Bengaluru: ಸಿದ್ದರಾಮಯ್ಯ@Siddaramaiah ಅವರು ಬೆಂಗಳೂರು ಪೊಲೀಸ್‌ ಇಲಾಖೆಗೆ ಬಂಪರ್‌ ಕೊಡುಗೆ ಘೋಷಣೆ ಮಾಡಿದ್ದಾರೆ. ಹೊಸ ಹುದ್ದೆಗಳ ಜೊತೆಗೆ ಹೊಸ ಸಂಚಾರಿ ಪೊಲೀಸ್‌ ಠಾಣೆ, ಮಹಿಳಾ ಠಾಣೆ ಸ್ಥಾಪಿಸುವುದಾಗಿ ಸಿಎಂ (CM) ತಿಳಿಸಿದ್ದಾರೆ.
ಹೊಸ ಪೊಲೀಸ್‌ ಠಾಣೆಗಳ ಸ್ಥಾಪನೆ, ಹೆಚ್ಚುವರಿ ಸಿಬ್ಬಂದಿ ನೇಮಕ ಹಾಗೂ ಹೊಸ ವಾಹನಗಳ ಖರೀದಿಯಂತಹ ಬಂಪರ್‌ ಕೊಡುಗೆಗಳನ್ನು ಸುರಕ್ಷಿತ ಮತ್ತು ಸುಭದ್ರ ಬೆಂಗಳೂರು (Bengaluru) ನಿರ್ಮಾಣಕ್ಕಾಗಿ ಪ್ರಕಟಿಸಿದರು.
ಸಿಲಿಕನ್ ಸಿಟಿ #SiliconCity ಬೆಳೆದಂತೆಲ್ಲಾ ಜನಸಂಖ್ಯೆ ಹೆಚ್ಚಾಗುತ್ತಿದ್ದು, ಇದಕ್ಕೆ ಅನುಗುಣವಾಗಿ ಅಪರಾಧಗಳ ಸಂಖ್ಯೆಯೂ ಜಾಸ್ತಿಯಾಗುತ್ತಿದೆ. ನಗರದ ಜನಸಂಖ್ಯೆಗೆ ಹೋಲಿಸಿದರೆ ಪೊಲೀಸರ ಸಂಖ್ಯೆ ಕಡಿಮೆಯಿದೆ. ಹಾಗಾಗಿ ಕಾನೂನು ಸುವ್ಯವಸ್ಥೆ ಪಾಲನೆ ಮತ್ತು ಅಪರಾಧ ಕೃತ್ಯಗಳನ್ನು ನಿಯಂತ್ರಿಸುವುದು ಪೊಲೀಸರಿಗೆ ದೊಡ್ಡ ಸವಾಲಾಗಿದೆ.
ಸಿಬ್ಬಂದಿ ಕೊರತೆಯ ವಿಷಯವನ್ನು ಮನಗಂಡಿರುವ ಮುಖ್ಯಮಂತ್ರಿಗಳು ಬೆಂಗಳೂರು ಪೊಲೀಸ್‌ ಕಮಿಷನರೇಟ್‌ಗೆ (Bengaluru Police Commission) ಸೀಮಿತವಾಗಿ ವಿವಿಧ ಹಂತದ 2,454 ಹುದ್ದೆಗಳನ್ನು ಮಂಜೂರು ಮಾಡಿ ಶೀಘ್ರವೇ ನೇಮಕಾತಿ ಪ್ರಕ್ರಿಯೆ ನಡೆಸುವುದಾಗಿ ತಿಳಿಸಿದರು.
ಪ್ರತಿನಿತ್ಯ ಸಾವಿರಾರು ಹೊಸ ವಾಹನಗಳು ರಸ್ತೆಗಿಳಿಯುತ್ತಿದ್ದು, ಸುಮಾರು 1.10 ಕೋಟಿ ನಗರದಲ್ಲಿ ವಾಹನಗಳಿದೆ ಅಲ್ಲದೆ ಸಂಚಾರ ಸಮಸ್ಯೆಯು ನಗರವನ್ನು ಬೆಂಬಿಡದೆ ಕಾಡುತ್ತಿದ್ದು, ಈ ಸಮಸ್ಯೆಯ ಪರಿಹಾರಕ್ಕಾಗಿ ಹೊಸದಾಗಿ 5 ಸಂಚಾರ ಪೊಲೀಸ್‌ ಠಾಣೆಗಳು ಮತ್ತು ಮಹಿಳೆಯರ ಸುರಕ್ಷತೆಗಾಗಿ 6 ಮಹಿಳಾ ಠಾಣೆಗಳನ್ನು ಆರಂಭಿಸುವುದಾಗಿ ಮುಖ್ಯಮಂತ್ರಿಗಳು ಘೋಷಿಸಿದರು.
ಕಳೆದ ಬಾರಿ ಸಿದ್ದರಾಮಯ್ಯ ಅವರ ನೇತೃತ್ವದ ಕಾಂಗ್ರೆಸ್‌ (Congress) ಸರ್ಕಾರ ಅಧಿಕಾರದಲ್ಲಿದ್ದಾಗ 2016-17ನೇ ಸಾಲಿನ ಬಜೆಟ್‌ನಲ್ಲಿ ಪೂರ್ವ ಮತ್ತು ಪಶ್ಚಿಮ ವಿಭಾಗದಲ್ಲಿ ನಗರ ಸಶಸ್ತ್ರ ಮೀಸಲು ಪೊಲೀಸ್‌ ಪಡೆ (ಸಿಎಆರ್‌) ಘಟಕಗಳನ್ನು ಆರಂಭಿಸುವುದಾಗಿ ಘೋಷಿಸಲಾಗಿತ್ತು.
ಪಶ್ಚಿಮ ವಿಭಾಗದಲ್ಲಿ ಈ ಪೈಕಿ ಸಿಎಆರ್‌ (CAR) ಘಟಕ ಕಾರ್ಯಾರಂಭ ಮಾಡಿದೆ. ಈಗ 60 ಕೋಟಿ ರೂ. ಅಂದಾಜು ವೆಚ್ಚದಲ್ಲಿಪೂರ್ವ ವಿಭಾಗದಲ್ಲೂ ಸಿಎಆರ್‌ ಘಟಕ ಆರಂಭಿಸುವುದಾಗಿ ಮುಖ್ಯಮಂತ್ರಿಗಳು ಭರವಸೆ ನೀಡಿದರು.
ಭವ್ಯಶ್ರೀ ಆರ್.ಜೆ