ಕೊಡಗಿನ ಕುವರಿ ನಟಿ ಹರ್ಷಿಕಾ ಪೂಣಚ್ಚ ಉತ್ತರ ಭಾರತದ ಕಡೆ ಮುಖ ಮಾಡಿದ್ದಾರೆ . ಅದು ಸಿನಿಮಾ ಕಡೆ ಅನ್ನೋದು ಖುಷಿಯ ವಿಚಾರ . ಭೋಜ್ ಪುರಿ ಚಿತ್ರದಲ್ಲಿ ಹರ್ಷಿಕಾ ಪೂಣಚ್ಚ ಮಿಂಚಲಿದ್ದಾರೆ ಬೋಜ್ ಪುರಿಯ ಸೂಪರ್ ಸ್ಟಾರ್ ಪವನ್ ಸಿಂಗ್ ಗೆ ನಾಯಕಿಯಾಗಿ ಹರ್ಷಕಾ ಕಾಣಿಸಿಕೊಳ್ಳಲಿದ್ದಾರೆ .
ಇದರ ಬಗ್ಗೆ ಸ್ವತ: ಹರ್ಷಿಕಾ ಸ್ಪಷ್ಟನೆ ನೀಡಿದ್ದು ಭೋಜ್ ಪುರಿ ಸಿನಿಮಾವನ್ನು ಆರಂಭಿಸುತ್ತಿದ್ದೇನೆ. ನಿಮ್ಮೆಲ್ಲರ ಆಶೀರ್ವಾದ ಬೇಕು ಎಂದು ನಟ ಪವನ್ ಸಿಂಗ್ ಜೊತೆಗಿನ ಫೋಟೋಗಳನ್ನು ಟ್ವಿಟರ್ ನಲ್ಲಿ ಶೇರ್ ಮಾಡಿದ್ದಾರೆ .
ಈಗಾಗಲೇ ಚಿತ್ರದ ಶೇ ೫೦ ರಷ್ಟು ಭಾಗ ಶೂಟಿಂಗ್ ಲಂಡನ್ ನಲ್ಲಿ ಮುಗಿದಿದ್ದು ; ಶ್ರೀಮಂತ ಹುಡುಗಿಯಾಗಿ ಹರ್ಷಿಕಾ ಚಿತ್ರದಲ್ಲಿ ಮಿಂಚಲಿದ್ದಾರೆ .ಚಿತ್ರದ ಟೈಟಲ್ ಇನ್ನೂ ಫೈನಲಾಗಿಲ್ಲ ಅನ್ನೋ ಮಾಹಿತಿ ಸಿಕ್ಕಿದ್ದು ಸದ್ಯದಲ್ಲೇ ರಿವಿಲ್ ಆಗಲಿದೆ ಹರ್ಷಿಕಾ ಕನ್ನಡ , ತೆಲುಗು , ಕೊಡವ, ಮಲಯಾಳಂ ತಮಿಳು ಭಾಷೆಗಳಲ್ಲಿ ಮಿಂಚಿದ್ದು ಭೋಜ್ ಪುರಿಗೆ ಕಾಲಿಡೋದರ ಮೂಲಕ ಹೊಸ ದಾಖಲೆ ಬರೆಯುತ್ತಿದ್ದಾರೆ .