ಮೈಸೂರು-ಹೈದರಾಬಾದ್ ನಡುವೆ ಇಂಡಿಗೋ ಏರ್ ಲೈನ್ಸ್ ವಿಮಾನ ಸಂಚಾರ ಪುನರಾರಂಭ

ಮೈಸೂರು, ಡಿ. 28: ಕೊರೊನಾ ಸೋಂಕು ಹಾಗೂ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಸ್ಥಗಿತಗೊಂಡಿದ್ದ ಮೈಸೂರು – ಹೈದರಾಬಾದ್ ನಡುವಿನ ಇಂಡಿಗೋ ಏರ್ ಲೈನ್ಸ್‍ ವಿಮಾನಯಾನ ಸಂಚಾರ ಡಿ.28 ರಿಂದ ಪುನರಾರಂಭಗೊಳ್ಳಲಿದೆ.

ಪ್ರತಿದಿನ ಹೈದರಾಬಾದ್ ನಿಂದ ಬೆಳಗ್ಗೆ 8.35ಕ್ಕೆ ಹೊರಟು ಮೈಸೂರಿಗೆ 10.25ಕ್ಕೆ ತಲುಪಲಿದೆ. ಮೈಸೂರಿನಿಂದ ಬೆಳಗ್ಗೆ 10.50ಕ್ಕೆ ಹೊರಟು ಹೈದರಬಾದ್ ಗೆ ಮಧ್ಯಾಹ್ನ 12.50ಕ್ಕೆ ತಲುಪಲಿದೆ.

ಹೈದರಾಬಾದ್ -ಮೈಸೂರು ನಡುವೆ ಅಲಯನ್ಸ್ ಏರ್ ವಿಮಾನ ಸಂಚಾರ ಈಗಾಗಲೇ ಪ್ರಾರಂಭಗೊಂಡಿದೆ. ಅಲಯನ್ಸ್ ಏರ್ ವಿಮಾನ ಹೈದರಾಬಾದ್ ನಿಂದ ಪ್ರತಿದಿನ ಮಧ್ಯಾಹ್ನ 2.35ಕ್ಕೆ ಹೊರಟು ಮೈಸೂರಿಗೆ 3.30ಕ್ಕೆ ತಲುಪಲಿದೆ. ನಂತರ ಮೈಸೂರಿನಿಂದ ರಾತ್ರಿ 8ಕ್ಕೆ ಹೊರಟು ಹೈದರಾಬಾದ್ ಗೆ ರಾತ್ರಿ 10ಕ್ಕೆ ತಲುಪಲಿದೆ.