್ರ ಜನತೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸದ್ಯ ಮುಂಬೈನಲ್ಲಿ ಪೆಟ್ರೋಲ್ ಬೆಲೆಯು ಕಳೆದ 11 ದಿನಗಳಿಂದ 111.35 ರೂ.ಗೆ ಸ್ಥಿರವಾಗಿದೆ. ಇದು ಈಗ 106.35 ವೆಚ್ಚವಾಗಲಿದೆ. ಇದೇ ಅವಧಿಯಲ್ಲಿ ಡೀಸೆಲ್ 97.28 ರೂ.ನಲ್ಲಿ ಸ್ಥಿರವಾಗಿತ್ತು. ಈಗ 3 ರೂ. ಕಡಿತದಿಂದ 94.28 ರೂ.ಗೆ ದೊರೆಯಲಿದೆ. ಜುಲೈ 14 ರಂದು ಪ್ರಮುಖ ನಗರಗಳಲ್ಲಿ ಪೆಟ್ರೋಲ್ ಬೆಲೆ ಹೀಗಿದೆ.
ನವದೆಹಲಿ : 96.72 ರೂ
ಮುಂಬೈ : 111.35 ರೂ
ಕೋಲ್ಕತ್ತಾ : 106.03 ರೂ
ಚೆನ್ನೈ : 102.63 ರೂ
ಗುವಾಹಟಿ : 96.48 ರೂ
ಜುಲೈ 14 ರಂದು ಪ್ರಮುಖ ನಗರಗಳಲ್ಲಿ ಡೀಸೆಲ್ ಬೆಲೆ
ದೆಹಲಿ : 89.62 ರೂ
ಮುಂಬೈ : 97.28 ರೂ
ಕೋಲ್ಕತ್ತಾ : 92.76 ರೂ
ಚೆನ್ನೈ : 94.24 ರೂ
ಗುವಾಹಟಿ : 84.37 ರೂ
